Nje tjeter aksident ne Bulqize

Miniera e vdekjes në Bulqizë, humb jetën një tjetër minator

21 Maj, ora 16: 16 - Viktimat në minierat e kromit në pellgun e kromit Bulqizë-Martanesh, nuk kanë të ndalur. Sot është shënuar viktima e rradhës, e nënta brenda pak muajsh dhe një një minator ka gjetur vdekjen duke punuar në hyrje të pusit nr 2.

Xh. Lamkaj, O.Zhupa
Mer, 21 Maj 2008 15:52:00

Viktimat në minierat e kromit në pellgun e kromit Bulqizë-Martanesh, nuk kanë të ndalur. Sot është shënuar viktima e rradhës, e nënta brenda pak muajsh dhe një tjeter minator ka gjetur vdekjen duke punuar në hyrje të pusit nr 2.
Minatori që ka gjetur vdekjen në këtë aksident është Nevruz Gjoka, 43 vjeç. Ndërsa mësohet se shembja ka plagosur rëndë edhe dy të tjerë, nderkohe qe njëri nga minatorët që ngeli nën masivin e kromit ka arritur të mbijetojë dhe është nxjerrë prej andej i gjallë pas 30 minutash kërkimi nga banorët e tjerë dhe policia. Plagët e marra kishin qenë të rënda por fatmirësisht nuk i kanë marrë jetën. Tre të plagosurit janë dërguar në spitalin e Bulqizës dhe mjekët nuk kanë dhënë asnjë deklarim për jetën e tyre.
Nuk dihen ende rrethanat e aksidentit të ndodhur në pusin numër 2 të minierës së Bulqizës ku firma Çeka ushtron aktivitet të licencuar.
Precedenca
Haki Kotja nga Batër Martaneshi ka vdekur para një muaji aksidentalisht në frontin e punës i zënë nga një masiv i rënë përsipër tij dhe ndodhet në morgun e spitalit të Burrelit. 42 vjecari kishte vite që punonte në një nga minierat e Batër Martneshit, sektor ky i privatizuar.
Po në njërin prej këtyre sektorëve të privatizuar para dy muajsh u shënua dhe një vdekje tjetër nga radhët e minatorëve, kur vdiq 35 vjeçari Përparim Haslika banor po në Krastë të Martaneshit. Edhe ai u zu brenda në galeri nga një masiv material kromi ndërsa po punonte aty.
Sipas minatorëve kushtet e punës në shumë prej galerive të tilla janë krejtësisht të papërshtatëshme duke qenë dhe burim aksidentesh të vijueshme. Janë rreth 35 sektorë të privatizuar që nga viti 1994 në këtë zonë, ndërsa mungojnë kontrollet sistematike për të vëzhguar kushtet dhe sigurinë në punë, kur privatët janë të interesuar vetëm të nxjerrin nga thellësitë e nëntokës sa më shumë mineral kromi.
Edhe para disa vitesh në një minierë të tillë në Klos të Burrelit, po nga mungesa e kushteve të sigurisë në punë gjeti vdekjen një minator. Duket se këto "zgafella" të privatizuara për shfrytëzim minieralit të kromit, janë kthyer në gropa vdekjeje të vazhdueshme për banorët e këtyre anëve të cilët futen duke punuar në kushte të pasigurta për të ushqyer familjet e tyre të varfëra.
PS: Miniera e Bulqizës “Shpellë vdekje”
“Shpella e vdekjes”, -kështu e ka cilësuar kryetari i Partisë Socialiste Edi Rama minierën e kromit në Bulqizë, e cila ka marrë jetën e shumë minatorëve.

Kryesocialisti ka akuzuar disa herë qeverinë se me paaftësinë e saj për të menaxhuar situatën në këtë minierë, vazhdon ende të marrë jetë njerëzish. “Shpella e vdekjes vazhdon në mënyrë sistematike, të marrë jetë njerëzish, të lërë fëmijë jetimë, të lërë nëna të veja, sigurisht, pa asnjë mbështetje tjetër serioze financiare dhe pa asnjë garanci për të ardhmen e fëmijëve.

Ndërkohë që ne besojmë, se është e paperceptueshme, që komunitetet që jetojnë aty ku gjenden këto pasuri, me të cilat bëhet biznes shumë fitimprurës, të mos kenë asnjë të drejtë mbi ato pasuri. Përveçse të jenë të shndërruar në një komunitet skllevërish, burra që ndahen çdo ditë në mëngjes me fëmijët e tyre, me idenë se nuk do të kthehen më dhe një komunitet skllavesh gra, të cilat presin me dorë në zemër nga dera nëse do të vijë apo jo babai i tre, katër, pesë apo gjashtë fëmijëve”, - u shpreh Rama.

Gjithashtu ai nuk ka nguruar ta etiketojë atë që po ndodh prej disa muajsh në këtë minierë si pasojë e keq qeverisjes së politikës së vjetër qoftë kjo e djathtë apo e majtë.

“Me rrogën mjerane të kësaj pune hipur në shpinën e vdekjes, mbahet gjallë fryma e mijëra e mijëra fëmijëve të Bulqizës, por që për Sali Berishën si përfaqësues i politikës së vjetër dhe qeverisë së tij është një shprehje gjeografike dhe nuk është një realitet ku jetojnë njerëz”, - ka thënë para një muaji kur në këtë minierë humbi jetën minatori Njazi Balliu, kryesocialisti Rama.

Topi para një muaji në Bulqizë: Do të përmirësojmë kushtet
BULQIZË- Minatorët në Shqipëri do të kenë një status të mirëfilltë që do t'i mbrojë nga aksidentet e shumta në punë por edhe nga kushtet e këqija dhe pagat e ulëta. Premtimi është bërë vetëm para një muaji nga presidenti i republikës Bamir Topi, i cili ka vizituar "minierën e vdekjes".
Por viktimat përsëriten megjithë premtimet e qeveritarëve.
Miniera, mundësia e vetme e punësimit në zonë
Miniera është e vetme mundësi punësimi në zonën e Bulqizës. Por vdekjet zinxhir, muaj pas muaji, duket se nuk kanë të sosur në Bulqizë, edhe pse ka pasur protesta të vijueshme për rritjen e sigurisë në punë, dhe kur kjo minierë për disa muaj qëndroi e mbyllur për t’i plotësuar këto kushte, por gjërat nuk po ndryshojnë, për më tepër të ndalen aksidentet permanente. Edhe pse ngjet vdekja e nëntë, ende nuk ka asnjë të ndëshkuar nga gjyqësori shqiptar për këto tragjedi të kthyera në ritual normal në Bulqizë!...

Bulqizake, jetet tuaja nuk i mbrojne as premtimet klishe te Rames, as presidenti, as premtimet e Berishes, as "Mjaft" dhe as sindikatat qe jane leva ne duart e forcave politike. Jetet tuaja mund ti mbroni dhe shpetoni vetem ju. Prandaj mos prisni se dikush do te kujtohet per ju e do te ver doren ne zemer per hallet tuaja, por se pari hiqni dore nga militantizmi banal dhe behuni militant te te drejtave tuaja dhe familjeve tuaj. Vetem kur te bashkoheni nen flamurin e te drejtave tuaja, vetem atehere kur te arrini te flisni te gjithe me nje ze duke mos lejuar te beheni objekt manipulimesh per perfitime politike te njeres apo tjetres pale, vetem atehere ju do te jeni te sukseshem ne perpjekjet tuaja per rrealizimin e kerkesave qe keni, dhe do ti thoni ndal dores se vdekjes ne ate miniere. Do ti thoni ndal kesaj dore qe e ka emrin shfrytezim pa kufij deri ne palce, pasurim i nje klani me gjakun tuaj.

Per kete qytet vetem kur ndodhin tragjedi. Bulqizaket jane njerezit mz te braktisur ne Shqiperi. Askush as dje dhe as sot, asnje qeveri kurre nuk e mori seriozisht kete qytet dhe banoret e tij. Do te protestohet ne heshtje eshe per viktemen e fundit, por kjo tragjedi do te harrohet si te tjerat si nga mediat, si nga pushteti lokal, si nga qeveria. Te vetmit qe do ti ndjeke pas hija e kesaj tragjedie te re do te jene ata minatoret, bashkeshortet e tyre dhe femijet e tyre. Jeta vazhdon...

Ngushellimet e mia familjes Gjoka ,per humbjen e njetiut te tyre te dashur ne kete aksident tragjik. Uroj qe Bulqiza dhe familjet e Bulqizes te mos perjetojne me dhimbje te tilla!

Ngushellime familjes Gjoka, gjithe miqve dhe te afermve te tij dhe familjes.

Ngushellime familjes te minatorit nga Bulqiza.

Per kte tvje me qa se osht vra tu punu per bukn e kalamojve.Sdi njeriu ne çfar t'thot se u bon shum. Muj per muj. Ngushllime familjes, tafermve, miqve e shokve.