Wag the dog

Wag the dog




Sido qe te shkoje kjo histori e “aksidentit teknologjik” te Gerdecit, eshte ne natyren humane qe te dyshoje akoma me fort aty ku e verteta tenton te mbulohet. Dhe nuk ka diversion qe mban aq gjate, edhe sikur Albania t’i shpalle lufte Amerikes.

Alqi Kociko

Presidenti amerikan eshte ne hall per nje skandal seksual qe i ka plasur ne dore, dhe i duhet te largoje vemendjen e publikut, duke sulmuar nje vend diku ne anen tjeter te botes, fjala vjen Shqiperine. Subjekti i filmit te njohur hollivudian qe perkthehet formalisht “Tunde qenin”, por qe kuptimin shqip e ka “shpik nje ngjarje, bej diversion”, eshte zbatuar plot here ne politiken shqiptare, ne permasa te ndryshme. Por rasti i fundit eshte i vecante. Sepse nuk ka te beje me ndonje skandal roze qe ka vene ne siklet kryeministrin Berisha (askush nuk e pret kete nga ai), por me nje krim shteteror i cili synohet te taposet nentoke njesoj si nje reaktor berthamor qe ka mberritur ne fund te jetes se vet. E perbashketa e fiksionit te mesiperm dhe realitetit tone, eshte se ne te dyja rastet viktimizohet Shqiperia.

Keshtu pas nje presioni te madh publik, kryeministri e gjeti ditet e fundit, fajtorin e vertete per tragjedine e Gerdecit. Eshte Sherbimi Informativ Shteteror qe nuk ishte ne lartesine e detyres dhe nuk zbuloi dot, ose nuk raportoi per cfare ndodhte ne nje fabrike demontimi armesh ne periferi te Tiranes. Prandaj SHISH duhet reformuar rrenjesisht, duke u vene mundesisht nen kontrollin e qeverise, permes nje komiteti bashkerendues te puneve qe do te shmange tragjedite e ardhshme (ose ndryshe, nuk do lejoje qe ato te shperthejne). Ky shqetesim i madh i kryeministrit, e detyroi ate te takohej per here te pare pas tre vjetesh ne detyre, me kreun e sherbimit. Kreu i te njejtes qeveri qe miratoi vendimin per liberalizimin e tregtise se armeve e municioneve, dhe qe ftoi parlamentin ta votonte ate, nuk dinte gje per Gerdecin. Kryeministri, kunati i te cilit, ekonomist a llogaritar ne fabriken e Gerdecit, kujdesej te numerohej mire cdo arke e predhe dhe humbi jeten ne shperthim, nuk dinte gje. Po cfare do zbulonte agjenti i thjeshte i SHISH-it, edhe sikur t’ja mbante te hynte ne Gerdec? Nje biznes qeveritar ku hynin e dilnin kamione te ushtrise. Kaq. A do te zbulonte ai se kontrolli i ushtarakeve ishte shmangur per te mos zbuluar korrupsionin? A do te bente perpara ai, nese nga ministria e Mbrojtjes do t’i thoshin se ka te beje me nje kompani prestigjioze amerikane, ndaj edepsezi duhet te lipset prej andej sa nuk e kane pushuar nga puna?

Nje tjeter fajtor te vertete per Gerdecin gjeti edhe kryetarja e Kuvendit Jozefina Topalli. Para se te vendoste per hedhjen ne votim te heqjes se imunitetit te deputetit Fatmir Mediu, ajo nuk u mjaftua me materialet e prokurorise se pergjithshme ne adrese te tij, por kerkoi nga organi i akuzes edhe te dhena per rolin e ushtrise ne kete mesele. A thua se parlamenti duhej te votonte per imunitetin inekzistent te disa ushtarakeve te larte dhe jo per nje ish minister, roli i te cilit per Gerdecin eshte bere i qarte ne syte e opinionit publik, edhe pse jo ende per syte e organeve te drejtesise. E njejta vonese e qellimshme edhe me hedhjen per votim te dekreteve te presidentit per pese anetaret e rinj te Gjykates se Larte, gjykate kjo qe do gjykoje ceshtjen Mediu. Nuk ka nevoje per ndonje fakt juridik, per te kuptuar se presioni mbi Topallin vjen direkt nga kryeministri, i cili do qe te kontrolloje perberjen e Gjykates se Larte, ne menyre qe edhe pas heqjes se imunitetit, kjo e fundit ta nxjerre te lare Mediun. Duke nxjerre te lare keshtu, edhe Sali Berishen.

Por pikerisht nga vendi i “Wag the Dog” erdhi edhe reagimi i prere per kete masakarade. Ambasadori amerikan ne Tirane, Xhon Uidhers, ne takimin e se martes me kryeprokuroren Ina Rama pa shume diplomaci kerkoi respektimin dhe mosnderhyrjen e politikes ne punen e prokurorise, “ne te kundert Shtetet e Bashkuara do te zhgenjeheshin shume”. Nje dite me pas Topalli u detyrua te deklaroje se imuniteti i Mediut “do te votohet shume shpejt”, kurse te enjten Uidhers u takua demonstrativisht me presidentin Topi per t’i shprehur atij mbeshtetjen. Diplomati i regjur e di se ne kete mes eshte edhe emri i SHBA-se, qe nuk mund te ndyhet as nga “firma prestigjioze” e Patrik Henrit te Trete, as nga 22 vjecari i shkathet Efraim Diveroli.

Por sido qe te shkoje kjo histori e “aksidentit teknologjik” te Gerdecit, eshte ne natyren humane qe te dyshoje akoma me fort aty ku e verteta tenton te mbulohet. Presidenti i fiksionit qe vendosi te “Tunde qenin”, ishte vetem dy jave larg zgjedhjeve ndaj atij diversioni i duhej vetem sa per t’u rigjedhur president. Kryeministri yne (per fat te keq) aspak fiktiv, eshte ende nje vit larg fushates se re elektorale, dhe nuk ka diversion qe mban aq gjate, edhe sikur Albania t’i shpalle lufte Amerikes. Ndoshta te gjitha levizjet e mesiperme te kryeministrit, mbeshteten tek shpresa se nje tjeter element i natyres humane do te hyje ne veprim. Harresa. Por kjo eshte ne dore te zgjedhesve.

KLAN

Berisha do te jete edhe per 4 vjet te tjera kryeminister. Gerdeci ishte nje tragjedi e rende, por nuk e zbeh punene e qeverise Berisha. Se sa skandale fshihen prapa historise te gerdecit per zgjedhesit pak rendesi ka, sepse shqiptaret tashme jane imunizuar ndaj çdo lajmi per skandale korrupsioni. Skandalet e korrupsionit jane bere pjese e perditshme e jetes se tyre, keshtuqe nuk pritet qe gerdeci te luaje ndonje rrol ne zgjedhjet e 2009. Perkundrazi vepra si rruga Durres-Kukes, kapercimi i krizes energjitike etj jane faktoret qe do te lujn rrol ne keto zgjedhje. Shqiptaret te rrethuar nga te kater anet nga e keqja, jane te detyruar qe ne mes te keqes me te madhe te zgjedhin te keqen me te vogel, dhe e keqja me e vogel per ta, duam apo sduam ne, duhet pranuar se eshte kualicioni i djathte dhe Berisha.

Mire e ke ti. Kjo qeveri te vetmen gje qe beri (ta theksojme) per veriun ishte rruga Durres-Kukes.

Eshte nje veper qe nuk ka vlere vetem per veriun po per gjithe Shqiperine. Po dhe ne paste vlere vetem per veriun, pak te duket ty. 8 vjet qene ne pushtet socjalistet dhe asnjehere se kthyen koken nga veriu. Te pakten, kjo qeveri beri diçka me vlere per ta. 4 vjet jane pak per te ndryshuar rrenjesisht jeten e nje populli por kur ka perpjekje lind dhe shpresa. Dhe kjo rruge dhe te tjera jane me shume se sa perpjekje e kesaj qeverie. Jane vepra qe duhen vleresuar.

Nuk jemi ne USA dhe shqiptaret nuk i shohin gjerat siç i shohin amerikanet. Perkundrazi tek ne sa me shume te sulmohet nje njeri aq me shume njerezit jane te prirur per ta mbrojtur, dhe sa me shume ti meshohet nje ngjarje aq me e pa vlere behet ajo per syte e opinionit (shqiptar). Eshte ne mentalitetin tone qe ne raste tilla te shprehemi; "ama na çan tra... me Gerdecin, skan pun tjeter kto Gerdec sot e Gerdec mot, u bo Gerdeci si poçi llamraqit". Nuk eshte vetem mentaliteti qe i ben njerezit te mendojne keshtu por jane ngjarjet e perditshme dramatike qe perjeton gati çdo familje shqiptare. Njerezve po u vdesin çdo dite te aferm, ne aksidente, ne vrasje per shkaqe nga me banalet, nga pakujdesite e mjekeve,nga vetvrasjet, ne pune, etj.Vetem ne Bulqize gati eshte arritur numri i Gerdecit nga te aksidentuarit ne miniere. Me thoni mua sa nga Bulqizaket e vrasin mendjen per Gerdecin. Ato kane hallet e veta. E gjithe jeta shqiptare eshte nje drame me vete ku askush nuk ka kohe te merret me dramen e tjetrit. Prandaj dhe rreziku i harrimit eshte prezent. edhe Gerdeci eshte harruar dhe as qe do te kete rrol ne zgjedhjet e 2009, sado qe ti meshojne gazetaret, anilistet, opozitaret apo dhe amerikanet.

Kesaj i thon; "Posht Salia-Rroft Salia".

Drama e nje populli qendron ne faktin e mungeses te alternatives per te zgjedhur.
Shqiptaret kane vetem dy alternativa qe jane pjella te njera tjetres.