Do të martohesh? Kujdes...

Do të martohesh? Kujdes...
Çdo i ri, martohet duke thurrur shumë ëndërra për jetën. Dikush mendon se do të gjejë “shoqen e zemrës së vetë”, dikush tjetër kërkon lumturinë që ndodh që edhe të mos e gjejë. Siç ka nga ata që thonë “Shyqyr që u martova”, ka edhe nga ata që thonë “Ç’bëra që u martova...”. ata të rinj që përgatiten për martesë, që nesër të mos thonë “Ah, sikur...”, duhet të kenë parasysh disa gjëra:

1. Së pari, njihni siç duhet veten tuaj.
Para se të njihni kandidaten me të cilën do të martoheni, njihni më parë veten tuaj. Duhet të dini se ç’prisni nga martesa. Çdo të thotë martesë për ty? Përse martoheni? A është martesa një fantazi apo një miqësi për jetën?

2. Formohuni shpirtërisht...
Mos mendoni martesë pa u formuar shpirtërisht, sepse martesa nuk është një lojë shtëpie. Nuk mund të thoni “kur të mërzite, marrë rrobat e shkoj në shtëpi”. Kur të martoheni duhet të merrni parasysh çdo sfidë të jetës.

3. Përfundoni edukimin tuaj arsimor...
Tregoni rëndësi të veçantë për përfundimin e studimeve në mënyrë që të keni në dorë një profesion të mirë.

4. Jini realist...
Përpiquni ti shikoni gjërat pa syze dhe të jeni realist. Martesa që ngrihet mbi baza ireale, mund të shembet që në vështirësinë e parë.

5. Mos mendoni “E ndryshoj”
Kurrësesi mos mendoni se mund të fshihni ca gjëra brenda vetes tuaj e ca sjellje të tjera mund ti ndryshoni. Në këtë mënyrë, martesa juaj kthehet në një luftë për të ndryshuar gjërat që s’ju pëlqejnë.

6. Kini kujdes vlerat dhe besimin tuaj
Zgjidhni një person që tju përshtate vlerave tuaja shpirtërore dhe shoqërore. Nëse një grua muslimane martohet me një të krishterë dhe ajo falet teksa ky i fundit përdor pije alkolike, apo qofte edhe e kundërta, atëherë nisin edhe problemet.

7. Dashuria është shumë e rëndësishme...
Ashtu siç është e gabuar shprehja “Nuk martohem kurrë pa rënë në dashur”, po ashtu është e gabuar edhe ideja e martesave të logjikës ku nuk ekziston dashuria. Njeriu nuk mund të kalojë jetën as me një fqinj me të cilin nuk kalon mirë, e jo më më shokun apo shoqen ejetës.
Start

Kto jane keshilla mjaft te vlefshme. Puna eshte tek prinderit. Duhet te jepen edhe ca keshilla per prinderit te cilet e kane te veshtire ti leshojne femijet e tyre. Lete te themi se nje i ri u qendron te gjitha ketyre keshillave po si tja bejme hallit kur prindi i behet pengese djalit/vajzes qofte per martese, qofte pas martese.

Puna eshte se prindi duke i nderhyre ne jete djalit apo vajzes mendon se po e mbron, ne fakt ndodh e kunderta. Kjo nuk do te thote qe prindi ne nje mosh te caktuar te femijes duhet absolutisht te mos interesohet per problemet e femijes se tij, por tendenca per ta mbajtur femijen te varur edhe kur ai ka arritur moshen e pjekurise dhe te pavaresise eshte shume e demshme per te dyja palet sepse ky qendrim i prindit i demton maredheniet prind-femij dhe anasjelltas dhe mund te krijoje deme te pariparueshme ne personalitetin e femijes. Prandaj eshte e udhes qe prindi te arrije te kuptoje dhe te rrespektoje moshen madhore te femijes dhe te drejtat qe ai ne menyre te natyrshme i fiton ne kte moshe.