Nga Kina

Admin Anëtarësuar : 06 Dec 2007 Mesazhe : 1793

Bari i jetëgjatësisë
Në kohën kur rekrutoi një numër të madh punëtorësh për ndërtimin e varrëzës së tij, perandori Çin Shi Huang dërgoi më se një herë njerëz që të kërkonin një lloj bari të "shenjtë", me të cilin mund të zgjatej jeta e tij. Në vitin 219 para erës së re, një person me emrin Shy Fu dhe disa ministra i paraqitën atij një mesazh, në të cilin thuhej se në det ekzistonin tre male të shenjta: malet Penglai, Fangzhang dhe Yingzhou, ku jetonin shenjtarët që zotëronin një lloj bari të shenjtë të jetëgjatësisë. Prandaj, i dërguar nga perandori Çin Shi Huang, Shy Fu në krye të mijëra djemve dhe vajzave u nisën me anije në det për të gjetur barin e shenjtë të jetëgjatësisë, por, për fat të keq, ata nuk u kthyen më.
Në vitin 212 para erës së re, një person me emrin Lu Sheng i paraqiti perandorit Çin Shi Huang një raport, në të cilin thuhej: "U përpoqëm të gjenim shenjtarët që zotërojnë barin e shenjtë, por nuk i gjetëm dot, sepse djajtë e këqinj na penguan. Ju duhet të mbroheni nga djajtë e këqinj, dhe për këtë qëllim njerëzit e huaj nuk duhet të dinë se ku flini. Vetëm kështu ne mund ta gjejmë barin e shenjtë të pavdekshmërisë." Perandori Çin Shi Huang dha urdhër që të mbahej sekret vend se ku ai flintë.
Në vitin 210 para erës së re, 9 vjet më vonë pasi Shy Fu u nis për të gjetur barin e shenjtë, perandori Çin Shi Huang bëri inspektim në krahinat lindore. Duke patur frikë se mos do të mbanin përgjegjësinë për mossuksesin, ministrat gënjyen perandorin duke thënë: "Do të gjendej kollaj bari i shenjtë, por njerëzit tanë nuk arritën në Penglai, vetëm sepse një balenë e madhe i pengoi. Kemi ndër mend të zgjedhim qitës të zotë, që të qëllojnë balenën dhe, me siguri, do të dalin me sukses në detyrën tonë."
Po atë natë, perandori Çin Shi Huang pa në ëndërr sikur ai luftonte me hyjninë e detit dhe hyjnia kishte fytyrën e njeriut. Të nesërmen ai pyeti një intelektual për këtë gjë dhe intelektuali iu përgjigj: "Hyjnia e detit nuk mund të shfaqet. Ndoshta ju keni parë në ëndërr një dragua që mund të ngrejë dallgë. Prandaj kemi të bëjmë me ajo është një hyjni djallëzore dhe ne duhet ts zhdukim atë. Pastaj do të vijë hyjnia mirëdashëse."Perandori Çin Shi Huang së bashku me të tjerët u nisën për të vrarë atë "drugua". Kur arritën në malin Rongcheng, ata panë një peshk shumë të madh në det, lëshuan shigjeta dhe e vranë.
Gjatë inspektimit, Perandori Çin Shi Huang u sëmur. Kur arritën në Shaqiu Pingtaj, ai vdiq, në moshën 50 vjeç. Ministrat, që e shoqëronin gjatë inspektimit, e transportuan trupin e tij në Sian-yang dhe e varrosën në varrezën në Lishan që ishte përfunduar
albanian.cri.cn