Ruli: Minierat alarm për sigurinë

Ruli: Minierat alarm për sigurine

17 qershor, ora 16:18 - "Me shumë shqetësim vërejmë sidomos gra e fëmijë të moshave të ndryshme që punojnë në vende te paliçensuara, pa drejtues teknik dhe pa asnje rregull teknik në frontin e punës”- tha Ruli.

Shekulli Online

Tue, 17 Jun 2008 16:15:00

Ministri i Ekonomisë, Tregtisë dhe Energjetikës, Genc Ruli ka zhvilluar sot një takim me drejtues të subjekteve që zhvillojnë aktivitet minerar në zonën e Bulqizës, përfaqësues të pushtetit lokal dhe drejtues të lartë të forcave të Rendit.

Në këtë takim ministri Ruli ka bërë një panoramë të gjendjes aktuale në industrinë e kromit, çmimi i të cilit ka pësuar një rritje të ndjeshme në vitet e fundit “Per here te pare eksporti i kromit (per vitin 2007) kapi vlera rreth 135 milion Euro”, ka thënë ministri Ruli, duke shpjeguar se e gjitha kjo ka ndikuar direkt në procesin e liçensimit.

“Gjatë vitit të fundit ka ardhur duke u shtuar numri i subjekteve private që aplikojnë për licensa. Nëse çdo vit janë dhënë mesatarisht 60 liçensa, gjatë vitit të kaluar, në 2007-ën, u dhanë rreth 140 liçensa. Kurse vetëm në tremujorin e parë te vitit 2008, vetem për krom kanë aplikuar rreth 70 subjekte”.

Ministria e Ekonomisë, Tregtisë dhe Energjetikës duke parashikuar mjaft kohë më parë këtë situatë vuri në gatishmëri sektorin e liçensave, departamentin minerar në AKBN dhe futi në perdorim medodat dixhitale te verifikimit të liçensave, krahas verifikimit të tyre në terren dhe po punon për të trajtuar në afat kërkesat e bëra.

“Por çmimi në rritje i kromit ka bërë që të vihen re kërkesa edhe për pjesë të vogla e të mbetura në galeri apo punime minerare të vjetra, të cilat më parë nuk preferoheshin”, ka thënë ministri Ruli në takim, duke shtuar se për herë të parë ka interes edhe për trajtimin e stoqeve të sterileve në pjesë të ndryshme të minierës së Bulqizes, por edhe në Batër e Krastë.

Por, sipas ministrit Ruli - “kërkesa e lartë për krom në tregun ndërkombëtar, ka çuar fatkeqësisht në lindjen e dy dukurive te rrezikshme, të cilat janë verifikuar kohët e fundit: Ulja në përgjithësi e vemendjes ndaj zbatimit te rregullave të sigurimit teknik në punë, në pothuajse të gjitha minierat e vogla e të shpërndara në zonën Bulqizë, Batër, Krastë, Tërnovë etj.

Janë vërejtur nje sere aksidentesh ne frontin e punes, të cilat sipas kontrollit të ushtruar nga RISHM-i, është zbuluar se kanë ndodhur për shkaqe banale, krejtësisht të eleminueshme. Rendja ndaj fitimit maksimal ka çuar në shkeljen edhe të rregullave më elementare të sigurisë në punë në Mmniera, ku dihet ekzistenca e rrezikut të lartë”.

Ministri Ruli ka thënë se përveç kontrollit të rreptë nga ana e RISHM-it, i cili është përforcuar me personel shtesë nëpër rrethe, METE ka vendosur heqjen pa hezitim të liçensës dhe ndjekjen me organet hetimore të çështjes deri në fund, për çdo rast. “Por një dukuri e re dhe shumë e rrezikshme”, - ka thënë ministri Ruli, “është edhe aktivizimi i banorëve pranë zonave minerare, të cilët mbledhin krom nëpër stoqe dhe galeri të braktisura prej vitesh, duke sfiduar rrezikun e dukshëm.

Me shumë shqetësim vërejmë sidomos gra e fëmijë të moshave të ndryshme që punojnë në vende te paliçensuara, pa drejtues teknik dhe pa asnje rregull teknik në frontin e punës”.

Aktualisht një rrezik i tillë vërehet në të gjithë zonën minerare rreth Bulqizës, por edhe në Kukes, Tropojë, si edhe në mjaft zona të jugut të vendit.

Sipas bilanceve të para, janë rihapur mbi 100 punime të vjetra minerare dhe fenomeni po zhvillohet me shpejtësi. Lidhur me masat që po ndërmerren për ta shmangur këtë fenomen, Ministri i Ekonomisë Tregtisë dhe Energjetikës Genc Ruli ka deklaruar se “Qeveria shqiptare nuk do të tolerojë këto raste flagrante që vënë në rrezik jeten e dhjetëra e dhjetra banoreve: Së pari, në Bulqizë, në zonën D, ku rreziku është i lartë, do të ndërpritet çdo punim mirerar.

Së dyti, duke filluar nga java e ardhshme, METE do të përshpejtojë dhënien e liçensave për të gjitha galeritë apo pjesët e stoqeve jashtë zonës së rrezikut, shoqëruar me studime që marrin parasysh karakterin e minieres apo të vendburimit. Kjo do të shoqërohet edhe me kontrolle në zonë, për të ndarë përfundimisht të liçensuarin me te paliçensuarin, të ligjshmin me të paligjshmin , duke i dhënë mundësi dhe forcave të rendit të bëjnë ndërhyrje selektive”.

E megjith rritjen e çmimit te kromit ne treg, Bulqiza mbetet zona me e varfer ne Shqiperi. Shteti merr nga Bulqiza mbi 40-50 perqind te fitimit, ndersa nuk i kthen ketij qyteti as edhe 0,1% nga vlera e pasurise qe perfiton nga djersa dhe gjaku i minatoreve, grave dhe femijeve te Bulqizes duke u bere vjedhesi me i madh i pasurise se tyre. Eshte folur me dhjetra here per gjendjen e veshtire ekonomike ku jetojne banoret e Bulqizes, per varferine ekstreme ku jetojne ata, e cila eshte edhe shkaku qe i detyron ata te nderrmarin rreziqe te tilla. Kur Genc Rruli argumenton se eshte rritja e çmimit te kromit shkaku qe banoret ndermarin pune te tilla te rrezikshme per jeten e tyre, le te nenkuptosh se banoret e Bulqizes rrezikojne per tu pasuruar. Ne fakt ndodh e kunderta. Ato rrezikojne per buken e perditeshme. Te vetmit te cilet kane perfituar dhe jane pasuruar nga gjaku i tyre jane firmat dhe klanet qe kane marre ne dore kete pasuri. Eshte i pamjaftueshem vendimi per heqjen e liçencave. Ajo qe qeveria duhet te beje eshte ti ktheje ketij qyteti nje pjese te vleres te pasurise qe ajo i rremben çdo dite. Tu permiresoje kushtet e banimit, dhe kushtet e jeteses. Tu rrise pagat ketyre punetoreve, te rrealizoje projekte ndertimesh ne banesa, ne rruge, ne ndertime lulishtesh e parqesh (Bulqiza ka fushe me bollek), tu ndertoje shkolla dhe tu permiresoje kushtet ne shkollat qe ekzistojne, te ndertoje kopshte e çerdhe dhe tu plotesoje kushtet çerdheve e kopshteve qe ekzistojne, tu modernizoje spitalin etj e mbi te gjitha te nxise investime edhe ne fusha te tjera, si ne prodhimin e nenprodukteve blektorale (Bulqiza eshte zone blektorale,askush si Bulqiza nuk e prodhon djathin e bardhe),rrobaqepsi,turizmin malor(kush zone e ka ajrin te paster si Bulqiza) etj, tu ktheje gjykaten, prokurorine etj. Bulqiza i jep shtetit dhjetra here me shume se sa vlera e te gjitha ketyre projekteve qe qeveria duhet te nderrmare per ta. Ne fakt te gjitha qeverite e deritanishme e kane patur ne vemendjen e tyre Bulqizen vetem si nje objekt shfrytezimi. Ndaj qytetareve te Bulqizes eshte ushtruar nje aparteid i pashembullt ne Shqiperi. Edhe ky vendim i Rrulit nuk eshte gje tjeter vetem se nje hi qe ai perpiqet tua hedh syve bulqizakeve per te zbutur zemerimin e tyre.Asgje nuk do te ndryshoje ne jeten e tyre. Ata do te vazhdojne te mbeten negerit e Shqiperise.