Fatos Nano: Tok me Metën, përmbysim dhe malet, jo më Edi Ramën e Sali Berishën!...

Fatos Nano: Tok me Metën, përmbysim dhe malet, jo më Edi Ramën e Sali Berishën!...
Jo vetëm për të qeshur. Intervistat gazmore të Pelo Pelivanit.
Pelo Pelivani: Tungjatë- jeta zoti Nano!...Si gjithmonë në formë….
Fatos Nano: E pse të mos jemi në formë, o Pelo?! Apo s’kemi të hamë e të pimë dhe të…Pelo Pelivani: Të kuptova drejt dhe për të fundit, zoti Nano, dhe meqë nuk jemi takuar më lejo të të ngushëlloj dhe për humbjen e babait, xha Thanasit legjendar, të luftës e të punës…
Fatos Nano: Rrofsh dhe faleminderit o Pelo, por sikur s’më tingëllon shumë njerëzore shprehja: “ Për humbjen e babait!...” Mund të humbasësh një stilolaps, një çakmak, një bast e ku ta di unë, por kur të ikën një njeri kaq i afërt, sa ai që ta ka bërë kokën, duhet gjetur ndonjë shprehje tjetër më e goditur…Nejse në këtë fushë nuk jam dhe shumë kompetent, po nuk më mbetet merak, se babi im i dashur rrojti gati sa një shqiponjë, plot 92 vjeç. Të vinim dhe ne aq, pa kiameti u bëftë….
Pelo Pelivani: Po të vije aq, megjithëmënd do të bëhet kiameti se zotrote nuk rri dot pa bërë herë pas here ndonjë “ rrëmujë” të vogël, që i kushton Shqipërisë vite të tëra mundimi si fjala vjen..
Fatos Nano: Nuk vjen më fjala Pelo, se njëqind herë m’i kini përmendur ato të shkreta mëkate…Po dy janë të gjitha , o Pelo!...Një është 3 Korriku dhe dy është zgjedhja e Top- Presidentit…Po, pse more qerrata, u fiksuat vetëm në këto dy momente të veprimtarisë sime dhe nuk përmëndni dhe 100 të mira që kam bërë për Politikën dhe Shqipërinë…
Pelo Pelivani: Aha, bëj të mira sa të duash, po e dhjeve njëherë për atë do mbahesh mënd gjithë jetën. Ja si shkruan një miku im dhe i yti poet, në një nga librat e mi të shumtë:
“Bëj të mira sa të duash
Ato askush s’t’i përmënd
Po bëre veç një të keqe
Për atë do mbahesh mënd!..”
Fatos Nano: Unë të kuptoj drejt, ty Pelo, por edhe ke edhe s’ke të drejtë në ato që thua dhe shkruan.. Ne jemi me fat që jetojmë në Shqipëri, një vënd ideal për të bërë çdo gjë që të vjen në mëndje…Jemi të lumtur këtu, mbasi populli shqiptar nuk ka kujtesë. Për 5 vjet harron çdo lloj hataje që mund të jetë bërë. Pra vetëm për 5 vjet. Kur u harrua 97-ta e Saliut, si të mos harrohet 2005-sa ime që s’pati asnjë të vrarë a të vdekur…Pra i dashuri im Pelo Pelivani, për një vit do harrohen të gjitha mëkatet e mia dhe unë do të rivotohem si i virgjër, pa asnjë njollë…
Pelo Pelivani: Me kë do më bashkohesh, me Ramën apo me Metën?...
Fatos Nano: Këtu ngatërrohesh ti Pelo, dhe gjithë të tjerët…Nuk jam unë ai që bashkohet, apo bashkangjitet…Janë ata që duhet të bashkohen me mua; unë jam babi në mënyrë figurative dhe ata të dy e plot të tjerë si ata, janë krijesat e mia…Kush të vijë i pari tek unë, e ka fitoren të sigurtë se unë jam Krijues e jo krijesë…Besoj se zotrote mund të bësh dallimin midis Krijuesit dhe krijesave…Po unë preferoj Metën…Se megjithëse është ende i ri është gjak i vjetër në Partinë Socialiste, me pak fjalë është kockë e vjetër, ndërsa në damarët e Edi Ramës nuk rrjedh asnjë pikë gjaku socialist…Shyqyr që Rama s’fiton dot e s’bëhet Kryeministër, se pastaj këtu do vjnë me gjithë mend ditët e kijametit…Po të vinte Rama në Pushtet njerzit do bënin be, për kokën e Berishës, siç bëjnë sot për kokën e Enver Hoxhës…
Pelo Pelivani: Dhe çdo të ndodhë pasi ju të bashkoheni me Metën?
Fatos Nano: Prapë gabon ti Pelo!...Meta do bashkohet me mua dhe jo unë me të…Do të thuash se ai ka Parti dhe unë nuk kam, po dhe këtu gabon ti dhe të tjerët. Ai ka Parti por dhe unë nuk jam thjesht një individ i zakonshëm, po jam me përmasat e një Institucioni Politik i barabartë me një Parti të rëndësishme parlamentare. Meta, tok me mua mund të përmbysë dhe malet, e jo më Edi Ramën dhe Sali Berishën…
Pelo Pelivani: Atëherë, urime zoti Institucion!...
Fatos Nano: Urime dhe ty Pelo shkërdhata, dhe mirupafshim mot në këtë kohë dhe zhvillime mahnitëse…[/size]
Pelo Pelivani
Telegraf

Eh mor Pelo Pelivani na sill noi interviste me tgjallet jo me tvdekmit. Tvdekmit veji siper sa tdush se i ma kurrizi.

hahahahahaha:d

Ky e mbylli mire. humbi zgjedhjet, dha doreheqjen. Ne rregull. Po ky Berisha si do e mbylle?