10 "tradhtarët" më të famshëm

10 "tradhtarët" më të famshëm
Shkruar nga Leonard Karaj
Judas! Judas! Judas! Ky refren ka shoqëruar për një kohë të gjatë disa nga emrat më të mëdhenj të futbollit botëror pas kalimit nga një skuadër tek kundërshtarët më të "urryer". I njëjtë është parë edhe transferimi më i fundit i sulmuesit australian të Liverpulit, Herri Kjuell, tek turqit e Gallatasarajit. Duke iu referuar historisë, jo vetëm mes këtyre dy skuadrave, por edhe mes dy tifozerive turke dhe angleze nuk ka pasur asnjëherë një feeling, duke u konsideruar gjithnjë si kundërshtarët më të egër. Në këtë prizëm është parë edhe kalimi i Kjuell në kampionatin turk, gjë që ka zemëruar jo pak anglezët, të cilët kanë shpërthyer në sharje në forumet në internet përkundrejt ish-sulmuesit të Liverpulit. Duke iu referuar kësaj tratative dhe reagimit të tifozerisë, uebsajti i whoateallthepies. tv ka publikuar 10 transferimet më të bujshme në futboll që janë konsideruar si "tradhti" nga ana e tifozëve. Në vend të parë është kalimi i portugezit Luis Figo nga Barcelona te Real Madrid. Tifozët blaugranas nuk ia falën kurrë Luis Figos kalimin tek skuadra më e urryer, sipas tyre, në Spanjë, Real Madrid. Kur Figo u kthye me bluzën e Real në "Camp Nou" më 2002, në drejtim të tij u lëshuan sharje dhe deri shishe e mjete të forta nga tifozët e Barcelonës. Jo pa problem kaloi edhe transferimi i Ronaldos nga Inter i Milanos te Real Madrid. Megjithëse interistët e kishin pritur për dy vjet rresht që ai të kthehej në fushë pas dëmtimit të rëndë, braziliani, pas botërorit 2002, "tradhtoi" në një farë mënyre gjithë popullin zikaltër. Ndërsa në vend të tretë është kalimi i francezit Eric Cantona nga Leeds Utd te Manchester Utd. Tifozët e Lids e quajtën një tradhti dhe një krim faktin se idhulli i tyre i kishte lënë për më tepër për "kushërinjtë armiq të betuar" të Mançester Junajtid. Pas treshes së podiumit me radhë vijnë transferimi i Ashli Kole nga Arsenal te Çelsi, i Paul Ince nga Uest Ham te Mançester Junajtid, i Mauris Xhohnston nga Sëlltik tek Rejnxhers, i Sol Kampbel, nga Totenham te Arsenal, i Kevin Kuranji nga Shtutgarti te Shalke dhe i Miroslav Kloses nga Verder Bremen te Bajern i Mynihut.

Top-10

1. Luis Figo
Nga Barcelona te Real Madrid
2. Ronaldo
Nga Inter te Real Madrid
3. Eric Cantona
Nga Leeds Utd te Manchester Utd
4. Ashley Cole
Nga Arsenal te Chelsea
5. Harry Kewell
Nga Liverpool te Galatasaray
6. Paul Ince
Nga Ëest Ham te Manchester Utd
7. Maurice Johnston
Nga Celtic te Gllazgou Rangers
8. Sol Campbell
Nga Totenham te Arsenal)
9. Kevin Kuranyi
Nga Shtutgarti te Shalke 10. Miroslav Klose
Nga Verder Bremen te Bajern

Transferimet gjatë muajit korrik

07.07.2008
Paulo Assunçao
(Nga Porto te Atletico Madrid)
Fernando Fajardo
(Nga Elche te Celta)
S. Larsen
(Nga Schalke 04 te Toulouse)
05.07.2008
Souleymane Tandia
(Nga Nice te Gimnastic)
Avraam Papadopoulos
(Nga Aris te Olympiakos)
Gianluca Comotto
(Nga Torino te Fiorentina)
Ranko Despotovic
(Nga Rapid Bucarest te Murcia)
Jeroen Drost
(Nga Heerenveen te Vitesse)
Josemi
(Nga Villarreal te Mallorca)
04.07.2008
Diego Manuel Rodriguez
(Nga Penarol te Bologna)
Toni Kallio
(Nga Young Boys te Fulham)
D. Digard
(Nga PSG te Middlesbrough)
A. Dossena
(Nga Udinese te Liverpool)
Juan Manuel Vargas
(Nga Catania te Fiorentina)
S. Sorrentino
(Nga AEK Athens te Chievo)
Miralem Sulejmani
(Nga Heerenveen te Ajax)
Gregory Coupet
(Nga O. Lyon te Atletico Madrid)
I.Castiglia
(Nga Reggina te Cittadella)
03.07.2008
Gaizka Garitano
(Nga Real Sociedad te Alaves)
Raul Llorente
(Nga Atletico Madrid te Alaves)
Julio Alvarez
(Nga Numancia te Almeria)
Luis Garcia
(Nga Gedafe te Tenerife)
Mario Suarez
(Nga Atletico Madrid te Mallorca)
Jurado
(Nga Atletico Madrid te Mallorca)
L. Somoza
(Nga Villarreal te Velez Sarsfield)
D. Criscito
(Nga Juventus te Genoa)
R. Palladino
(Nga Juventus te Genoa)
J. Calderon
(Nga Arsenal te Estudiantes)
M. Barbosa
(Nga Villarreal te Estudiantes)
Carrusca
(Nga Galatasaray te Cruz Azul)
02.07.2008
Jo
(Nga CSKA Moskë te Manchester City)
Andreas Isaksson
(Nga Manchester City te PSV)
J. Sun
(Nga Manchester City te Sheffield Utd)
Jonathan Pereira
(Nga Villarreal te Racing)
Sebastien Grax
(Nga FC Sochaux te Saint-Etienne)
Jonas Gutierrez
(Nga Mallorca te Newcastle)
Roberto Carlos Sosa
(Nga Napoli te Gimnasia de La Plata)
T. Zapotocny
(Nga Udinese te Besiktas)
Nieto
(Nga Real Madrid te Almeria)
Hidalgo
(Nga Malaga te Zaragoza)
Daniel Alves
(Nga Sevilla te Barcelona)
Sebastian Nayar
(Nga Boca Juniors te Recreativo)
David Bauza
(Nga Albacete te Gimnastic)
Jon Dahl Tomasson
(Nga Villarreal te Feyenoord)
01.07.2008
De Ridder
(Nga Birmingham te Wigan Athletic)
P. Ledesma
(Nga Boca Juniors te Catania)
C. Zenoni
(Nga Sampdoria te Bologna)
E. Calaio
(Nga Napoli te Siena)
G. Garics
(Nga Napoli te Atalanta)
Davide Lanzafame
(Nga Juventus te Palermo)
Tomas Ujfalusi
(Nga Fiorentina te Atletico Madrid)
Carlos Martins
(Nga Recreativo te Benfica)

Arshavin te Arsenal, nëse ikin Adebajor dhe Hleb

E ardhmja e yllit të San Petërburgut, Andrei Arshavin, sipas agjentit të tij, do të varet nga fakti nëse Hleb dhe Adebajor do të qëndrojnë te Arsenal. Arshavin fitoi shumë admirues pas lojërave të tij në Euro 2008 duke rezultuar njeriu i ndeshjes në takimet e Rusisë me Suedinë dhe Holandën. Fantazisti ka marrë mbi vete interesin e trios së klubeve më të mëdha të Evropës, dhe e ardhmja e tij tashmë varet nga zhvillimi i disa transferimeve. Çelsi pritej të firmoste me të javën e kaluar, pasi vetë Abramoviç shprehu dëshirën për të rritur influencën ruse në klub, por bosi i bluve, Felipe Skolari votoi për opsionin Deko. Më pas u duk se do të ishte Barcelona në pole position, por megjithëse Arshavin është prej kohësh një admirues i klubit katalanas, asnjë lëvizje nuk është materializuar. Trekëndëshi intrigues kompletohet me Arsenal, pas deklaratave plot vlerësim, por dhe kriticizëm të Venger për 27-vjeçarin. Topçinjtë rrezikojnë të humbasin Adebajor dhe Hleb këtë verë, të dy në shënjestrën e Barcelonës, çka do të thotë se interesi i katalanasve për Arshavin zbehet duke rritur kuotat e Arsenal.

Uest Ham, 12 milionë euro për Behramin

Valon Behrami vazhdon të jetë në qendër të merkatos, teksa janë skuadrat angleze ato që kërkojnë me ngulm shërbimet e tij. Klubi londinez i Uesat Ham së fundi ka bërë një ofertë të mirë financiare si për futbollistin, por edhe për klubin e Lacios. 12 milionë euro për Lacion dhe 1 milion euro neto në sezon për futbollistin. Sipas goal.com tratativa është në vijim dhe mund të konkretizohet ditën e nesërme, ku do të ketë një takim mes dy drejtuesve të klubeve.

Bin Laden, 360 milionë euro për Njukastëllin

Familja e terroristit Osam Bin Laden është gati të ofrojë shifrën e 360 milionë eurove për klubin e Njukastëllit. Lajmi është bërë i ditur nga e përditshmja angleze "The Sun". Natyrisht nuk bëhet fjalë për Osam Bin Laden, por për disa nga vëllezërit e tij, të cilët kooperojnë për momentin në Arabinë Saudite në fushën e ndërtimit. Klubi i Njuakstëllit u ble vetëm sezonin e kaluar nga Majk Ashli për shifrën e 170 milionë eurove dhe zëdhënësi i tij ka pohuar se klubi nuk është në shitje, paçka ofertës fitimprurëse.

Ajaksi, çmenduri për talentin që mohoi origjinën shqiptare

Miralem Sulejmani është futbollisti për të cilin është paguar më shumë se kurdoherë nga një skuadër në kampionatin holandez të futbollit. Ajaksi i Amsterdamit pagoi shifrën e 16 milionë e 250 mijë eurove tek klubi i Hereven për të pasur shërbimet e talentit 19-vjeçar. Kjo është shifra më e madhe që është paguar në transferimet e lojtarëve në kampionatin holandez. Sulejmani ka lindur në Beograd nga baba kosovar dhe nënë gorane, por ai ka refuzuar gjithnjë këtë fakt, duke pohuar se ishte serb. Futbollistit kohë më parë iu kërkua nga drejtuesit e Kosovës që të ingranohej në futbollin shqiptar, por ai refuzoi kategorikisht, duke u bazuar në tezën e mësipërme. Talenti shënoi 15 gola në 34 ndeshje gjatë sezonit të kaluar në Holandë.
Tirana Observer