Hetim anijes me lëndë kimike

anetaret me aktiv Anëtarësuar : 29 Dec 2007 Mesazhe : 59

Hetim anijes me lëndë kimike
Korrieri
Pesë kontenierë të ngarkuar me kimikate të rrezikshme në anijen “Marti Pride” janë objekt hetimi nga autoritetet franceze, italiane dhe shqiptareDURRËS - Pesë kontenierë me lëndë kimike të rrezikshme që “do të zbarkonin” në Shqipëri përmes një anijeje turke, kanë vënë në alarm autoritetet italiane dhe ato franceze, të cilat kanë bllokuar mjetin lundrues dhe kanë nisur hetimet për kontenierët që ajo ka në bord. Avaria e një anijeje turke që pritej të mbërrinte këto ditë në portin e Durrësit, duket se ishte guri fatsjellës për Shqipërinë, pasi mjeti lundrues “Marti Pride” do të shkarkonte në Durrës një sasi lëndësh të rrezikshme, destinacioni dhe pritësi i së cilave nuk bëhet me dije për median. Fatmirësisht, prezenca e 5 kontenierëve me substanca kimike të tretshme në ujë që do të zbarkonin në vendin tonë, bëri që autoritetet italiane dhe ato franceze të nisin paralelisht hetimet, duke bllokuar mjetin lundrues. Anija ndodhet ende në Itali, pas avarisë që pësoi nga koha e keqe në 6 mars, rreth 1.5 milje nga bregu i Gallipoli. Ka gati një muaj që anija turke është bërë problem për kapiteneritë italiane të porteve dhe ato shqiptare, pasi në bordin e saj ndodhen 5 kontenierë që kanë substanca kimike të rrezikshme. Ekuipazhi i anijes kishte deklaruar se do të mbërrinte në Durrës në datat 10 ose 11 mars, ndërkohë që ajo kishte ngarkuar 153 kontenierë gjithsej, nga të cilët 140 bosh, 8 kontenierë me mallra jo të rrezikshme dhe 5 të tjerë me kavo çeliku, gjë që në fakt ka rezultuar se është e pavërtetë. Strukturat italiane morën menjëherë masa në kohën që anija tregtare turke pësoi avari teksa ngeci në cekëtinë, për faktin se substancat kimike të tretshme në ujë mund të derdheshin në det, duke shkaktuar ndotje. Megjithatë, nga burime të kapitenerësië së portit Durrës nuk është bërë ende me dije se për llogari të kujt do të vinte kjo sasi lëndësh e rrezikshme në Shqipëri. Anija “Marti Pride” para se të ngecte në cekëtinë, ishte nisur nga porti i Tarantos, ndërkohë që nisja fillestare e saj ka qenë nga Turqia, me destinacion portin e Tivarit në Mal të Zi, nëpërmjet kanalit të Otrantos, duke anashkaluar fillimisht portin e Durrësit. Nga ana tjetër, përsëri nga porti i Tivarit ka shkuar nëpërmjet kanalit të Otrantos drejt Italisë së jugut në Taranto, për të mbërritur me destinacion përfundimtar portin e Durrësit. Autoritetet italiane dhe ato franceze janë duke hetuar pikërisht për ngarkesën që ndodhet në 5 kontenierët me materiale të rrezikshme, të cilat janë kimikate të llojeve të ndryshme. Anija turke është prodhuar para 20 vitesh dhe ka kapacitet prej 2700 tonësh.

anetaret me aktiv Anëtarësuar : 12 Jan 2008 Mesazhe : 77

Skandal pas skandali. Ia kan nxjerr bojen fare.

Anëtarësuar : 03 Jan 2008 Mesazhe : 30

Nuk ma ha mendja se kjo anije do te hynte ne Shqiperi pa ndonje marreveshje. Nje zot e di çfare skandali tjeter qendron pas kesaj anije. Nje gje eshte e qarte se sistemi i korrupsionit jo vetem qe nuk eshte lekundur aspak, por kto fakte na tregojne se korrupsioni eshte ulur rehat rehat kembekryq ne Shqiperi dhe keshtu do te qendroje per kushedi se sa koh.

Admin Anëtarësuar : 06 Dec 2007 Mesazhe : 1793

As keto marreveshjet PD-PS nuk me pelqejne fare. Natyrisht qe ne duam qe ne Shqiperi te kete mirkuptim dhe bashkepunim ne forcave politike, por jo te asaj menyre qe ti rregullojne marreveshjet me ligje klanore. E keqja eshte se dhe partite e vogla nuk jane te sinqerta ndaj elektoratit ne kundervenien ndaj dy forcave te medha, sepse dhe ato nisen nga interesa te ngushta. Ne momentin qe ato do te sigurohen se aleatet e tyre te medhenj do tu hedhin nga nje kocke, ato e mbyllin gojen. E popullit mbetet numror topi.

Anëtarësuar : 03 Jan 2008 Mesazhe : 30

Pikerisht tek kto marreveshjet e ka burimin gjith ky korrupsion, dhe skandalet e njepasnjeshme.