Berisha bën gati listën "Qeveria 3"

Berisha bën gati listën "Qeveria 3"


Nga Përparim HALILI - Berisha gjendet në krizën e qeverisjes së tij. Edhe pse ai del ekraneve dhe premton rritje pagash e pensionesh, edhe pse pret shirita për rrugë që nuk nisin e për shkolla që nuk kanë hapur themelet, duke se Gërdeci dhe akuzat për përfshirje të pjestarëve të familjes së tij, në afera korruptive e kanë dobësuar dukshëm pozitën e tij publike në sy të shqiptarëve. Edhe pse hiqet si i fortë dhe kërcënon shtypin, edhe pse urdhëron kamikazët e tij për bërë terror mbi ata që denoncojnë qeverisjen e tij të dështuar e të inkriminuar, në realitet Berisha po tregon përditë e më tepër, se nuk ka më fuqi për të qeverisur qetësisht dhe pa probleme. Zhvillimet e fundit politike në vend dhe për më tepër, skandalet dhe çarjet që kanë ndodhur brenda kabinetit të tij të asfiksuar, po detyrojnë Berishën kyeministër, që të bëjë një kompozim të ri kabineti. Ai nuk ka rrugë tjetër, për të vazhduar qëndrimin në pushtet, përveçse të bëjë ndryshime të diktuara të ministrave të tij e të mazhorancës. Pas çarjes së PDK dhe tronditjes së PR prej skandalit të kreut të saj, ish-ministrit të mbrojtjes Fatmnir Mediu, por edhe pas presioneve të Dules së Omonias, Berisha i gjendur përballë presioneve të aleatëve dhe korrupsionit të ministrave të tij të PD, nuk ka rrugë tjetër për të qëndruar në pushtet, përveçse të ketë një tjetër kabinet, pa ata ministra, që deri tani i ka patur dhe i ka përdorur si ushtarë. Prej disa ditësh, ka nisur të hartojë listën e kabinetit të tij të tretë. Sipas burimeve nga brenda zyrave të Berishës, mësohet, se ai, së bashku me ata që tashmë i konsideron të "afërt të rrethit të tij", ka projektuar emrat e ministrave të rinj me të cilët do të vazhdojë të qeverisë vendin edhe këto 12 muaj që i kanë mbetur në pushtet. Po sipas këtyre burimeve, "gjeneral-kolonel" Sali Berisha, do të bëjë lëvizje nga posti edhe për kryetaren e Kuvendit, zonjën Jozefina Topalli, të cilën ka vendosur ta spostoj nga ky pozicicion. Mes Berishës dhe Topallit ka nisur jo vetëm dialogu, por dhe debati, mbasi Berisha i ka ofruar një post ministror, ndërkohë që duket se kanë rënë dakort, që Topalli te vendoset ministre e Jashtme. Në vend të saj, Berisha ka projektuar të vendos Fatos Bejën, ose Edmond Spahon, individë këta, që njihen si njerëz të bindur të Berishës, të cilët nuk kanë patur as fërkimin më të vogël me të. Ndërkohë, ministri akual i jashtëm Lulëzim Basha, tashmë pa imunitet dhe i gjendur përballë panikut për fillimin e procedimit penal për rrugën Rrëshen-Kalimash, flitet se pas "instruktazhit" të Berishës, ka pranuar dhe ka vendosur të kthehet andej nga ka ardhur, duke mbyllur përfundimisht historinë e tij si "anëtar", si "qëndrestar" dhe si "filozof" i PD dhe i KOP e po kështu dhe me drejtësinë shqiptare e cila, duket se nuk do të merret më me të. Po kështu, Berisha, ka projektuar që partisë së Dules, ashtu si ish-qeverisja e PS, t'i delegojë postin e ministrit të Shëndetësisë, duke pranuar në këtë post ministrin historik të shëndetësisë të kësaj partie, zotin Leonard Solis, duke larguar kështu nga ky post, ministrin aktual Nard Ndoka. Ndërkohë që PDK-ës, ka vendosur t'i lërë të lirë vendin e ministrit të Kulturës Rinisë dhe Sporteve, pavarësisht se është në mëdyshje, se cilën nga dy PDK, do të njoh si të ligjshme për ta patur pjesë të aleancës së tij të tronditur mazhoritare. Ministrin Pango, ka vendosur ta "eksportojë" me detyrë jashtë vendit, për të krijuar mundësinë e futjes së një deputeti tjetër nga lista e PD, që flitet se do të jetë një "kamikaz" parlamentar i Berishës. Por pika më e fortë dhe më e sikletëshme e Berishës, pra ministria e Brendëshme, duket se do të ketë në krye, një tjetër figurë "besnike" që qëndron pranë kolltukut të Berishës, deputetin e Gërdecit, Astrit Patozin. Sipas burimeve, largimi i Bujar Nishanit nga ky post, nuk ka lidhje me paaftësinë e tij për të drejtuar, por me skemat e reja të Berishës për të çimentuar pushtetin e tij të dhunshëm e të dështuar si dhe për të patur nën kontroll të plotë këtë sektor, për më tepër që për të po afron fushata e pushtetit të vitit 2009 dhe duket se Astrit Patozi ia përmbush më plotësisht skemat Berishës në këtë drejtim. Ndërsa Nishani, do të vijoj të jetë deputet, duke u rikthyer në pozicionin e tij si ish-zëdhenës i grupit parlamentar.
SOT

Koha do ta tregoje se sa te drejte ka Sot. Megjithate duhet theksuar se qeveria Berisha edhe pse nuk ka qene e perkryer ajo ka mundur te kryej shume nga detyrat kryesore dhe ka mundur te mbushe shume nga boshlleqet dhe problemet e shumta qe shkaktoi qeverisja nga socialistet. Ndryshimi i kompozimit te qeverise eshte nje veprim normal per çdo shtet demokratik. shpesh keto rikompozime nuk kane te bejne asoak me sukseset apo deshtimet e nje qeverie,por me nevojen qe sjellin zhvillimet e reja politike dhe ekonomike ne nje vend.