Phoenix-i ringjall eksplorimin e hapsirës

Phoenix-i ringjall eksplorimin e hapsirës
Kur mjeti eksplorues “Phoenix-i” kreu me sukses zbritjen në Mars në datën 26 Maj arriti më në fund të shpagojë mundin e shumë viteve punë dhe projektim midis NASA-s dhe Universitetit të Arizonës - dhe të zbusë dhimbjen për dy dështimet përulëse që misioni për eksplorimin e planetit shënoi gjatë viteve 90. Jo më kot emri i referohet Feniksit, shpendit që ngrihet nga hiri.
Edhe pse pati disa probleme me radion Phoenix në fund realizoi një ulje të përkryer dhe që tani ka nisur të dërgojë fotografitë e para me panoramën e planetit të kuq - fatkeqsisht, kjo është ulja e parë dhe e fundit e mjetit. Pasi të ketë kryer misionin e vet Phoenixi do të “vdesë” në Mars kur dimri marsian të mbërrijë me ngricat polare. Por përpara se kjo të ndodhë Phoenix ka rreth 3 muaj kohë të rrëmojë sipërfaqen e Marsit në kërkim të molekulave të ujit.
Për këtë arsye Phoenix është pajisur me një “krah” robotik i cili mund të shpojë apo shërbejë si lopatë për të mbledhur material të cilin mjeti mundet edhe ta analizojë nga ana kimike. Për Phoenix-in vendi i zbritjes në Mars në ndryshim nga Roveri është zgjedhur të jetë pranë polit pikërisht sepse misioni fokusohet në kërkim të ujit dhe të dokumentimit të dimrit marsian, një dukuri që premton imazhe literalisht të jashtëbotëshme.
Mes të tjerash Phoenix-i mbart edhe disa DVD me mesazhe për eksploruesit e së ardhmes në Mars. Një flamur amerikan, filma dhe tregime fantastiko-shkencorë dhe emrat e 250,000 personave.
peshkupauje.com