Ja sa shpenzojnë shqiptarët

Ja sa shpenzojnë shqiptarët
Anketa e Buxhetit të Familjes 2006-2007, e prezantuar nga INSTAT jep një vlerësim dhe krahasueshmëri të buxhetit të familjes shqiptare në rang prefekturash në vend, por dhe në bazë të zonave, atyre urbane dhe atyre rurale. Sipas drejtoreshës së INSTAT Ines Nuja, në bazë të anketimit, Tirana paraqet me konsumin më të lartë në vlerë, krahasuar me të gjitha prefekturat e tjera. Kështu një familje e kryeqytetit rezulton të shpenzojë mesatarisht në muaj rreth 83.817 lekë.

Prefekturat që paraqesin shpenzimet më të larta për konsum pas Tiranës, janë Durrësi dhe Gjirokastra, me konsum familjar përkatësisht 82.905 dhe 82.815 lekë. Ndërsa, prefekturat me nivel më të ulët të shpenzimeve për konsum janë ato të Dibrës dhe Beratit, përkatësisht me 51.262 dhe 54.146 lekë për familje në muaj.

Ndërkohë, realizimi për herë të parë i Anketës së Buxhetit të Familjes në Shqipëri dhe në zonën rurale bën të mundur krahasimin e kësaj zone me atë urbane. Kështu, nga të dhënat rezulton se kuota më e lartë e buxhetit total të familjeve, shpenzimet ushqimore, arrijnë në 49.5 përqind në zonën rurale, kundrejt 45.8 përqind në zonën urbane.

Përsa i përket pijeve alkolike dhe duhanit, në zonën rurale shpenzimet zënë 4.9 përqind të shpenzimeve të buxhetit të familjes, kundrejt 3.8 përqind, që është në zonën urbane. Ndërsa, shpenzimet për hotele dhe restorante në zonat rurale zënë një përqindje perj 4.8 përqind, kundrejt 5.2 që është në zonat urbane.

Zona rurale paraqet një përqindje më të lartë të shpenzimeve për transport, rreth 6.7 të buxhetit të familjes, kundrejt 5.8 përqind në zonat urbane. Në zonën rurale rezulton të ketë një përqindje më të madhe të shpenzimeve për kujdes shëndetësor me 4.4 përqind, kundrejt 3.8 përqind në zonat urbane, si dhe mirëmbajtje dhe mobilim i banesës, me 4.4 përqind, kundrejt 3.8 përqind në zonat urbane.

Për shërbimet e banesës, zonat urbane shpenzojnë rreth 8.2 përqind, kundrejt 6.4 në zonat rurale, për komunikim, 3.5 përqind, kundrejt 2.3 në zonat rurale, për arsim, 2.3 përqind kundrejt 1.0 përqind në zonat rurale, argëtim dhe kulturë, 3.5 përqind kundrejt 2.7 përqind në zonat rurale, si dhe mallra dhe shërbime të tjera, 6.1 përqind kundrejt 4.9 përqind në zonat rurale.

Analiza e shpërndarjes së nivelit të shpenzimeve për konsum tregon që 90 përqind e familjeve shqiptare shpenzojnë mesatarisht rreth 60 mijë lekë në muaj dhe vetëm 10 për qind e familjeve në Shqipëri shpenzojnë rreth 153 mijë lekë në muaj për familje.

Përsa i përket shpërndarjes së shpenzimeve të konsumit, sipas tipit të familjes, rezulton se familjet e përbëra nga 1 person dhe çiftet pa fëmijë, shpenzojnë më shumë për ushqim, krahasuar me tipet e tjera të familjeve. Gjithashtu, familjet me një person të vetëm dhe çiftet pa fëmijë shpenzojnë më shumë se tipet e tjera të familjes për kujdes shëndetësor dhe për banesën, me përkatësisht 9.6 dhe 8.7 përqind. Ndërsa, shpenzimet për arsim, apo për veshje dhe këpucë, janë më të larta me familjet me 1 dhe 2 fëmijë. Po kështu, prezenca e fëmijëve sjell shpenzime më të larta në transport komunikim, si dhe zërin restorante dhe hotele.
Start

Ne Shqiperi u shpenzoka pothuajse sa ne perendim.

Puna eshte se sa blejne me parate qe shpenzojne. Megjithese çmimet tani jane rritur kudo

E drejte. Me kujtohet ne fillim e blija buken ketu me 40cent euro afersisht, ndoshta dhe me pak, kurse sot e blej me dy euro. Po keshtu ka rritje te çmimeve edhe ne produktet e tjera ushqimore. Me kujtohet se deri ne muajin qe u fut euro me 200 franga ne jave (40-50 euro ) maksimumi mbushja karrocen plot, kurse tani per te njejtat produkte ushqimore me duhet te shpenzoj mesatarisht 120 euro ne jave.

Ne e mbushim karrocen, kurse ne Shqiperi nuk behet fjale per karroca po per qeska plasmasi. Edhe ato nuk mbushen. Skandal.

Edhe ato qe i mbushin i mbushin me produkte te skaduara.