Ilaçi natyror për të luftuar sëmundjet

Ilaçi natyror për të luftuar sëmundjet
Sipas ekspertëve, marrëdhëniet e rregullta seksuale luftojnë stresin, të ndihmojnë të flesh i/e qetë, madje mund të shmangin rrezikun e kancerit të gjirit te femrat

Të bërit dashuri nuk ju bën vetëm të ndiheni mirë. Ajo djeg kaloritë, mbron sistemin imunitar, madje mund të reduktojë rrezikun e kancerit. Sipas ekspertëve, marrëdhëniet e rregullta seksuale luftojnë stresin, të ndihmojnë të flesh i/e qetë, madje mund të shmangin rrezikun e kancerit të gjirit te femrat.

Të ndjerit më mirë ishte një ndër 237 arsyet se përse njerëzit bëjnë dashuri, sipas kërkimit të zhvilluar vitin e kaluar nga shkencëtarët e Universitetit të Teksasit. Në fakt, kjo nuk është aspak një surprizë edhe për autoren amerikane të librit "Si mund të keni marrëdhënie të shkëlqyera seksuale për gjithë jetën?" Ajo është krejtësisht e bindur se një jetë e shëndetshme seksuale me partnerin të cilin dashuroni mund ta ndryshojë në mënyrë të çuditshme gjendjen tuaj fizike, apo shpirtërore. "Pas marrëdhënieve seksuale, trupi lëshon endrofinë, e njohur ndryshe si hormoni i lumturisë, pasi ndryshon humorin", tregon ajo. "Nga këndvështrimi fizik është njëlloj si të kënaqesh me një shëtitje, apo të bësh not. Por, nëse kryeni marrëdhënie seksuale me dikë që e dashuroni, ju bën të ndiheni të mbrojtur, duke rritur njëkohësisht edhe vetëvlerësimin". Megjithatë, kushti është se nëse eksperiencat tuaja seksuale nuk janë të këndshme, ato mund të kenë një impakt negativ mbi sistemin tuaj nervor. Të bërit dashuri redukton ndjeshëm akthin, përqindjet për sëmundjet nervore, depresionin dhe vetëvrasjet. Një studim i vitit 2004 me burra nga katër kultura të ndryshme, tregoi se kënaqësia seksuale ishte e lidhur në mënyrë të drejtë me rritjen e shpeshtësisë së marrëdhënieve seksuale dhe në mënyrë të zhdrejtë me depresionin. Gjatë orgazmës trupi prodhon oksitocinë, një hormon i lidhur me një gamë efektesh pozitive fizike dhe psikologjike, më kryesorja, ndër të cilat është impakti mbi gjumin. "Nuk ka asnjë dyshim se seksi është qetësues dhe në këtë mënyrë ndihmon për të luftuar pagjumësinë", tregon doktor David Delvin, një specialist për mjekësinë seksuale. "Shumë njerëz e përdorin seksin si mënyrë më të mirë për të fjetur. Kjo i detyrohet oksitocinës gjatë zgjimit dhe orgazmës, një qetësues natyral". E mbështetur edhe nga një studim i bërë në vitin 2000, sipas të cilit 32 për qind nga 1866 femra të pyetura, treguan se masturbimi për tre muaj rresht i kishte ndihmuar ato të flinin të qeta. Një tjetër impakt pozitiv i seksit lidhet edhe me stresin. Në një studim në gazetën "Biological Psychology", me 24 gra dhe 22 burra, shkencëtarët kanë monitoruar aktivitetin e tyre seksual. Kërkuesit i vëzhguan ata në situata stresuese, si të folurit në publik, apo ushtrimet e vështira matematike. Njerëzit që kishin pasur marrëdhënie seksuale i përgjigjeshin më mirë situatave stresuese se të tjerët. Sipas autores së librit, Julia Cole, është e lidhur edhe me efektin qetësues që ka kontakti me trupin e një tjetër personi. "Një numër i madh kërkimesh kanë treguar se prekja ose kontakti ka një efekt qetësues mbi qeniet njerëzore, pavarësisht nëse vazhdon më tej me marrëdhënie seksuale apo jo. Sigurisht që të prekurit nga një person që ju doni e dyfishon efektin qetësues", thotë ajo. Përveç kënaqësisë që të dhuron prekja apo përkëdhelja, që mendohet se ka një efekt biokimik, reduktohen ndjeshëm nivelet e kortizolit, hormoni që prodhohet kur jemi të stresuar. Të bërit dashuri një herë apo dy herë në javë, lidhet me nivelet e larta të një antitrupi të quajtur imunoglobulia A, ose IGA, që mund t‘ju mbrojë nga ftohjet apo llojet e tjera të infeksioneve. Shkencëtarët në Universitetin e Wilkes në Amerikë testuan nivelet e IGA në 122 studentë kolegji, që treguan edhe mbi shpeshtësinë e aktivitetit të tyre seksual. Studentët që kishin marrëdhënie më të shpeshta kishin nivele më të larta të IGA-së se ata që nuk kishin fare, ose bënin seks më pak se një herë në javë. Paula Hall, një terapiste e marrëdhënieve psiko-sociale, mendon gjithashtu se impakti i seksit në mirëqenien e përgjithshme të organizmit ndikon në rritjen e imunitetit të trupit. "Të gjitha efektet pozitive psikologjike kanë një impakt në shëndetin fizik, i tillë si sistemi imunitar. Ju e dini se kur ndiheni mirë, organizmi i lufton më mirë sëmundjet. Me pak fjalë, sa më të shëndetshëm të jemi psikologjikisht dhe emocionalisht, aq më të shëndetshëm jemi fizikisht", thotë ajo. Ejakulacionet e shpeshta mund të reduktojnë rrezikun e kancerit të prostatës tek meshkujt në moshë të madhe, sipas një studimi australian. Kur vëzhguan meshkuj me kancer në prostatë dhe ata të shëndetshëm, shkencëtarët gjetën se meshkujt që kishin pasur të paktën katër ose pesë ejakulacione në javë në moshën 20-vjeçare reduktonin rrezikun për t‘u prekur nga kjo lloj sëmundje me një të tretën. "Faktet tregojnë se burrat që masturbonin rregullisht në rini janë më pak të prirur për t‘u prekur nga kanceri i prostatës dhe pse askush nuk e di arsyen e vërtetë se përse ndodh kjo", konfirmojnë doktorët. Nga ana tjetër, kërkuesit sugjerojnë se aktiviteti i rregullt seksual mund të ndihmojë gratë të shmangin kancerin e gjirit. Një studim i bërë në 1989-ën, kur u ekzaminuan 146 gra franceze, zbuloi se kishin rrezik më të madh për t‘u prekur nga kanceri i gjirit gratë që kryenin marrëdhënie intime më pak se një herë në muaj. Raportet seksuale dhe orgazma janë çelësi i një marrëdhënieje dashurie të gjatë dhe të shëndetshme, sipas asaj që tregojnë studimet e ndryshme. Edhe këtë herë gjithçka i detyrohet oksitocinës. "Oksitocina, e quajtur edhe ‘hormoni i raportit‘, çlirohet kur gratë lindin dhe është pjesë e marrëdhënies me fëmijët. Ajo është e pranishme edhe te njerëzit që kanë shumë kohë të lidhur me njëri-tjetrin dhe gjatë kontakteve seksuale. Ky efekt është një nga arsyet se pse njerëzit vazhdojnë të kenë marrëdhënie seksuale, pasi kanë zbuluar se janë pjellorë", thotë Julia Cole. Kjo vërtetohet nga kërkuesit e Universitetit të Pitsburgut, sipas të cilit sa më shumë kontakte të kenë gratë, aq më të larta janë nivelet e oksitocinës. Për më tepër, seksi është i lidhur me reduktimin e dhimbjeve me një gamë të gjerë gjendjesh, që përfshin dhimbjen e shpinës, migrenën, artritin dhe simptomat paramenstruale. Edhe këtu gjithçka u detyrohet hormoneve. "Seksi rrit nivelin e endrofinës, qetësuesin natyral të organizmit", konfirmojnë doktorët.

Oksitocina është e lidhur gjithashtu me qetësimin e dhimbjeve. Në vitin 2001, dy studime te një burrë dhe një grua për lidhjen mes orgazmës dhe migrenës treguan se orgazma luante një rol thelbësor në qetësimin e dhimbjeve. Po ashtu, një studim më i hershëm me 83 gra që vuanin nga migrena tregoi se orgazma qetësonte dhimbjen e më shumë se gjysmës së grave. Kjo formë qetësimi është më e efektshme se përdorimi i ilaçeve dhe për më tepër nuk kushton asgjë. Një tjetër studim i madh në lidhje mes seksit dhe vdekshmërisë u zhvillua për një periudhë dhjetëvjeçare në Uellsin e Jugut. Në këtë studim, 918 meshkuj u ekzaminuan fizikisht dhe u pyetën se sa shpesh e arrinin orgazmën. Pas dhjetë viteve u zbulua se rreziku i vdekshmërisë ishte rreth 50 për qind më i ulët te meshkujt që arrinin shpesh orgazmën, rreth një apo dy herë në javë. "Ka pasur një numër të madh kërkimesh se përse njerëzit e lidhur jetojnë së bashku. Ne e dimë se të kesh një marrëdhënie të fortë është një tregues i jetëgjatësisë dhe jeta e shëndetshme seksuale është pjesë e padiskutueshme e kësaj", përfundojnë ekspertët.
Shqip

Ska nevoj me bo studime hejç. Dihet se dashneja o iliaç. Dashnoje i ka çu njerzit ntok, dashneja i ka ngrejt nkam.

E megjithate artikulli thote se do te kishim seks te shendetshem nese do benim seks dy here ne jave. Edhe diku tjeter kem lexuar se qe te kesh nje marredhenie seksuale te shendetshme dhe normale duhet te besh seks nje here ne tre dite.