PS fillon fushaten elektorale

PS fillon fushaten elektorale


E Hene, 07 Prill 2008

Socialistet fillojne pergatitjet per fushaten e ardhshme zgjedhore. Zbarkimi ne bazen e partise dhe kontaktet me strukturat drejtuese qe nga qelizat partiake, qe jane organizatat socialiste, perbejne dhe hapin e pare te hedhur nga kjo parti, e cila pretendon se ne zgjedhjet e vitit 2009 do te jete ajo fituesja dhe do te vije ne krye te vendit per drejtimin e ekzekutivit shqiptar. Perzgjedhja e stafeve drejtuese te fushates se ardhshme, thithja e mendimit te bazes per kandidaturat e mundshme qe do te hyjne ne seleksionim per te qene pjese e listes shumeemerore rajonale ne zgjedhjet parlamentare te vitit te ardhshem, do te jene dy piketa kryesore neper te cilat do te levize dhe strategjia e takimeve te lidereve socialiste ne bazen e partise.

Dukshem eshte prezantuar perpjekja e Partise Socialiste per te riorganizuar strukturat drejtuese te bazes, dhe per t'i karikuar ato nje vit para zgjedhjeve, per fushaten e ardhshme elektorale. Nje perpjekje per te trysnuar kundershtaret politike, por me teper per te percaktuar dhe mekanizmin e ketij procesi te rendesishem qe garanton rezultat pozitiv ne zgjedhje, eshte dhe fillimi i zgjedhjeve te strukturave te bazes ne disa qarqe te vendit. Ka filluar ne qarkun e Elbasanit nje riorganizim i tille, nen okelion e zgjedhjes se kryetareve te organizatave. Te cilet do te jene realisht dhe drejtuesit e shtabeve elektorale te socialisteve ne keto zgjedhje, duke orientuar dukshem kete parti drejt nje partie elektorale. Kete e ka bere me dije dhe sekretari i organizimit, Blendi Klosi teksa eshte shprehur se sipas programit politik socialist per kete vit, periudha prej prillit deri ne qershor do te filloje dhe perfundoje pergatitja e strukturave per zgjedhjet e ardhshme parlamentare. Ne kete kendveshtrim, drejtuesit socialiste po tentojne te gjejne personat me efektive, me me peshe ne zonat ku banojne per te drejtuar organizatat socialiste, te cila perbejne dhe berthamen e kesaj partie ne nje fushate elektorale.

Pergatitja e socialisteve per fushaten elektorale te zgjedhjeve te ardhshme parlamentare te vitit 2009 nuk do te ndalet vetem me riorganizimin e bazes, zgjedhjen e drejtuesve te organizatave socialiste te bazes, qe do te perbejne dhe berthamen e shtabeve elektorale ne sfiden e elektorale. Kjo periudhe gati tremujore do te sherbeje por drejtuesit socialiste dhe per perzgjedhjen e kandidaturave me te mundshme, te cilet do te jene ne listen e pare per te qene kandidate te listes proporcionale rajonale. Ne kete kendveshtrim, pas marrjes se informacionit indirekt nepermjet drejtuesve te bazes per figurat me potente qe mund te sjellin votave ne rast se jane ne listen e mbyllur shumeemerore rajonale, ato do te testohen direkt ne baze, me anetaresine e thjeshte, por dhe me simpatizantet dhe qytetaret per te pare mbeshtetjen qe ata gezojne. Pas ketij testimi, lista e cila permban me shume emra se sa mund te jete vete lista rajonale, do te perpunohet per te paraqitur dhe variantin perfundimtar.