Gratë dhe qielli

1. PIONIERJA VALENTINA
TERESHKOVA
Është gruaja e parë që fluturoi
në hapësirë. Ajo i ra Tokës rrotull
48 herë me anijen kozmike ruse
"Vostok 6" në vitin 1963. Për tri
ditë rresht arriti që të drejtonte
anijen dhe të kryente një sërë
punësh të tjera.
2. GRUAJA E PARË EVA,
SVETLLANA SAVITSKAJA
19 vjet pas fluturimit historik
të patriotes së saj, Tereshkova,
kozmonautja Svetllana Savitskaja
fluturoi në hapësirë së bashku me
një ekuipazh prej 4 anëtarësh.
Përveç se ishte gruaja e dytë në
hapësirë, ajo ishte e para që "eci"
në të. Pjesë e misionit ishte edhe
dalja në hapësirën rreth anijes,
për një periudhë kohore prej 3
orësh e 35 minutash.
3. AMERIKANIA E PARË,
SALLY RIDE
E diplomuar për Fizikë, Ride
ishte pjesë e ekuipazhit të anijes
amerikane "Challenger", misioni i
së cilës ishte vendosja e satelitëve
të komunikacionit dhe kryerja e
disa eksperimenteve në kushtet e
mungesës së gravitetit. Ride ishte
e para që përdori krahun robotik
të anijes.
4. FRYMËZIMI, KRISTINA
MEKAULIFE
Një mësuese amerikane nga
New Hampshire, Mekaulife, u
përzgjodh mes 11 mijë aplikanteve
për të marrë pjesë në projektin
e NASA-s, për të frymëzuar të rinjtë
që të mësonin më shumë matematikë,
shkencë dhe astronomi.
Ajo u bë shumë e famshme muajt
para udhëtimit të saj hapësinor.
Kur anija "Challenger" shpërtheu
në vitin 1996, ajo mbeti e vrarë
së bashku me pjesën e mbetur të
ekuipazhit. Ndërkohë, kujtimi i
saj ka mbetur gjallë dhe ajo është
kthyer në simbol të kauzës për të
cilën humbi jetën.
5. HEROINA
JUDITH RESNIK
Specialistja e misionit të mësipërm
ishte edhe një tjetër grua,
Judith Resnik. Nëse anija do të
kishte arritur ta kryente misionin
me sukses të plotë, atëherë
ai i vitit 1996 do të kishte qenë
misioni i dytë hapësinor për
astronauten.
6. REKORDMENIA
SHANON LUCID
Anëtare e trupave të astronautëve
që nga viti 1978, Lucid
ka udhëtuar 5 herë në hapësirë
gjatë periudhës kohore 1985-
1993. Gjatë fluturimit të 5-të
ajo qëndroi në hapësirë për
188 ditë, në atë kohë ky ishte
rekordi botëror i qëndrimit për
një grua.
7. GRUAJA E PARË AFROAMERIKANE,
MAE JEMISON
Pjesë e një misioni të përbashkët
mes Japonisë dhe Shteteve
të Bashkuara të Amerikës
fluturoi në bordin e anijes hapësinore
"Shutle" në vitin 1992. Diplomën
e kishte për Mjekësi dhe
ndër përgjegjësitë e saj kryesore
gjatë fluturimit ishin kryerja e
eksperimenteve për hetimin e
shkaqeve që sjellin ndryshime në
qelizat e kockave gjatë fluturimeve
hapësinore.
8. EMISARJA ELENA
KONDAKOVA
Në vitin 1997, kozmonautja
Kondakova u bë rusja e parë që
fluturoi në një anije kozmike
amerikane. Në fluturimin e saj
të parë në stacionin hapësinor
"Mir", ajo u bë pjesë e bordit që
priti amerikanin e parë në këtë
stacion.
9. SHËTITËSJA E
HAPËSIRAVE, SUSAN HELMS
Veterane e 4 misioneve hapësinore
ajo dhe kolegu i saj astronaut,
Xhim Vos, kryen një "shëtitje"
në hapësirë që zgjati thuajse 9
orë jashtë Stacionit Hapësinor në
vitin 2001. Në këtë foto ka pozuar
me kostumin që përdori për këtë
dalje jashtë në kozmos.
10. KOMANDANTJA EILEN
COLLINS
Një ish-instruktore ushtarake
dhe pilote, Collins, drejtoi anijen
"Discovery" drejt takimit me
stacionin hapësinor "Mir" në
vitin 1995. Ajo u bë kështu femra
e parë pilote që komandonte një
anije kozmike.
11. REKORDTHYESJA
SUNITA WILLIAMS
Në vitin 2007 ajo shënoi një
rekord për numrin më të madh
të ditëve të kaluara në hapësirë
në një herë të vetme. Kaloi plot
195 ditë rreth Tokës. Njëherazi
ajo mban rekordin edhe të një
maratone në orbitë. Në këtë
foto ajo është duke folur përpara
audiencës në një institucion indian,
duke qenë se vetë ishte me
prejardhje indiane.
12. VETERANIA
PEGI WHITSON
Ajo ishte një biologe dhe kaloi
376 ditë në hapësirë.
13. TURISTJA
ANOUSHEH ANSARI
Një amerikane e lindur në
Iran dhe biznesmene e fuqishme,
Ansari pagoi një sasi shumë të
madhe parash, disa thonë 20
milionë dollarë, për të kaluar 9
ditë në hapësirë në vitin 2006. Ajo
është gruaja e parë dhe personi i
katërt që ka frekuentuar të ashtuquajturin
"turizmi i hapësirës" si
mike e programit rus.

VALENTINA TERESHKOVA

Svetllana Savitskaja

SALLY RIDE

KONDAKOVA

SUNITA WILLIAMS

SUNITA WILLIAMS

Keto gra kane per çfare te krenohen ne jete.

I kam "zili"