Kuvendi heq imunitetin e Mediut; Rrëzon katër nga nga pesë dekretet e Topit

Kuvendi heq imunitetin e Mediut; Rrëzon katër nga nga pesë dekretet e Topit
Ora - 23:10 Kuvendi ka hedhur poshtë katër nga pesë dekretet e Presidentit për pesë anëtarët e Gjykatës së Lartë. I vetmi që ka arritur të fitojë votëbesimin e deputetëve ka qenë Zamir Poda i cili mblodhi 65 vota, 52 kundër, 1 abstenim dhe 2 vota kanë qenë të pavlefshme. Nga ana tjetër, deputetët kanë votuar kundër dekretimit të katër të propozuarve nga Presidenti i Republikës, Bamir Topi. Rezultatet pas numrërimit të votave, mbyllin edhe këtë kapitull debatesh midis dy institucioneve më të rëndësishme në vend. Për Artan Zenelin, nga kutia e votimit dolën 71 vota kundër, 56 pro dhe 2 apstenime. Për të propozuarin tjetër, Kristaq Trajën, 52 deputetë votuan pro, 76 kundër dhe 1 apstenim. Altina Xhoxhaj gjeti mbështejen vetëm të 56 deputetëve kundrejt 73 votave kundër dhe 1 apstenimi.

I dekretuari i katërt, Medi Bici gjithashtu nuk u aprovua nga deputetët. Për të votuan kundër 86 deputetë dhe e pranuan vetëm 40 të tillë. Ndërkohë që 4 deputetë kanë apstenuar në votimin e tyre.



Kuvendi heq imunitetin e Mediut; Rrëzon katër nga nga pesë dekretet e Topit
Ora 20: 40 Kuvendi vendos: Me 101 vota pro i hiqet imuniteti deputetit Mediu

Në përfundim të procesit të numërimit të votave të deputetëve për heqjen e imunitetit të deputetit Fatmir Mediu, me 101 vota pro, 23 vota kundër, 2 vota abstenim dhe 2 vota të pavlefshme, Kuvendi vendosi heqjen e imunitetit të ish-Ministrit të Mbrojtjes.

Procedura për heqjen e imunitetit të deputetit Mediu, filloi me kërkesen e Kryeprokurores Ina Rama, kërkese kjo e shoqëruar me një dosje përcjellëse, ku argumentoheshin të gjitha shkeljet, mbi të cilat do të ngrihej hetimi penal për tragjedinë e Gërdecit.

Ora 20: 20 Kuvend, mbyllet votimi për heqjen e imunitetit të deputetit Mediu

Kuvendi ka mbyllur në këto momente votimin për heqjen e imunitetit të deputetit të Partisë Republikane, Fatmir Mediu, ish-ministër i Mbrojtjes, kërkuar nga Prokuroria e Përgjithshme lidhur me përgjegjësinë e tij në ngjarjen e 15 Marsit, në Gërdec të bashkisë së Vorës.

Votimi ishte i fshehtë, me kuti, sipas vendimit të miratuar sot nga Konferenca e Kryetarëve të Grupeve Parlamentare.

Ora 19: 14 Kuvend, Mediu: Unë dhe FA nuk i fshihemi as Irakut, as Afganistanit dhe as Gërdecit

Prej tre muajsh përjetoj një eksperiencë tejet të lodhshme dhe të dhimbshme. Kështu u shpreh ish-Ministri i Mbrojtjes Fatmir Mediu në një fjalim emocional gjatë seancës plenare ku pritet heqja e imunitetit të tij. Në fjalën e tij deputeti republikan shprehu gjithë habinë e tij për moralin që sipas tij kërkojnë tia japin njerëz imoralë.

“Votimi i imunitetit tim është akt formal. Unë kam hequr dorë nga ai më 15 mars. Mund edhe të kisha qëndruar ministër dhe të përdorja postin tim si mburojë, por unë nuk fshihem. Ashtu sikundërse nuk fshihen as atdhetarët e Forcave të Armatosura, të cilët nuk i fshihen as Irakut, as Afganistanit dhe as Gërdecit”, deklaroi Mediu gjatë fjalës së tij.

Duke bërë me dije se nuk u drejtohej deputetëve në sallë, por popullit shqiptar zoti Mediu hodhi poshtë të gjitha akuzat e Prokurorisë së Përgjithshme duke i cilësuar si të pabaza dhe të pa mbështetura në ligj.

“A ishte gabim demontimi i municioneve në Gërdec? Po. Por, a ka qenë gabim demontimi i municioneve? Jo”, deklaroi ndër të tjera në Kuvend republikani Fatmir Mediu.

Ora 18: 42 Mbrëmje ‘e nxehtë’ në Kuvend, votohen dekretet e Topit dhe imuniteti i Mediut

Kuvendi i Shqipërisë ka nisur seancën plenare ku do të votohet për heqjen e imunitetit të deputetit republikan, Fatmir Mediu dhe pesë dekretet e Presidentit të Republikës, për emërimin e anëtarëve të rinj të Gjykatës së Lartë. Për të dyja çështjet do të procedohet me votim të fshehtë me kuti.

Heqja e imunitetit të deputetit Mediu, ish-ministër i Mbrojtjes është kërkuar nga Prokuroria e Përgjithshme për nxjerrjen e përgjegjësive të tij, në aksidentin e 15 marsit në Gërdec. Paraditen e sotme, Këshilli i Rregullores, Mandateve dhe Imuniteteve, në unanimitet, i kërkoi Kuvendit heqjen e imunitetit të z. Mediu. Ndërsa, lidhur me raportin e këtij Këshilli të dyja palët kanë ndarë qëndrime të ndryshme, qëndrime që do t'i paraqiten seancës me dy relacione të ndryshme.

Çështja tjetër, e cila do të votohet sot në Kuvend, është ajo e dekreteve të Presidentit për emërimet e reja në Gjykatën e Lartë. Pas shumë debateve për futjen e tyre në seancë, sot në mesditë Konferenca e Kryetarëve vendosi votimin e tyre në Kuvend. Emërimet e reja në këtë Gjykatë, të dekretuara nga Kreu i shtetit, janë bërë së fundi objekt debati, pasi opozita këmbëngulte për votimin e shpejtë të tyre në Kuvend. Ndërkohë, që për këtë procedurë, maxhoranca është shprehur se do të respektojë vendimin e Gjykatës Kushtetuese të 18 janarit 2005.
Start

Nuk e di se sa te qete ndjehen ne ndergjegjen e tyre deputetet pasi votuan pro heqjes te imunitetit te Mediut. E gjithe historia e imunitetit te Mediut pas qendrimit politik te tij me doreheqje, me duket nje loje nga ku perveç kopilave te politikes shqiptare askush tjeter nuk do te perfitoje. Sigurisht qe organi i prokurorise ne kete mes nuk ka fituar asgje, sepse heqja e imunitetit nuk verteton te kunderten e asaj qe prokuroria shqiptare vepron si nje organ i diktuar nga politika, perkundrazi ajo kete here ka vepruar me shume se kurre si nje organ kukull. Mediu ne kete rast eshte vetem koka e turkut per te lare gjynahet dhe gabimet e qeverise, qeveritareve, politikes e politikaneve shqiptar ndaj popullit shqiptar. E gjithe seanca e djeshme ishte nje nga shfaqet e rradhes nga me te neveritshmet qe kemi pare ne ate salle gjate ketyre 17 vjeteve. I vetmi ndryshim ishte se qendrimi i djeshme vertetoi se kuvendi i Shqiperise eshte nje instutucion kukull qe nuk eshte ne gjendje te ruaje integritetin e vet,as pavarsine e vet, se nuk ka byth e kryqe ti qendroje balleperballe presioneve te brendeshme e te jashtme per te vetmen aresye korrupsionin dhe klanet qe kane mberthyer gjithe klasen politike shqiptare.

Tradhetaret ne litar, tradhetaret ne litar,,,,, Urraaaaaaaaa, urraaaaaaa..
rroft partiaaaaaaaaa, Urraaaaaaa Tradhetaret ne litar, tradhetaret ne litar..
.................
Uhfff, shpetuam nga nje armik i brendshem shum i rrezikshem....
rroft partiaaaaaa, rroft kuvendiiiiii...

Eeeeej
tring e tring e tring
Na kish kanooo nji tradhtareee
Tring e tring e tring
Do e varim o n'litaaaareeee
Tring e tring e tring
Se sdurohet o jo tradhtiaaaa
tring e tring e tring
rrnoft kuveni e rrnoft partiaaaaa,
tring e tring e tring...

Gërdeci dhe imuniteti i Mediut shkarkojnë Luan Hoxhën
Shkarkohet nga detyra Luan Hoxha, ish-shefi i Shtabit të Përgjithshëm. Shkarkimi i tij u dekretua dje nga Presidenti i Republikës, Bamir Topi, me kërkesën e kryeministrit Sali Berisha për shkarkimin nga detyra të Luan Hoxhës. Shkarkimi i Hoxhës është kryer pas kërkesës së bërë nga kryeministri Sali Berisha, duke e cilësuar si një nga shkaktarët për tragjedinë e ndodhur në Gërdec. Shkarkimi i ish-shefit të Shtabit të Përgjithshëm Luan Hoxha, u bë pikërisht ditën ku u votua dekreti i imunitetit të ish-ministrit të Mbrojtjes Fatmir Mediu.Luan Hoxha, ishte një nga personat e parë që është marrë në pyetje nga Prokuroria e Përgjithshme, menjëherë pas shpërthimit të fabrikës së demontimit “Alba Demil”, në Gërdec, ku humbën jetën 26 persona, mbetën të plagosur qindra të tjerë, ndërsa zona është bërë e pabanueshme. Presidenti i Republikës, Bamir Topi firmosi dje dekretin për shkarkimin e Luan Hoxhës. Shkarkimi i Hoxhës është kërkuar nga vetë kryeministri Sali Berisha. Lajmi bëhet i ditur nga burime zyrtare pranë Presidencës, ku thuhet se dekretimi për shkarkimin e tij është bërë në mbështetje të nenit 169, pika 3, të Kushtetutës, të nenit 7, pika 5 të ligjit nr.8671, datë 26.10.2000 “Për pushtetet dhe autoritetet e komandimit e të drejtimit strategjik të Forcave të Armatosura të Republikës së Shqipërisë”. Ndërsa, në njoftimin zyrtarë për shtyp, nuk jepet asnjë detajë, që mund të saktësojnë motivet që detyruan Presidentin e Republikës, Bamir Topi të firmosë shkarkimin e gjeneralit Luan Hoxha. Sipas burimeve, mësohet se vendimi i marrë nga Presidenti i Republikës së Shqipërisë, Bamir Topi, është bërë pasi mendohet se ka lidhje me shpërthimin tragjik në fabrikën e demontimit “Alba Demil” në Gërdec më 15 mars. Shkarkimi i gjeneralit Hoxha, ka ardhur menjëherë pas shkarkimeve nga posti dy ushtarakë të lartë të Forcave të Armatosura, Gjeneral Major Shpëtim Spahiu dhe Gjeneral Brigade Zija Bahja. Në fillim të muajit maj me propozim të Ministrit të Mbrojtjes, Gazmend Oketa, Presidenti Topi dekretoi shkarkimin nga detyra dhe nxjerrjen në lirim të Gjeneral Major Shpëtim Spahiu, me detyrë Komandant i Forcës së Bashkuar, dhe të Gjeneral Brigade Zija Bahja, me detyrë Komandant i Komandës Mbështetëse në Gërdec. Sipas Ministrit Oketa të dy gjeneralët kishin shkelur aktet normative në fuqi dhe nuk kishin ushtruar me përpikmëri dhe përgjegjësi detyrat e ngarkuara mbi funksionin që ata kryenin, gjë që solli dhe tragjedinë e Gërdecit. Ndërkohë, që në valën e këtyre shkarkimeve, kryeministri Berisha firmosi dhe shkarkimin e kreut të Shërbimit Informativ te Ushtrisë nënkolonel Hysni Gjergjin. Duket se këto shkarkime do ti hapin rrugë hetimeve për tragjedinë e Gërdecit.
Luan Hoxha: Të zbardhet ngjarja e Gërdecit
Menjëherë pas shkarkimit të shefi të Shtabit të Përgjithshëm të Forcave të Armatosura, Luan Hoxha, ky i fundit doli në një konferencë për shtyp duke deklaruar se ende nuk është njohur me dekretin e presidentit Topi, ndërsa ka kërkuar zbardhje të ngjarjes së 15 marsit. Gjatë deklaratës së tij dhënë dje mbasdite, Hoxha ka falënderuar përkushtimin dhe punën e Forcave të Armatosura në punën e bërë deri tani. Ndërsa, në lidhje me ngjarjen e rëndë të 15 marsit, Shefi i Shtabit të Përgjithshëm u shpreh se kishte zgjedhur heshtjen për ti hapur rrugë hetimeve të pavarura dhe veprimeve të institucioneve për zbardhjen e shkaqeve të tragjedisë. Në vijim të deklaratës së tij Hoxha i ka kërkuar institucionit hetues të zbardhë ngjarjen e Gërdecit dhe të gjejë përgjegjësit për tragjedinë e madhe të 15 marsit. “Akoma nuk e kam marrë dekretin në fjalë. Por përpara së gjithash, dua të vlerësoj gjithë oficerët dhe ushtarët tanë kudo qofshin, për të gjithë punën e bërë, kurorëzuar me marrjen e ftesës për në NATO”- tha Hoxha në një deklaratë të shkurtër, ku ka komentuar heshtjen e tij lidhur me tragjedinë e Gërdecit. “Kam zgjedhur me vetëdije heshtjen, duke qenë i bindur se në këtë mënyrë do të ndihmoja në mënyrë modeste zhvillimin e hetimeve. Jam i bindur se ky qëndrim shkon njësh me respektin e ligjin, ku vendimet merren pas gjykimeve dhe jo para tyre”- tha ai. Në fund ai ka shtuar se aktiviteti i tij do të jetë në respekt të vazhdueshëm të institucioneve dhe ligjit.
SOT

Nuk e kam idene se sa lidhje ka Shtabi i pergjithshem me çeshtjen Gerdeci, dhe natyrisht qe tragjedia e Gerdecit eshte nje ngjarje e rende qe duhet te hetohet deri ne fund, por nuk me duket e moralshme qe ndarja e peshes se pergjegjesise te perdoret si shpate per te prere koka turku per te shpetuar vetem nje njeri; Sali Berishen.