DEKLARATA E PAVARESISE

Admin Anëtarësuar : 06 Dec 2007 Mesazhe : 1793

DEKLARA E PAVARESISE
Duke iu përgjigjur thirrjes së popullit për të ndërtuar një shoqëri që respekton dinjitetin njerëzor dhe afirmon krenarinë dhe synimet e qytetarëve të saj,
Të zotuar për t’u përballur më trashëgiminë e dhembshme të së kaluarës së afërt në frymë të pajtimit dhe faljes,
Të përkushtuar ndaj mbrojtjes, promovimit dhe respektimit të diversitetit të popullit tonë,
Duke riafirmuar dëshirën tonë për t’u integruar plotësisht në familjen euroatlantike të demokracive,
Duke vërejtur se Kosova është një rast special që del nga shpërbërja jokonsensuale e Jugosllavisë dhe nuk është presedan për cilëndo situatë tjetër,
Duke rikujtuar vitet e konfliktit dhe dhunës në Kosovë që shqetësuan ndërgjegjen e të gjithë popujve të civilizuar,
Mirënjohës që bota intervenoi më 1999 duke hequr në këtë mënyrë qeverisjen e Beogradit mbi Kosovën, dhe vendosur Kosovën nën administrimin e përkohshëm të Kombeve të Bashkuara,
Krenarë që Kosova që atëherë ka zhvilluar institucione funksionale, multietnike të demokracisë që shprehin lirisht vullnetin e qytetarëve tanë,
Duke rikujtuar vitet e negociatave të sponsorizuara ndërkombëtarisht ndërmjet Beogradit dhe Prishtinës mbi çështjen e statusit tonë të ardhshëm politik,
Duke shprehur keqardhje që nuk u arrit asnjë rezultat i pranueshëm për të dyja palët përkundër angazhimit të mirëfilltë të udhëheqësve tanë,
Duke konfirmuar se rekomandimet e të Dërguarit Special të Kombeve të Bashkuara, Martti Ahtisaari, i ofrojnë Kosovës një kornizë gjithëpërfshirëse për zhvillimin e saj të ardhshëm, dhe janë në vijë me standardet më të larta europiane për të drejtat të njeriut dhe qeverisjen e mirë,
Të vendosur që ta shohim statusin tonë të zgjidhur në mënyrë që t’i jipet popullit tonë qartësi mbi të ardhmen e vet, të shkohet përtej konflikteve të së kaluarës dhe të realizohet potenciali i plotë demokratik i shoqërisë sonë,
Duke nderuar të gjithë burrat dhe gratë që bënë sakrifica të mëdha për të ndërtuar një të ardhme më të mirë për Kosovën,
1. Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës.
2. Ne shpallim Kosovën një republikë demokratike, laike dhe multietnike, të udhëhequr nga parimet e jodiskriminimit dhe mbrojtes së barabartë sipas ligjit. Ne do të mbrojmë dhe promovojmë të drejtat e të gjitha komuniteteve në Kosovë dhe krijojmë kushtet e nevojshme për pjesëmarrjen e tyre efektive në proceset politike dhe vendimmarrëse.
3. Ne pranojmë plotësisht obligimet për Kosovën të përmbajtura në Planin e Ahtisarit, dhe mirëpresim kornizën që ai propozon për të udhëhequr Kosovën në vitet në vijim. Ne do të zbatojmë plotësisht ato obligime, përfshirë miratimin prioritar të legjislacionit të përfshirë në Aneksin XII të tij, veçanërisht atë që mbron dhe promovon të drejtat e komuniteteve dhe pjesëtarëve të tyre.
4. Ne do të miratojmë sa më shpejt që të jetë e mundshme një kushtetutë që mishëron zotimin tonë për të respektuar të drejtat e njeriut dhe liritë themelore të të gjithë qytetarëve tanë, posaçërisht ashtu siç definohen me Konventën Europiane për të Drejtat e Njeriut. Kushtetuta do të inkorporojë të gjitha parimet relevante të Planit të Ahtisaarit dhe do të miratohet nëpërmjet një procesi demokratik dhe të kujdesshëm.
5. Ne mirëpresim mbështetjen e vazhdueshme të bashkësisë ndërkombëtare për zhvillimin tonë demokratik nëpërmjet të pranive ndërkombëtare të themeluara në Kosovë në bazë të Rezolutës 1244 të Këshillit të Sigurimit të Kombeve të Bashkuara (1999). Ne ftojmë dhe mirëpresim një prani ndërkombëtare civile për të mbikëqyrur zbatimin e Planit të Ahtisaarit dhe një mision të sundimit të ligjit të udhëhequr nga Bashkimi Europian. Ne, po ashtu, ftojmë dhe mirëpresim NATO-n që të mbajë rolin udhëheqës në praninë ndërkombëtare ushtarake dhe të zbatojë përgjegjësitë që i janë dhënë sipas Rezolutës 1244 të Këshillit të Sigurimit të Kombeve të Bashkuara (1999) dhe Planit të Ahtisaarit, deri në atë kohë kur institucionet e Kosovës do të jenë në gjendje të marrin këto përgjegjësi. Ne do të bashkëpunojmë plotësisht më këto prani në Kosovë për të siguruar paqen, prosperitetin dhe stabilitetin në të ardhmen në Kosovë.
6. Për arsye të kulturës, gjeografisë dhe historisë, ne besojmë se e ardhmja jonë është në familjen europiane. Për këtë arsye, ne shpallim synimin tonë për të marrë të gjitha hapat e nevojshëm për të siguruar anëtarësim të plotë në Bashkimin Europian sapo që të jetë e mundshme dhe për të zbatuar reformat e kërkuara për integrim europian dhe euroatlantik.
7. Ne i shprehim mirënjohje Organizatës së Kombeve të Bashkuara për punën që ka bërë për të na ndihmuar në rimëkëmbjen dhe rindërtimin pas lufte dhe ndërtimin e institucioneve të demokracisë. Ne jemi të përkushtuar të punojmë në mënyrë konstruktive me Organizatën e Kombeve të Bashkuara gjersa ajo vazhdon punën e saj në periudhën në vijim.
8. Me pavarësinë vie detyra e anëtarësisë së përgjegjshme në bashkësinë ndërkombëtare. Ne e pranojmë plotësisht këtë detyrë dhe do t’i përmbahemi parimeve të Kartës së Kombeve të Bashkuara, Aktin Final të Helsinkit, akteve tjera të Organizatës për Siguri dhe Bashkëpunim në Europë, obligimeve ligjore ndërkombëtare dhe parimeve të marrëdhënieve të mira ndërkombëtare që shënojnë marrëdhëniet ndërmjet shteteve. Kosova do të ketë kufijtë e saj ndërkombëtarë ashtu siç janë paraparë në Aneksin VIII të Planit të Ahtisaarit, dhe do të respektojë plotësisht sovranitetin dhe integritetin territorial të të gjithë fqinjve tanë. Kosova, po ashtu, do të përmbahet nga kërcënimi apo përdorimi i forcës në cilëndo mënyrë që është jokonsistente me qëllimet e Kombeve të Bashkuara.
9. Ne, nëpërmjet kësaj Deklarate, marrim obligimet ndërkombëtare të Kosovës, përfshirë ato të arritura në emrin tonë nga Misioni i Administratës së Përkohshme të Kombeve të Bashkuara në Kosovë (UNMIK), si dhe obligimet e traktateve dhe obligimet tjera të ish-Republikës Socialiste Federative të Jugosllavisë ndaj të cilave obligohemi si ish-pjesë konstituive, përfshirë konventat e Vjenës për marrëdhëniet diplomatike dhe konsullore. Ne do të bashkëpunojmë plotësisht me Tribunalin Penal Ndërkombëtar për ish-Jugosllavinë. Ne synojmë të kërkojmë anëtarësim në organizatat ndërkombëtare, në të cilat Kosova do të synojë të kontribuojë për qëllime të paqes dhe stabilitetit ndërkombëtar.
10. Kosova shpall zotimin e saj ndaj paqes dhe stabilitetit në rajonin tonë të Europës Juglindore. Pavarësia jonë e sjell në fund procesin e shpërbërjes së dhunshme të Jugosllavisë. Gjersa ky proces ka qenë i dhembshëm, ne do të punojmë pa pushim për t’i kontribuar një pajtimi që do të lejonte Europën Juglindore të shkojë përtej konflikteve të së kaluarës dhe të farkojë lidhje të reja rajonale të bashkëpunimit. Për këtë arsye, do të punojmë së bashku me fqinjtë tanë për të avansuar të ardhmen tonë të përbashkët europiane.
11. Ne shprehim, në veçanti, dëshirën tonë për të vendosur marrëdhënie të mira me të gjithë fqinjtë tanë, përfshirë Republikën e Serbisë, me të cilën kemi marrëdhënie historike, tregtare dhe shoqërore, të cilat synojmë t’i zhvillojmë më tej në të ardhmen e afërt. Ne do të vazhdojmë përpjekjet tona për t’i kontribuar marrëdhënieve të fqinjësisë dhe bashkëpunimit me Republikën e Serbisë duke promovuar pajtimin ndërmjet popujve tanë.
12. Ne, nëpërmjet kësaj, afirmojmë në mënyrë të qartë, specifike dhe të parevokueshme se Kosova do të jetë ligjërisht e obliguar të plotësojë dispozitatat e përmbajtura në këtë Deklaratë, përshirë këtu veçanërisht obligimet e saj nga Plani i Ahtisaarit. Në të gjitha këto çështje, ne do të veprojmë në pajtueshmëri në parimet e së drejtës ndërkombëtare dhe rezolutat e Këshillit të Sigurimit të Kombeve të Bashkuara, përfshirë Rezolutën 1244 (1999). Ne shpallim publikisht se të gjitha shtetet kanë të drejtën të mbështeten në këtë Deklaratë, dhe i bëjmë apel të na ofrojnë përkrahjen dhe mbështetjen e tyre.

Admin Anëtarësuar : 06 Dec 2007 Mesazhe : 1793

Shtypi i sotëm britanik shkruan gjerësisht për zhvillimet e djeshme në Kosovë

Londër, 18 shkurt - Shtypi i sotëm britanik shkruan gjerësisht për zhvillimet e djeshme në Kosovë, pas shpalljes së Pavarësisë, me shkrime, editoriale dhe fotografi e karikatura me këtë temë. "Fajnenshëll tajms", në shkrimin me titull "Një lindje e vështirë" ndër të tjera, thuhet se "do të ishte e papërgjegjshme për të harruar se shteti më i ri i Evropës, ka pasur një lindje të gjatë dhe të vështirë dhe se e ardhmja është e mbarsur me vështirësi. BE duhet të garantojë që rruga për anëtarësim në BE të mbetet e hapur për Kosovën dhe pjesën tjetër të Ballkanit perëndimor, përfshi edhe Serbinë. Politika duhet të mbeshtetet me ndihma, tregëti dhe lehtësim vizash. Serbia kërkon vëmendje të veçantë. Ajo nuk duhet gjykuar nga fjalët e ashpra të kësaj jave, por nga veprimet gjatë muajve të ardhshëm. Rruga për në BE duhet të jetë e hapur. Ajo ka nevojë për kohë që të kapërdijë humbjen". Në mbyllje të këtij shkrimi në FT thuhet se "sa më shpejt që Kosova të pushojë së qeni një pikë konflikti mes lindjes dhe perëndimit, aq më mirë është për Kosovën dhe tërë rajonin e trazuar". Ndërkaq në "Tajms" bie në sy një karikaturë e flamurit serb, ku shqiponja e zezë dykrenare shqiptare i ka ikur kthetrave të shqiponjës serbe. Në shkrimin "Shteti më i ri i Evropës", editoriali i "Tajmsit" thekson ndër të tjera, se "një Kosovë e pavarur përballet me sfida në vënd dhe në aspektin ndërkombëtar". Nisur nga vështirësitë legale dhe diplomatike, Hashim Thaçi duhet të dëshmojë realizëm të çeliktë. Ai duhet të riktheksojë garancitë për minoritetin sërb dhe të shtyp çdo shpresa nacionaliste për një Shqipëri të Madhe. Ai po ashtu duhet të çfryjë çdo shpresë të egzagjeruar se pavarësia do të çojë në begati të menjëhershme. Tani ata janë sovranë, por duhet të punojnë shumë që të jenë shteti i suksesshëm i 46 i Evropës", përfundon editoriali i "Tajmsit". Gazeta "Indenpendent" tërë faqen e parë ia kushton festimeve në Kosovë, ku një vajzë e mbajtur në kurriz nën një det flamujsh kuq e zi dhe ka si kryetitull: "Ka lindur shteti i Kosovës". Kjo gazetë i kushton faqen katër dhe pesë tërë zhvillimeve në Kosovë. Veçohen shkrimet me titull "Fishëkzjarrët shpërthyen, borive u ranë dhe shteti i Kosovës u krijua". Në shkrimin "Një flamur, por pa vend në OKB për një vend i cili ende nuk ka sovranitet të plotë", shkruan se "ajo që do të njihet sot nga një numër vendesh të BE së dhe Shtetet e Bashkuara është një lloj protektorati, ku BE merr rolin e mbikqyrësit të luajtur deri më sot nga Kombet e Bashkuara. "Guardian" në faqe të parë boton një foto nga festimet për shpalljen e Pavarësisë dhe si titull ka: "Dita e Pavarësisë. Kosova e shpall atë në mënyrë të njëanshme". Në një koment tjetër me titull "Flamujt nuk jane të mjaftueshëm", po "Guardian", shkruan se "në sprovë është uniteti evropian. Aftësia e saj për të përballuar qoftë ushtarakisht, ashtu dhe politikisht me shtetin e sapolindur të Kosovës, mund të vihet në dyshim". Çështja tani nuk është nëse pavarësia riadreson gabimet e së kaluarës, por nëse ajo do të adresojë të ardhmen. Pak progres është bërë në ripajtimin mes shqiptarëve dhe serbëve. Ata në një farë mënyre kanë ndërruar vendet. E ndërsa kjo ndodh, shpresat për një të ardhme të re janë të ngrira".

Admin Anëtarësuar : 06 Dec 2007 Mesazhe : 1793

Belgjika pasqyron gjeresisht momentet e pavaresimit dhe festimeve te shqiptareve ne Kosove, belgjike e bote.

http://video.msn.com/video.aspx?mkt=nl-be

Admin Anëtarësuar : 06 Dec 2007 Mesazhe : 1793

Prizreni shpalosi flamurin e Adem Jasharit 3 kilometra të gjatë

17.02.2008 21:37 ET Prizren (KosovaLive)
Kremtja e pavarësisë në Prizren, deri tash është zhvilluar qetë, ndërsa në orët e vona të mbrëmjes janë shtuar rastet e hedhjes së mjeteve piroteknike, ndërkohë, që në qendër të qytetit vijon programi artistik i shoqërive të këtushme.

Ashtu edhe siç ishte paraparë, karakteristikë e kremtes në Prizren ishte shpalosja e flamurit kombëtar të përmasave të mëdha, të titulluar “Flamuri i Pavarësisë”, në gjatësi prej 3.005 metra e 98 centimetrash, që ishte simbolikë e luftës heroike të komandantit legjendar Adem Jashari.

Ky flamur, më i madhi i parë ndonjëherë në këtë qytet, është shpalosur nga Varrezat e dëshmorëve në Landovicë dhe ka përshkuar tërë rrugën unazore në Prizren.

Burime nga spitali në Prizren, konfirmuan për KosovaLive se deri tash vetëm dy persona kanë kërkuar ndihmën mjekësore, për shkak të lëndimeve të lehta.

Dr. Sadri Hulaj, shef i emergjencës, tha se njëri prej të lënduarve është 14 vjeçar dhe ka lënduar dorën me mjetet piroteknike, ndërsa një tjetër ka pësuar në aksident trafiku, pasi është goditur nga një veturë, në afërsi të Landovicës, por është jashtë rrezikut për jetë.

Ceremonia e kremtes në Prizren është zhvilluar e qetë dhe sipas parashikimeve në Prizren.

Përkundër temperaturave të ulëta, qendra e qytetit dhe rrugët kryesore vijimisht ka qenë e mbushur përplot qytetarë, të të gjitha komuniteteve, përfshirë ata shqiptarë, turq, boshnjakë dhe të komunitetit RAE, të cilët kanë krijuar një atmosferë emocionuese të përcjellë nga këngë e valle tradicionale.

Për t’ua uruar festën, në skenën e ngritur “Shatërvan” atyre u janë drejtuar edhe kreu komunal Ramadan Muja dhe kreu i PDK-së, Zafir Berisha.

Një pjesë e madhe e prizrenasve pa dallim moshe, aktin më të lartë të shpalljes së Pavarësisë e pritën në qendër të Prizrenit, duke i duartrokitur formimit të shtetit të shumëpritur.

Në orët e mbrëmjes, ndërkaq një pjesë e qytetarëve, kryesisht ata me gjendje të mirë materiale janë drejtuar nëpër lokale hoteliere.

Admin Anëtarësuar : 06 Dec 2007 Mesazhe : 1793

anetare te shquar Anëtarësuar : 08 Dec 2007 Mesazhe : 993

Dje kombi shqiptar rrealizoi endren e tij shekullore per pavarsimin e Kosoves. dita e djeshme do te mbetet ne kujtesen historike si dita e rilindjes se mbar kombit shqiptar. Por sot sfida te reja e presin kosoven, sfida te cilat padyshim ajo do te dije ti perballoje ashtu siç ka bere deri me sot. Urime dhe njehere, dhe suksese Kosove!

Admin Anëtarësuar : 06 Dec 2007 Mesazhe : 1793

Admin Anëtarësuar : 06 Dec 2007 Mesazhe : 1793

Shkijet mbasi kishin majt peng per 1 shekull me doren e Rusise, Kosoven zemren e Shqiptareve, tani jane ne kerkim te ndonji "donatori" se kane met pa zemer, duke u kthyer keshtu ne origjine.

anetaret me aktiv Anëtarësuar : 16 Dec 2007 Mesazhe : 197

Gezuar kosova !!

Anëtarësuar : 18 Jan 2008 Mesazhe : 36

Dje ka qene nje dite e paharrueshme. Shqiptaret arriten me ne fund ta shembinin mitin e Serbise se madhe. Rrofte kombi shqiptar. Rrofte Kosova e lire.

Anëtarësuar : 07 Jan 2008 Mesazhe : 24

<table class=lajmikryesor_titulli cellSpacing=2 cellPadding=0 width="100%" border=0><tr><td>SHBA-të dhe shtetet kryesore të BE-së njohin pavarësinë e Kosovës </TD></TR></TABLE>

SHBA-të e njohën sot zyrtarisht Kosovën si shtet sovran dhe të pavarur. Ne e urojmë popullin e Kosovës me këtë rast historik, thuhet në kumtesën e Departamentit Amerikan të Shtetit. Nga radhët e BE-së, Franca e ka bërë hapin e parë drejt njohjes. Shefi i diplomacisë franceze Bernard Kushner, pas takimit të ministrave të jashtëm të BE-së në Bruksel, tha se presidenti i Francës, Nikollas Sarkozi i ka dërguar Presidentit të Kosovës, pranimin zyrtarë të njohjes. </TD></TR></TABLE>

Anëtarësuar : 07 Jan 2008 Mesazhe : 24

Presidenti Bush gjate vizites ne Afrike

Presidenti amerikan Xhorxh Bush sot e pranoi deklaratën historike për pavarësinë e Kosovës, kur deklaroi se kosovarët tani janë të pavarur, njofton BTA, duke iu referuar agjencisë Asoshieted pres.
Udhëheqësia e Kosovës pavarësinë nga Serbia e shpalli dje dhe qytetarët e Kosovës për sot e presin mbështetjen e SHBA-së dhe forcave kryesore evropiane, transmeton MIA.
"Kjo është një gjë për të cilën unë dhe administrata ime jemi angazhuar", deklaroi Bush në intervistën për programin "Denes" të televizionit NBC.
"Plani i Marti Ahtisarit është projekti ynë për përparim. Ne sot do të ndjekim si po zhvillohet situata. Kosovarët tani janë të pavarur", deklaroi presidenti amerikan

Anëtarësuar : 07 Jan 2008 Mesazhe : 24

Organizata Konferenca islamike (OKI) njoftoi sot se e përkrah pavarësinë e Kosovës, njoftoi Frans pres.
"Kombi islam i dëshiron popullit të Kosovës dhe Qeverisë së saj të arrijë sukses në luftën e re për shtet të fuqishëm dhe me prosperitet", thuhet në kumtesën e OKI-së, ku anëtarësojnë 57 vende.

Admin Anëtarësuar : 06 Dec 2007 Mesazhe : 1793

Berisha: Tani ambasador ne Prishtine

E Marte, 19 Shkurt 2008

Fatjona Mejdini

Shqiperia e njohu dje Kosoven si shtet te pavarur. Ne nje konference per shtyp, Kryeministri Berisha, i shoqeruar nga ministri i Puneve te Jashtme, Lulzim Basha, deklaroi se qeveria e konsideron krijimin e shtetit te Kosoves nje ngjarje historike, qe sanksionon te drejten e qytetareve te saj per te vetevendosur. Kryeministri Berisha njoftoi se sot do te mblidhej Keshilli i Ministrave per te vendosur ngritjen e marredhenieve diplomatike midis Republikes se Shqiperise dhe Republikes se Kosoves ne rang ambasadoresh. Me njohjen e Kosoves si shtet i pavarur, Kryeministri Berisha u zotua dje se nuk do te prisheshin marredheniet diplomatike me ato vende, te cilat nuk do ta njihnin pavaresine e Kosoves.

“Ne do te bejme perpjekjet maksimale per te garantuar mbeshtetjen per njohjen e pavaresise se Kosoves nga secili vend i OKB-se. Se dyti, keto perpjekje nuk interferojne ne marredheniet bilaterale te Shqiperise me keto vende. Ato ruajne nivelin e tyre miqesor dhe zhvillohen ne menyre te pavarur nga keto perpjekje”, deklaroi Berisha gjate konferences per shtyp te dhene me kete rast. Kryeministri Berisha, paraditen e djeshme, shpjegoi edhe arsyet e mosvajtjes se delegacioneve shqiptare ne Kosove dy dite me pare, ne diten e shpalljes se Pavaresise. Keshtu, Berisha sqaroi se prezenca e perfaqesuesve te shtetit shqiptar ne diten e shpalljes se Pavaresise do te ngjallte reagime jo,pozitive nga faktori nderkombetare. Keshtu, sipas Berishes, ndonese shpirterisht ai ndodhje ne Kosove festa e dy diteve me pare ishte ne radhe te pare per vete kosovaret qe per shume vjet e kishin pritur ate cast.

“Dua te sqaroj se me shpirt dhe me zemer, Tirana zyrtare, Shqiperia zyrtare dhe jozyrtare ka qene e tera aty, por asnje shqiptar nuk do te donte qe kjo te ishte nje feste vetem mes Kosoves dhe Shqiperise. Kjo duhet dhe do te jete nje feste midis Kosoves dhe gjithe miqve te Kosoves dhe Shqiperise”, deklaroi Berisha. Sipas tij, me shpalljen zyrtare te shtetit te Kosoves, ai dhe delegacioni shqiptar do te ishin atje, ashtu si edhe perfaqesuesit e larte te vendeve te tjera evropiane dhe me gjere. Ne mbledhjen e djeshme te Grupit parlamentar te PD-se, Berisha vleresoi edhe menyren se si qytetaret e Kosoves e priten diten e pavaresise se saj, duke theksuar menyren dinjitoze te festimit pa krijuar incidente. “Festa ishte nje demonstrim madheshtor i shkalles se civilitetit, maturise se qytetareve te Kosoves. Mendoj se ata deshmuan para te gjithe botes se meritonin plotesisht pavaresine”, theksoi dje Berisha, duke shtuar se kjo maturi tregon se qytetaret kosovare do te respektojne te gjithe minoritetet qe bejne pjese ne kete shtet.

Njohja

Vetem pak minuta, pasi SHBA e njohu zyrtarisht pavaresine e Kosoves, Kryeministri Berisha i shoqeruar nga ministri i Jashtem, Basha, doli ne nje konference per shtyp, ku deklaroi edhe njohjen nga ana e Shqiperise te Kosoves si shtet. Ne kete deklarate, Berisha u bazuar mbi Deklaraten e Kuvendit te Shqiperise, date 21 tetor 1991 dhe ne mbeshtetje te vendimit te Kuvendit te Kosoves te dates 17 shkurt 2008, per shpalljen e Pavaresise.

Prezenca

Kryeministri Berisha shpjegoi dje se, ndonese shpirterisht ai, dy dite me pare, ishte ne Kosove, interpretimet e ndryshme qe mund t’i beheshin kesaj vizite e ndaluan ate dhe perfaqesues te tjere te vendit te ishin aty. Por Kryeministri theksoi se delegacionet shqiptare do te ishin ne Kosove ne momentin kur ajo zyrtarisht te shpallej si shtet dhe kur edhe delegacione te vendeve te tjera ta vizitonin ate.

Festimet

Kreu i qeverise, Berisha, pershendeti edhe menyren se si kosovaret e festuan shpalljen e pavaresise, dy dite me pare, pa shkaktuar asnje precedent. Sipas Berishes, festimet per pavaresine deshmuan shkallen e larte te civilitetit dhe maturise se qytetareve te Kosoves. Sipas Berishes, ky civilizim i qytetareve te Kosoves jap garancine se ne kete shtet do te mbizoteroje paqja mes minoriteteve.

anetare te shquar Anëtarësuar : 08 Dec 2007 Mesazhe : 993

Vazhdon të rritet numri i shteteve që po i bashkohen grupit të njohjes zyrtare të Shteti të ri të Republikës së Kosovës. Qeveria federale australiane edhe formalisht ka njohur Kosovën si një shtet të pavarur, duke premtuar se shumë shpejt do të marrin në konsideratë vendosjen e marrëdhënieve diplomatike.
Në një deklaratë të lëshuar sot, ministri i Jashtëm australian, Stiven Smith tha se Australia respekton vendimin e popullit të Kosovës. Smith i dëshiroi Qeverisë së re të Kosovës çdo të mirë dhe potencoi nevojën që shteti i pavarur të mbrojë të drejtat dhe sigurinë e minoriteteve etnike, si dhe trashëgimisë kulturore.
Poashtu edhe Qeveria e Costa Rikës ka njohur pavarësinë e Kosovës, dhe ka uruar shtetin e ri "ndërtim të suksesshëm dhe demokratik të shteti të Kosovës . Ministri i Punëve të jashtme të Costa Rikës në letrën e tij zyrtare shkruan se nën ushtrimin e fuqive të tij diplomatike dhe në pajtueshmëri me standardet ndërkombëare mbështet pavarësinë e Kosovës.
Që në ditën e parë pas shpalljes, pavarësia e Kosovës si shtet i pavarur dhe sovran është pranuar nga këto shtete: SHBA, Franca, Britania e Madhe, Gjermania, Estonia, Afganistani, Italia, Latvia, Shqipëria, Australia, Belgjika, Turqia, Finlanda dhe Lituania, Austria, Senegali . Ndërkaq sipas ministrit të mbrojtjes së Maqedonisë, Lazar Elenvoski, për këtë shtet pavarësia e Kosovës është e pranueshme. Pavarësia e Kosovës do të njihet brenda disa javësh edhe nga Bullgaria, ka bërë të ditur ministri i jashtëm Ivalin Kalfin, sipas të cilit vonesa ka të bëj me procedurat nacionale për pranimin e pavarësisë.
Konferenca islamike botërore me 57 shtete anëtare përmes një deklarate kanë mbështetur pavarësinë e Kosovës, ku i urohet Kosovës sukses në ndërtimin e një shteti të fortë dhe prosperues.

Anëtarësuar : 07 Jan 2008 Mesazhe : 24

Nuk ka përmasa më të madhaja.
Dardania.jpg‎ (përmasa 192 × 240 px, madhësia skedës: 10 KB, lloji MIME:

anetaret me aktiv Anëtarësuar : 04 Jan 2008 Mesazhe : 141

Serbet kerkojne ta minojne pavaresine ekosoves duke u perpjekur te krijojne destabilitet.

Njësitë e KFOR-it kanë ndërhyrë pas djegjes nga kriminelë serbë të pikave kufitare me Serbinë në veri të Kosovës.
Si pasojë e këtyre sulmeve policia ishte larguar nga pikat e kontrollit dhe kishte kërkuar ndihmën e KFOR-it. Burimet policore thanë se kanë kërkuar ndërhyrjen e forcës ndërkombëtare për të evakuuar policët në vendin e ngjarjes.
"KFOR-i po ndërhyn", tha një zëdhënës i forcave ndërkombëtare.
"Kemi dy pika kufitare që po digjen. Djegjet janë provokuar nga grupet e serbëve në veri dhe veriperëndim të Kosovës. Gjendja është thjesht e papranueshme. Deri tani kemi parë njerëzit të protestojnë lumturinë apo pakënaqësinë e tyre me dinjitet, maturi dhe përgjegjësi. Ne nuk mund t'i pranojmë këto sjellje që vijnë nga komuniteti serb", tha Bertrand Bonneau, zëdhënësi i KFOR-it

Admin Anëtarësuar : 06 Dec 2007 Mesazhe : 1793

[b]Sokol Balla heshti për "Zëri i Popullit" të Ramës, që s'doli ditën e pavarësisë së Kosovës

[/b]

Nga Kastriot Myftaraj - Sokol Balla, ditën e diel, duke komentuar mënyrën se si e kishin përcjellë gazetat e Tiranës ditën e shpalljes pavarësisë së Kosovë, veçoi gazetën “Sot” si atë që sipas tij e ka përcjellë më keq këtë ngjarje të shënuar. Gazeta “Sot” e përcolli këtë ditë me pesë faqe kushtuar Kosovës, dhe po të jetë për përmbajtjen, Balla të detyron që të heqësh dorë nga modestia dhe t’ i thuash se pas 100 vjetësh, në rast se studiuesit të bëjnë atë që bëri Balla të dielën me shtypin shqiptar të kësaj dite, shpresoj se nga të gjithë shkrimet e botuar këtë ditë, do të veçojnë nga pikëpamja e Shqiptarizmit, pikërisht shkrime të botuar në gazetën “Sot”. Ndërsa Ballës pas 100 vjetësh i del keq llogaria, se atëherë do të jenë hapur arkivat dhe të gjithë do ta kenë të qartë se kush është ai gazetari që komunikonte me agjentin serb në Tiranë, për të cilin foli Presidenti Topi para disa ditësh. Por nëse Sokol Balla do të kishte vërtet si qëllim që të komentonte mënyrën se si e përcolli shtypi i Tiranës ditën e pavarësisë së Kosovës, dhe jo të sulmonte gazetën “Sot”, ai nuk do të rrinte pa komentuar faktin e çuditshëm që ditën e pavarësisë së Kosovës nuk kishte dalë gazeta e PS, “Zëri i Popullit”. U bënë disa herë në fakt që gazeta “Zëri i Popullit” nuk del të dielave, por këtë të diel ajo duhej të kishte dalë, aq më tepër kur mburret se ka dalë edhe në kohën e Luftës së Dytë Botërore. Derisa “Zëri i Popullit” nuk doli ditën e pavarësisë së Kosovës, atëherë kjo të bën të mendosh, se mosdalja e kësaj gazete disa herë të dielave, ka qenë përgatitja e alibisë për mosdaljen e kësaj gazete ditën e pavarësisë së Kosovës. Se dihet që pavarësia do të shpallej një ditë të dielë, në janar apo në shkurt. “Zëri i Popullit” nuk doli të dielën e pavarësisë së Kosovës jo se i mungonin paratë, se ka shumë biznesmenë të fuqishëm që për hatër të Edi Ramës, që u jep leje ndërtimi e tenderë, i japin para gazetës. “Zëri i Popullit” nuk doli në këtë ditë se nuk donte Edi Rama që të dilte. “Zëri i Popullit” nuk doli ditën e pavarësisë së Kosovës, për hatër të Miladin Popoviçit, i cili ka qenë kryeredaktori i parë faktik, i kësaj gazete. Miladin Popoviçi e donte Kosovën nën Jugosllavinë e AVNOJ-t, ose më saktë nën Serbi, po të ishte në dorën e tij, dhe jo në dorën e kroatit Josip Broz Tito. Mosdalja e “Zërit të Popullit” ditën e pavarësisë së Kosovës, duket se është mendimi i ri politik i dalë nga Fondacioni “Qemal Stafa”. Koço Tashko ka shkruar se Qemal Stafa ishte njeriu më afër Miladin Popoviçit. Nëse do të ishte për Miladin Popoviçin, gjëja më e mirë që mund të bënte “Zëri i Popullit” ditën e pavarësisë së Kosovë, ishte që të mos dilte fare atë ditë. Dhe vullnetin e Popoviçit e përmbushën qemalstafistët, pra popoviçistët e rinj, Edi Rama dhe Eva Allushi (kryeredaktorja e “Zërit të Popullit”) “Zëri i Popullit” duhet të kishte dalë të dielën e pavarësisë së Kosovës pikërisht për të larë disi atë turp që ka bërë në vite me Kosovën, kur në faqet e “Zërit të Popullit” deri në vitin 1981, gjeje shkrime që denonconin gjendjen e popujve të shtypur të Afrikës, por jo për shqiptarët e Kosovës. Dhe pas vitit 1981, “Zëri i Popullit” shkruante për Kosovën kryesisht në rubrikën “Shtypi botëror rreth ngjarjeve në Kosovë”. Ndërsa skribët e “Zërit të Popullit” merreshin me popullin palestinez, atë salvadorian apo atë filipinas. “Zëri i Popullit” nuk doli të dielën e pavarësisë së Kosovës se është gazeta e partisë që edhe në vitin 2000, e sintonizoi me ligj Shqipërinë me orën e Moskës, kur konfirmoi me ligj 9 majin, si ditën e fitores mbi fashizmin. Kur Shqipërisë i takon të ketë 8 majin si vendet perëndimore, dhe ato ish-komuniste, që e kanë ndryshuar atë që u imponoi Moska, për shkak se Shqipëria nuk është në një zonë kohore me Moskën, kryeqytetin e Rusisë, që caktoi 9 majin se në momentin e kapitullimit në 8 maj në Berlin, në Moskë kishte hyrë data 9 maj. Por Sokol Balla nuk e komentoi mosdaljen e “Zërit të Popullit” të dielën, se Balla është mëkëmbësi kryesor mediatik i Edi Ramës. Balla para se të bëjë komente si atë që bëri për gazetën “Sot” ka detyrimin që të dalë publikisht dhe të kërkojë sqarimin e akuzës që i bëri Presidenti Topi, se është interceptuar nga SHISH duke i thënë një agjenti serb se do ta sulmojë Presidentin gjatë vizitës së tij në Kosovë, në një kohë që Presidenti po sulmohej nga Moska dhe Beogradi se kishte thënë që këto po destabilizojnë Ballkanin duke mos njohur pavarësinë e Kosovës. Balla, duke heshtur u vetëkompromentua. Gjithashtu u vetëkompromentua edhe Edi Rama, që e la të kalojë deklaratën e Topit, pa u ndalur tek ajo dhe t’ i kërkojë shpjegime Presidentit, nëse është siç thotë ai, apo Presidenti kërkon të ushtrojë presion mbi mediat? Por duket se Rama e di të vërtetën prandaj hesht. Duket se Balla dhe Rama i kanë dhënë fjalën të njëjtit njeriu se do ta kënaqin në mënyra të ndryshme. Duket se edhe kryeredaktorja e “Zërit të Popullit”, Eva Allushi, që ka lidhje të vjetra familjare me serbët, se në shtëpinë e saj në Vlorë është strehuar Dushan Mugosha në kohën e Luftës së Dytë Botërore, i ka thënë dikujt në telefon të dielën: E shikon ç’ bëra, nuk e nxora fare gazetën! Dhe duket se përgjigja që kanë marrë është: Dobro bre Sokol e Sokolicë!

anetare te shquar Anëtarësuar : 08 Dec 2007 Mesazhe : 993

Koha për pavarësinë e Serbisë

Nga Michael C. Polt, “Washington Times”*

Ka ardhur koha. Ka ardhur koha për Serbinë që të deklarojë njëanshmërisht pavarësinë e saj. Ky vend i pavarur mundet atëherë të mbrojë të drejtat e të gjithë njerëzve në Kosovë, veçanërisht të serbëve etnikë, po aq mirë sa mbron trashëgiminë e saj historike atje. Kjo Serbi e pavarur do të mundë atëherë t’i japë fund përgjithnjë luftërave në Ballkan, të nisura që në 1990, nëse ajo do të kapë Ratko Mlladiçin dhe ta çojë atë së bashku me ata që e kanë fshehur pas supeve të popullit serb në Hagë. Kjo Serbi e çliruar dhe e pavarur do të mundë atëherë të lejojë fuqinë krijuese dhe zotësinë e popullit të saj të ndërtojë një shoqëri të drejtë dhe të përparuar dhe të bëhet demokracia më e rëndësishme e rajonit. Shumë keq, nëse nuk do ndodhë një gjë e tillë. Udhëheqësit serbë hedhin poshtë pavarësinë e Kosovës dhe kësisoj ata hedhin poshtë pavarësinë e Serbisë. Radikalët serbë mohojnë madje edhe lidershipin mohues të këtij vendi.
Populli serb nuk do asgjë më shumë sesa pavarësinë e tij të vërtetë e për pasojë fitoren mbi të shkuarën, por ata janë duke thënë se serbët “e vërtetë” nuk duan fitore. Serbët e “vërtetë” duan një betejë, ku të humbin, të ndjekur nga një diskutim spiritual të gjatë sa shekujt mbi atë se kush dhe çfarë e shkaktoi humbjen.
Por, pa një kampion të besueshëm serb për pavarësinë e Serbisë, popullit të shkëlqyer të këtij vendi nuk i shërbehet një dietë tjetër nga ajo e vjetra, gjithnjë disfatiste, dija konvencionale mbi historinë e Serbisë.
Kështu, si një amerikan praktik, i shkolluar në rrugën e politikës së mundësive, madje edhe me ndonjë rrezik, unë kam pyetur veten shpesh se pse një lider i zgjuar serb nuk i ofron popullit të tij pa hezitim pavarësinë që ai dëshiron.
Gjatë viteve si ambasador i vendit tim në Beograd, unë e kam bërë këtë pyetje me ngulm, drejtpërdrejt dhe kam marrë të njëjtën përgjigje nga një anë e shoqërisë serbe:
1) Populli e sheh të ardhmen e Serbisë me një Kosovë brenda saj dhe për këtë është i bindur të luftojë dhe
2) nëse një lider, nuk ka rëndësi sesa popullor është, do të mbështesë pavarësinë e Kosovës, ai do të bënte vetëvrasje politike. Një argumetim i ngjashëm, ndonëse pak më i dobët, vlente edhe për kapjen e Radko Mlladiç.
Një numër analistësh, vendas dhe të huaj, ndajnë të njëjtën pikëpamje mbi atë se pavarësia e Serbisë nga e kaluara e saj do të kërcënojë Serbinë demokratike dhe stabilitetin e rajonit.
Unë nuk pres që kjo të ndodhë.
Serbia nisi të ndërtojë demokracinë e saj pas humbjes në Bosnjë dhe aventurës në Kosovë dhe u bë më produktive si komb pas fundit të martesës së palumtur të Malit të Zi me të.
Do të jetë një Serbi më e mirë pas pavarësisë së Kosovës dhe pasi Mlladiç të mbesë gjithashtu pas saj. Unë nuk mendoj se shumica e popullit të shquar të Serbisë ka frikë për jetën pas Kosovës, por retorikat e nxehta të politikanëve bëjnë që një argument populist kundër “të poshtërve, amerikanëve vendgrabitës, evropianëve dhe Gjykatës antiserbe në Hagë” të marrë jetë.
Ne tashmë kemi kaluar afatet më të fundit të kërkesave të komunitetit ndërkombëtar për pavarësinë e Serbisë. Më 10 dhjetor 2007, treshja e BE, SHBA dhe Rusisë përfundoi përpjekjet e saj për një zgjidhje të negociuar të çështjes së Kosovës.
S’pati asnjë zgjidhje. Më 3 shkurt, një kandidat me bindje demokratike dhe i orientuar kah Europa rifitoi zgjedhjet në Serbi. Fatkeqësisht, ai është bërë pjesë e retorikave të shumicës së drejtuesve serbë për Kosovën. Zgjidhja e vetme për Kosovën dhe më e rëndësishmja për Serbinë është e mirënjohur.
Kosova do të ndahet nga Serbia pa një marrëveshje të negociuar me Beogradin, duke fituar një status të pavarur nga Serbia. Por Kosova nuk do jetë tërësisht e pavarur nga përgjegjësitë e saj për të ndërtuar një shoqëri të drejtë për të gjithë njerëzit e popullit të saj, aq sa është e nevojshme.

* Michael C. Polt është një diplomat karriere dhe ka shërbyer si ambasador amerikan në Serbi nga viti 2004 deri në vitin 2007