TË RINJ NË KARRIERË/ Grupi “Lynx” mes sfidave dhe arritjeve

nga **ILIRI** prej Fri Jun 20, 2008 10:02 am

TË RINJ NË KARRIERË/ Grupi “Lynx” mes sfidave dhe arritjeve
Ata janë pesë të rinj të talentuar, që kanë zgjedhur një mënyrë tepër efiçente për të kaluar kohën e lirë. Aurel Gjini, Klejdi Shtrepi, Rei Sulejmani, Nino Bejleri dhe Renato Rexha kanë krijuar një grup muzikor. Pjesën më të madhe të kohës së lirë ato e kalojnë duke u praktikuar, sepse vetëm në këtë mënyrë mund të arrijmë synimet e menduara, shprehen ato. Secili anëtar i grupit ka një detyrë specifike. Aureli është kitarist, Klejdi bassist, Nino është solist i grupit, Rei baterist dhe Renato tastierist. Të luash dhe të këndosh rrok është e vështirë, por më e veshtirë bëhet kur je dhe adoleshent i ngarkuar me shkollë. Por pesë të rinjtë duket se i kanë i bërë ballë të gjithë vështirësive pasi puna ka qenë dhe është çelësi i suksesit të tyre.
Si lindi ideja e krijimit të një grupi muzikor dhe kur e keni filluar punën
Që në klasë të pestë Rei bateristi ka marrë leksione për bateri, vetëm për hobi dhe nuk e mendonte se mund të bënim grup. Me kalimin e kohës duke dëgjuar e duke e ndjekur stilin e muzikës rrok, unë nga gjithë instrumentet veçova kitarën dhe hyra dhe në kurs. Më pas duke ditur që Rei luante në bateri, mendova se pse mos të krijonim një grup. Nino, anëtari tjetër i grupit e kishte mësuar basin. Me këto u kompletua grupi. Grupi me fjalë është krijuar që në verë të 2007-ës, ndërsa provat i kemi filluar në dhjetor 2007.

Nino Bejleri
Si lindi ideja e emrit “Lynx” dhe çdo të thotë ky emër
Ne në fillim menduam t’i vendosim një emër që ka lidhje me grupin Guns and Rosses, duke ditur që të gjithëve na pëlqen ky grup, më pas menduam që do të dukej si një kopjim. Unë më pas mendova për “Lynx”. Lynx është një kafshë shumë shekullore. Është një mace e egër që i afrohet tigrit. Ne si emër na u duk shumë i përshtatshëm dhe e vendosëm
Klejdi Shtrepi
Këngët që ju luani janë krijimet tuaja apo të grupeve të tjera dhe sa orë praktikoheni në ditë
Për momentin ne po luajmë këngë të grupeve të tjera, (covera) sa për të qenë më praktikë. Ndërsa me krijimet tona do të vazhdojmë kur të kemi një përvojë pune. Ne mundohemi që një pjesë të këngëve t’i praktikojmë vetë në shtëpi, ndërsa një ose dy herë në javë bëjmë prova të gjithë si grup. Ne vetë praktikohemi gati dy deri në tre orë në ditë, pra një pjesë të kohës së lirë e kalojmë duke luajtur këngët.

Rei Sulejmani
Ju jeni bateristi i grupit. Si lindi pasioni për muzikën dhe më pas si ka evoluar për muzikën rrok
Për sa i përket muzikës rrok, themeli ka qenë Aureli me grupin “Metalica” dhe “Guns and Rosses”. Ndërsa për sa i përket baterisë që unë luaj ka ndikuar shumë familja ime sepse babai im dhe kushëriri im janë muzikantë të njohur

Renato Rexha
Kur ka qenë kontakti i parë me pianon
Unë kam që në moshën 5-6 vjeç që i bie pianos, ndërsa me grupin kam gati dy muaj. Ne jemi një grup me pretendime të mëdha.

Cilat rrymë muzikore përveç rrokut pëlqeni
Që në klasë të pestë Rei bateristi ka marrë leksione për bateri, vetëm për hobi dhe nuk e mendonte se mund të bënim grup. Me kalimin e kohës duke dëgjuar e duke e ndjekur stilin e muzikës rrok, unë nga gjithë instrumentet veçova kitarën dhe hyra dhe në kurs. Më pas duke ditur që Rei luante në bateri, mendova se pse mos të krijonim një grup. Nino, anëtari tjetër i grupit e kishte mësuar basin. Me këto u kompletua grupi. Grupi me fjalë është krijuar që në verë të 2007-ës, ndërsa provat i kemi filluar në dhjetor 2007.Unë i pëlqej të gjitha rrymat muzikore ndërsa rrokun e veçoj nga të gjitha rrymat. Në tastierë unë i luaj të gjitha llojet muzikore duke filluar nga klasikja tek rroku.