Greqia hap rrugën për njohjen e pavarësisë së Kosovës

Greqia hap rrugën për njohjen e pavarësisë së Kosovës
Ministrja e jashtme greke Dora Bakojanis tha se Kosova mund të hapë zyrë ndërlidhjeje në Athinë, në modelin e zyrës homologe greke që funksionin prej shumë vitesh në Prishtinë. Megjithëse Greqia për momentin nuk e ka njohur Kosovën, zonja Bakojanis ka pranuar atë që e quajti realitet të ri në Kosovë, që prej shpalljes së pavarësisë, si dhe njohjen e kësaj pavarësie nga shumica e shteteve partnere në BE dhe në NATO. \\"Prishtina nuk ka kërkuar hapjen e një zyre ndërlidhëse në Athinë. Nëse bëhet një kërkesë e tillë, ne në bazë të reciprocitetit, nuk kemi asnjë problem që ta pranojmë, \\" tha Bakojanis.
Ministrja e jashtme, Dora Bakojanis, duket se ka bërë një deklaratë të pazakontë për qëndrimin që ka mbajtur Greqia deri më tani, por kjo do të thotë në një far mënyre se kjo çështje tanimë është vendosur në axhendën diplomatike të Athinës
Por, për sa i përket shndërrimit në ambasada të shumë zyrave në Prishtinë, ashtu sikurse e ka edhe Athina, Bakojanis tha se më parë duhet të njihet pavarësia dhe më pas të bëhet një shndërrim i tillë, që në këtë moment nuk ekziston njohja.
Analistë vendas e interpretojnë këtë theksim të zonjës Bakojanis, si dhe gatishmërinë për hapjen e zyrës ndërlidhëse të Kosovës në Athinë, si një tatim të kujdesshëm pulsi që ka në horizont njohjen eventuale të pavarësisë.