Në përgjigje të PETICIONIT të Shoqatës “Për
mbrojtjen e pronave dhe të mjedisit të
Pellgut të Drinit të Zi”, me qendër në Dibër, të
datës 29.11.2007, drejtuar Presidentit të Republikës,
z.Bamir Topi, Kryetares së Kuvendit, znj.
Jozefina Topalli, kryeministrit të Shqipërisë, z.Sali
Berisha dhe ministrit të Ekonomisë dhe Energjitikës
të Republikës së Shqipërisë, z. Genc Ruli,
lidhur me shqetësimin për projektin për ndërtimin
e mundshëm të një HEC-i në Skavicë të Kukësit,
me pasojë përmbytjen dhe asgjësimin e gjithë
Pellgut të Dibrës, ditën e enjte, datë 13.12.2007
në orën 17.00
u ftua në Ministrinë e Ekonomisë
dhe të Energjitikës dhe u prit në një takim një
delegacion i Kryesisë së Shoqatës “Për mbrojtjen
e Pellgut të Drinit të Zi”, i përbërë nga nënshkruesit
e atij peticioni, Z. Nazmi Drizi - Kryetar i
Shoqatës, Z.Ali Hoxha – iniciues dhe Kryetar
Nderi i Shoqatës; Z.Sadin Përnezha – nënkryetar
dhe z. Nazmi Skepi – sekretar i Shoqatës.
Në atë takim të cilin e organizoi dhe e drejtoi
ministri Genc Ruli, ishin të pranishëm edhe
zv.ministri N.Alibali, deputeti i Dibrës Rr.Kaleci,
Prefekti i Dibrës, Xh. Seiti, si dhe dy anëtarë të
Kryesisë së Shoqatës: Osman Begu dhe Zyber
Kaba.
Ajo që duhet theksuar që në fillim është fakti
se pavarësisht se nga të dyja palët pati mirëkuptim
lidhur me shqetësimin e njëri-tjetrit, është
për t’u theksuar dhe evidentuar se ministri Ruli,
Hidrocentrali i Skavicës, ministri Ruli takohet me përfaqësues të shoqatës “Për mbrojtjen e Pellgut të Drinit të Zi”
Dogana e Bllatës
Faqe 6-7
fjalën e tij të hapjes e filloi me këtë shprehje:
“Shteti ka logjikën e vet dhe i bën gjërat ashtu
sipas asaj logjike”. Më tej sqaroi duke iu drejtuar
palës negociuese: “Ju keni të drejtën të argumentoni
pretendimet tuaja...”
Dhe pasi parashtroi një sërë çështjesh të tjera
lidhur me mungesën e energjitikës në vend, duke
sqaruar se ai nuk është një projekt i ri, por i
trashëguar nga qeveritë e mëparshme, që nga
koha e monizmit etj dhe se ndërtimi i HEC-it të
Skavicës, më tepër ka të bëjë si rregullator për
gjithë krahinën e Drinit lidhur me HEC-et e tjera,
të Fierzës, etj, si rezervuar për ta, e përfundoi
fjalën e hapjes duke theksuar se “Çdo zgjidhje
do ta bëjmë me konsultime sipas shkallëve”.
Më pas e mori fjalën z.Nazmi Drizi, Kryetar i
Shoqatës, i cili pasi falënderoi ministrin Ruli dhe
stafin e tij për organizimin e këtij takimi, ai parashtroi
disa argumente të paraqitura edhe në atë
peticion, mbi bazën e të cilave populli i Dibrës e
kundërshton ndërtimin e HEC-it të Skavicës,
duke theksuar se dëmi ekonomik është shumë
më i madh se sa fitimi.
I dyti, nga delegacioni i Shoqatës e mori fjalën
z.Ali Hoxha, iniciues dhe Kryetar Nderi i Shoqatës,
i cili e vuri theksin në argumentet historike
dhe etnokulturor të problemit:
“Për mua, dëmi ekonomik qëndron në plan të
dytë, në krahasim me dëmin historik, etnokulturore
që i shkaktohet kombit, pasi me ndërtimin e
atij projekti përmbytet një herë e përgjithmonë e
gjithë Dibra së bashku me varret dhe historinë e
saj, - theksoi ai. – Ne nuk kërkojmë “qiqra në
hell” siç bëjnë vlonjatet kur kundërshtojnë
ndërtimin e një HEC-i në krahinën e tyre, vetëm
me pretekstin se ai u dëmtoka atyre biznesin
me turizmin. Krejt e kundërta ndodh me projektin
e Skavicës, pasi këtu nuk bëhet fjalë për një
“dëmtim” mjedisi, por për përmbytjen përgjithmonë
nën ujë të të gjithë Pellgut të Dibrës, më
saktë zhduket e gjithë Dibra dhe historia e saj.
Këtu nuk është fjala thjesht për cenimin e pronës,
por fjala është për zhdukjen e vendbanimit të
një krahine të tërë, për zhdukjen e kujtimeve
historike e të varreve të të parëve, të trashëgimisë
shekullore, bile mijëravjeçare, të rrënjëve
etnokulturore të një krahine të tërë. Në qoftë së
shteti ka me të vërtetë interes kombëtar për
ndërtimin e atij HEC-i, atëherë më parë duhet të
ndërtojë një Dibër të re, diku ndërmjet Tiranës e
Durrësit dhe të gjejë vend edhe për rivarrosjen
e eshtrave të varreve qindravjeçare të të parëve
tanë, të cilët kanë dhënë jetën për mbrojtjen e
atyre trojeve nga armiqtë e huaj shekullorë dhe
vetëm atëherë mund të bëhen negociata, për
një gjë të tillë, duke mos harruar faktin se i gjithë
populli i Dibrës që shpërngulet duhet të jetë aksioner,
me kushtin që pasardhësit tanë të rikthehen
përsëri në trojet e të parëve të vet, pas
skadimit të afatit kohor”, - përfundoi fjalën Ali
Hoxha.
Më pas, gjithsecili nga të pranishmit shfaqën
mendimet dhe argumentet e veta duke plotësuar
njëri-tjetrin në atë takim që zgjati prej më
shumë se një orë bashkëbisedimi.
Në fjalën e tij të mbylljes, ministri Ruli, ndër të
tjera theksoi sa vijon:
“E vlerësoj shumë seriozisht këtë takim. Asgjë
nuk do të bëhet pa i vënë në balancë të
gjitha gjërat, të gjitha anët e problemit. Do të
bëjmë të gjitha vlerësimet, deri tek ambienti. Por
do të merret mendimi i shumicës. Asnjeri nuk do
të guxonte të ndërmerrte veprime të njëanshme.
Qëndrime të njëanshme nuk do të mbajmë.”
Pas këtyre fjalëve shpresëdhënëse të ministrit
Ruli, takimi u mbyll me mirëkuptim nga të dyja
palët dhe me premtimin nga ana e Ministrisë së
do të shpresojmë edhe për takime të tjera.
Në fund depozituam tek sekretari edhe disa
materiale të botuar kohë më parë në shtypin e
përditshëm, me argumentet që kundërshtojnë
ndërtimin e një projekti të tillë, si ai i HEC-it të
Skavicës, duke sqaruar se në Pellgun e Dibrës
nga ujëvarat natyrore ndërtohen rreth 10 HECe
të vegjël, të cilën prodhojnë aq energji elektrike
sa ç’mund të ofrojë projekti i Skavicës, në
një kohë që ato nuk dëmtojnë fare asnjë pëllëmbë
tokë produktive dhe pa cenuar asnjë nga
vlerat historike dhe etnokulturore të Dibrës.
Korresp. i “Rruga e Arbërit”