Unë e di ilaçin për Kushtetutën

anetare te shquar Anëtarësuar : 08 Dec 2007 Mesazhe : 993

Unë e di ilaçin për Kushtetutën
Kreshnik Kuçaj
Sabri Godo komenton zhvillimet. ”Krijimi i senatit dhe përforcimi i presidentit do të jenë dy masa që do ta mbrojnë tekstin themeltar”

Një ndër hartuesit e Kushtetutës së Shqipërisë, plaku republikan Sabri Godo i sheh ndryshimet në Kushtetutë si një kërkesë të kohës dhe shpreh qëndrimin e tij pro këtyre ndryshimeve. Ndërkohë, për eleminimin e lindjes së këtyre kërkesave të vazhdueshme ai sheh si zgjidhje ndryshimin e sistemit parlamentar, pra krijimin e një parlamenti me dy dhoma dhe përforcimin e mëtejshëm të institucionit të presidentit. Sipas tij, sistemi aktual parlamentar është edhe ai që sjell lindjen e problemeve kryesore në vend. Votimi i ligjeve të rëndësishme me shumicë të thjeshtë votash, gjë që ndodh shpesh në parlament, sjell edhe problemet dhe kërkesat që të bëhen ndërhyrje në Kushtetutë. ”Duhet të bëhen disa ndërhyrje në Kushtetutë sepse i solli koha. Unë nuk jam e mendimit që Kushtetuta të rrijë 200 vite pa vënë dorë në të. Jemi një shoqëri më ndryshime dhe zhvillim të shpejtë patjetër duhet të rishkojmë se çfarë ligjesh, çfarë kuadri ligjor kemi që na krijon vështirësi që të ecim përpara. Kështu që duhet të rishikohen disa pika” ka thënë Godo i pyetur lidhur me ndryshimet që përsëritshme të Kushtetutës. Duke qenë se në Kushtetutë po bëhen ndryshime që lindin si kërkesë e faktorëve politikë në vend, konstitucionalisti Godo jep 2 zgjidhje të mundshme që mund të evitonin ndërhyrjet e shpeshta dhe që do të sillnin edhe eleminimin e problemeve që lindin. “Siç po shkojnë punët në jetën tonë parlamentare, duhet të zgjedhim dy rrugë. Rruga e parë është krijimi i senatit. Ndërsa rruga e dytë është përforcimi i mëtejshëm i institucionit të presidentit” thotë Godo për “Korrierin”. Gjatë bisedës, ai thotë se dy rrugët e mësipërme do t’i jepnin zgjidhje problemeve që lindin nga vetë parlamenti. Sipas tij, në parlament po miratohen me pak vota, ligje shumë të rëndësishme të cilat në të ardhmen do të krijojnë probleme të mëdha. “Ndodh që në këtë parlament të kalohen me 50 vota ligje me shumë rëndësi siç ishte ai i dy ditëve më parë për titujt e pronësisë. Nëse parlamenti bën veprime të tilla do të krijohen probleme edhe më të mëdha, dhe duhet pritur që të ndërrohen forcat politike të parlamentit që të ribëhen ligjet dhe kështu krijohet një destabilitet në qeverisje” ka thënë Godo ndërsa thekson se një ndër problemet kryesore në vend është mosfunksionimi i mirë i sistemit parlamentar që kemi.

anetaret me aktiv Anëtarësuar : 08 Dec 2007 Mesazhe : 313

Shefi i parlamentareve blu Astrit Patozi: Të mbyllm çdo vatër krize që vjen nga Kushtetuta
Partia Demokratike duket shumë e bindur për miratimin e shpejtë të ndryshimeve në Kushtetutë dhe këto ndryshime shihen si një mënyrë për të përmirësuar ligjet që kanë qenë problematikë ndër vite dhe krijojnë stabilitet politik. Kjo është deklaruar ditën e djeshme nga kryetari i grupit parlamentar demokrat, Astrit Patozi. Sipas Patozit, tashmë nuk duhet humbur më shumë kohë me ndryshimet në Kushtetutë, ndryshime të cilat sipas tij, duhet të miratohen në bllok. Gjatë prononcimit për mediat, Patozi ka komentuar edhe propozimet e Partisë Demokratike për ndryshime të tjera në Kushtetutë, përveç atyre të propozuara më parë nga socialistët. “E mira është që të miratohet gjithçka si një paketë e plotë, pasi koncepti ynë është, që Kushtetuta nuk është një han me shumë porta, ku mund të hyhet e të dilet pa orar, por do të ishte shumë serioze të mbyllim çdo vatër potenciale krize që kjo kushtetutë mund të na krijonte. Kjo paketë e propozuar nga Partia Demokratike nuk i jep kompetenca të tjera kryeministrit”, ka deklaruar kreu i grupit parlamentar demokrat. Ndryshimet e propozuara dy ditë më parë në Komisionin e Ligjeve nga ana e Partisë Demokratike, kanë hasur në kundërshtimet e opozitës, e cila i ka konsideruar këto ndryshime si cenim për dokumentin themeltar të shtetit, ndërsa kanë vënë në dukje se këto ndryshime i japin kryeministrit kompetenca që i përkasin presidentit. Paketa e ndryshimeve në Kushtetutë e propozuar nga PD-ja, synon amendimin e disa neneve të Kushtetutës, që lidhen me zgjedhjen e Presidentit të Republikës, mandatin e Prokurorit të Përgjithshëm dhe një ndryshim lidhur me mocionin ndaj kryeministrit.