Suverenja dhesuvenirja

Titulli: Suverenja dhesuvenirja Fri Feb 22, 2008 4:50 pm

Flamuri i Kosovës është Sovran, ndërsa ai kombëtar është Suvenir!

Muhamer Ibrahimi - Trimi rastësisht hyri në historinë e re të
Kosovës. Jo duke bërë luftën e duke rënë dëshmor, (ishte ushtar
i UÇK-së) por duke menduar para një PC-je. Ai e ka krijuar
veprën, ka konkurruar dhe ka fituar. Hallall. Ai është dizajner
i durueshëm, nuk është nga ata patetikët që u vlon gjaku! Flamuri
shtetëror i Kosovës është “i pangjyrë”, por harmonik,
tërheq shumësi interpretimesh, pra nuk është “i thatë”, ka një
kompozicion të balancuar dhe është i thjeshtë.
Por është i pangjyrë politikisht dhe në aspektin nacional,
sepse nuk përmban gjakun, gjuhën dhe etninë, pra as ngjyrat
e partive dhe nacionalizmave! Saktë. Pra, flamuri i Kosovës
nuk ka ngjyra nacionale, sepse shteti i Kosovës nuk është projekt
i mbështetur në gjak, gjuhë dhe etni. Por një vlerë shumë
më të lartë dhe shumë më universale.
Trimi nuk e ka për obligim ta komentojë vepren e vet. Vepra
artistike nuk komentohet nga autori, por nga kritika. Lexova
se “The Guardian’i” londinez i ka bërë një recension të parë
flamurit kosovar, kurse këndejpari, askush nuk e merr kurajon
qytetare që të recensojë këtë vepër artistike, të kodifikuar
tashmë nga forca e ligjvënësve kosovarë në simbol shteti, në
këtë rast flamurin e shtetit më të ri të globit. Pse?
Komisioni qeveritar për seleksionimin dhe përzgjidhjen e
flamurit (simboleve të shtetit) nuk sqaroi për publikun pse u
zhgjodh pikërisht vepra e Trimit, sepse nuk e dinë as vetë përse,
ose e dinë përciptazi, por nuk e thonë sepse frikësohen nga
populli, si çdo pushtet i mbyllur në ideologji të caktuara, se
mos populli nuk do t’ua pranojë përzgjedhjen.
Trimi e ka bërë punën e tij dhe ai tashti nuk duhet të shpjegojë.
Është qeveria ajo që duhet ta ketë versionin e vet për
domethënien e këtij simboli, sepse ajo është edhe juri profesionale,
edhe pse do të detyrohen të dalin duke ua thënë qytetarëve
versionin më demagogjik të mundshëm, p.sh: se si ngjyra
e kalter simbolizon integrimet panevropiane, paqen, tolerancën
mes etnive, kurse harta e Kosoves në mes simbolizon
gjeografinë aktuale të Kosovës, (tërësinë territoriale) si dhe 6
yjet simbolizojnë 6 etnitetet që jetojnë në Kosovë. OK. Interpretimet
megjithatë nuk ndalen në këtë qark të mbyllur.
Më 10 mars Hashim Thaçi e ka paralajmëruar ceremoninë
shtetërore të ngritjes së flamurit dhe ai, para se të dalë para
popullit, duhet të shkojë në shkollën fillore “Ismail Qemali”
dhe t’ua zbërthejë atyre “kodin e fshehtë” të flamurit, sepse
ata do të duhet ta vizatojnë atë në orët e artit figurative, ata
duhet ta tejçojnë tek një brez tjetër kosovarësh dhe, natyrisht
Thaçi pas kësaj, duhet të shkojë në kazermën “Adem Jashari”
dhe t’ua zbërthejë ushtarëve simbolin, para të cilit ata do të
betohen, se …”Do të mbrojnë këtë cope tokë ngjyrë ari…”
Me këtë simbol ata do të zgjohen nga gjumi, do të qëndrojnë
gatitu, do të gëzohen, ama me të edhe mund të mbështillen
arkivolet e tyre. Punë e rëndë, por detyrim qytetar!
Nuk e di cila do të jetë përgjegjja e Thaçit, por e di se fëmijtë
e mi do të shkojnë në ushtri dhe do të betohen ‘mi këtë flamur!

Ndoshta edhe në misione paqësore, në Irak, Afganistan…[size=7]Çeçeni! Flamuri është ky, i qortueshëm por i mirë.
Nuk është sëkëndejmi as “boshnjak” as bonjak, siç komentohet
aktualisht në shtypin kosovar. Flamuri boshnjak ndanë
hapësirën në dy entitete dhe këtë hapësirë e mbajnë unike me
zor, po ato yje (simbole të BE’së), ndërsa yjet në kodin kosovar
e ndajnë Kosovën nga Serbia, e nuk e ndajnë përbrenda
entitetit dhe etnisë!? Madje, flamuri i Kosovës përmban dy
ngjyrat bazë të flamurit të Dukagjinëve, të kaltrën dhe të verdhën...
Qe edhe një interpretim i mundshëm. Interpretimet janë
të pakufishme…
Por nuk janë fare të rëndësishme, janë sa për t’u argëtuar.
Recensioni i “The Guardian”, për një flamur pa bojë, në kuptimin
e parë politik, është i drejtë, siç është i drejtë konstatimi
se shteti i Kosovës nuk lind si projekt nacional, (shtetet-kombe
janë tregime të shekullit 19) por si projekt i vlerave të reja
perëndimore, të demokracisë, të drejtave të njeriut dhe multietnicitetit
dhe multikulturalitetit pra si mundësi e jetës së
përbashkët të diversiteteve.
Pra të jetosh në paqe më tjetrin/tjetren, ky është projketi
mbi të cilin lindi shteti i Kosovës.
Kosova është shteti amë i kosovarëve dhe Prishtina është
piemonti i mendësisë shqiptare të kësaj cope toke. Flamuri i
Kosovës është Sovran, ndërsa ai kombëtar është Suvenir!
Ky është ai dallimi esencial që pushteti aktual nuk e kupton
ose shtiret kinse nuk e kupton për qëllime të pushtetit
personal, kurse populli mendon se ky flamur është vetëm një
domosdo e përkohëshme, një “gjuhë e re” dhe e rreme, sa për
të komunikuar me perëndimin. Kush kënd po përpiqet ta rrejë?
Këtë duhet ta ketë parasysh Hashim Thaçi kur t’ua shpjegojë
ushtarëve të Kosovës domethënien e flamurit. Autor të
ndryshëm gjëjnë në të “kode të fshehta” pagane, judaiste,
madje edhe katolike. Interpretimet s’kanë kufi, pra mirë që
njerëzit flasin, komentojnë, zbërthejnë...
Në përgjithësi ngjyra blu do të duhej të konsiderohet si
hyjnore. Si Kosova e bindjeve dhe besimeve tona. OK.
Fundja, yjet shkëlqyes në qiellin blu, pos që zënë vend dendur
në Bibël, (gjashtë yjet mund të interpretohen edhe si
gjashtë ditetët e krijimit biblik të botës) por janë edhe shenja
Kur’anore të shfaqjes së Zotit para besimtarëve.
Shenjë e përsosmërisë dhe përjetësisë. Parashenjat e hyt.
Ilirët dhe Illyrikumi kanë qenë paganë. Një nga mbretërit
e tyre ishte Bardh-ylli. Çlirimi i Kosovës nga NATO ka të bëjë
me yjet, dhe emri im ka të bëjë me ta. (Kadare kur flet për legjendën
e Mujit dhe Halilit, tek “Autobiografia e popullit tim
në vargje”, këtë të fundit e shkruan si Hal-Yll!?)
Prandaj edhe për këtë flamuri është OK.
Flamuri kosovar i mbanë ngjyrat dhe vijat bazë të atij evropian.
Paçka. Ne jemi evropianë dhe, poqëse në flamurin kosovar
ka aluzione pagane, judaiste ose edhe katolike, aq më mirë.
Nëse amerët nuk i pengoi fakti se kosovarët ishin 90 % myslimanë,
për t’i çliruar ata nga egërsia dhe nëse as ky “flamur
i krishterë” nuk e pengoi bllokun e shteteve që e përbëjnë
Konferencën Islamike që ta njohin shtetin e ri, Kosovën që u
krijua nga kaosi, për gjashtë ditë, ngjashëm me tregimin biblik,
atëherë e përqaf flamurin e Trimit.
Këto fakte dëshmojnë ngjyrën e vlerave e jo të gjakut.
Dhe fëmijët do t’i mësoj për ta respektuar, madje nëse e lyp
puna, nën be në këtë flamur edhe të hedhin bomba mbi agresorët,

që nga këtu, në Irak, Afganistan... e deri në Çeçeni![/size]
[/size]

Admin Anëtarësuar : 06 Dec 2007 Mesazhe : 1793

Flamuri kombetar nuk mund te jete suvenir per shqiptaret ne Kosove. Suvenir konsiderohen objektet e vjetra te cilat per vete vjetersine e tyre kane vlera te jashtezakonshme historike, kulturore, artistike etj sipas rastit por qe mbeten objekte qe ruhen por perdoren vetem neper muzeume apo si sende zbukurimi. Flamuri kombetar i shqiptareve natyrisht qe nuk mund te kthehet ne nje suvenir qe thjesht do te perdoret ne ambjente te caktuara nga nostalgjiket. Flamuri Kombetar vlen me shume se sa kaq. Ai eshte dhe do te mbetet element i identitetit kombetar, ashtu sikurse dhe gjuha, ashtu sikurse dhe kufinjte etnik te Dardanise. Ne asnje nga shtetet shume etnike flamuri kombetar nuk kosiderohet suvenir. Ato vazhdojne te perdoren zyrtarisht ne sejcilen etni. P.sh ne bashkite dhe komunat e qyteteve apo fshatrave te Belgjikes, krahas flamurit shteteror perdoret edhe flamuri kombetar i etnive si ne flander ashtu dhe ne vallonje. Ta konsiderosh flamurin kombetar nje suvenir kjo eshte me teper se sa nje fyerje per shqiptaret ne Kosove.

anetaret me aktiv Anëtarësuar : 08 Dec 2007 Mesazhe : 220

Autoritetet e Kosoves duhet qe perzgjedhjen e simboleve shteterore ta kishin bere me referendum popullor. Nese puna e flamurit nuk ka mbaeuar kjo nuk do te jete per aresyen e dizenjimit te saj, por per shkak se ky simbol eshte zgjedhur pa marre parasysh deshiren e popullit. qe ky popull qe vendosi shkeputjen e Kosoves nga Serbia, eshte populli ai qe i takon te jape pelqimin per simbolet e shtetit te tij. Sidoqofte shancet per tu kthyer ne suvenire i kane zakonisht simbolet shteterore ne nje ven, dhe jo ato kombetare. Le te marrim shembullin e vet Jugosllavise. Tashme Jugosllavia nuk ekziston e bashke me te as simbolet e shtetit ederativ Jugosllav.Per shtet qe u shkeputen nga kjo federate ato simbole nuk kane me as vleren e suvenirit. Ashtu sikurse jeta vazhdon edhe historia vazhdon...