Edi Rama fsheh tenderin e pastrimit të plehrave

nga **ILIRI** prej Fri Feb 01, 2008 9:50 am

Edi Rama fsheh tenderin e pastrimit të plehrave

Vazhdon seriali i abuzimeve me fondet publike, prej kryebashkiakut të Tiranës, Edi Rama, i cili është pagëzuar si “Zotëria 10%”, nga firmat ndërtuese dhe subjektet private që operojnë me të, për krerjen e shërbimeve. Akti korruptiv i rradhës, i kryebashkiakut hajdut dhe prepotent, që merr vendime private e banditeske është tenderi për pastrimin e plehrave të Tiranës. Pas dështimit që pësoi në tremujorin e fundit të vitit 2007, duke iu bllokuar dy tendera për pastrimin e kryeqytetit, Edi Rama e vazhdoi këtë akt skandaloz e superkorruptiv, në fillimin e vitit 2008.Së bashku me “ushtarët” e tij të zyrës së prokurimit publik në bashki dhe me klientët e paracaktuar si “fitues” të tenderit në fjalë, kryebashkiaku i Tiranës, firmosi në datën 9 janar 2008, lejen për zhvillimin e këtij tenderi. Ndërsa në datën 14 janar 2008, pra “të pestat” e firmosjes së vjedhjes së hapur, ai zhvilloi tenderin. Tenderi i zhvilluar për pastrimin e katër zonave të Tiranës, u bë me dyer të mbyllura, pa asnjë transparencë publike. Ashtu si dy tenderat e vjeshtës 2007 edhe ky tender, do të jetë një bllof dhe skandal tjetër në përpjekjet e kryebashkiakut të babëzitur për përfitime nga fondet publike, duke përdorur firmë e vulë të institucionit, sikur të jetë në pasurinë e tij.
Mbyllen dosjet në kasafortën e Ramës, drejtësia nuk vepron
Edhe pse prej disa ditësh, nuk nuk jemi pranuar e nuk jemi lejuar të kontaktojmë me drejtues të Drejtorisë së Prokurimeve Publike në këtë bashki (ku shef dhe punonjës janë “ushtarët” besnikë të Ramës), gazeta arriti të sigurojë burime informacioni po nga bashkia, të cilat na bënë të ditur dje, se tenderi është zhvilluar më datë 14 janar, po atë ditë që ka përfunduar pranimi i kërkesave për pjesëmarrje, në tenderin e kontratave për pastrimin e kryeqytetit. Ky tender është bërë dhe po mbahet i fshehur, megjithëse nuk ka nisur zbatimi i komisionit tenderues, që po kështu është “çetë” hajdutësh e kryetarit të bashkisë. Por edhe pse ai është ngurosur në kasafortën e kryebashkiakut dhe të drejtorit të prokurimeve publike të bashkisë Tiranë, Julian Zaka, tashmë ka dalë mbi “ujë” dhe nuk mund të “fundoset” më. Të njëjtat burime nga brenda bashkisë, na konfirmuan, se fondi për pastrimin e kryeqytetit është mbi 150 milionë lekë të reja. Ky fond është ndarë në katër pjesë, ku dihet, që “fitues” është firma e përzgjedhur nga Edi Rama dhe e deklaruar nga “besnikët” e tij, të zyrës së prokurimit në bashki. Kjo përzgjedhje, ashtu si në tenderat e fundvjeshtës së vitit 2007, nuk ka lidhje me punën për pastrimin e kryeqytetit, por me përfitimet e “kapos” së bashkisë, i cili tashmë dihet, se fut miliona përqindjeje në xhepat “trastë” të qillotave të tij (thuhet 10%, por ndodh edhe më tepër).
Milionat e prokuruara hajdutçe
Tenderi, i cili është organizuar në mënyrë emergjente, me motivin e papërligjur për pastrimin e Tiranës, gjë kjo që bie ndesh me ligjin. Por, kur ka drejtues të tillë, nuk ka as ligj e as moral, por vetëm përfitime nëpërmjet korrupsionit. Po flasim konkretisht, se cili është fondi i akorduar direkt, në mënyrë private dhe pirate, nga kryetari i bashkisë Tiranë.
1. Për pastrimin “emergjent” të pjesës Jug-Perëndimore (1), të qytetit të Tiranës, për një periudhë 6 mujore, fondi limit është 42.020.365 lekë.
2. Për pastrimin emergjent të Zonës Veri-Perëndimore (1), të qytetit të Tiranës, për një periudhë 6-mujore, fondi limit kap shifrën prej 34.163.629 lekë.
3. Objekt prokurimi paraprak dhe “emergjent” është pastrimi i Zonës Jug–Perëndimore (2), të qytetit të Tiranës. Fondi limit për pastrimin e kësaj zone është 37.277.761 lekë.
4. Objekt prokurimi është pjesa Veri - Perëndimore (2), e qytetit të Tiranës. Fondi limit për pastrimin e kësaj zone është 37.179.311 lekë
Çfarë thotë ligji, për prokurimet e drejtëpërdrejta?
Ligji e ndalon kategorikisht këtë akt abuzimi, mbasi ai është shpallur, është organizuar dhe është zhvilluar me “procedurë të përshpejtuar”, që në gjuhën e prokurimeve publike, cilësohet “prokurim, pra tender emergjent”. Por nuk mund të bëhet një tender emergjent, në kushtet siç e ka bërë kryebashkiaku Rama dhe “çeta” e tij e zyrës së prokurimeve në bashki. Pse? Sepse, procedura e prokurimit me negocim të drejtpërdrejtë, nuk përdoret dhe aq shpesh, pasi ajo ka një rregullore që përcakton rastet, madje me udhëzim të Këshillit të Ministrave, siç është rasti i KESH, që blen energji me negocim, për të shkurtuar afatet e veprimeve procedurale. Kjo nuk është e pranueshme në rastin dhe kushtet e tenderit që ka bërë Rama i bashkisë së Tiranës, duke abuzuar e mashtruar, me justifikimin, se “nuk ka kohë të disponueshme për ta bërë prokurimin të hapur, ashtu si e kërkon ligji në fuqi, mbasi flitet për emergjencë”. Mirëpo emergjenca, sipas ligjit të prokurimit mund të realizohet, nëse shkaktarja e kësaj situate emergjence, siç është qelbja e Tiranës nga plehrat, të mos ishte shkaktuar nga bashkia e Tiranës, që në rastin konkret është autoriteti kontraktor i prokurimit, por nga shkaqe jashtë saj.
Ja 31 shkeljet e tenderin të plehrave, të anuluar në nëntor 2007 nga APP
Nga shqyrtimi i ofertës të paraqitur nga bashkimi i operatorëve ekonomik “JTC 1962” sh.p.k & “SIBA” sh.p.k & “SCHMID”, janë vërejtur 9 shkelje të kontratës. Së pari, akt-marrëveshja e lidhur ndërmjet këtyre firmave, i referohet ligjit të vjetër për prokurimin publik, kur ndërkohë, ligji i ri ka hyrë në fuqi, në fillim të vitit që shkoi. Së dyti, sipas APP-së, shoqëria “SCHMID”, ka paraqitur dokumentet në zyrat e drejtësisë, me qendër në Bon (Gjermani), lëshuar në datë 18 prill 2007, jashtë afatit tremujor të kërkuar në dokumentet e tenderit. Sipas regjistrit të gjykatës së Darmsdadt, shoqëria “SCHMID, automjete komunale”, ka si objekt veprimtarie shitblerjen (im-ex) të automjeteve të reja e të vjetra të të gjithë llojeve dhe tregtimin e pjesëve të këmbimit e të tjera të këtij lloji. Siç shihet, në objektin e kësaj shoqërie nuk përfshihet pastrimi i mbeturinave urbane, pra i mungon eksperienca. Po kështu, kjo shoqëri ka mangësi në vërtetimin e përfaqësuesit të saj ligjor, pasi në prokurë ka emra të ndryshëm. Kjo shoqëri ka mangësi në vërtetimin e NIPT-it, sipas të cilit, në shtetin gjerman nuk jepen deklarata të tilla, kur në fakt, një gjë e tillë duhet të plotësohet patjetër, për të vërtetuar pagesën e taksave. Pra, Komisioni i Vlerësimit të Ofertave në bashkinë e Tiranës, i ka marrë të mirëqena deklaratat personale të shoqërisë gjermane, duke mos i kërkuar kriteret e përcaktuara në ligjin shqiptar. Tjetër shkelje. Nga dokumentacioni ligjor i shoqërisë “SIBA” sh.p.k, konstatohet se vërtetimi i lëshuar nga zyra e përmbarimit me nr. Prot 3722, nuk ka vulën e noteres. Po kështu, kjo shoqëri ka paraqitur vërtetimin e sigurimeve shoqërore, sipas të cilit ka të siguruar për muajt shkurt, mars, prill dhe maj, respektivisht 32, 31, 32 dhe 23 punonjës, ndërkohë që për periudhën janar-dhjetor 2006 dhe janar 2007, nuk ka paraqitur vërtetim nga tatim-taksat, për numrin e punëtorëve të siguruar. Po kështu dhe shoqëritë e tjera, kanë mangësi në vërtetimin e sigurimit të punonjësve, kusht i fortë për t’u kualifikuar në tender. Shoqëria “SIBA”, sipas APP-së, ka mungesë eksperience në punët e pastrimit të mbeturinave urbane. Tjetër mangësi në dokumentacion, vërehet tek kapaciteti punues i njërës nga bashkimi i shoqërive “JTC 1962”, e cila zotohej, se do të kryente rreth 80 për qind të punimeve, kur në fakt nuk kishte pajisjet e duhura për këtë volum. Dhe për këtë qëllim, kërkoi blerjen e makinerive të shoqërisë gjermane, në datën 24 shtator 2007. por ky veprim cënon nenin 45 të ligjit për prokurimin publik. Të tre operatorët ekonomikë, nuk përmbushin kërkesat teknike, në përputhje me raportet e vendosura në prokurën e posaçme, të bërë për këtë qëllim. Në këto kushte, kualifikimi i tyre është bërë në kundërshtim me nenin 53 të ligjit nr. 9643 "Për prokurimin publik".Shoqëria tjetër fituese “Fusha & Pastrimi”, ka kryer një sërë gabimesh matematikore, të konstatuara nga bashkia e Tiranës, por që në fakt i ka pranuar, ndërsa janë kryer të tjera veprime matematikore, të cilat nuk janë korrigjuar, duke shkelur ligjin 53 pika 2. Po ashtu, kjo shoqëri ka përdorur si burim ligjor, disa udhëzime e ligje, që në fakt janë shfuqizuar, pra që nuk kanë patur vlerë, duke mos qenë në dijeni, për ndryshimet në ligjin e ri të prokurimeve (20.11.06). Sipas APP, akt-marrëveshjes së dy shoqërive “Fusha” dhe “Pastrimi”, fitimin më të madh do ta merrte shoqëria respektove, e para me 90%, ndërsa pjesën e mbetur firma tjetër, kur në fakt, shoqëria “Fusha” nuk kishte kapacitetet e duhura teknike dhe fuqinë punëtore, për kryerjen e pastrimit në këtë zonë të Tiranës. Sipas APP-ës, objekt i kësaj shoqërie është montim-ndërtimi, pra pa eksperiencë në fushën e pastrimit të mbetjeve urbane. Kjo shoqëri nuk tregoi qartë xhiron vjetore duke bërë disa ndryshime në bilance, kur bashkia duhet ta vërtetonte një gjë të tillë. Ndërsa shoqëria “Pastrimi”, nuk ka vërtetuar me ekspertë kontabël bilancin financiar të vitit 2006. Probleme ka dhe te sigurimet shoqërore, duke deklaruar shifra kontradiktore. Ka mangësi në vërtetimin e derdhjes së detyrimeve fiskale, ndërsa CV e punonjësve (inxhinierëve) kanë mangësi të theksuara të eksperiencës, të përcaktuara qartë, në ligjin për prokurimin publik. Pavarësisht këtyre shkeljeve, komisioni prokurues i bashkisë dhe kreu i saj Edi Rama, kanë firmosur zhvillimin dhe përfundimin e tenderit, duke nxjerrë fituese këto shoqëri.

nga dea prej Fri Feb 01, 2008 4:19 pm

Ketu me poshte bashkia pretendon se i ka rrealizuar,madje sipas kesaj te dhene i bie ti kete lare edhe rruget.ha, ha ha tallu edvin rama tallu me kete popull. Megjithate nje gje eshte e vertete. Tirancit moren ate qe deshen.

Transporti
182 autobusë të rinj për transportin publik (total 225)
10 linja të transportit publik me shtrirje të gjerë në territor
Pastrimi dhe Mjedisi
Një pastrim cilësor të qytetit
Tërheqja çdo ditë e mbeturinave
Një shërbim më cilësor me pajisje teknologjike
Larjen e rrugëve kryesore çdo ditë

Edi Rama fsheh tenderin e pastrimit të plehrave

Edi Rama fsheh tenderin e pastrimit të plehrave

Re: Edi Rama fsheh tenderin e pastrimit të plehrave