Kokalari: Diplomatët amerikanë duhet ti sqarojnë amerikanëve se ç’borxh i ka SHBA Mediut

Kokalari: Diplomatët amerikanë duhet ti sqarojnë amerikanëve se ç’borxh i ka SHBA Mediut


Të besosh se Tom Ridge nuk e dinte se duhet të regjistrohej si një agjent i huaj është njëlloj sikur të besosh se hëna është e bërë prej djathi, ose kjo ose ai është komplet budalla. Në fakt, nëse e mendoj, i bëra një kërkesë zyrës së Ridge mbi statusin e regjistrimit të tij si agjent i huaj, kur ai u emërua në atë detyrë. Ridge bën lobistin për Shqipërinë, por nuk e raporton këtë. Ish sekretari për sigurinë e vendit, Tom Ridge u regjistrua në departamentin e drejtësisë si një lobist për qeverinë Shqiptare rreth 2 vjet,pasi fitoi një kontratë lobiste me një shumë gati gjysëm milion dollarë, raportoi Roll Call gjatë mëngjesit. “Nuk mendova se ishte e “nevojshme” të regjistroheshe,” citon gazeta “Capitol Hill”, se ka thënë ish guvernatori i Pensilvanisë dhe përkrahësi kombëtar i fushatës elektorale presidenciale të John Mcain. “Më ra në mendje pasi kontrata përfundoi dhe avokati tha se nën këto rrethana patjetër që duhet të isha regjistruar,” tha Ridge. Ridge u regjistrua pasi u kontaktua nga Departamenti i Drejtësisë.
Fatmir Mediu dhe Withers komplot për firmën AEY
Siç bëhet e ditur nga artikulli i NYT, ish-Ministri i Mbrojtjes së Shqipërisë, Fatmir Mediu donte që ambasadori amerikan Withers të bashkëpunonte në një komplot për të mbuluar marrëveshjen e armatimeve me AEY, sepse Mediu kishte frikë një investigim të NYT mbi këtë marrëveshje, dhe ai kërkoi këtë “bashkëpunim” sepse “Shtetet e Bashkuara i detyroheshin atij.” Shtetet e Bashkuara i detyroheshin Fatmir Mediut? Çmenduria e këtij plehre e hajduti. Paralajmërova dhe gjenitë, që shërbejnë si të dërguar të Amerikës në ambasadën e Tiranës, rreth Mediut shumë kohë më parë. http://www.albca.com/aclis/modules.php?name=Neës&file=print&sid=1050 Me sa duket, përveç se janë mendjelehtë, ata as nuk të dëgjojnë. Ndërkohë që vazhduan të luanin lojërat e tyre diplomatike. Nuk është sekret fakti që Departamenti i Shtetit i injoroi deklaratat rreth praktikave korruptive të Mediut, ashtu si Departamenti i Shtetit injoroi reklamimet mbi llogarinë bankare në Credit Suisse të Fatos Nanos dhe korrupsionin e Sali Berishës. Dhe për çfarë? Që të mund të thonin, se disa djem shqiptarë kishin vënë jetën në rrezik si pjesë e një idiotllëku si “koalicioni vullnetar” në Irak. Ose për të siguruar bashkëpunimin e Shqipërisë me Kosovën, diçka që shqiptarët duhet ta kenë për detyrë? Nëse ka sadopak vërtetësi në deklaratat e majorit Harrison se ambasadori Withers dhe Fatmir Mediu konspiruan në mbulimin e marrëveshjes së AEY, atëherë kjo me siguri shpjegon faktin pse Departamenti i Shtetit e injoroi ankesën time që Mediu dërgoi leshkot e tij për të konfiskuar pajisjet e përdorura nga NYT në intervistën me Mediun. Por ironia e kësaj historie qëndron në faktin se ata diplomatë të qeverisë amerikane të dërguar në Shqipëri për të përfaqësuar principet e demokracisë amerikane, kanë, sipas akuzave të majorit Harrison, konspiruar me disa “palo” zyrtarë gangsterë të qeverisë për të minuar lirinë e fjalës, një nga shtyllat kryesore të demokracisë. Nëse ka ndonjë fije vërtetësie në këto deklarata, veprimet e këtyre diplomatëve amerikanë janë padyshim të dënueshme dhe atyre duhet t’u vijë turp nga vetja. Problemi është se, ashtu si Sali “Enver” Berisha dhe Fatmir “Roje” Mediu, ata nuk kanë turp. Unë thjesht shpresoj se diplomatët tanë në Tiranë t’u shpjegojnë bashkëqytetarëve të mi taksapagues amerikanë, arsyen e shpërdorimit të pushtetit treguar në marrëveshjen e AEY, ashtu si dhe faktin se pse ne i kemi “borxhe” Mediut. Fatmirësisht, këtyre delegatëve do tu kërkohet të japin shpjegime nën hetim të plotë lidhur me ligjet që me sa duket ata nuk i kanë marrë parasysh. Ata që flenë me qentë nuk duhet të befasohen nëse zgjohen në mëngjes duke u krruajtur nga pleshtat.
Nga Geri Kokalari

Withers dhe Mediu fshehën provat e origjinës kineze të municioneve

Nga ERIC SCHMITT - Një atashe ushtarak u ka thënë hetuesve të kongresit se ambasadori amerikan në Shqipëri ra dakord me planin e ministrit të mbrojtjes së atij vendi për të hequr provat e origjinës ilegale kineze të municioneve që dërgoheshin nga Shqipëria në Afganistan, nga një kompani tregtie armesh e Miami Beach. Rënia dakord erdhi pas një takimi të orëve të vona midis ambasadorit John L. Withers II, Ministrit Shqiptar të Mbrojtjes Fatmir Mediu dhe ndihmësit e tyre më të afërt disa orë para afatit të caktuar nga një reporter i NYT për të vizituar operacionet e kontraktuesit amerikan në Tiranë, kryeqyteti i Shqipërisë gjatë nëntorit të kaluar. Ushtria Amerikane i bleu këto armatime për të furnizuar forcat e rendit në Afganistan, por ligji amerikan ndalon tregtimin e armatimeve kineze. Atasheu, majori Larry D. Harrison i ushtrisë amerikane, ishte pjesëmarrës në këtë takim, dhe tha për hetuesit e komisionit se z.Mediu shprehu shqetësimin se reporteri do të zbulonte prova korruptive nga ana e tij. Ministri tha se për shkak se kishte devijuar rrugën e tij për të ndihmuar Shtetet e Bashkuara, ato i detyroheshin atij diçka” sipas deklarimit të majorit Harrison. Kur z.Mediu urdhëroi gjeneralin në komandë të forcave të armatosura shqiptare që të hiqte kutitë e municioneve kineze nga baza që do të vizitohej nga reporteri, majori Harrison tha se “ ambasadori ishte dakord, se kjo do të hiqte dyshimet mbi shkeljet.” Bazuar në fragmentet e transkriptimit të intervistës që hetuesit patën me atasheun më 9 qershor, dhe e bërë publike të hënën nga HOC. Në kohën që u mbajt ky takim, kompania AEY Inc, ishte nën hetime për trafik ilegal armesh, duke përfshirë municione kineze. Të premten, presidenti 22-vjeçar i kompanisë, Efraim E. Diveroli, dhe tre persona të tjerë u akuzuan për shitjen e armatimeve të ndaluara kineze ndaj Pentagonit. Majori Harrison, tha për hetuesit se ai nuk ishte dakord me vendimin për t’i fshehur kutitë reporterit të NYT, dhe tha se ai nuk ndihej rehat gjatë këtij takimi. Majori Harrison, si shef i zyrës për bashkëpunim në mbrojtje në ambasadë ishte përgjegjës për të ndihmuar në trajnimin dhe pajisjen e ushtrisë shqiptare, tha se sugjerimi i tij për të penguar reporterin që të vizitonte bazën u refuzua. Në një letër dërguar sekretares së shtetit Condoleezza Rice, kryetari i komisionit, përfaqësuesi Henry A. Waxman, një demokrat i Kalifornisë, tha të hënën se duket që ka prova që zyrtarët e ambasadës në Tiranë u përpoqën të mbulonin takimin e nëntorit pasi stafi i Waxmanit hapi hetimet ndaj AEY. Një zëdhënës i ambasadës amerikane në Tiranë i përcolli të gjitha pyetjet në Uashington. Zëdhënësi i Departamentit të Shtetit, Tom Casey, tha për gazetarët të hënën, se departamenti po shqyrtonte letrën e z. Waxman, përfshirë dhe deklaratat e majorit Harrison. “Ne nuk kemi informacione që mbështesin idenë se zyrtarë amerikanë janë përfshirë në aktivitete të paligjshme”. “ Por me sa duket, për çdo deklaratë të bërë ngrihen pyetje nga kryetari i komisionit më të madh në Kongres, kjo është diçka që na jep kënaqësi të shikojmë më tej.” tha z.Casey Sipas emaileve të siguruar nga hetuesit e kongresit, majori Harrison nxiti zyrtarët e ambasadës të vinin në dijeni komisionin mbi takimin e 19 nëntorit midis ambasadorit dhe ministrit, por ambasada nuk dha asnjë referencë mbi takimin në përgjigjen e saj zyrtare të pyetjeve bërë nga Komisioni. Personeli i ambasadës dukej i ndjeshëm ndaj alarmeve për shqiptarët. Të nesërmen e takimit të nëntorit, oficeri i sigurisë rajonale në ambasadë, Patrick Leonard, i shkroi një asistentit të tij një e-mail të siguruar nga komisioni: “ NYT mbërriti sot dhe mund të jetë duke shkruar ndonjë histori mbi këtë dhe gjërat mund të shkojnë keq. Ambasadori është shumë në merak për këtë çështje”. Kur artikulli u publikua në NYT më 27 Mars 2008, ai ju përcoll menjëherë zyrtarëve të ambasadës. Në një e-mail dërguar zyrtarëve të ndryshëm të ambasadës, z.Lonard tha se artikulli fokusohej mbi marrëveshjet e AEY “Nuk u përmend përfshirja e ambasadës, falë zotit!” në letrën e tij dërguar sekretares Rice, z.Waxman tha se deklaratat e majorit Harrison të kombinuara me korrespondencat e mbajtura me e-mail ndërmjet zyrtarëve të ambasadës, ngrenë pyetje mbi rolin e Departamentit të Shtetit në dërgimin e ngarkesa me municioneve ilegale kineze dhe sinqeritetin në përgjigjet e departamentit drejtuar komisionit. Në janar 2007, ushtria i dha AEY kontratën me vlerë 298 milion $, duke e bërë atë furnizuesin kryesor me armatime për forcat e rendit në Afganistan në luftën e tyre kundër Al-Qaeda dhe Talebanëve. Një investigim nga NYT në fillim të vitit zbuloi dokumente të ardhura nga Shqipëria që tregonin se AEY, kishte blerë më shumë se 100 milion fishekë kinez, të cilat ishin ruajtur për dekada që nga koha e luftës së ftohtë. Zoti Diveroli rregulloi që këto fishekë ti ripaketoheshin në kuti kartoni, shumë prej të cilave çaheshin ose dekompozoheshin, pasi dërgoheshin në zonat e luftës. Ishin mbledhur shumë lloje armatimesh të ndryshme. Në disa raste municionet ishin të pista, të gërryera ose të mbuluara nga oksidi.

Shtetet e Bashkuara i detyroheshin Fatmir Mediut? Çmenduria e këtij plehre e hajduti

Nuk me ben shume pershtypje artikulli i Kokalarit, sepse tani jemi mesuar me pozat e Kokalarit se "shpetimtar" i kombit. Ajo qe me ben pershtypje eshte se Kokalari nuk ngurron te shkele nje nga parimet me themelore te te drejtave te njeriut dhe ate te prezumimit te pafajesise. Te thuash se Kokalari nuk e di çdo te thote prezumim i pafajesise? Nje avokat qe pretendon se eshte i njohur? Nuk dua te bej avokatin e Mediut, por dyshoj se "lufta" e Kokalarit ndaj te gjitha figurave politike shqiptare eshte nje beteje me qellime personale, qe ndoshta e ka burimin tek urrejtja qe ai ka per çdo gje qe ka te beje apo ka lidhje sadopak me epoken komuniste ne Shqiperi. E keqja eshte se ai po behet viktime e urrejtjes se tij, dhe kjo vihet re ne shkeljen e hapur qe ai u ben parimeve dhe etikes profesionale kur ai deklaron fajtor persona te cilet ende nuk kane dale para trupit gjykues qe eshte i vetmi institucion qe ka tagrin te beje deklarata mbi fajesine apo pafajesine e personit te akuzuar. Kokalari nuk ka as tagrin te bej akuza. Ai si person ka te drejte vetem te beje te ditur informacionet e tij, te denoncoje ne organet perkatese apo medja, apo institucione te tjera. Ne çdo shkrim te Kokalarit ka shume urrejtje, dhe kjo e zvogelon ate jo vetem si njeri i ligjeve, por edhe si njeri.

Ngjarja e Gerdecit po nxjerr ne shesh veprime te shemtuara nga personat ne fjale. Siç duken bathet gjerat shkojne me thelle. Ndoshta aq thelle sa nuk do ti gjendet fundi. Kokalarin, siç e pohon dhe, nuk e p... njeri përveç gazetes SOT.