Borxhet e Enverit, qeveria i jep Zvicrës 6 milionë USD

Borxhet e Enverit, qeveria i jep Zvicrës 6 milionë USD
U morën nga ndërmarrjet shtetërore në fund të viteve ‘90
Një pjesë e tregtisë, zhvilluar kryesisht në fund të viteve ‘90, mes qeverisë komuniste dhe vendeve të ndryshme, rezulton se nuk është e mbyllur plotësisht në aspektin e shlyerjes së detyrimeve. Aktualisht, Shqipëria ka një borxh që shkon deri në 500 miliardë lekë, ku një pjesë e saj janë "kontribut" i sistemit të atëhershëm, i cili kryente tregti me anë të ndërmarrjeve shtetërore të autorizuara për këtë qëllim dhe vendeve përtej kufirit. Për një pjesë të mallit, ose shërbimit të marrë nga kompanitë e huaja, rezulton se nuk është shlyer, por për ta pak rëndësi ka se kush është në qeveri, tani pas 17 vjetësh nga ndryshimi i sistemit. Për këtë qëllim, qeveria shqiptare ka vendosur si synim të saj shlyerjen e të gjitha borxheve të vjetra, duke i riskeduluara ato. Me kalimin e viteve, detyrimet e prapambetura kanë ardhur duke u rritur, si rrjedhojë e interesave, por edhe ndaj vendimeve të humbura nëpër gjykatat evropiane, siç është rasti konkret i Gjykatës së Londrës, ku gjashtë kompani zvicerane kanë kërkuar paratë e tyre për shërbimin që iu është ofruar, jo kësaj qeverie, e cila po i shlyen, por para 17-18 vjetëve, kur dhe gjendja e ekonomisë shqiptare ndodhej në ditët më të vështira. Për ta mbyllur kapitullin e borxheve të vjetra, qeveria ka sjellë në Parlament një projektligj, i cili detajon situatën ku ndodhet vendi në raport me gjashtë kompani. Ligji, i cili pritet të diskutohet së shpejti në Komisionin e Ekonomisë, konsiston në shumën prej rreth 6 milionë dollarësh dhe rreth 830 mijë frangash zvicerane (rreth 800 mijë dollarë), detyrim ndaj kompanive të huaja. Në fakt, qeveria duhet të paguante më tepër se kaq, por pas negociatave të vazhdueshme mes shoqërive të huaja dhe Komitetit Qeveritar të Bisedimit të Borxhit të Jashtëm, u ra dakord që të mos kërkohen detyrimet që rrjedhin nga interesat, nga çasti i krijimit të borxhit deri në çastin e fillimit të shlyerjes së saj. Nga shuma në fjalë, qeveria i detyrohet rreth 5 milionë dollarë vetëm një shoqërie, "Andre & Cie", e cila kishte fituar gjyqin në Gjykatën e Londrës për të përfituar interesat, ndërsa si dënim qeveria shqiptare mori një gjobë, duke e fryrë disi detyrimin. Sipas ligjit, i cili ka mbërritur dje në Kuvend, shuma e borxhit në total prej 6.7 milionë dollarësh, duhet të shlyhet me një këst të vetëm, duke filluar që prej korrikut të këtij viti. Në rast se nuk kryhet një gjë e tillë nga qeveria jonë, atëherë si penalizim për vonesat do të marrë një 3 për qind, e cila i shtohet çdo vit shumës totale.
Shqip

Borxhe, ne kohen e dulles? Po a nuk thuhej atehere qe jemi shtet pa borxhe? Buka nven, patatet nven, lakrat nven, bari nven bashke me çelikun nven.... Kesaj i thone; dhe telashet skan te sosur.

Ene borxhet e dulles kishim mangut.