Rrëfimi i Gjetës: "Ahmetaj më rrahu si kafshë, u mbulova me gjak"

I kërkova vetëm të më sqaronte pse ma bllokuan motorin pa më kërkuar asnjë dokument dhe Krenar Ahmetaj filloi të më ofendojë në sy të të gjithëve, sikur të mos isha njeri". Ilir Gjeta, një qytetar i keqtrajtuar nga Shefi i Policisë së Qarkullimit, Krenar Ahmetaj, në një intervistë për gazetën “Sot”, tregon të gjithë detajet e incidentit që ka pasur me zyrtarin e policisë. Gjeta ka pohuar se nga Ahmetaj është ofenduar në mënyrën më poshtëruese dhe madje është dhunuar nga ai. Ky është rast i shtohet dhjetëra precedentëve të tjerë që Kryeinspektori ka regjistruar me qytetarë të ndryshëm. Gjeta ka pohuar për gazetën se "kërkon vetëm që drejtësiatë vendoset në vend dhe që ndaj agresorit të veshur me uniformë shtetërore të merren masa" Më tej ai thotë se është i tmerruar nga Ahmetaj. "Për shkak të tij nuk shkoj të interesohem më edhe për motorin e bllokuar se i druhem të njëjtit incident me Ahmetajn"-tha Gjeta. Si lindi përplasja me Policinë e Shtetit? Isha duke shkuar në punë me një motor që ma kishin dhuruar disa njerëzit e mi. Motori ishte i vogël dhe shumë i vjetruar dhe unë e mbaja për të ushqyer familjen pasi me të transportoja veglat e punës. Mëngjesin e 19 prillit rreth orës 10.30 minuta më ndalon një patrullë policie teksa isha duke shkuar për në punë. I pashë policët dhe ula shpejtësinë. Në moment që u afrova tek patrulla asnjë prej policave nuk më bëri shenjë që të ndaloja por menjëherë më kapën timonin e motorit dhe më hodhën në tokë. Duke qenë përball personave të pushtetshëm nuk reagova pasi mendova se ata mund të më dhunonin ndaj nuk i kërkova sqarime se pse vepruan në atë mënyrë. Njërit prej policave i kërkova që t’më sqaronte se pse po ma merrnin motorin dhe ai u përgjigj, - e dimë ne se çfarë do të bëjmë ty prandaj qepe gojën. Pa më kërkuar fare dokumentet e motorit një polic të cilin nuk e njoha kurrë nxori një thikë dhe me të preu çantën e veglave që unë e kisha lidhur mbas motorit. Pasi mi hodhën të gjitha veglat në tokë më shtynë edhe mua për t’më rrëzuar dhe unë prapë nuk reagova edhe pse e dija shumë mirë që veprimet e tyre ishin të kundërligjshme. I kërkova sërish shpjegime se pse po më bllokonin motorin dhe ata mu përgjigjën me fjalë shumë të ndyra dhe e hodhën motorin në karotrec pa më dhënë asnjë lloj dokumenti për marrjen e motorit. Më thanë, - ik e kërko shpjegime tani në policinë rrugore. A shkuat në Policinë Rrugore? Ku jeni njohur me krenar Ahmetajn? Sa më morën motorin, me veglat e punës në krahë i hipa autobusit të Kombinatit për të shkuar e të paraqitesha tek policia rrugore në Kinostudio. Aty prita për dy orë sa erdhi karrotreci që morri motorin tim. Kur zbritën motorin, unë i thashë policëve që më kishin dëmtuar motorin, por ata më ofenduan me një fjalor të ndyrë duke më thënë se ai nuk ishte motor, por një karocë e vjetër. Më pas më dhanë ja dy letra që dhe sot i kam në xhep dhe më thanë të ikja ose të paguaja 500 mijë lekë për të marr motorin. Unë u thash se skam lekë as për të mbajtur familjen e jo tu jap juve. Me atë motor unë sigurojë bukën e gojës dhe në këtë kohë policët më thanë – atëherë çfarë kërkon, ik e zhduku që këtu more b....... . Duke parë këtë sjellje të rëndë të tyre, i frikësuar se mos më godisnin u largova që të takoja shefin e tyre dhe të ankohesha për ta. Si u takuat me Shefin? U largova nga vendi ku rrinin këta policët që më shanë dhe dola tek dera jashtë. Aty pashë një numër telefoni dhe e telefonova, por personi në anën tjetër sa e hapi telefonin e mbylli sërish. Aty pyeta një tjetër hallexhi si puna ime ha ai më tregojë me gisht Krenar Ahmetaj dhe më tha se ai ishte Shefi. Në këtë kohë Ahmetaj ishte duke bërë xhiro brenda në rajon me një motor të cilin e kishte bllokuar. U afrova dhe me mirësjellje e përshëndeta dhe i kërkova që të shkëmbenim dy fjalë në lidhje me ankesën time. Direkt ai mu përgjigj – shko e fol me policët. Unë i thashë që ata më kërkuan 500 mijë lekë dhe kjo është e padrejtë dhe për më tepër unë ato lekë nuk i kam. Ky drejtori më tha – ik e mos e zgjat shumë o kurvë se nuk kam kohë të merrem me ty. në këtë kohë unë i thashë do të ankohem më lartë nëse ju nuk më jepni zgjidhje dhe do të shkojë deri tek ministri. Në këtë kohë ai mu turr me vrap dhe më zuri me grushta pas koke. Kur më uli në tokë filloji të më godiste edhe me shkelma si kafshë duke më sharë me të gjitha fjalët më të pista. Pasi më rrahu më tha ik tani se në ndenje këtu edhe një minutë do të tërheq zvarrë në mes të Tiranës. A kishte njerëz që e panë këtë skenë? Kanë qenë mbi 70 persona të cilët i kanë parë veprimet e tij. Por asnjë nuk ndërhynte ta ndalte. Ky Shefi bënte si i çmendur, dhe unë pata frike se mos më vriste se kishte nxjerrë edhe pistoletën. Më ka bërë të qaj si fëmijë përpara të gjithëve më rrahu si kafshë. Nga goditjet e tij unë u mbulova i gjithi në gjak. Kur kam mbërritur në shtëpi, gruaja ime që quhet Liza, më pa gjithë gjak dhe më tha ç’kishte ndodhur. Unë i tregova të gjithë skenën dhe ajo më sugjeroj të shkoja në polici. I thashë që kisha frikë të shkoja në policie të denoncoja Krenarin. Ai me atë sjellje që bëri me mua mund edhe të hakmerrej më vonë tek familja ime në nëse unë e denoncoja. Nuk doja ti hapja probleme familjes edhe pse ai më rrahu në mënyrën më poshtëruese. Nuk doja të rrezikoja djalin që e kam vetëm 2 vjeç e gjysmë nga një njeri i papërgjegjshëm. Keni bërë kallëzim? Kallëzim kam bërë vetëm në datën 10 maj pasi në ndërgjegjen time nuk mund të duroja dot gjithë ato ofendime. Ndaj vendosa të bëjë një kallëzim në Prokurorinë e Tiranës. Aty bëra një kallëzim ku kërkova që drejtësia të vihet në vend. Dua që me Krenar Ahmetaj të dal përpara gjyqtarëve dhe ata të vendosin nëse është faji i im apo i atij. Si mund një person i veshur me pushtet të dhunoj barbarisht një qytetar të thjeshtë aq më tepër një hallexhi si puna ime. Dua që Krenar Ahmetaj dhe njerëzit si puna e tij të marrin atë që meritojnë. Se sot ai më morri motorin dhe më dhunoji por nesër ku ta di unë që nuk vjen në shtëpi e më rrëmben fëmijës ashtu si më grabitën motorin pa më dhënë asnjë shpjegim. Nëse ka vërtet drejtësi atëherë ta zgjidhi këtë problem. Jeni thirrur nga prokurori i çështjes? Nuk jam thirrur asnjëherë në prokurori edhe pse ja kamë lënë të gjitha mënyrat e kontaktit. Nuk e di se çfarë po bëhet më çështjen time, pasi edhe unë jam në punë dhe se lë dot për tu interesuar pasi duhet të mbaj familjen me bukë se një krah i vetëm jam. Edhe prokurorin e çështjes nuk e kam takuar asnjëherë, por shpresoj që një ditë drejtësia do të vihet në vend pasi besoj shumë tek ajo. Kaubojit të rrugorëve i shtohen dosjet penale Shefi qarkullimit për Tiranën, Krenar Ahmetaj ka marrë një sërë masash për kapjen, bllokimin dhe gjobitjen e disa makinave, të cilat janë në kundravajtje me ligjin. E ndërsa pretendohet për kundravajtës, një zyrtar i cili ka të paktën katër precedentë të faktuar nga ana e organit të akuzës, nuk mund të jetë zbatuesi i ligjit dhe vetëm ligjit ashtu siç edhe pretendon. Kështu ai jo vetëm që nuk zbaton ligjin, por bëhet kundravajtësi më i madh i tij, sepse duke kryer këto veprime arbitrare nuk mund të pretendohet për marrëdhënie korrekte me ligjin apo zbatuesin më shembullor të tij. Ndër të tjera, precedentë penalë të Ahmetaj Ahmetaj: "I shpëtuam jetën duke e rrahur" Një tjetër denoncim për ushtrim dhune, është depozituar për drejtorin e Policisë Rrugore, Krenar Ahmetaj. Një qytetar nga Kruja ka denoncuar dhunën që është ushtruar ndaj tij, personalisht nga Ahmetaj. Dodë Zogu, është i vetëdijshëm për mosrespektimin e rregullave prej tij, por nuk justifikon dhunën e ushtruar mbi të. Shërbimi i Policisë Rrugore reagon me cinizëm : “I shpëtuam jetën duke e rrahur”. Një banor i fshatit Larushk të Krujës denoncon kreun e Policisë Rrugore të Tiranës, Krenar Ahmetaj, pasi sipas tij ka ushtruar dhunë gjatë një ndalimi në autostradën Tiranë- Durrës, pranë Maminasit. Ngjarja e rëndë e ka zanafillën rreth orës 00:30 pas mesnate, duke gdhirë dita e diel, kur në autostradën Tiranë-Durrës, fugoni me targa të Laçit, me të cilin vinin në drejtim të Tiranës, Dedë Zogu me të shoqen, është ndaluar nga një patrullë e Policisë Rrugore. Deda pretendon se nxitonte të shkonte në shtëpi në Larushk të Krujës, pasi ishte kërkuar në telefon nga i biri 19 vjeç, për shkak se ky kishte temperaturë. Kallëzimi i prokurores Shefi i qarkullimit rrugor, Krenar Ahmetaj është i akuzuar, pak kohë më parë nga një prokurore e cila u shoqërua forcërisht në komisariat, së bashku me burrin e saj. Akuza që kanë ngritur është ajo është “veprimeve arbitrare ndaj qytetarëve”. Seanca gjyqësorë është caktuar pak dit më parë, dhe do të shqyrtohet nga Petrit Çomo, si dhe është caktuar data 24 e këtij muaji. Megjithëse gjykata kërkoi pezullimin e tij nga detyra e kreut të qarkullimit rrugor, gjykata e apelit e rrëzoi këtë vendim duke e rikthyer përsëri, dhe të gjykohet në gjendje të lirë. Megjithëse Ahmetaj është shprehur për këtë incident, se ka zbatuar ligjin dhe vetëm ligjin, nuk përputhet më këtë pohim prokuroria dhe bashkëshorti i sajë, që e cilësojnë abuzim dhe tejkalim kompetencash. Ahmetaj: Nuk pyes për prokurorinë Një tjetër kallëzim, i cili mban datën 25.05.2008, i është drejtuar Krenar Ahmetajt. Hekuran Neza, ish-inspektor i qarkullimit rrugor Durrës, ka marrë pa procesverbal dokumentet e makinës nga kryepolici i qarkullimit. Por megjithëse kishin njohje me Ahmetaj, ai është shprehur se do ta denonconte këtë rast në prokurori. Kjo sipas tij është shkelje e ligjit dhe duhej dënuar. Ndërsa Ahmetaj, me një fjalor prej të forti, i ka thënë se pak ditë më parë kam dërguar në komisariat një prokurore, dhe nuk pyes për organin e akuzës. Ndërsa debati është ndezur, Krenar Ahmetaj ka urdhëruar që të shoqërohej në polici, punonjësin e policisë së Durrësit, ku ka qëndruar më shumë se 12 orë. Ky shtetas e denoncoi rastin në fjalë, duke pretenduar se i ishte hequr liria në mënyrë të padrejtë. Erjon Baçi: Ahmetaj më keqtrajtoi Erjon Baçi, ka depozituar një kallëzim për Krenar Ahmetaj në prokurori. I riu 33-vjeçar ka bërë me dije se, është keqtrajtuar nga ana e shefit te qarkullimit rrugor, si dhe nga një efektiv, të cilët e kane ndalur padrejtësisht, teksa ky i fundit ishte duke udhëtuar me bashkëshorten e tij. Sipas kallëzimit të mbërritur në ketë prokurori, behet me dije se Ahmetaj ka përdorur një fjale fyese ndaj tij, duke pretenduar se ky i fundit e kishte fajin. Debati ka degjeneruar ne fyerje te ashpra dhe shoqërimin ne polici të të riut, i cili me pas ka depozituar edhe një denoncim ne prokurori. Në tre faqe kallëzim, 33-vjeçari shpjegon ngjarjen dhe kërkon drejtësi nëpërmjet ndëshkimit të shkelësve të ligjit, që mbajnë edhe uniformen blu.
SOT

Hajde polici shteti hajde. Gjej kriminel e gradoi. Hajde besoi ati shteti.

Nuk e di nese funksionojn komisione disiplinore per policine e shtetit po sidoqofte konstatoj se prokuroia ka bere nje zvarritje ndoshta te qellimshme te kesaj çeshtjeje. Per shkak te punes prokurorise dhe policise se shtetit i duhet te bashkepunoje. Dihet se ne shqiptaret edhe maredheniet ne pune jemi te prirur te jemi konfidencial me njeri tjetrin. Personalisht kete e konsideroj si nje te mete te madhe ne ruajtjen e etikes profesionale. Krijimi i maredhenieve konfidenciale ne pune eshte nje element qe pengon dukshem kryerjen e detyres me rigorozitet. Duke e ditur se si funksionojne gjerat ne Shqiperi nuk kam dyshim se pikerisht per kete shkak Ahmetaj po favorizohet dhe eshte favorizuar nga zbatuesit e ligjit persa i perket kesaj çeshtjeje. Sipas artikullit me lart kemi te bejme me nje kapercim te hapur te kopetencave qe ka çuar deri ne shperdorimin e detyres. Prandaj perballe kaq shume denoncimeve per nje njeri eshte e heshtja e prokurorise eshte e pashpjegueshme. A nuk ehte ky nje rast kur prokuroria hapur ka zgjedhur te kapet nga krimi (pavresisht se nga çdrejtim vjen ky krim ai mbetet krim)?

Pse çar kujtove ti Teuta? Ato hane e pin gjithe diten bashke, zhgerryhen si derrat lokaleve me e pakta ndersa ti pret te vihet drejtesia. Goce esht e vjeter qe peshku i madh e ha te voglin.