Humb jetën në aksident automobilistik presidenti i Top Media

Humb jetën në aksident automobilistik presidenti i Top Media, Dritan Hoxha
(s.g/Balkanweb)

Aksidenti tragjik në të cilin humbi jetën presidenti i Top Media, Dritan Hoxha, ndodhi rreth orës 01. 50 minuta në Bulevardin “Bajram Curri” në Tiranë. Makina Tip Ferrari me targa DK 3892 H ka dalë nga rruga dhe është përplasur me një pemë. Dritan Hoxha, presidenti i Top Media, la pas familjen e tij, bashkëshorten tre vajza dhe një djalë të vogël i cili lindi vetëm një vit më parë. Balkanweb ngushëllon familjen e Dritan Hoxhës për humbjen e thellë e të pazëvendësueshmë të njeriut të tyre të dashur.
TIRANE- Dritan Hoxha, presidenti i Top Media humbi jetën në një aksident tragjik automobilistik sot në orët e para të mëngjesit. Ngjarja ka ndodhur rreth orës 01. 50 minuta në Bulevardin “Bajram Curri” në Tiranë. Sipas njoftimit të policisë makina Tip Ferrari ngjyrë e kuqe, me targa DK 3892 H, në pronësi të 37 vjecarit nga Tirana ka dalë nga rruga dhe pasi ka përshkuar në një hapsirë të plotë 82 metra, është përplasur me pemën 3.1 metra, në lulishten e lumit të Lanës. Për shkak të përplasjes së fortë makina është ndarë në dy pjesë dhe është shkatërruar tërësisht. Në vendin e ngjarjes, mbërritën forca të shumta policie, duke ndërhyrë menjëherë, për të dhënë ndihmën e parë 37 vjecarit. Dritan Hoxha vdiq gjatë rrugës teksa dërgohej për Spitalin Ushtarak.

Deklarata per shtyp e ministrise se brendeshme.

E KA HUMBUR Presidenti i Top Media humb jetën gjatë një aksidenti
2008-05-23 12:07:48
Photograph Source: AT - Ministria e Brendeshme
Tiranë, 23 Maj, Albtoday, - Presidenti i Top Media, Dritan Hoxha ka gjetur vdekjen mëngjesin e sotëm (e Premte) gjatë një aksidenti në qendër të Tiranës. Po ashtu është gjetur e vdekur dhe një 27-vjeçare që ndodhej në makinë me të. Policia e identifikoi si 27 vjeçaren H.E., me banim në Tiranë. Kur hetuesit shkuan në vendngjarje, konstatuan se kilometrazhi i mjetit ishte fiksuar në 250 km/orë.
Një grup hetimor shkoi në vendngjarje dhe pritet të dalë me konkluzione të ekspertizës për të konfirmuar zyrtarisht shkakun e ngjarjes.
Drejtoria e Policisë së Tiranës tha se ngjarja ndodhi rreth orës 01.50 të ditës së sotme, në Bulevardin “Bajram Curri” në Tiranë.
“Si pasojë e humbjes së kontrollit të drejtimit, gjatë dhënies së automjetit në pronësi të tij, tip “Ferrari” ngjyrë e kuqe, me targa DK 3892 H, me një fuqi motorike prej 6000 kubikë, ka përshkruar në një hapësirë të plotë 82 metra, duke dalë nga rruga dhe rënë në lulishten përbri lumit të Lanës, ku për pasojë automjeti është ndarë në dy pjesë dhe është shkatërruar tërësisht”, deklaroi policia.
Sipas hetimit paraprak, “gjatë dhënies së mjetit, viktima është përplasur me një pemë dekorative (perimetri i të cilës është 3.1 metër) si dhe dy ndriçues dekorativ buzë trotuarit, në afërsi të lulishtes Çajupi në Bulevardin “Bajram Curri” në Tiranë.
Ndërkohë, si pasojë e përplasjes automjeti tip Ferrari është përplasur me pemën 3.1 metra, ku dhe pjesët e saj janë ndarë në dy pjesë.
“Në këtë ngjarje humbën jetën Dritan Hoxha, 37 vjeç, banues në Tiranë, pronar i televizionit Top Channel si dhe shtetasja me iniciale H.E, 27 vjeç, banuese në Tiranë”, - tha zëdhënësja Alma Katragjini.
Në vendin e ngjarjes, mbërritën forca të shumta policie, duke ndërhyrë menjëherë, për të dhënë ndihmën e parë të dëmtuarve, ku për pasojë shtetasi Dritan Hoxha, përgjatë rrugës për në Spitalin Ushtarak Tiranë, nuk mundi të jetonte, ndërsa 27 vjeçarja H.E., ka gjendur vdekjen e menjëhershme.
Ndërkohë, në vendin e ngjarjes ka shkuar një grup hetimor nën drejtimin e Zv/prokurorit të Rrethit Gjyqësor Tiranë Genci Qano, drejtues të Policisë së Tiranës, tre ekspertë të Institutit të Policisë Shkencore, Ekspertë të Mjekësisë Ligjore, dhe Ekspertë të Policisë Rrugore, pranë Drejtorisë së Përgjithshme të Policisë së Shtetit.
Policia theksoi se “të gjitha veprimet procedurale janë shoqëruar me filmimet përkatëse, gjatë këqyrjes së vendit të ngjarjes”.
K.E/AT

Po ki i shuti çka dasht nmes Tirans me 200 nor. A i hikte treni aa. Eh medet.
Ksaj i thon tardht ka mos e pretsh. Gjinaf i shuti. I past lon jet mxhevive ene e past çu zoti nxhenet. Gjinaf. Fort i ri bre.

Asnje nga mediat nuk e permendte faktin qe bosi i To Chanel shoqerohej nga nje femer dhe se edhe ajo ka humbur jeten ne kete aksident. Mendoj se humbja e bashkeshortit, babait, vellait per familjaret eshte shume e rende, por fakti i mesiperm e ben kete humbje edhe me te rende veçanerisht per bashkeshorten.
Gjithsesi ngushellime per te dyja familjet.

ço kshtu mre se la koqen e nomit pasaniket shqiptar. Njoni, ai deputeti ja fut nautostrad (autostrad i thonçin 500 m) me 300 i pi tape e sosht i zoti mo me nalu, ene mer mqaf ene veten ene gocn e huj. Tjetri, bab me 4 kalamoj shko gjith noten bohet tap e i duket lana fush avioni. Ska thon kot i vjetri. Ksaj i thon shkojsh prej qefit, jo prej hallit. Po megjithate te vje gjynof se ishte i ri. I shkoft shpirti nxhenet.

Ngushellime familjes te te ndjerit Hoxha.

Humbja e Hoxhes eshte humbje e madhe per TOP MEDIAN, por mbi te gjitha ajo eshte nje humbje e madhe per familjen. Ngushellime familjes dhe te afermve per humbjen e njeriut te tyre te zemres.U preft ne paqe.

<H1 class=a_title>Lamtumire Dritan Hoxha</H1>


24 Maj, ora 12: 50 - Mes lotesh e duratrokitjesh mirenjohjeje ka dele nga shtepia arkivoli me trupin e pajete te presidentit te Top Medias, Dritan Hoxha.




Shekulli Online
Pre, 23 Maj 2008 09:20:00


Mes lotesh e duratrokitjesh mirenjohjeje ka dele nga shtepia arkivoli me trupin e pajete te presidentit te Top Medias, Dritan Hoxha. Mijera njerez jane mbledhur para shtepise se tij te cilet kane mbushur me lule arkivolin dhe e kane shoqeruar me duartrokitje. Makina dhe kortezhi mortor kane parakaluar perpara ambienteve te kompanise TOP-Media, te cilen ai e ndertoi me aq dashuri, ne bulevardin Deshmoret e Kombit, per tu drejtuar nga varrezat e Sharres, ku do te prehet perjete trupi i Dritan Hoxhes.

Humbja me e thelle eshte per nenen e tij, e cila e rriti ne mungese te te jatit, me shume mundime. Duket se ajo e ka te pamundur te permbaje sot dhimbjen, per humbjen e birit te saj te dashur.

Por sigurisht qe humbja me e madhe eshte per 4 femijet e tij, te cilet do u duhet te ecin tani ne jete pa perkrahjen e te jatit, si dhe per bashkeshorten.

Stafi i gazetes "Shekulli", bashkohet me dhimbjen e familjes dhe japin ngushellimet me te sinqerta per humbjen e ketij njeriu qe la nje gjurme te madhe ne histori.

Ne ceremoni marrin pjese qindra personalitete te vendit, miq e kolege, stafi i TOP Medias, familja dhe njerzit e tij te dashur si dhe te tjere shqiptare te cilet ndajne dhimbjen per humbjen e nje njeriu i cili beri revolucion ne median shqiptare.

Telegrame ngushellimi kane ardhur nga te gjitha anet e Shqiperise, si dhe nga Kosova e Maqedonia, nga kryeministri i Kosoves, dhe personalitete te tjera.

Presidenti i “Top Media”-s, Dritan Hoxha, humbi jetën në një aksident fatal automobilistik. Ngjarja e rëndë ndodhi në orët e para të ditës së djeshme, në bulevardin “Bajram Curri” në Tiranë, kur automjeti “Ferrari” me të cilin po udhëtonte 40-vjeçari Hoxha doli nga rruga, duke shkaktuar vdekjen e tij dhe të një vajze 27-vjeçare.

Forca të shumta policie mbërritën menjëherë në vendin e ngjarjes, duke bërë të mundur dhe transportimin e Dritan Hoxhës në spital, por mësohet se presidenti i Top-Medias ndërroi jetë gjatë rrugës. Ndërkohë, ekspertë të policisë rrugore si dhe forca të shumta policie rrethuan vendin e ngjarjes, ku për më shumë se shtatë orë kryen këqyrjen për të zbardhur rrethanat e aksidentit.

Nga hetimet e para, policia deklaroi se dyshohet që shpejtësia e madhe dhe rruga e lagësht kanë çuar drejtuesin e makinës drejt humbjes së kontrollit të makinës. Ndërkohë, “Ferrari” i ndarë më dysh, në pronësi të Dritan Hoxhës i është nënshtruar ekzaminimeve të mëtejshme auto-teknike.
***
Pak pas mesnatës së enjte, në orën 01:50 minuta, presidenti i “Top-Medias” ka qenë duke udhëtuar me 27-vjeçaren Entela Hysko, me automjetin e tij “Ferrari” me targa DK 3892 H në bulevardin “Bajram Curri” në Tiranë. Në rrethana ende të paqarta, ai ka humbur kontrollin e mjetit duke dalë nga rruga.

Sipas policisë së Tiranës, e cila ka rindërtuar aksidentin, mjeti që drejtohej nga Hoxha fillimisht është përplasur me trotuarin e krahut të majtë të bulevardit si dhe me dy shtylla dekorative ndriçuese. Pas këtyre përplasjeve, 40-vjeçari nuk ka mundur të kontrollojë më automjetin, i cili është përplasur me një pemë, me perimetrin e trungut 3.1 metër. Kjo ka qenë dhe goditja fatale për jetën e babait të katër fëmijëve të mitur dhe 27-vjeçares Hysko.

“Automjeti është shkatërruar plotësisht, duke u ndarë në dy pjesë, ndërsa 27-vjeçarja ka humbur menjëherë jetën”,-thuhet në njoftimin zyrtar të policisë. Dritan Hoxha ka marrë dëmtime të rënda në pjesë të ndryshme të trupit, që i shkaktuan atij vdekjen vetëm pak minuta pas ngjarjes. Mësohet se zemra e tij rrihte në momentin që mbërriti policia, ndaj dhe ai u transportua me autoambulancë drejt spitalit, por nuk mundi të arrinte i gjallë në duart e mjekëve.
***
Në vendin e aksidentit mbërritën menjëherë zyrtarë të lartë të policisë së Tiranës si dhe ekspertë të policisë rrugore. U formua grupi hetimor nën drejtimin e zv.Prokurorit të Rrethit Gjyqësor Tiranë, Genci Qano, drejtues të Policisë së Tiranës, tre ekspertë të Institutit të Policisë Shkencore, Ekspertë të Mjekësisë Ligjore, dhe Ekspertë të Policisë Rrugore, pranë Drejtorisë së Përgjithshme të Policisë së Shtetit, për të zbardhur shkaqet e këtij aksidenti.

Grupi hetimor punoi rreth shtatë orë në vendin e ngjarjes, ndërsa në orët e pasdites policia e Tiranës deklaroi dhe shkaqet e aksidentit.“Paraprakisht, nga konkluzionet e nxjerra nga ekspertë të grupit hetimor theksohet se shkaktar i ndodhjes së kësaj fatkeqësie është hapësira e madhe e zhvillimit të aksidentit, e cila kap distancën 97.5 metra, ku nga këqyrja e vendit të ngjarjes, dëmtimeve të tij si dhe treguesi i kilometrazhit të automjetit, në manometrin e shpejtësisë është fiksuar shpejtësia prej 170 km/në orë.

Nga ekspertët në vendngjarje, sqarohet se drejtuesi i automjetit tip-Ferrari, duke ecur me shpejtësi tej normave të lejuara, në kushtet atmosferike me lagështirë, ka humbur menjëherë kontrollin e drejtimit të mjetit, duke dalë nga karaxhata e bulevardit “Bajram Curri” në Tiranë”, -thuhej më tej në deklaratën e lëshuar pasditen e djeshme nga Policia e Tiranës.
HETIMI
Aksidenti, merren në pyetje dëshmitarët
TIRANË- Policia e Tiranës bëri të ditur dje se nën drejtimin e prokurorit të çështjes, nga grupi hetimor janë pyetur disa dëshmitarë okularë në vendngjarje, të cilët do të sqarojnë më tej rrethanat e kësaj ngjarjeje aksidentale automobilistike. Ekspertët auto-teknikë në vendngjarje, gjatë kryerjes së veprimeve hetimore, kanë realizuar me përpikmëri, hartimin grafike- skicor të ngjarjes dhe fotografik, duke i shoqëruar të gjitha veprimet procedurale me filmimet përkatëse. Ndërkohë, makina “Ferrari” është dërguar në mjediset e Policisë Rrugore, ku do t’i nënshtrohet ekspertizave të tjera.
Edi Rama: Humbëm një nga njerëzit që bëjnë histori

“Ai jetoi me 300 km në orë dhe fluturoi larg, duke ndezur ekranin e shekullit të ri”
Sot vdiq një njeri nga ata që bëjnë histori. Tani i Topit arriti i vetëm për 7 vjet atë që vendeve si Shqipëria u duhen 70 vjet për të arritur. Ai jetoi me 300 km në orë dhe fluturoi larg, duke kapur ëndrrën e tij dhe duke ndezur ekranin e shekullit të ri në një Shqipëri që ende jeton pas perdes së shekullit të vjetër. Vepra madhështore që Tani i Topit ndërtoi me intuitën e një gjeniu dhe pasionin e një fëmije, është modeli i një suksesi të barabartë me një jetë frenetike të jetuar në timon. Pa e ulur shpejtësinë për asnjë dekikë. Pa pyetur për orën dhe as për rreziqet e rrugës. Pa fjetur, përveçse duke mbyllur sytë, për të ecur më shpejt.
Pas profesionistëve e talenteve që në mikrofonin e “Top Albanias” dhe ekranin e “Top Channel” gjetën oazin e zhvillimit të tyre në kushte optimale, ishte jeta e një njeriu në kërkim të pareshtur të cilësisë më të mirë. Pas prurjes së pandalshme të risive të komunikimit, formateve moderne të pasqyrimit të aktualitetit, të qeshurave therëse të “Fiksit” e atyre me lot të “Portokallisë”, tingujve të “Top Festit” dhe jehonës së stadiumeve të botës së Super Sportit në kohë reale, ishte jeta e një njeriu në garë me kohën. Pas tasteve të telekomandës që çelte çdo vit dritare të reja në shtëpitë tona, ishte jeta e një njeriu që s'mund të plakej.
Ikja e tij, përgjithnjë nga kjo botë që nuk i mjaftoi asnjëherë, le pas kudo trishtimin e thellë për ç’ka humbi sot Shqipëria. Së bashku me dhimbjen e madhe tek unë, për humbjen e një njeriu të jashtëzakonshëm, që pata fatin ta njoh nga afër qyshse nisi t'i japë jetë ëndrrës, për të cilën qe lindur dhe të cilës i kushtoi jetën.
Ngushëllimi i Presidentit “Të dashur familjarë të Dritan Hoxhës"
Me keqardhje të thellë mësova për ndarjen e parakohshme nga jeta të të dashurit tuaj Dritan Hoxha, njeriut që me punën e tij ambicioze i dha një dimension të ri bashkëkohor teknologjisë së medias vizive në Shqipëri.Me humbjen e Dritanit, Top Media humbi themeluesin dhe promotorin energjik e vizionar të saj ndërsa nëna, bashkëshortja e fëmijët, njeriun e tyre më të shtrenjtë. Ndaj me ju dhimbjen e thellë dhe në këto momente të vështira ju shpreh ngushëllimet e mia më të sinqerta!”, – thuhet në mesazhin e Presidentit Topi.
THEMELUESI
Vdekja e Dritan Hoxhës, “Top Media” në shok
TIRANË- Muzikë funebër në “Top Albania Radio”. Dokumentarë rastësorë në ekranin e “Top Chanel”. Vdekja e papritur Dritan Hoxhës ka shokuar qindra punonjës të “Top Media”-s, të cilët mbyllën dje “dritaret” e informacionit dhe hapën dyert për të pritur ngushëllime.

Arkëmorti me trupin e themeluesit të grupit mediatik u vendos dje në mjediset e Piramidës, ku zhvilluan homazhe autoritetet më të larta të vendit, shtetërore dhe politike si dhe mjaft gazetarë. 40-vjeçari Dritan Hoxha themeloi grupin e fuqishëm mediatik në vitin 2001, i cili u imponua me shpejtësi në tregun shqiptar, duke u bërë ndër zërat më të rëndësishëm. Fillimisht ai ngriti radion “Top Albania”, e më pas televizionin “Top Chanel”.

Hoxha u bë promotor edhe i projektit të guximshëm të futjes në Shqipëri të platformës dixhitale tokësore dhe më pas asaj dixhitale satelitore, platformë jo mjaft e përhapur në Evropë si dhe programet televizive në celular. Babai i katër fëmijëve të mitur, tre vajzave dhe një djali humbi jetën gjatë një aksidenti automobilistik, në afërsi të ekspozitës “Shqipëria Sot”, shumë pranë studiove të kompanisë së tij, teksa po udhëtonte me makinën e tij.

Ngushellime e mia per familjen e Dritan Hoxhes, nenen, gruan, femijet, miqt.
Rrespkt per figuren e tij.

http://www.balkanweb.com/sitev4/newsadmin/video1.php?id=21186

Eshte vertet nje ngjarje tragjike dhe mjaft e dhimbshme per te dyja familjet. I dergoj ngushellimet e mia te dyja familjeve per humbjen e njerezve te tyre te dashur.