Mërgata, si u manipulua nga spiunazhet e huaja

nga **ILIRI** prej Tue Jun 17, 2008 11:24 am

Mërgata, si u manipulua nga spiunazhet e huaja
Leonard Veizi
INTERVISTA VII / Flet doktori i shkencave Hasan Luçi, ish-oficer i lartë i zbulimit shqiptarVeprimtaria e Mërgatës shqiptare i ka ngrënë një kohë të çmuar të punës, gjatë karrierës së tij. Duke folur për vëllimin “Veprimtaria sekrete e mërgatës politike shqiptare” Hasan Luçi thotë: “Botimi i këtij libri në formën e paraqitur u bë për t’i qëndruar historisë dhe mentalitetit politik dhe ideologjik të Luftës së Ftohtë. Kam pasur propozime për ta shkruar sipas konjukturës së sotme, por gjykova se vlera e librit do binte e do humbiste shumë nga realiteti i kohës. Ndoshta duhej të pasqyrohej me shumë lufta e popullit shqiptar në tërësi në përballjen e kësaj mërgate dhe drejtuesve të saj, por në mënyrë të veçantë kapitulli i diversionit dhe kapitulli i mërgatës ekonomike shqiptare dhe kosovare, e plotëson këtë”.

Në rrëfimin e tij ekskluziv për “Telegraf” koloneli në rezervë Hasan Luçi, gjithashtu mbajtës i titullit shkencor “Doktor” ndalet në veprimtarinë e mërgatës shqiptare gjatë viteve 1944-1992

Keni mbrojtur titullin “Doktor shkencash” me temën “Veprimtaria Sekrete e Mërgatës Politike Shqiptare”. Ku u bazuat për të formuluar një studim të tillë? Studimi i kësaj teme filloi si nevojë e planifikuar në punë për të përgjithësuar përvojën e kësaj veprimtarie në planin e njohjes dhe përshkrimit të veprimtarisë armiqësore që ky kontigjent zhvilloi në favor të fuqive dhe spiunazheve të huaja dhe për të përgjithësiuar përvojën tonë në fushën operative për t’u mbrojtur dhe për ta neutralizuar veprimatarinë e ...