DRITAN DOVOLANI - YLLI I DIBRËS NË NJU JORK

Vallëzon si shqipe në mes të Amerikës[/justify]

Dritan (Tony) Dovolani, një djalë nga Dibra, i lindur në fshatin më të njëjtin emër, katund ky në afërsi të Peshkopisë, prefektura e i Dibrës. Që prej moshës 14-vjeçare jeton në njërën prej lagjeve më të populluara me emigratë shqiptarë, kryesishtë, ata të emigruar nga Dibra e Madhe (Maqedoni) dhe prefektura e Dibrës në Shqipëri. Ai tani është bërë një nga figurat më popullore, artistike e më të njohura në komunitetin shqiptar në Nju Jork, e rreth tij. Ai është pretendenti më i fortë në spektaklin amerikan “Vallëzim me yjet” që ka filluar të transmetohet çdo të enjte në mbrëmje prej 6 janarit 2006 në rrjetin e madh amerikan televiziv më të shikueshem ABC TV. Në këtë spektakël marrin pjesë 10 çifte më të mira në Amerikë. Në konkurimin e fundit shqiptaro-amerikani Dritan (Tony) Dovolani, kaloi raundin e parë së bashku me partneren Stacy Keibler, me një vallëzim spektakolar në Amerikë, që ka mahnitur jo vetëm bashkatdhetarët e tij, por edhe vajzat e reja amerikane, të cilat siç theksojnë mediat, janë të “çmendura” pas tij. Çifti vazhdon të kryesojë dhe sipas votimeve të publikut, i cili po ndjek këtë show nga transmetimet e rrjetit televiziv amerikan “ABC”.
[center]

“Vallëzim me yjet” është një seria origjinal në llojin e vet. Çiftet përbëhen nga një person i famshëm dhe balerin profesionist. Çiftet duhet të kërcejnë sipas një stili alla Fred & Ginger. Konkurrimi, është i drejtpërdrejtë, “live”, përballë një audience të pranishme në sallën e vallëzimit dhe një jurie profesionale. Ata gjykohen nga një juri profesionale me ekspertë të zgjedhur dhe nga publiku që i ndjek në sallë dhe nëpërmjet ekranit, në shtëpi dhe mjedise të tjera. Çdo javë më parë se të vinim deri tek nata finale, skualifikohej një çift. Dritan (Tony) Dovolani, është lindur në Dibër dhe ka psuar kontakte e lidhje mjaft të mira me aktivitetet e komunitetit dibran në SHBA. Në biografinë e tij shkruhet se ai ka nisur të kërcejë valle popullore dibrane, që në moshën 3-vjeçare. Kur ishte 14 vjeç ai dhe e gjithë familja e tij largohet nga Dibra e Madhe dhe emigron për në Amerikë. Ku, edhe ai si shumë të rinjë të tjerë këtu, i pati të gjitha mundësitë të studiojë në Akademinë e Dancit “Fred Astaire” dhe u vendos në ishullin shtet, Staten Island. Prej atij momenti ai iu dha përfundimisht pasionit për kërcimin profesional. Udhëton disa herë nëpër botë dhe fiton çmime në kampionate danci. Ai ka interpretuar në kinema në filmin “Shall We Dance”, ku ka pasur rolin e mësuesit të vallëzimit të aktores dhe këngëtares Jennifer Lopez.[/quote]