Kokalari: Trafiku i armëve në Shqipëri, mbrohet nga Departam

Kokalari: Trafiku i armëve në Shqipëri, mbrohet nga Departamenti Amerikan i Shtetit


[/b]Geri Kokalari ka komentuar raportin e shkruar në gazetën prestigjioze NYT, ku deklaron se administrata e Bushit e injoron korrupsionin në Irak. Kokalari deklaron se trafiku i armëve në Shqipëri është i mbrojtur nga Departamenti i Shtetit Amerikan.
Kush është Geri Kokalari?
Geri Kokalari është shqiptaro-amerikani që mban titullin e presidentit në fondacionin “Trashëgimia Shqiptare”, një organizatë avokatie që merret me çështjet shqiptare. Ai ka qenë themeluesi, financieri dhe ish-drejtor i Këshillit Kombëtar Shqiptaro-Amerikan,dhe ishte njeriu i përgjegjës për krijimin e zyrës së parë lobiste për shqiptarët në Washington DC. Z. Kokalari ka qenë gjithashtu themeluesi dhe drejtuesi i “Fondi i Lehtësimit Shqiptar” me zyra në NewYork dhe Tiranë, organizëm i cili i siguroi Shqipërisë mbi 10 milion $ në formën e ndihmave humanitare. Ai ka shërbyer dhe si drejtor në “Fondin e Lehtësimit Kosovar” ku ndër projektet e organizuara prej tij, ishin dhe ndihmat humanitare të dhuruara nga kryebashkiaku Giuliani dhe qyteti i New Yorkut, të cilat z. Kokalari ia shpërndau me pas kosovarëve në kampet e refugjatëve në Maqedoni gjatë luftës së 1999. Me kërkesën e ambasadës amerikane ai siguroi fonde për një ekip që do të pastronte nga minat kufirin Shqiptaro-Kosovar. Z. Kokalari ka publikuar disa artikuj mbi krizat në Shqipëri dhe Kosove dhe është shfaqur në disa programe televizive amerikane për të diskutuar mbi heshtjet shqiptare. I ati i Geri Kokalarit, Lemi Kokalari emigroi nga Gjirokastra, Shqipëri që në moshë të re. Ai shërbeu në trupat aviatore të ushtrisë amerikane gjatë luftës së II botërore, dhe ishte një drejtues aktiv i komunitetit Shqiptaro-Amerikan. Ai ka qenë president i Qendrës Shqiptare në New York, një ndër organizatat shqiptaro-amerikane më të vjetra, dhe gjithashtu lider i “Vatra”. Drita Kokalari, e ëma e Gerit, ka lindur në Amerikë dhe aktualisht është presidente e Qendrës Shqiptare. I ati i Dritës, Shazuvan Pashun ka qenë president i shoqatës mbarëshqiptare Vatra. Profesionalisht, z. Kokalari është këshilltari financiar i një kompanie shërbimesh financiare me qendër në Manhatan. Ka marrë masterin për administrim biznesi në financë në shkollën Wharton të universitetit të Pensilvanisë dhe një diplomë për administrim biznesi nga Universiteti i Bostonit.
Ja se si e komenton Kokalari artikullin e NYT
Më poshtë është raporti i datës 13 maj i NYT që deklaron se administrata e Bushit e injoroi korrupsion në Irak në mënyrë që të ecte përpara me programin e saj. Hmmm, a i bie ndërmend ndonjërit për Shqipërinë? Duke u kthyer prapa në kohë, më poshtë është një lidhje që të çon në një artikull që kam shkruar vite më parë, të titulluar “S.O.B. Diplomacy” i cili debatonte “largimin e vëmendjes” të Departamentit të Shtetit nga praktikat korruptuese të qeverisjes Nano. Në vazhdimësi e deri më sot, ju mund t’i rifreskoni këtë shkrim thjesht duke ndryshuar emrin e Fatos Nanos me emrat e Sali Berishës dhe Fatmir Mediut, dhe duke zëvendësuar ambasadorin James Jeffrey me ambasadoren Marci Ries. Për koinçidencë, si Jeffrey ashtu dhe Rice u emëruan në Bagdad pasi ishin caktuar në Tiranë. Siç e kam thënë, në shumë raste ndër vite, Departamenti i Shtetit e “largoi vëmendjen” në mënyrë të qëllimshme nga praktikat korruptuese të dy qeverive Nano dhe Berisha, si një marrëveshje “më jep, të jap” për bashkëpunim, i cili ishte i rëndësishëm për programin e marrëdhënieve me jashtë të Shteteve të Bashkuara, veçanërisht në dërgimin e ushtarëve shqiptarë për të marrë pjesë në “misionet paqeruajtëse” në Irak dhe Afganistan. Edhe Departamenti i Drejtësisë uronte që çështjet e llogarisë Credit Suisse të Nanos të kalonin pa u vënë re. Por kohët dhe ngjarjet ndryshuan. Është e çuditshme, se çfarë mund të bëjnë një shpërthim në Gërdec dhe një artikull në faqen e parë të NYT rreth lidhjes së qeverisë Berisha me marrëveshjet për armatimet. Veçanërisht kur këto koinçidojnë me hetimet nga Departamenti i Drejtësisë, Departamenti i Mbrojtje, Komiteti i Mbrojtjes dhe Komiteti i Shërbimeve të Armatosura të Senatit. Është tërheqëse se si këto zhvillime detyruan Departamentin e Shtetit të riorientojë prioritet e tij. E shihni dhe ju, shpërdorimi i zhurmshëm i qeverisjes dhe përvetësimi i dollarëve të taksapaguesve amerikanë, të miratuar nga vetë amerikanët, pa dallim ndërmjet republikanëve dhe demokratëve. Anëtarë të Kongresit dhe Presidenti ju përgjigjën amerikanëve. Dhe së fundmi, departamenti i Drejtësisë, ai i mbrojtjes dhe departamenti i shtetit duhet t’u japin përgjigje të gjithëve. Jam i sigurt se flas në emër të shumicës së amerikanëve kur sugjeroj që departamenti i shtetit të mbajë qëndrimin e nisur dhe të detyrojë parlamentin shqiptar t’u heqë imunitetin për të gjithë ata pjesëtarë përfshirë Fatmir Mediun dhe Sali Berishën. Më pas departamenti i shtetit duhet të ushtojë presion mbi hapjen forcërisht të hetimeve mbi ndonjë ose të gjitha ato parti që kishin lidhje në marrëveshjen e municioneve ndërmjet AEY dhe qeverisë së Shteteve të Bashkuara. Dhe ju lutemi të na kurseni demagogjitë tipike të departamentit të shtetit, që ju nuk ndërhyni në punët e brendshme të një vendi tjetër. Sepse ju mundeni dhe ndërhyni, ky është një rast ku me siguri duhet të bëni këtë. Ka shumë mënyra në shërbim të departamentit të shtetit duke përfshirë ndihmesën në ofertën bërë Shqipërisë për të hyrë në NATO, ndërprerja e ndihmës financiare dhe e fundit, por jo nga rëndësia, të kërcënojë të zhvlerësojë të gjithë ata politikanë shqiptarë që refuzojnë të bashkëpunojnë. Nëse departamenti i shtetit nuk e bën këtë, atëherë Condoleezza Rice do të jetë e detyruar të japë shpjegime në kongres detajet mbi praktikat e shkuara mashtruese në Shqipëri nga ana e departamentit të shtetit dhe pse taksapaguesit amerikanë duhet të ulen dhe të shohin se si paratë e fituara me aq mund, të hidhen poshtë nga zyrtarë të korruptuar të qeverisë shqiptare.

Artikulli i gazetës NYT
Ish-zyrtarët: Administrata Bush lë jashtë vëmendjes korrupsionin në Irak
WASHINGTON (AP) Administrata Bush, në mënyrë të përsëritur ka lënë jashtë vëmendjes korrupsionin në rangjet e larta brenda qeverisë së Irakut, dhe ka mbajtur sekret informacione potencialisht të sikletshme, për të mos vështirësuar raportet me Bagdatin, sipas 2 ish-zyrtarëve të departamentit të shtetit. Artur Brenan, i cili për pak kohë shërbeu si kryetar i departamentit të dokumentacionit dhe transparencës vitin e kaluar, dhe Xhejms Matil, i cili ka punuar si përgjegjës, i thanë demokratëve në senat të hënën se zyra e tyre nuk kishte personel të mjaftueshëm dhe se paralajmërimet e rekomandimet e tyre nuk janë marrë parasysh. Brenan gjithashtu pretendon se Departamenti i Shtetit pengoi një të dërguar të kongresit, për të vizituar Bagdatin dhe për të folur me stafin, duke insistuar që ata janë shumë të zënë. Në të vërtetë, thotë Brenan, punonjësit e zyrës kanë qenë duke parë filma në TV dhe në PC-të e tyre. Punët që u ishin ngarkuar stafit janë ulur në mënyrë dramatike sepse kryeministri i Irakut Nuri Al-Maliqi ia ka hequr detyrat thelbësore për t’ia kaluar zyrës kryesore anti-korrupsion të Irakut. Politika e Departamentit të shtetit “jo vetëm ka kundërshtuar misionin anti-korrupsion por indirekt ka kontribuar për të dhe ka lejuar korrupsionin të infektojë rangjet më të larta të qeverisë së Irakut”, tha Brenan Komitetit Demokrat të Politikave në Senat. “Përpjekjet e ambasadës së SHBA-ve kundër korrupsionit (duke përfshirë dhe “aktorin” kryesor, Zyrën dokumentacionit dhe transparencës, tani më të mbyllur) ishte pak a shumë si një “rregullim vitrinash”, shtoi ai. Zv/zëdhënësi i departamentit të shtetit Tom Kejsi tha se administrata e ka marrë seriozisht çështjen e korrupsionit dhe theksoi emërimin që është bërë së fundmi të Lorenc Benediktit si kordinartor për iniciativën antikorrupsion pranë ambasadës Amrikane në Bagdat. Emërimi i Benediktit “është një demonstrim tjetër se ne po punojmë me rang shume të lartë për të ndihmuar irakenët të përballen më këtë çështje” -tha Kejsi. “Ç’do deklarim se ne nuk e kemi marrë seriozisht këtë çështje, ose nuk i kemi kushtuar vëmendjen që meriton nuk është i vërtetë. ” Zyra e dokumentacionit dhe transparencës, ose ekipi ZDT, ka pasur si qëllim të sigurojë asistencë dhe trajnim agjencive irakiane të anti-korrupsionit. Dhjetorin e kaluar është bërë e ditur, pas pretendimeve në një raport-draft përhapur në media se zyra e Al Maliqit, ka penguar ose devijuar hetimet nga agjencitë që kontrollohen. Raporti-draft ka tensionuar shqyrtimin e kongresit amerikan dhe ka nxitur një beteje ndërmjet demokratëve dhe zyrtarëve të lartë të departamentit të shtetit, mbi atë se a ka publiku të drejtë të informohet mbi rastet e korrupsionit, edhe të Al Maliqit. Brenan bën përgjegjës departamentin e shtetit, për shkak se ky institucion nuk i është përgjigjur raportit të ekipit të tij, i cili është klasifikuar prapaveprues për shkak se zyrtarët e agjencive thanë, se mund të dëmtojë marrëdhëniet bilaterale me Irakun. Gjithashtu, rekomandime të tjera të ekipit janë mbajtur sekret, përfshirë një vlerësim negative për Komitetin e Përbashkët Anti-Korrupsion të Irakut, tha Brenan. Në korrik 2007, ekipi I ZDT konkludoi se qëllimi i vetëm i komitetit ka qenë të krijonte një hapësirë, për të diskutuar rreth pakënaqësive kundër gjykatësit Hamza Al Radi, një zyrtar kryesor i anti-korrupsionit në Bagdat, të cilit shumë zyrtarë amerikanë e kanë brohoritur si shumë të dobishëm në zbulimin e mashtrimeve dhe abuzimet. Por informacioni i mëvonshëm i publikuar nga ambasada, nuk ka marrë parasysh vlerësimet e ekipit dhe së fundmi “ka dështuar edhe për të përmendur se çfarë belaje” ky komitet “ka qenë në të vërtetë”, tha Brenan. Brenan tha se ai aprovoi raportin e ambasadës ndaj vlerësimeve të tij por më vonë është penduar për këtë që kishte thënë Mattil, cili ka punuar me Brenan, ka bërë pohime të njëjta. Saktësisht, ai ka thënë se SHBA “kanë heshtur përballë fushatës së ashpër” nga zyrtarë të lartë irakianë për të shkatërruar Komisionin e Integritetit Publik, që drejtohej nga Al Radhi. Pas kësaj SHBA-të u kanë kthyer shpinën irakenëve që janë larguar për në SHBA pasi janë kërcënuar për shkak të hetimeve mbi rastet e korrupsionit, tha ai. “Për shak se ne kemi bërë shumë pak (për të ulur korrupsionin), është e thjeshtë të kuptosh se pse qeveria irakiane nuk ka bërë më shumë”, tha Matil, i cili la zyrën e dokumentacionit tetorin e kaluar, ku shërbeu për një vit si përgjegjës i stafit. “Ne nuk kemi kërkuar më tepër”. Brenan ishte emëruar drejtor i ZDT verën e kaluar dhe arriti në Bagdat në Korrik. Ai u largua vetëm pak javë më vonë pasi gruaja e tij u diagnostikua me kancer. Ai dha dorëheqjen në gusht. Zyrtarët e qeverisë irakiane nuk mund të takohen për tu marrë ndonjë koment. Senatori Bajron Dorgan, kryetari demokrat i komitetit të politikave, tha se dëshmia ishte vendimtare në prag të miratimit të legjislacionit të ardhshëm që do të caktojë më shumë se 170 miliardë dollarë për luftërat në Irak e Afganistan. Komitetit i Senatit për Fondet Publike, ku Dorgan është anëtar, pritet të miratojë legjislacionin të enjten. “Është ironike nëse ne i japim paratë të enjten tjetër apo që i kemi dhënë muajin e kaluar apo vitin e kaluar, kur dihet se këto para përfundojnë për të siguruar materiale për rebelimet në Irak të cilat shkaktojnë vrasjen e amerikanëve”, tha Dorgan
SOT

Shume i ka hy vetja nqef kti Kokalarit. A thu kaq tforta ti kete kryqet sa ta kruje ene me Ameriken?