“Bashkëmoshatarë, mos bëni gabime që ju kushtojnë gjithë jet

“Bashkëmoshatarë, mos bëni gabime që ju kushtojnë gjithë jetën!”



Letër e nënshkruar Dajana Hyskaj, nxënëse
27-01-2008


Shumë adoleshente presin që adoleshenca të jetë ''stina'' më e bukur e jetës! Duke u nisur nga ky fakt, ata i jetojnë ato ditë të adoleshencës sikur të ishin ditët e fundit. Shfrenohen pa e menduar pasojën e mëvonshme, pa kontrolluar veten e tyre, mbajnë ''kampion'' për gabime të njëpasnjëshme.

Kemi dëgjuar, dëgjojmë dhe për fat të keq më duket se do të vazhdojmë të dëgjojmë se sa shumë adoleshentë humbasin kontrollin e vetes dhe për pasojë, humbasin edhe jetën e tyre.

ALKOOLI - ndonëse për ta nuk ka asnjë shije të mirë, e pinë pikërisht sepse nuk u lejohet.

DUHANI - është gjëja e dytë që provojnë. Sigurisht që as ky nuk ka shije të mirë, por vazhdojnë ta pinë sepse nuk lejohet. Doni të dini cila është gjëja e tretë? E dinë të gjithë adoleshentët dhe mosha e re.

Marrëdhëniet seksuale. Të parakoshshme dhe të pambrojtura.

E pastaj, vjen DROGA. Këtë e lashë të fundit, sepse është edhe fundi i një jete të sapofilluar. Unë i bëj një apel gjithë moshatarëve të mi sepse dhe unë jam një adoleshente: Merrini gjërat shtruar, çdo gjë ka kohën e vet.
Mos bëni nga ato gabime që do t’ju kushtojnë pasoja për gjithë jetën! Secili prej nesh mund të gjejë pak ndjenjë përgjegjësie brenda vetes.

Apale te tilla do te ishte mire te beheshin me shpesh nga te rinj shqiptar e nga drejtime te tjera. eshte ajo qe eshte theksuar dhe ne diskutime te tjera ketu qe rinia shqiptare per fat te keq po perjeton krizen e gjetjes se vetvetes. Edukimi i rinise ende nuk po merret seriozisht nga strukturat shteterore dhe jo shtetero shqiptare, qe do te thote se kjo agoni ne jeten e rinise shqiptare do te zgjase. Ne kete pike çdo i ri dhe e re shqiptare duhet te bejne vete diçka per te ardhmen e tyre. Pra rinia duhet ti marre vete ne dore te ardhmen e saj duke u organizuar dhe duke i hapur lufte ketyre fenomeneve, si dhe duke apeluar per mbeshtetje.

Te rinj me nje jete te shfrenuar ne shoqeri ne tranzicion.

Une i bashkohem apelit me siper dhe do te doja qe kete ta benin edhe shume te tjere, duke i bere thirrje te rinjve qe ti perkushtohen me shume pergatitjes se bazes per nje te ardhme te sigurte, duke ju kushtuar me shume studimeve dhe veprimtarive te tjera me karakter shoqeror sesa sefrimit te shfrenuar neper klube nate ku perveç se shkaterrohen asgje tjeter nuk perfitojne.