"Central berthamor, mbron mjedisin"

"Central berthamor, mbron mjedisin"

Ne mbledhjen e djeshme te Grupit parlamentar te PD-se, Kryeministri Berisha iu rikthye idese per ngritjen e centralit berthamor per sigurimin e energjise ne vend. "Shpreha hapur pikepamjen time per energjine nukleare, si menyra me e mire, me e shpejte dhe me e fuqishme per te ulur emetimin e gazit karbonik", tha Berisha, duke iu referuar edhe takimeve te tij ne forumin ekonomik ne Davos. Sipas tij, qeveria do te vazhdoje perpjekjet per te plotesuar sa me shpejt kuadrin ligjor dhe te procedoje ne baze te interesit te tregut per ndertimin e centralit berthamor. Kryeministri Berisha deklaroi ne mbledhjen e Grupit parlamentar, se gjate punimeve te Forumit Ekonomik te Davosit ka marre pjese edhe ne panelet ku teme qendrore ka qene diskutimi i ndryshimeve klimaterike, si dhe pasojat qe ato sjellin. Sipas tij, nuk ka vend qe emeton me pak dyoksid karboni, por qe merr pasojat me te renda te tij sesa Shqiperia.