Pavaresia eshte me e mire se seksi

Fanellat e Pavarësisë

‘Bac, u kry” , ‘Now I have a state’(Tash kom shtet), “Independence is better than SEX’ (Pavarësia është me e mirë se Sex-i), ‘Independence is better than having electricity” (Pavarësia është me mire se me pas rryme), ‘193rd State” (Shteti i 193), ‘Kosova Mëmëdheu im’ i shkruar në disa gjuhë. Këto janë vetëm disa nga dizajnët e fanellave për ditën e pavarësisë nga disenjatorë kosovar.
Sikur shumë gjera që ishin marr me iniciativa e vetë qytetarëve për të festuar ketë ditë të madhe, edhe disenjator apo njerëzit e vullnetit të mirë kanë harxhuar parat por edhe mundin e tyre për të bërë që kjo dite të jetë me ndryshe me dizajnët e tyre. Madje shumica e këtyre fanellave edhe janë shpërndarë falas.
Dikush thoshte që si po duket më shumë është menduar dhe harxhuar kohë ne dizajnimin e këtyre fanellave se ne dizajnimin e flamurit dhe stemës se Kosovës. Krenar Gashi, i cili ka bërë dizajnin e një fanellë mjaftë të përfolur dhe të pëlqyer për pavarësinë e Kosovës thotë se ideja për të kontribuar disi në kremten e pavarësisë ka qenë e kamotshme. “Unë me dy shokët e mi, Muhamet Jashanicen edhe Besnik Nulin, kemi pas shumë ide, por qëllimi ka qenë me krijua diçka origjinale, diçka që mbetet në mend, ndërsa kjo me se miri është ilustrua me figurën e Adem Jasharit, një personaliteti revolucionar që simbolizon luftën për pavarësi të Kosovës” , thotë Krenari.
Ndërsa shton se për sloganin e bërë ‘Bac, u kry’ e kanë irrituar disa persona e gazeta që janë munduar t’i korrigjojnë “gabimet”, e tyre të qëllimshme. “Fjala bac është shkruar në mënyrën qysh kosovarët e shqiptojnë këtë fjalë, jo bacë por bac! U kry, po ashtu është një fraze e shpeshte që përdoret në Kosovë”, shton Gashi.
Tregon se tek të nesërmen pas pavarësisë janë bindur se e kanë qëlluar më ketë slogan, pasi pos mediave kosovare dhe atyre botërore, slogani është bërë një përshëndetje e shpeshte mes qytetareve për ditën e pavarësisë. “Unë jam habitur pa masë kur kam dëgjuar se ‘Fiks Fare’ në televizionin ‘Top Channel’ e kanë përfunduar emisionin e tyre me fjalët ‘BAC U KRY’.
Ky dizajn me se pari ishte bërë një pllakat i madh, pastaj ai thotë se të përkrahur financiarisht nga agjencia turistik ‘Eurokoka’ kanë shtypur diku 1000 fanella të cilat i kanë shpërndarë falas. Por për t’i mundësuar çdonjërit që të ketë dizajn këta djem kanë hapur edhe një ueb-faqe www.bacukry.com ku kanë lenë mundësinë që njerëzit të shkarkojnë dizajnin në kualitet të larte, të cila pastaj ishin shtypur edhe jashtë Kosovës.
Ndërsa ekipi i disenjatorëve “Trembela” ka dizajnuar disa fanella për ditën e pavarësisë. Disa nga to ishin edhe “Independence is better than having Electricity” , “Independence is better SEX” , “Independence is better than IPhone” dhe ” Independence is better than vodka” ishin dizajnët e këtyre djemve ne fanellat të cilat i kishin shtypur me buxhetin e tyre.
“Kemi bë diku rreth 177 fanella, dhe krejt i kemi shpërnda pa pare të njerëzit që kanë festuar ketë ditë” , thotë Yll Rugova njeri nga ideatorët e këtyre fanellave. Ai thotë se nuk kanë qitë reklame e tyre se nuk kanë dashtë me shfrytëzua rastin me reklamua për feste, megjithëse sipas Yllit ata kanë pas oferta me i financuar por nuk kane dashur të marrin para prej askujt, se të gjithë sipas atij kanë kërkuar me pas reklamën e vet në fanella, diçka që nuk është pranuar nga disenjatorët.
Tregon se ideja është që se shpejti me bë një ueb-faqe ku secili e shkruan fjalën e vet prej të cilës gjenerohet dizajni me atë fjalën e shkruar pas “Independece is better…”. “Sa për idenë, kjo ka qenë mënyra jonë për me tregu sa shumë po e dom pavarësinë, jemi mundua me shkua në ekstrem për shumë gjëra, për efekt ma të fuqishëm, e ne disa rast edhe kemi provokua” , tregon Ylli.
Ndërkaq autori i dizajnit “Tash edhe unë kam shtet” Vegim Kraja, tregon se ideja ka ardhur se bashku me disa të afërm me bë një dizajn të tillë në fanella. “Idenë për fanella ma ka jep gazetarja Gjeraqina Tuhina, kurse slogani ma ka propozua motra ime Garentina Kraja” tregon Vegimi.
Alban Muja
gazeta Express
Prishtine

Ha, Ha Ha “Independence is better than SEX’ (Pavarësia është me e mirë se Sex-i),