"Shtatë vjet burg për ata që trukojnë ndeshjet”

Jetmir Halilaj

...të Prokurorëve dhe Zyrën e Mbrojtjes së Qytetarëve kanë përgatitur një projektligj, ku kërkohet dënim deri në shtatë vjet burg për ata sportistë apo drejtues, që paracaktojnë me ve-tëdije rezultatin e një ndeshjeje.
Ky është thelbi i ndryshimeve që pritet të miratohen në "Kodin Penal të Republikës së Shqipërisë" ose ligjin Nr. 7895 datë 27.01.1995. "Paracaktimi i rezultateve në garat sportive, përbën kundërvajtje penale dhe dënohet me gjobë deri në 2 vjet burgim. Po kjo vepër, kur kryhet me qëllim përfitimi pasuror, dënohet me burgim nga 2 deri në 7 vjet dhe gjobë nga 100 mijë lekë deri në tre milionë lekë", është një nga pikat e këtij projektligji, e cila është bërë publike dje nga kryetari i shoqatës së prokurorëve, Shkëlqim Hajdari. Kërkesa për një futboll "me këmbë të pastra" synon rishikimin e ligjit për të frenuar fenomene si trukime, shitje, apo fiksime të rezultate në botën e sportit, prej të cilave shpeshherë ka vuajtur jo vetëm futbolli në Shqipëri, por edhe sporte të tjera në vendin tonë. Sipas përfaqësuesve të nismës "me këmbë të pastra" fenomeni i paracaktimit të rezultateve të garave sportive, si dhe rastet kur këto rezultateve paravendosen me qellim përfitimi ose jo, kanë qenë të shpeshta. "Kjo del në pah, duke ju referuar dhe një serie faktesh të rënda, të njohura për të gjithë, në denoncime të vazhdueshme publike e jo publike, të bëra nga drejtues klubesh, gazetarë sportivë e deri institucione prestigjioze ndërkombëtare", shkruhej në relacionin e paraqitur në emër të grupit të punës nga prokurori, Shkëlqim Hajdari. "Trukimet e sporteve tashmë do të gjykohen në bazë të Kodit Penal dhe çdo ndërhyrje në sport do të dënohet si vepër penale", tha kreu i Shoqatës së Prokurorëve, Shkëlqim Hajdari. "Kjo nismë ligjore është një përmirësim i një boshllëku në Kodin Penal dhe i shërben drejtpërdrejtë përmirësimit të sportit dhe largimit të tij nga fenomenet e trukimeve, që janë një shkatërrim për sportin në tërësi, tha Hajdari. Ishte e domosdoshme që të bëhej një ndërhyrje e tillë në Kodin Penal, sepse duhen luftuar të gjitha ato fenomene që nuk pasqyrojnë realitetin".
Platini
Federatat Sportive e sidomos ato të futbollit duhet të bashkëpunojnë me autoritetet shtetërore për luftën kundër korrupsionit ne sport. Kjo është kërkesa e ardhur nga Këshilli i Evropës në projektin e tij "Modeli i Sportit Evropian" që u miratua në Asamblenë Parlamentare. Presidenti i UEFA-s, Mishel Platini tha se futbolli evropian po vuan këto kohë nga probleme si pastrim parash, baste, fiksimin paraprak të rezultatit etj".
Këshilli i Evropës dhe UEFA u bëjnë thirrje federatave të futbollit të bashkëpunojnë me autoritetet e vendeve përkatëse për të luftuar korrupsionin në sport e sidomos në futboll. Hoze Luiz Arno nga Komiteti i Kulturës, Shkencës dhe Edukimit të KE-së si dhe presidenti i UEFA-s, Mishel Platini, propozuan përpara Asamblesë Parlamentare në Strasburg rezolutën 11 467 për krijimin e Modelit Evropian të Sportit.

Sporti e ka humbur vleren e vet sepse eshte kthyer ne nje aktivitet komercial si çdo gje tjeter. Po sa do te sherbeje ky ligj.
Nuk eshte çudi qe te deshtoje si ligji kundra duhanit, aq me teper qe ne sport eshte e veshtire te zbulosh nje manipulim te rrezultatit.