Me dashuri apo mblesëri

Martesat me detyrim pa pëlqimin e të rinjve, janë martesat pas fejesave në djep, martesat e vajzave të vogla të detyruara nga prindërit, martesa e detyruar e vajzave të përdhunuara seksualisht, martesa e detyruar e vajzave të mbetura shtatzëna,

Nga Dr. Adem Harxhi
Diel, 26 Tetor 2008 11:14:00

Cila martesë është më e mirë, ajo e lidhur me dashuri, apo ajo e lidhur me mblesëri?
Përpara se të përgjigjem dua të bëj një sqarim. Në martesat me mblesëri duhet të dallojmë dy soje të tyre:
a-martesa me forcë, kundër dëshirës së vajzës ose djalit
b-martesa me mblesëri me pëlqimin e vajzës dhe të djalit.
Martesat me detyrim pa pëlqimin e të rinjve, janë martesat pas fejesave në djep, martesat e vajzave të vogla të detyruara nga prindërit, martesa e detyruar e vajzave të përdhunuara seksualisht, martesa e detyruar e vajzave të mbetura shtatzëna, ose martesat e detyruara që bëhen për përfitime materiale të prindërve, e shumë të tjera.
Martesat e detyruara duhet të trajtohen si ndërhyrje kriminale, ashtu si dhe të gjitha krimet e tjera në familje. Vetëm po të trajtohen kështu, shoqëria do të jetë në gjendje të mbrojë vajzat e reja nga krimi i martesës së detyruar..
Si shoqëri, ne nuk kemi bërë asgjë për këto raste. Këto nuk janë çështje me sensibilizim kulturor, as nuk kanë të bëjnë me besimin fetar, që shoqëria të pengohet të veprojë. Këto janë akte kriminale, kundër të cilave duhet të ngrihemi të gjithë. Ato janë pjesë e mentalitetit patriarkal, ku prindërit besojnë se dinë çfarë është më e mira për fëmijët e tyre.
Në disa vende mendohet se po të kriminalizohen martesat e detyruara, pra ato të konsiderohen krim, ato do të shkojnë edhe më tej dhe do të fshihen edhe më mirë. Sepse njerëzit nuk duan t’u merren vesh problemet familjare.
Ka shumë vajza që lënë shkollat të detyruara, kundër dëshirës së tyre, që të kryejnë martesa të detyruara. Në këto raste, shkollat nuk bëjnë asgjë për të mbrojtur këto vajza dhe për t’ikthyer ato përsëri në shkollë.
Ne nuk kemi studime që të tregojnë, se sa martesa të tilla kemi dhe cili është fati i tyre, por, për të krijuar një ide për përmasat e krimit të martesave të detyruara, le të sjellim pak të dhëna nga një njoftim i para disa muajve nga Anglia.
Sipas AFP-së, numri i martesave të detyruara të vajzave të reja, është shumë më i lartë nga sa mendohej të ishte. Ndërkohë që organet shtetërore në Angli raportojnë 300 raste çdo vit, e vërteta është se ato janë më shumë se 4000. Ka 300 kërkesa për këto martesa çdo vit vetëm në një qytet, siç është Lutoni.
Kjo është maja e ajsbergut, sepse siç dihet,raportohen vetëm 10 deri 12 përqind e rasteve me përdhunim dhe violencë shtëpiake, rastet e tjera mbahen të fshehura.
Në martesat e detyruara, kundër dëshirës, marrëdhënia martesore shumë shpesh është e paqëndrueshme, e dhunshme, me krime brenda saj dhe divorci ka përqindje të lartë.
Nga sa thashë më sipër, kuptohet që martesat e detyruara, kundër dëshirës, duhet të kundërshtohen me forcë nga opinioni dhe të ndalohen ligjërisht.
Soji tjetër i martesave me mblesëri, janë ato kur, një shok, një i afërt, një familjar ose kushdo tjetër që i njeh dy të rinjtë, mendon se këta janë të përshtatshëm për t’u martuar me njëri-tjetrin dhe ofron opinionin dhe ndihmesën e tij për këtë bashkim. Dy të rinjtë dhe familjet e tyre, pasi hetojnëdhe studiojnë rastin, në fund vendosin të martohen me dëshirën e tyre të plotë..
Kjo soj martese, për mendimin tim, nuk ka asgjë të keqe, madje, statistikat tregojnë se këto martesa janë më të qëndrueshme. Përqindja e divorcit është e ulët, shumë më e ulët se në martesat e lidhura me dashuri pasionante.
Ka disa arsye që shpjegojnë pse martesat e lidhura me dashuri janë jo shumë të qëndrueshme.
1-Shkencëtarët kanë zbuluar se dashuria, para së gjithash, është një adiksion kimik midis njerëzve.
Dashurinë dhe pasionin e shikoj në mënyrë materialiste, sepse u besoj teorive që e shohin atë si një seri proceseshkimike që ndodhin në neuronet trunore. Gjatë gjithë historisë njerëzore, kanë qenë artistët, poetët, dramaturgët dhe psikologët që kanë nxitur përparime të mëdha në kuptimin e dashurisë njerëzore. Romanca, ka qenë konsideruar si e pashpjegueshme, ashtu siç konsiderohej dikur edhe bukuria e ylberit. Por, në ditët e sotme, shkencëtarët e kanë sfiduar këtë nocion dhe kanë thënë shumë gjëra që shpjegojnë si dhe pse njerëzit dashurojnë njëri-tjetrin.
Sa për fillim, le të themi se të gjitha marrëdhëniet, çfarëdo qofshin ato, të prindërve me fëmijët, midis partnerëve dhe të kolegëve me njëri-tjetrin,kanë për bazë aftësinë për të krijuar dhe mbajtur lidhjet sociale.
Në vitin 2000, Andrea Barteli dhe Semir Zeki të “University College” në Londër, na dhanë dy surpriza. E para, Ata gjetën një zonë relativisht të vogël në trurin e njeriut që aktivizohet kur personi ka rënë në dashuri. Supriza e dytë ishte se, zona trunoreaktive e personit të rënë në dashuri, nuk është e njëjta zonë që aktivizohet në gjendjet e tjera emocionale, siç është frika dhe ankthi.
Pjesët e trurit që lidhen me dashurinë, janë po ato zona që janë përgjegjëse për ndjenjën e mirëqenies dhe me zonën që jep euforinë nga drogat, siç është kokaina. Kështu truri i njerëzve që bien thellë në dashuri, nuk duket si i atyre njerëzve që ndjejnë emocione të forta, por ndryshe, ai duket si truri i atyre që thithin kokainë. Me fjalë të tjera, dashuria aktivizon të njëjtat mekanizma neurale që aktivizohen edhe gjatë adiksionit me droga.
Dr. Young ka qejf të thotë: “Ne jemi të adiktuar me dashurinë”, në vend që të thotë ne kemi rënë në dashuri .
Helen Fisher, një kërkuese në Universitetin e “Rutgers” dhe autore e një libri të ri mbi dashurinë, thotë se ne kemi mundësi të frenojmë ndjenjat e dashurisë romantike, por vetëm në stadet e saj fillestare. Barna si Prozaku, që ruajnë nivelin e serotoninës në tru për një kohë më të gjatë se normalisht, janë të afta të largojnë ndijimet romantike. Kjo do të thotë se njerëzit që marrin terapi anti-depresive, mund të humbasin aftësinë të bien në dashuri.
Dashuria romantike është një nga instinktet më të fuqishme në botë. Ajo është më e fuqishme se uria, por mjafton pak serotoninë dhe ajo mpihet.
Një mendim që meriton vëmendje në këto studime është fakti, se dashuria romantike është e paqëndrueshme. Ajo është një terren jo i mirë për lindjen, kujdesin dhe rritjen e fëmijëve. Vetëm në lidhjet për kohë të gjatë, ajo i lejon prindërit të bashkëpunojnë për lindjen dhe mirërritjen e fëmijve.
Për arsyen se tre sistemet e dashurisë (epshi, dashuria pasionante dhe marrëdhënia e zgjatur) janë të pavarura, këto tre sisteme funksionojnë në mënyrë simultane, por ky funksionim në të njëjtën kohë, ka pasoja të rrezikshme. Ashtu siç shpjegon Dr. Fisher: “Personi mund të përjetojë një lidhje të zgjatur me një partner, ndërkohë që përjeton dashuri romantike për dikë tjetër dhe ndjen dëshirën për të bërë seks me një partner të rastit”.

Kjo pavarësi do të thotë se, është e mundur të dashurosh më shumë se një person në një kohë, një situatë kjo, që çon në xhelozi, në tradhti dhe në divorc. Rritet mundësia që personi të përfshihet në marrëdhënie të shumta (promiscuity) dhe në poligami. E gjitha kjo rrit shanset për të pasur fëmijë jashtë martesës, që prish keq të ardhmen gjenetike. Këto janë pasojat që sjell dashuria romantike, sepse siç thotë Dr. Fisher “Ne nuk jemi ndërtuar të jemi të lumtur, por të riprodhojmë”
2-Dashuria pasionante nuk zgjat shumë.
Si është e mundur të shohësh një person aq të bukur të Hënën dhe 364 ditë më pas, një të Hënë tjetër, ta shohësh këtë bukuri të tretur?.
Me siguri që personi nuk ka ndryshuar kaq shumë. Ajo ka akoma po ato sy. Ajo ka po atë zë. Por tani, ai zë duket si i ngjirur, sikur ka nevojë për antibiotikë, ose ju jeni ai që u duhen antibiotikët, sepse partneri që dikur e deshët dhe e lakmuat dhe që reflektonte vetëm dritë, tani duket si një infeksion i keq, që vetëm u lodh dhe u merr gjithë forcën.
Studimet në të gjithë botën konfirmojnë se pasioni, zakonisht, mbaron. Ky konkluzion është i përgjithshëm. Mos u çudisni, disa kultura mendojnë se, të zgjedhësh një shok për gjithë jetën, është një lloj budallallëku.
Marrëdhënia, shpesh, prishet pas 4 vjetësh. Pse? Sepse kaq vite duhen për të rritur një fëmijë nga një infant. Me njëherë sa fëmija nuk ka më nevojë për kujdes, për ushqim ai mund të lihet tek nëna, tek motra, tek tezja, tek shoqja. Çdo prind tani është i lirë të takojë një partner tjetër dhe të ketë më shumë partnerë.
Po të flasim biologjikisht, arsyet pse dashuria romantike zvetënohet, gjenden në mënyrën se si truri ynë përgjigjet ndaj bollëkut dhe fluksit të dopaminës që shoqëron pasionin dhe na bën të fluturojmë. Përdoruesit e kokainës përshkruajnë fenomenin e tolerancës. Truri adoptohet ndaj marrjes me shumicë të preparatit. Mundet që neuronet humbasin ndjeshmërinë dhe kanë nevojë për më shumë doza që të japin gjendjen e kënaqësisë. Pra, na duhet të marrin më shumë pluhur “të çmuar “, po të flasim në mënyrë metaforike.
Ndoshta është gjë e mirë që romanca zbehet. Po qe se të gjithë do të ishim gjithmonë të dehur nga romanca, nuk do të kishim hekurudha, ura, aeroplanë, fakse, internet, fluturime kozmike, vaksina, televizion etj. Në vend që të zhvillonim teknologjinë, që ka karakterizuar kulturën humane, që nga veglat e saj më të hershme, ne do të kishim vetëm bonbone, buqeta lulesh dhe antikonceptivë.
Në qoftë se në dashurinë romantike gjendja ndryshon nga prania e kimikateve dhe se po të njëjtat kimikate sjellin euforinë nga përdorimi i drogave, atëherë ekspozimi ndaj këtyre kimikateve për kohë të gjatë, do të çonte në dëmtime psikologjike, siç ndodh me kokainën. Për të mos sjellë këto dëmtime, dashuria venitet, si një masë vetëmbrojtëse e organizmit.
Antropologët mendojnë se romanca është për të sofistikuarit, në klubet me kafe dhe verë cabernet, ose në dhomat me zjarr bubulak në oxhak. Ata me shumë detyrime familjare dhe sociale janë shumë të varfër për pasionin.
Nga sa thashë deri tani kuptohet se, dashuria romantike, nuk është garanci për marrëdhënie të qëndrueshme martesore.
Si duhet të martohemi atëherë, me dashuri apo me mblesëri?
Kësaj pyetje është vështirë t’i japësh një përgjigje të prerë, jo ose po. Njerëzit do të vazhdojnë të martohen edhe duke u dashuruar më parë, edhe me mblesëri dhe dashuria do të vijë më vonë. Gjithkush do të bëjë zgjidhjen e vet. Askush nuk ka të drejtën të imponojë mendimin e tij. Gjithkush duhet të flasë dhe edukojë me shembullit e vet.

Nuk i hyra fare ta lexoj sepse mendimi im eshte shkurt; ME DASHURI.

Jam per martesen me dashuri dhe per divorcin kur martesa nuk funksionon me.

Per sa i perket martesa me force dhe impunim dashuria nuk existon fare .

Dashuria eshte interes reciprok ,duke repektuar njeri- tjetrin dhe duke zbatuar rregullat morale familjare besoj se gjithcka do te funksionojn shume mire ,por ne qofte se ndoll e kunderta une jam plotsisht dakort se nuk mundet njeriu dhe nuk eshte e drejte te sakrifikojne jeten e tij ose te asaja per nje njeri me veprime te kunderta me obligimet morale .

Ka nje shprehje qe thot; Mos u marto me ate qe dashuron.

Eshte dhe kjo tjetra; Te tjere duam, te tjere na duan, me te tjere martohemi.
Megjithate do te shtoja se perveç te tjerash martesa eshte edhe nje maredhenie interesash ose te pakten merr edhe kete kuptim nese i ka mbijetuar te pakten pese viteve te para.

Per mua martesa eshte nje marreveshje midis dy partnereve per te ndertuar nje bote te tyren (familjen) se bashku ku te dy bien dakort te investojne jo vetem shpirterisht por edhe ekonomikisht.

Martesa osht dy hasem me nji jastek.

E gjitha ka te beje me pergjegjshmerin e njeriut. Nese femra dhe mashkulli nuk marrin persiper pergjegjesite qe dalin nga krijimi familjes atehere familja eshte e destinuar te deshtoje.

"Hasem" qe sbejn dot pa njeri tjetrin.

Martesat me mbleseri jane me te sukseseshme per shume aresye. Se pari ne keto lloj martesash nje rrol te madh kane familjet te cilet vazhdojne edhe me pas per nje koh te gjate te "monitorojne" martesen e dy te rinjve. Se dyti; nese nje çift i martuar me dashuri i ka thene te gjitha qe gjate kohes se dashurise pra lidhja e tyre eshte konsumuar tashme me martesen lidhja e tyre thjesht po sterkonsumohet sepse ata nuk kane me çti thone njeri tjetrit kshtuqe fillon shum shpejt ana tjeter e medaljes.

Martesa me qellime te sinqerta eshte e pa mposhtur ,dhe bekohet nga vete perendia.

Martesat jane si puna e kumarit.

Teuta shkruajti:Eshte dhe kjo tjetra; Te tjere duam, te tjere na duan, me te tjere martohemi.
Megjithate do te shtoja se perveç te tjerash martesa eshte edhe nje maredhenie interesash ose te pakten merr edhe kete kuptim nese i ka mbijetuar te pakten pese viteve te para.

Teuta, dua te ju bej komplimentat per menyren se si shkruani, pergjigja juaj eshte absulutisht perfekte.

Faleminderit gerrard 73, te njejten gje do thoja dhe per ju.

Me dashuri me mbleseri apo me Internet?

Pekin (start)-Ndodh edhe kështu, në epokën e internetit. Një 81-vjeçar nga Kina ka vendosur të martohet në këtë moshë, duke i treguar botës, se vërtet dashuria nuk njeh moshë. Dashurinë e tij, dhëndri nga Kina, e ka gjetur në internet. Tanimë ai ka planifikuar të martohet me nje nuse rreth 23-vjeçe më të re, një 58-vjeçare.

Wu Jieqin, një profesor arti i dalë në pension, i cili ka kaluar kohën në një azil pleqsh, u martua me Jiang Xiaohui, 23 vjet më e re se ai, në një ceremoni që u bë në fundjavë, njoftoi gazeta "Beijing News".

"Interneti nuk u përket vetëm të rinjve", shkruhet në gazetë. Ai e ka përdorur Internetin që në vitin 1998.

Por të shkojë deri në altar, Wu-së iu desh të kapërcente kundërshtimin e prindërve të Jiangut, të moshës 85 dhe 86-vjeç, të cilët kishin frikë se ishte shumë i madh.Por ajo arriti të triumfonte në idenë e saj.

"Zëri i tij është shumë rinor. Nuk ngjan aspak me zërin e një 80-vjeçari", deklaroi Jiang për gazetën. "Ai është shumë romantik".

Çifti u njoh pasi Wu, i vetmuar që pas divorcit të tij afro dhjetë vjet më parë, nxori vitin e kaluar një njoftim për zemrat e vetmuara në Internet me ndihmën e një studenti.

"Meqenëse gratë të moshës së tij në Internet nuk i përshtateshin, ai vendosi të kërkojë një grua rreth të dyzetave ose pesëdhjetave", thuhej në artikull.

Wu deklaroi se më shumë se 50 gra iu përgjigjën pozitivisht njoftimit të tij, përfshirë gra nga SHBA-ja, Australia dhe Ukraina. Wu u njoh me disa prej tyre, por gjërat shkuan mirë vetëm me
Jiang, një punonjëse hekurudhe e dalë në pension nga provinca kineze jugperëndimore Sichuan.

Wu planifikon të shkojë në Sichuan për të qëndruar pranë nuses së tij të re.

Me interrnet

Po po me interne ,ju duket cudi juve!!

Aspak vetem se nuk i dihet se çfare surrati fshihet pas scherm-it.

dashuri me internet!!!!!!!!!!!!!absurditeti me i madh
ndersa per martesen sigurisht me dashuri eshte opsioni me i duhur me mbleseri i perket antikitetit ....

Mos harroni se jeta eshte llogari Olimbi.... Ka edhe keshtu.

Po ,dhe njeriu se me ke do te martohesh eshte e shkruar ,apo ???

Por pa harruar gjithmone qe ne shqiperi ka akoma nga ato qe presin lidhje me mbleseri jo vetem neper fshatra por dhe ne qytete vazhdon ky mentalitet mgjth se smund ta pergjithesoj ....sepse mentaliteti i nje tiranaseje eshte apapapa

Kjo per shkak se meshkujt shqiptar i ka kullufitur emigracioni e per pasoj atje eshte ber keq per meshkuj. Qe te zgjedhesh duhet te kesh me shumice.

Lola nuk eshte e vertete sepse nje vajze e edukuar dhe e thjeshte gjithnje do te gjejne shokun e vete ,kurse ato mendjemedhate dhe ato qe ju duket vetja se kushe, do te perfundojne me te komplikuara,