"S’kam leke ne celular". Zbulohen batutat e Nanos me Berishen ne Kuvend

"S’kam leke ne celular". Zbulohen batutat e Nanos me Berishen ne Kuvend Shkruar nga Altin Sinani

E keni vënë re që mungojnë batutat në politikë? E keni vënë re që nuk ka më fjalime që shoqërohen me të qeshura në Parlament dhe mbledhje partie? Kush e ka fajin? Ai ka një emër, quhet Fatos Nano. Ja, sa vuri këmbën para dy ditësh në sallën e Parlamentit, ata që ishin rreth e rrotull tij ia plasën gazit. Kryeministri Sali Berisha ishte i pari që e ngacmoi Nanon, duke e pyetur: Fatos, ku e ke pas celularin, pse s’më ke marrë njëherë? Çdo deputet tjetër do të ishte trullosur nga kjo pyetje e beftë e Berishës, por jo Fatos Nano, i cili i ka përgjigjet në majë të gjuhës. “Nuk kam pasur lekë në telefon, ndaj s’të kam marrë”, i është përgjigjur me humor Nano Berishës. Ka mjaftuar kjo batutë për të bërë që deputetët në sallën e Kuvendit t’ia plasin gazit. Kafja me deputetët E duket qartë që politikani Fatos Nano i jep diçka ndryshe politikës shqiptare. Pas një mungese prej gjashtë muajsh në Kuvend, ai ka qenë para dy ditësh i pranishëm në sallën e Kuvendit. Ai ka hyrë në sallë i shoqëruar nga ish-beniamini i tij, deputeti socialist, Taulant Balla. Më pas është ulur në bankën e parë të Parlamentit, ku ka pasur në krah Ballën dhe deputetin Fatmir Xhafaj. Prania e Nanos në sallën e Kuvendit ka shtuar kureshtjen e deputetëve në sallë, por edhe të gazetarëve. Pasi, siç dihet, Nano në çdo moment mund të prodhojë politikë, e jo më kot e kanë quajtur “politikani që nuk parashikohet kurrë”. Por kësaj radhe duket se kishte ardhur sa për të mos djegur mandatin e deputetit. Pasi, sipas rregullores së Parlamentit, deputeti duhet të paraqitet njëherë në 6-muaj në një seancë parlamentare. Këtë radhë Nano, ndryshe nga radhët e tjera, ka marrë pjesë edhe në votim, jo pak të rëndësishëm në Parlament. Ai ka votuar rreth ndryshimit të rregullores së Kuvendit. Më pas ai është drejtuar për tek kafja e Parlamentit, ku ka qenë i shoqëruar si nga mbështetësit e tij, por edhe nga deputetët mbështetës të Ramës. Së bashku me të kanë qenë kryetarja e Grupit Parlamentar socialist, Valentina Leskaj, Taulant Balla, Andis Harasani, Blendi Klosi, Qemal Minxhozi, etj. Pastaj tavolinës së tyre i është shtuar edhe Gramoz Ruçi, ku batutat mes Nanos dhe Ruçit ka qenë të panumërta, çka ka bërë që shpeshherë deputetët e tjerë të pranishëm në kafene ta kthenin shpesh herë kokën nga tavolina e socialistëve. Pasi u ka thënë deputetëve socialistë se “kafen e ardhshme do ta pimë në shtator”, Nano është larguar për tek bashkëshortja e tij, Xhoana. Ditën e djeshme ata janë nisur për t’i bërë pushimet në vendin fqinj, në Greqi. Rikthimi Por ka një pyetje që sa herë përmendet Nano në PS, nuk mund të rrinë pa e komentuar. Kur do të kthehet? E majta është më e ndarë se asnjë herë tjetër. Dy kryetarë të saj, që janë gati të bashkëpunojnë më kundërshtarin politik, por jo me njeri-tjetrin, dhe “hija” e Fatos Nanos, që i ndjek nga pas, për momentin nuk është më asnjë prej tyre. Por burime nga njerëzit që mbajnë kontakte me Nanon thonë se një rikthim i Nanos është më i mundshëm në vjeshtë. Pasi PD e PS të kenë vjelë frytet e marrëveshjeve, pasi LSI-së të ketë ulur pak tonet ndaj PS-së. Karta e tij këtë herë mund të jetë ajo e bashkimit real të së majtës. Zgjedhjet e 2009 janë një provë, që në shtator do të fillojë të merret seriozisht nga opozita. Jeta e re Nanos mes Vjenës dhe Tiranës Çifti Nano tashmë prej shumë kohësh bën një jetë të dyfishtë mes Vjenës dhe Tiranës. Në kryeqytetin austriak Fatos dhe Xhoana Nano kalojnë pjesën më të madhe kohës dhe shpeshherë vijnë në Tiranë për të kaluar fundjavat ose kur në Shqipëri ka një aktivitet politik të rëndësishëm, që Nano nuk do të mungojë. E ndërsa pothuajse dihet se ç’bën Nano në Tiranë, shumë pak dihet se cila është dita vjeneze e Nanos. Në fakt Vjena ka qenë një zgjedhje e detyruar e tij, sepse që nga shtatori i vitit të kaluar, djali i tij i sapo birësuar është regjistruar në një kolegj. Fillimisht i strehuar në hotel, dhe tani Nano ka marrë me qira një banesë në Vjenë. Sipas miqve të tij, Nano e kalon ditën duke shfrytëzuar turizmin kulturor të Vjenës, që nuk janë të pakta. Ai është vazhdimisht i shoqëruar nga bashkëshortja e tij, Xhoana Nano, dhe me djali i tyre, Klajdi. Prej miqve të Fatos Nanos bëhet me dije se ai e nis ditën me ushtrime fizike. Ai ushtrohet për gati dy orë të tëra në palestër, ku preferon biçikletën sportive. Pasi mbaron ushtrimet fizike, ai së bashku me Xhoanën, duke pirë kafen e mëngjesit, lexon të gjithë shtypin shqiptar. Sigurisht tani i detyruar të rrijë pas kompjuterit. Por në menynë e leximit të tij një kohë të madhe zënë edhe librat, dhe sidomos navigimi në internet. Por ai nuk harron të komunikojë me miqtë e tij në Tiranë. Ata thonë se mënyra e tij më e preferuar e komunikimit është dërgimi i sms-ve. Ai u kërkon miqve informacione të detajuara mbi gjithçka që ndodh në Tiranë. Një mënyrë për të qëndrua në korrent të zhvillimeve më të fundit politike në Tiranë

Tirana Observer

Fatos Nano mbete i pazevendesueshem.

per llooqe kanari po

Po keti te pakten i shkojn

Sales nuk i shko

Berishes kane filluar te mos i shkojn shum gjera

Politikanet aty aty jane te gjithe njelloj

sa holl si e ke than or lok
bjeri shkurt se ke letsina thuj tgjith kan i surrat

A e merr rrogen ky per keto gjasht muajt qe ka munguar?

E merr edhe te majme madje.