Firma "ANIKA" që pretendon blerjen e "ARMO", ka 1 punëtor

Firma "ANIKA" që pretendon blerjen e "ARMO", ka 1 punëtor dhe 250 mijë franga
Nga Përparim HALILI (SOT)- Bashkimi i tre të ashtuquajturave kompani në një Conssorcium tregtar që është futur si konkurrente në tenderin e privatizimit të kompanisë së naftës shqiptare "ARMO", nën siglën e firmës "Refinery Associates" të Teksasit, nuk është gjë tjetër veçse një bashkim fiktiv firmash të cilat, sipas dokumenteve ligjore e bankare që disponojnë, rezultojnë si shitës rutinë të karburanteve dhe jo si fuqi industriale në sektorin e prodhim-përpunimit të naftës. Edhe pse ky fakt dihet dhe është "stampuar" në dosjet e tyre,ministria e Ekonomisë dhe e Enrgjetikës e pranoi në tender, duke shkelur ligjin mbi kushtet e paracaktuar po me ligj për privaztizimin e sektorit startegjik shqiptar të naftës shqiptare "ARMO".
Interesat e Rulit, po fusin "ARMO" në "kthetrat" e firmës fantazmë "Refinery Associates" të Teksasit
Nuk ka më asnjë dyshim, që ky 'toelrim", ose më saktë kjo "visto" është bërë jo si "pakujdesi", apo "gabim njerëzor", por si skemë korruptive që nis tek ministri i "drurit të arrës" Genc Ruli, i cili duke qënë se nuk iu krijua mundësia të "gëlltiste" një copë akison apo përfitim të pisët financiar në privatizimin e "ALBTELECOM"", iu dha e "drejta" korruptive për të përfituar tek privatizimi i ARMO". Të tre firmat që përbëjnë firmën "Refinery Associates" të Teksasit janë firma "kukull", janë firma me probleme abusive ligjore në vendet ku janë rregjistruar dhe në vendet ku kanë vepruar dhe veprojnë. Dhe çuditërisht ato depërtojnë "qetësisht" në privatizimin e ekonomisë strategjike shqiptare dhe po me abzuime e korruptim, arrijnë të diktojnë veprime antiligjore të shtetit dhe të qeverisë shqiptare duke u shpallur fitues edhe pse nuk kanë asnjë garanci teknike e financiare.
Gazeta "SOT", disponon dosjen e plotë të kësaj afere të dukëshme dhe skandaloze korruptive që ka "gatuar" Ruli dhe "jeniçerët" e tij që "qepën letrat" për të shpallur si firmë të parë konkurrente firmën fantazmë dhe të skeduar amerikane të (vet)quajtur "Refinery Associates" të Teksasit edhe pse nuk ka rafineri, madje as nuk disponon qoftë edhe një sondë primitive pusi nafte. Procedura antiligjore me fytyrë krimin ekonomik që ka për autorë njerëz me penalitete brneda qeverisë shqiptare, ka lidhje me grupe mafioze brneda e jashtë Shqiëprisë që synojnë të futin në "kthetra" sektorin e naftës, privatizimi i të cilës po bëhet jo me strategji, por me urdhër, jo me afate kohore ligjore, por me përshpejtim, me synimin për ta pronësuar sa më parë. firmat e tjera që kanë marrë pjesë në privaztizimin e "ARMO" ndihen të spostuara nga ky grup mafioz që ka arritur të vendos "komandën" edhe mbi qeverinë shqiptare e cila në rastin konkret duhet të ndërhyjë, jo thejshtë se ka në tavolinë arguemtet e dosjes false të firmës që u shpall si kryesuese "Refinery Associates" të Teksasit, por sepse ky tender për shitjen e "ARMO" është organizuar duke shkelur ligjin, me object korrupsionin e dukshëm.
Lejohen shkelje, në favor të firmës që po i jepet "ARMO"?
Të tre firmat e bashkuara në logon fiktive të komapnisë së "klonuar" me emrin "Refinery Associates" të Teksasit, kanë ndërtuar strategjinë e tyre për të privatizuar "ARMO". Deri këtu gjithçka duket krejt në rregull, sepse gjithkush ka të drejtë të pretendojë për të fituar një tender, pa dallim nacionaliteti dhe feje. Por problemi qëndron në faktin, që të gjithë pjesëmarrësit duhet të trajtohen njëlloj dhe të provojnë publikisht, nëse i plotësojnë të gjitha kushtet e paravendosura në një proces prokurimi publik. Konssorciumi i krijuar nga "Raniferiy Associates" of Teksas, "Mercuri" dhe "Anika Enterprajs", duhet të jap shpjegime për shumë paqartësi dhe mungesa, të kërkuara nga komisioni i vlerësimit të ofertave të ministrisë së Ekonomisë Shqipatre që është dhe "koka" e privatizimit të "ARMO". Në qoftë se procesi do bëhej dhe do të bëhet transparent, shumë shpjetë do të shohim, që Konssorciumi do të tërhiqet menjëherë dhe pa kushte e pa asnjë reagim për pamundësi pagese.
Po t’i hedhim një sy marrëveshjes dhe ndarjes së përqindjeve brneda këtij konssorciumi, shohim që asnjë prej firmave, madje as të tre firmat së bashku, nuk kanë mundësi legale financiare për të investuar shumën prej 300.000.000 euro. Këtu qëndron sekreti i fshehjes dhe mosbërjes transparent të këtij privatizimi. Qëndrimi i njëanshëm i komisionit të vlerësimit të ofertave, duke mos përjashtuar konssorciumin problematik dhe abuziv teksan, hedh dritë për një aferë të strukturuar korruptive dhe të një strategjie të ndërtuar me kohë për të futur në "kthetra" kompaninë e naftës shqiptare "ARMO".
Fuqia korruptive e firmës "ANIKA" për të "blerë" kupolën e ministrisë së Ekonomisë Shqiptare
Drejtues të të lartë të kupolës (mafioze) të Ministrisë së Ekonomisë, padyshim janë të përfshirë në këtë akt të rëndë korruptim, duke realizuar pjesën e parë të skenarit me kohë kanë bërë pazaret me ish-specialistët socialistë për ndarjen e përqindjeve se s’ka si shpjegohet ndryshe heshtja e plotë e opozitës. Nuk je fajtor vetëm kur vjedh, por edhe kur i lë të tjerët të vjedhin dhe askush nuk do të bëhej fajtor pa përfituar.
Po të shihet me kujdes ndarja e përqindjeve të vë në dyshim i ashtuquajturi Mercuri si gjigand ka vetëm 10 (dhjetë përqind) kauboj si me katër bashkëpunëtorët 20 (njëzet për qind). Kurse pjesën e luanit e ka rusja Anika.
Tani dihet qartë se kush është firma "ANIKA", që konssorciumi i vetëquajtur "Refinery Associates" të Teksasit, po e përdor për t’i hedhur hi syve opinionit publik e atij ligjor shqiptar. Ata që kanë vendosur që ky grupim fiktiv firmash tregtare që janë parqitur në tender si firma të specializuara me rafineri, natyrisht që e kanë ditur dhe e dinë mirë, se kush është kjo kompani seksere që "jeton" me pazare" tregu nafte e hidrokarburesh. Po përmendim një fakt. Gazeta "Pravda" e datës 19.03.04, shkruan për një marrëveshje të bërë në mes teksanëve dhe LITASKO (LUK OIL) a koment. Të gjithë e dinë mirë se cilët janë dhe se çfarë kanë "fuqi" të bëjnë rusët në këtë drejtim, aq më tepër në tenderat e karburanteve dhe privatizimet e rafinerive e të sektorëve nxjerrës të saj. Synimi i tyre për hegjemoni të plotë në Ballkan është i pafrenueshëm dhe i "mirëpaguar nën dorë". Marrëveshja e bërë në rastin e privatizimit të "ARMO", ka kapur shumën prej 13.000.000 milionë dollarë, por fitimi i teksanëve është ai brokerit. Të dhënat tregojnë që kjo kompani nuk ka të ardhura, që të paguajë shumën që i takon për masën 20%. Bëhet fjalë për financa të pastra e jo për financa "tunelesh". Firma gurp "Refinery Associates" e Teksasit, aktualisht ka vetëm emrin me siglën "rafineri". Ajo nuk disponon në pronësi ndonjë impiant, apo teknologji rafinerie në aktivitet. Një kompani me 5 punonjës, që këkron dhe kualifikohet për t'u bërë blerëse bashkëpronare e "ARMO", nuk është një astësi, por një skandal që duhet ndalur dhe duhet ndëshkuar nga kryeministri, madje edhe nga kreu i shtetit, presidenti i Republikës Bamir Topi, i cili duhet të aktivizojë drejtësiën në këtë drejtim.
U shpallën fitues pa depostë bankare. Ku do të gjenden financat?
Lind pyetja: Ku do gjenden paratë për këtë investim gjigand prej 300.000.000 milionë euro, kush do i paguajë kur llogaritë e Raf Associ, tregojnë të kundërtën. Sa ka mundësi një firmë seksere (ndërmjetëse) të investojë 60.000.000 milionë euro? Si mund të investojë një partner strategjik kur ka vetëm 20 (njëzet për qind të tetëdhjetë e pesë për qindëve) pesëmbëdhjetë për qind janë shtetërore, del qartë përse duhen amerikanët, ndoshta paguhen nga mafia për fasadat.
Si ka mundësi që firma "Mërcuri" ky "gjigand" ka investuar në firmën e përbashkët "Refinery Associates" të Teksasit dhe merr pjesë vetëm me 10%? Dhe sa mund të investojnë, kur përqindja pjesëmarrëse flet vet. Ku ka investuar më parë ose ku është duke investuar konkretisht? Askund, me keqardhje po faktet janë kokëfortë. Përfaqësohet nga dy partnerë, nënshtetas polakë të cilët merren me tregtinë e gazit dhe janë akuzuar për pastrim parash, zgjedhje e bukur. Fatkeqësisht selia e "Mërcurit" ndodhet në Qipro, adresë e pakëndshme për ne shqiptarët.
Firma "Anika Anterprajs" kompani e regjistruar në Zvicër, me aktivitet broker (sekserë) me përfaqësuese znj. Anika me origjinë ruse ka probleme dhe aktualisht është zotëruese e 70% të aksioneve në këtë privatizim. Ekonomi tregu do të thotë ndonjë, le ta marrë kush të dojë edhe me këtë jemi plotësisht dakord. Le ta marrin edhe rusët "ARMO"-n. Por jo mafia ruse e ajo shqiptare. Nuk duam, që djersën dhe kapitalet investuara të ekonomisë kombëtare shqiptare dhe të punëtorëve të rafinerisë, t'i përdorin "gangot al kapone" që po depërtojnë edhe në Shqipëri me monopole privatizimi të sektorëve startegjikë të ekonomisë tonë.
Një kontroll i thjeshtë do nxirrte shumë të vërteta por askujt si ka interesuar si ka mundësi që Anika me një punonjëse e krijuar nga Lukoi Litasko si satelite e saj me të ardhura modeste që kapin shumën prej 120.000 (njëqind e njëzet mijë) dollarë amerikan dhe me një depozitë bankare prej 250.000 (dyqind e pesëdhjetë mijë) franga zvicerane të ketë kontroll të plotë të aksioneve prej 70 (për qind). Lindin disa pyetje: Cili është aktiviteti i kësaj kompanie dhe në ç’vend të botës ka investuar? Sa e ka qarkullimin vjetor dhe çfarë eksperience ka në këtë fushë? Cila është garancia financiare, e saj? Nga cilët burime financohet? Si mund të kontrollohet paketën prej 70 (për qind) me 250.000 mijë franga zvicerane, dhe kush fshihet pas këtij 70 përqindëshi?.
Pa dyshim Lukoil (Litasko) me ndihmën e të korruptuarve që fatkeqësisht tek ne janë me shumicë. Gjithkush ka të drejtë të blejë dhe shesë për interesa personale ose shoqërore. Por, brenda ligjit dhe rregullave nuk do isha shumë dyshues, dhe nuk jam i tillë kur gjërat janë transparente dhe legale. Konkretisht të bën përshtypje fakti, se përse kompania shqiptare "Taçi Oil" nuk u paraqit si ortake konssorciumi, por pas shpalljes së komisionit të vlerësimit u paraqit si drejtuese e këtij konsserciumi. "Koka e kësaj afere" është në Gjenevë, në rue Saint-Laurent 15-17 1207 Geneve Scëeiz/Sëtzerland. Pazaret e bëra fillimisht kanë dhënë rezultat, por tek ne akoma nuk është zhdukur shija e hidhur e aromës së barutit që shkaktoi pakujdesia dhe mos verifikimi me dashje i partnerëvve amerikanë dhe atyre shqiptarë me seli në Qipro. Pa partnerë strategjik, pa mundësi financiare legale, pa njerëzit dhe teknologjinë e duhur, një katastrofë e pashmangshme është në horizont. Larg qoftë që makutëria të verbojë përsëri. Konsorciumit teksan i mungojnë këto elemente të domosdoshëm, por ku konsorcium ka një avantazh, korrupsionin dhe këtu i ka shpresat. "Paraja e hedh ujin përpjetë", - thotë populli. Por ne pamë me sytë tanë që paraja e pistë hedh malin tej dhe merr jetë njerëzish. Rafineria është më delikate se demontimi i municioneve, dhe serioziteti dhe kujdesi në këtë privatizim duhet të jetë në shkallën më të lartë. Qeveria duhet të marrë në konsideratë vlerat, mundësitë dhe të verifikojë çdo kompani me seriozitet duke mos neglizhuar edhe faktin përse opozita është.
Një kontroll Anika Enterprajs me seli Genevë, shumë pyetje marrin përgjigje për prapavijën dhe bashkëpunimin e mafias shqiptare, në këtë privatizim. Ofertës mashtruese tani i ka dal boja. Ku janë 125.000.000 milionë eurot e ofertuara e të pranuara nga komisioni i tenderimit, plus tre përqindëshi i ofertës? Kush është ai partner strategjik, që do garantojë seriozitetin dhe zhvillim teknologjik, kur dihet që sot, ngushtimi i parametrave të ndotjes së mjedisit është primar dhe i domosdoshëm? Kush nga tre partnerët e konssorciumit teksan e ka këtë mundësi?
Sot rregullat dhe ligjet janë të qartë, sidomos ato bankare, besoj se qeverisë s’do t’i interesonte që ky privatizim të bëhet me para të pista, sidomos tani që Gërdeci është kryefjalë. Të gjithë jemi të bindur dhe të qartë që Gërdeci lindi nga makutëria dhe korrupsioni. Duke shprehur bindjen, se Ambasada Amerikane do të jap kontributin e saj në këtë privatizim, që "devirolë" të tjerë të mos lëndojnë Shqipërinë, patjetër që do të luaj rolin e partnerit strategjik, me këshilla dhe informacione, të cilat nuk i mungojnë. Amerikanët e dinë mirë, se çdo të thotë një pakujdesi në një rafineri, mbasi pasojat janë katastrofike dhe këto katastrofa kanë ndodhur, pikërisht në një vend, ku kujdesi dhe siguria vlerësohen në shkallën më të lartë dhe nuk drejtohen e nuk menaxhohen nga kompani ilegale dhe fanatazma si "Refinery Associates" të Teksasit, për më tepër nga kapoja e kësaj kompanie "ANIKA", që po pretendon të blejë "ARMO". Të paktën, bëjnë me dije ç’janë në të vërtetë qytetarët e saj që duan të privatizojnë sektorë strategjikë. Interesi i pashmangshëm i departamentit të shtetit, i sigurt që përfaqësuesit e lartë do japin ndihmesën e tyre për të parandaluar vjedhjen e radhës dhe premisat për një Gërdec të dytë.
Letra që përjashton nga tenderi firmën "Refinery Associates" of Texas, "Anika Enterprises & Mercuria Energy Group"
Në kapitullin e parë të vendimit të qeverisë nr. 82, datë 03.02.2008, termi “Investitor strategjik” do të thotë një shoqëri tregtare që e vetme plotëson kriteret e parashikuara në pikën 2.1 (a), (b), (c), i kapitullit të dytë. Më konkretisht në pikën 2.1 (b), thuhet se kandidatët duhet të përmbushin kërkesat e mëposhtme: të jetë shoqëri e specializuar në fushën e përpunimit e të tregtimit të naftës, gazit e nënprodukteve të tyre, e cila t’i ketë ushtruar këto veprimtari për jo më pak se tre vjet. Pra, në vendim përcaktohet konkretisht se kush është investitori strategjik. Ndërkohë, në letrën që komisioni i Vlerësimit të Ofertave, e nënshkruar nga Neritan Alibali, zv.ministër i METE-s, citohet se, nga dokumentacioni që ka paraqitur kjo firmë, aktiviteti i përpunimit të kësaj kompanie, nuk del qartë. “Në zbatim të VKM-së nr. 82, datë 03.02.2008, kap II, pika 2.1 b, kandidati duhet të jetë një shoqëri e specializuar në fushën e përpunimit dhe tregtimit të naftës, gazit e nënprodukteve të tyre, e cila ta ketë ushtruar këtë veprimtari për jo më pak se tre vjet. Do të kërkohen sqarime mbi aktivitetin konkret të rafinimit të ushtruar nga shoqëria sipas afatit të përcaktuar në VKM, gjë e cila nuk del e qartë nga dokumentacioni i paraqitur”.

Kushtet që nuk plotëson "Refinery Associates" of Texas, Anika Enterprises & Mercuria Energy Group
Përveç shkeljes së një prej pikave të vendimit të qeverisë dhe mospërjashtimit për këtë shkak, komisioni i Vlerësimit të Ofertave, i kërkon kompanisë “Anika Enterprises S.A Refinery Associates of Texas & Mercuria Energy Group LTD” të heqë dorë nga kërkesa e saj. “Komisioni i Vlerësimit të Ofertave, në përputhje me VKM-në nr. 82, datë 03.02.2008, ka mandat të vlerësojë ofertën vetëm në rast se ajo përputhet me kriteret e VKM-së sa më sipër. Kushtet e paraqitura nga ju dalin jashtë këtyre kritereve. Prandaj KVO-ja nuk mund të japë vlerësim dhe gjykim për to. Madje, puna e saj pengohet në vazhdim të procedurës së vlerësimit. Përfundimisht ju kërkojmë që të hiqni dorë formalisht nga këto kërkesa”, thuhet më tej në letrën e Alibalit. Më tej akoma, sipas zv.ministrit të METE-s, komisioni i Vlerësimit të Ofertave do të hyjë në negociata të fuqishme me fituesit e këtij tenderi. “Përsa më sipër, ndërsa ne e pranojmë se do të hyjmë në negociata të fuqishme dhe mbi baza të drejta me fituesin e këtij tenderi, ju nuk mund të prisni që kufizimet/kushtet e vendosura në ofertën tuaj, ashtu siç gjenden në listën e kushteve paraprake, të pranohen prej nesh”, shtohet në letër. Në fund të letrës theksohet se, “si konkluzion ju informojmë se çdo sqarim i kërkuar nga ju duhet të jetë një sqarim me shkrim mbi dokumentacionin tashmë të dorëzuar dhe nuk mund të përmbajë dokumente shtesë”. Ndërkohë në paragrafin e fundit të pikës 2.1 të vendimit të qeverisë sanksionohet qartë se një kompani skualifikohet kur shkel një nga pikat e këtij vendimi. “Mosplotësimi i këtyre kritereve, të parashikuara në pikat (a), (b), (c) dhe (d) të pikës 2 më sipër, përbën kusht për skualifikimin e kandidatit.
Ruli bënë realitet fituesin e blerjes së "ARMO", shpall firmën e përzgjedhur nga Teksasi
Komisioni i Vlerësimit të Ofertave, ngritur me urdhër të Ministrit të Ekonomisë, Tregtisë dhe Energjetikës, me Nr.126, date 21.02.2008 “Për krijimin dhe funksionimin e Komisionit të Vlerësimit të Ofertave për privatizimin e kompanisë “ARMO” ShA, i ndryshuar, pasi shqyrtoi raportin e përgatitur nga konsulenti Patton Boggs mbi dokumentacionin e ofertave te paraqitura nga kompanitë pjesmarrëse në tender dhe kreu vlerësimin tekniko-financiar me pikë, në mbështetje të kritereve të përcaktuara në VKM Nr. 82, datë 03.02.2008 i ndryshuar, Të kualifikojë ofertat e tre kandidatëve:
1. "Refinery Associates" of Texas, Anika Enterprises & Mercuria Energy Group,
2. "Vitol, Euroil sha" , NFS Partners sa and USBCF Inc,
3. "Petrofac Energy Developements International Limited"
4. Skualifikohet "Penta Investmens Limited", Paraplynovy cyklus as, Bratislava and Duslo.
Pikët për ofertën
1. "Refinery Associates of Teksas", Anika Enterprises & Mercuria Energy Group
75 pikë për ofertën 125 milion Euro
2. "Vitol, Euroil sha", NFS Partners sa and USBCF Inc
58.2 pikë për ofertën 97 milion Euro
3. "Petrofac Energy Developements International Limited"
17.46 pike per oferten 29.1 milion Euro

Pikët për vlerësimin teknik:
1."Refinery Associates" of Teksas, Anika Enterprises & Mercuria Energy Group: - 18.16 pikë
2."Vitol, Euroil sha", NFS Partners sa and USBCF Inc: - 11.29 pikë
3. "Petrofac Energy Developements International Limited": - 13.06 pikë

Klasifikimi përfundimtar:
1."Refinery Associates" of Teksas, Anika Enterprises & Mercuria Energy Group: – 93.14 pikë
2."Vitol, Euroil sha", NFS Partners sa and USBCF Inc: - 69.49 pikë
3."Petrofac Energy Developements International Limited: - 30.52 pikë
Ja kontrata e Consorciumit që kërkon të privatizojë kompaninë "ARMO"
Ndarja e pjesëve në përqindje, sipas marrëveshjes paraprake të arritur në mes të palëve:
Raniferiy Associates of Teksas, Inc 20% (njëzet për qind)
Mercuria Energy Grup. Limited 10% (dhjetë për qind)
Anika Enterprajs Sa 70% (shtatëdhjetë për qind).