Sulm racist ndaj Kledi Kadiut

Sulm racist ndaj Kledi Kadiut

Një sulm i patolerueshëm racizmi ndaj balerinit shqiptar Kledi Kadiu, personazh shumë i njohur në televizionet italiane dhe idhull i shumë adoleshentëve.
Orjeta Zhupa

Një sulm i patolerueshëm racizmi ndaj balerinit shqiptar Kledi Kadiu, personazh shumë i njohur në televizionet italiane dhe idhull i shumë adoleshentëve. Sulmi ka ndodhur në Appia, ku Kledi drejtonte balerinet te cilet marrin pjese ne shkollen e tij te danict.

Ngjarja
Parpritur, Kledi ka vënë re në sallë dy individë që filmonin me një videokamer. Kledi është afruar për të kërkuar shpjegime. Njëri prej tyre është larguar menjëherë ndërkohë që tjetri, tip i forti, ka reaguar ashpër duke i vendosur dorën në prapanica dhe duke i thënë: “Shqiptar m... të dërgoj në Shqipëri”.

Menjëherë kanë ndërhyrë forcat e rendit dhe kanë qetësuar situatën. Balerini tregon kështu për Tg5: “Isha duke bërë detyrën time për fundvitin dhe po ua tregoja prindërve të balerinëve pjesëmarrës. Pashë dy ose tre persona që regjistronin me telekamera, dhe u afrova per ti kërkuar shpjegime por dy prej tyre ikën me vrap sëbashku me telekamerën ndërkohë që njëri ka reaguar shumë ashpër, gjë e papranueshme për mua.
Pas denoncimit të bërë nga balerini shqiptar, reagimi i kryetarit të Bashkisë së Romës Gianni Alemanno ka qenë i menjëhershëm. “Është një episod i rëndë, i patolerueshëm ndaj një artisti në cilin kemi nderin ta kemi në qytetin tonë”, është shprehur kreu i Bashkisë së Romës, duke kërkuar që autoritetet të marrin masat e menjëhershme për këtë ngjarje.

Kush është Kledi Kadiu
Kledi Kadiu ka lindur në Tiranë në 7 prill 1976 dhe punon si balerin dhe aktor në Itali.
Kur ishte vetëm 10 vjeç ai hyn në Akademinë Kombëtare të Dancit në Teatrin e Operas dhe Baletit në Tiranë, ku edhe diplomohet në vitin 1992.

Shkon në Itali në vitin 1996 ku edhe debuton në televizionin Canale 5. Që prej vitit 1997 në 2003 ka qenë balerini kryesor në programin e Canale 5, “Buona Domenica”. Në vitin 2004 themelon në Romë shkollën e dancit Kledi Akademi. Nga viti 2002 në 2006 ka punuar si balerin kryesor në programet “C’e posta per te” dhe “Amici” të Maria De Filippi. Në vitin 2005 ka kaluar në kinema me filmin “Passo a due” të Andrea Barzini. Në këtë film Kledi ka interpretuar rolin e Benit, balerin i ri që transferohet nga Shqipëria në Itali në kërkim të fatit.

Në vitin pasardhës kalon në filmin “La cura del gorilla”, me regji të Carlo Sigon, në të cilin Kledi ka luajtur rolin e Adrian Patoil, edhe njëherë tjetër si protagonist.
Kledi nuk ka braktisur asnjëherë baletin klasik, dhe vitin e kaluar ka qenë edhe në një turne me baletin “Romeo dhe Zhulieta”. Këtë vit Kledi është kthyer te Amici ku merr pjesë si regjisor baleti.
SHEKULLI

"Guri i rend peshon ne vendin e vet!"

Shko o vlla shko boj kurs per boks, e thyi turit kush guxo me tvu doren nven tkeq.

Po me vika keq per ket gjalin. Mduket fort gjal i meer. Gjinaf!

Kohet e fundit çdo dite e me shume po behet e veshtire per emigrantet perballja me qendrimet rraciste ne vendet ku ata jetojne. Kledi Kadiu nuk eshte i vetmi qe perjeton nje eksperience te tille te hidhur. Gjithsejcili prej nesh te pakten nje here gjate qendrimit ne emigracion e ka perjetuar nje moment te tille, ne pune, ne rruge, ne market etj.Por une besoj se me se shumti ne pune, sidomos kur emigrantet jane te sukseshem. Une besoj se perveç globalizmit, nje faktor ne shfaqjen e ketij fenomeni eshte edhe kriza ekonomike qe ka perfshire tashme gjithe boten. Nuk kane munguar edhe rastet kur sulmet fizike ndaj emigranteve kane shkaktuar edhe viktima. Keto akte qe po shtohen dita dites, jane nje paralajmerim ogurzi jo vetem per emigrantet por per mbare shoqerine njerezore se ciles çdo dite e me shume po i kanoset rreziku i nje lufte te re. Vete banka boterore paralajmeroi para disa kohesh se kriza ekonomike qe ka perfshire boten, mund ta çoje ate ne prag te luftes.

Qe kur ka ardh e Djathta ne pushtet, ka jo pak senjale ksenofobie te faktuara te cilat shpesh vishen me nji vello mikrokriminaliteti ordiner, dhe rasti i Kledit eshte nji rast i paster qe s'mund te injorosh ngjyrat e ksenofobise, por, problemi s'ka te beje vetem me shqiptaret.

Fukaralliku eshte "mema" e shume te keqijave, dhe me krizen ekonomike qe eshte duke perplas jo vetem Italine efektet e para jepen tek shtresat me te varfra.

Sdq, mendoj qe nji emigrant legal s'ka pse me ndejt si "lepur", sepse sdq, pavaresisht ndergjegjes kolektive te ca grupeve, eksiston shteti i te drejtes, me te metat e veta qe mund te kete.

Edhe vendimi i fundit i Berluskonit per te huajt dhe emigrantet, aq paradoksal per kohen, eshte nje shprehje tjeter e rrezikut te ksenofobise jo vetem individuale sporadike, por edhe me keq akoma asaj kolektive e shtetrore.

Eshte me te vertete nje sjellje e neveritshme ndaj Kledi Kadiut. Nje xhest i ulet qe behet nga qytetar te nje vendi qe pretendojne se jane te qyteteruar.

Eshte nje akt i ulet gjithsesi, qe ska brenda asnje lloj sensi por ndaj te cilit nuk duhet qendruar indiferent.

Rasti i Gezim Hidrit eshte nje shembull i demostrimit te qendrimeve me permbajtje rraciste, nga shteti.

Ore ketij qe i del ne mbrojtje kryetari i bashkise, po ca te tjereve qe nuk i ka kush ne list. Jan vete autoritetet qe i diskriminojne.