Zgjedhjet në Maqedoni, 1 i vdekur, 7 të plagosur

Zgjedhjet në Maqedoni, 1 i vdekur, 7 të plagosur

Një i vdekur, shumë të plagosur, jashtëzakonisht shumë kontestime. Bllokim i procesit në shumë zona me orë të zgjatura, akuza të ndërsjella dhe mbi të gjitha, pjesëmarrje e ulët në votime. Kjo qe panorama e ditës së djeshme në Maqedoni, ku u zhvilluan zgjedhjet e parakohshme. Zgjedhjet u konsideruan si sprovë e rëndësishme për të ardhmen europiane të vendit.

Lufta politike mes partive shqiptare solli dje shumë dhunë dhe aspak zgjedhje të rregullta
Një i vdekur, shumë të plagosur, jashtëzakonisht shumë kontestime. Bllokim i procesit në shumë zona me orë të zgjatura, akuza të ndërsjella dhe mbi të gjitha, pjesëmarrje e ulët në votime. Kjo qe panorama e ditës së djeshme në Maqedoni, ku u zhvilluan zgjedhjet e parakohshme. Zgjedhjet u konsideruan si sprovë e rëndësishme për të ardhmen europiane të vendit. Duket se qe një sprovë e humbur keqazi.
Një shqiptar humbi jetën dje nga plumbat e policisë në fshatin Haraçinë, 10 kilometra larg Shkupit, duke shënuar incidentin më të rëndë të ditës së zgjedhjeve. Policia njoftoi se qe përplasur me një grup të armatosur pasi ishte thirrur në fshat për të vendosur rendin pas lajmërimeve se aty kishte njerëz të armatosur nëpër rrugë. Fshati Haraçinë ka qenë një bazë e rëndësishme e Ushtrisë Çlirimtare Kombëtare gjatë luftës guerilase të vitit 2001. Policia vuri nën kontroll fshatin, ndërsa votimet u ndërprenë. Përplasjet e armatosura plagosën edhe shtatë shqiptarë të tjerë, mes të cilëve, së paku dy prej tyre qenë të moshuar dhe mendohet se qenë kalimtarë rasti. Njëri prej të plagosurve është në gjendje të rëndë për jetën. Vetëm pak orë pas hapjes, votimet u pezulluan në shumë qendra votimi në zonën e Tetovës, Gostivarit dhe Shkupit, për shkak të incidenteve. Të dhënat e fundit flasin për një të vdekur dhe të paktën shtatë të plagosur, të gjithë këta shqiptarë. Ndërkohë policia maqedonase ka pohuar se janë arrestuar të paktën 11 shtetas shqiptarë.
Partia Demokratike për Integrim e Ali Ahmetit, në opozitë që nga viti 2006, deklaroi se të plagosurit qenë aktivistë të saj dhe se policia po vepronte nën urdhrat e rivalëve të tyre politikë. “Pavarësisht incidenteve, shqiptarët duhet të vijojnë të votojnë. Këto incidente janë pengesë për demokracinë në Maqedoni dhe dukshëm janë shkaktuar nga pala tjetër me mbështetje të policisë”,- tha ai. Komisioni Zgjedhor konfirmoi një numër të konsiderueshëm parregullsish në shumë zona, veçanërisht në pjesën shqiptare. Vetëm pas pasdrekes dhe falë ndërhyrjes energjike të ambasadorëve të huaj, situata u qetësua. Në fund, më pak se gjysma e 1.7 milionë votuesve morën pjesë në zgjedhje.
Zëdhënësi i KSHZ-së, Jovan Josifovski theksoi se pjesëmarrja e votuesve është më e madhe se ajo e zgjedhjeve të vitit 2006, kur në votime doli vetëm 42 për qind e popullatës. Kryetari i KSHZ-së deklaroi se pas orës 14 gjendja është stabilizuar në terren dhe se janë paraqitur vetëm dy incidente të vogla në rajonin e Kumanovës. “Është një vlerësim i përgjithshëm se në pjesën më të madhe të vendit, zgjedhjet janë zhvilluar në një atmosferë korrekte dhe demokratike. Kjo më jep të drejtën të konstatoj se këto zgjedhje do të përfundojnë me vlerësimin se ishin të korrekte dhe demokratike, në pjesën më të madhe të territorit të Maqedonisë”,- deklaroi Josifovski. Burimet pohuan se deri dy orë përpara se të mbylleshin qendrat e votimit pjesëmarrja ishte rreth 46%. Sipas sondazheve zgjedhjet pritet t'i fitojë partia nacional-konservatore e kryeministrit Nikolla Gruevski. Këto zgjedhje konsiderohen si test për anëtarësimin e Maqedonisë në BE dhe në NATO. Por BE-ja dhe SHBA u shprehën të zhgënjyer prej këtyre zgjedhjeve për shkak të shpërthimit të dhunës.
Reagimet
Ambasadorja amerikane në Maqedoni, Xhilian Milovanoviç ka shprehur keqardhje për incidentet si dhe ftoi policinë që të kryejë detyrat e saj, për të siguruar kushte për votim. Milovanoviç, gjatë vizitës në disa vendvotime në Gostivar, deklaroi se shpreh keqardhje për incidentet ku ka pasur një të vrarë dhe të plagosur. Ai kërkoi që policia të vazhdojë të kryejë detyrat e saj, për të siguruar kushte për votim.
“E inkurajoj policinë dhe besoj se ka policë që dëshirojnë që ta kryejnë me korrektësi punën e tyre dhe të mundësojnë kushte për votim. Jam e bindur se, deri në fund të ditës, ata që kanë bërë probleme, do të ndryshojnë mendimin dhe do të bëjnë punën e duhur”,- deklaroi Ambasadorja Amerikane. Ambasadori i BE-së, Ervan Fuere, mbasadori britanik Endrju Kid dhe ai francez, Bernard Valero, dënuan incidentet e sotme duke shprehur optimizëm për mospërsëritjen e tyre. “Dhuna dhe frikësimi nuk ka vend në shoqëritë demokratike. Kjo që po ndodh është shumë shqetësuese dhe apelojmë tek të gjithë, që të sigurojnë mundësi për votim të lirë për të gjithë qytetarët”,- deklaroi ambasadori evropian Ervan Fuere.
BOX
Topi: Nuk merret pushteti me dhunë
Presidenti i Republikës së Shqipërisë, Bamir Topi ka shprehur shqetësime për situatën e krijuar në Maqedoni, ku një person është vrarë dhe disa të tjerë janë lënduar, në ditën e zgjedhjeve parlamentare.
“Ne jemi kundër gjithë atyre që mendojnë se mund ta legjitimojnë pushtetin e tyre përmes dhunës”,- thuhet në komunikatën e kabinetit të presidentit Topi. Sipas kabinetit të Presidentit të Shqipërisë, Bamir Topi, zgjedhjet janë mundësi e mirë për shqiptarët e Maqedonisë që të tregojnë se janë të vendosur të bashkëpunojnë në të ardhmen për demokracinë dhe stabilitetin e Maqedonisë.
BOX
Gruevski: Përsëritje votimesh atje ku pati incidente
Kryeministri Nikolla Gruevski deklaroi dje se shpreh keqardhje për shkak të incidenteve në pjesën veriperëndimore të vendit dhe se në vendet ku janë shënuar parregullsi, do të rivotohet. “Dita e sotme është me rëndësi për Maqedoninë dhe unë do të jem më i lumtur nëse sot fiton demokracia, ndërsa gjithçka tjetër është në plan të dytë. Jam i kënaqur që në pjesën e madhe të vendit, deri në ora 14 ka pasur zgjedhje ferr dhe demokratike”,- deklaroi Gruevski pas votimit në një vendvotim në Kisela Vodë të Shkupit. Ai nënvizoi se deri në mbrëmje do të ketë rezultate që do të nxjerrin fituese Maqedoninë, ndërsa edhe në të ardhmen, populli do të vendosë se kush do të fitojë nga partitë.
Opozita
Zgjedhjet më të këqija në histori
Kryetarja e opozitës maqedonase, LSDM, Radmilla Sheqerinska deklaroi se zgjedhjet e 1 Qershorit do të mbahen mend si më të këqijat e organizuara ndonjëherë në Maqedoni, për shkak të numrit të madh të incidenteve. Sipas agjencisë maqedonase të lajmeve “INA” mësohet se Sheqerinska ka theksuar se nuk ka zgjedhje, nuk ka rezultat zgjedhor që mund të arsyetojë humbjen e një jete të njeriut. “Dua të shpreh zhgënjimin tim për atë që po ndodh në Maqedoni në vitin 2008”, deklaroi Sheqerinska pas votimit në komunën Qendër. Gjithashtu Sheqerinska ftoi qytetarët që të marrin pjesë pasivisht në votime, ndërsa i kërkoi Ministrisë së Brendshme të ndriçojë incidentet dhe të dënojë aktorët e dhunës.
Arrestohen përkrahës të PDSH-së
Incidentet në zgjedhjet e djeshme në Maqedoni kanë sjellë një sërë arrestimesh nga policia, ku së fundi është arrestuar Agim Krasniqi dhe një grup prej 9 personash. Lajmi është bërë i ditur nga media maqedonase “INA” e cila komunikoi deklaratën e Ministrisë së Punëve të Brendshme në Maqedoni. Agim Krasniqi, nga fshati Kondovë i Shkupit, së bashku me një grup prej 9 anëtarësh janë në komisariatin e policisë, në të cilën janë duke u marrë në pyetje në lidhje me ngjarjet e sotme. Sipas burimeve për Krasniqin rëndonte prej një viti një mandat-arresti. Ish-komandanti i Ushtrisë Çlirimtare Kombëtare, (UÇK) Agim Krasniqi konsiderohet një person i afërt me PDSH-në. Ministria e Brendshme nuk bën të ditur më shumë të dhëna, ndërsa mësohet se deri në orët e mesditës, numri i të arrestuarve ishte në 11 persona.

Partia e Gruevskit fiton zgjedhjet, përplasje mes shqiptarëve

Nga BBC

Në Maqedoni, partia e qendrës së djathtë VMRO-DPMNE dhe koalicioni i drejtuar nga kryeministri, Nikolla Gruevski, ka fituar zgjedhjet e përgjithshme.
Në bllokun shqiptar, dy subjektet kryesore, Bashkimi Demokratik për Integrim dhe Partia Demokratike, thonë se kanë fituar.
Por, Komisioni Shtetëror i Zgjedhjeve thotë se në përparësi me 10 mijë vota është BDI. Në ditën e votimit një person vdiq dhe shumë të tjerë u plagosën gjatë disa incidenteve që u shënuan sidomos në pjesën shqiptare.
KSHZ-ja thotë se zgjedhjet mund të përsëriten në disa qendra votimi. Komisioni Europian ka shprehur shqetësim të madh për aktet e dhunës.


Fitore “historike”


Kryetari i VMRO-DPMNE-së dhe kryeministri Gruevski tha se fitorja e subjektit që ai drejton është historike. “VMRO-DPMNE dhe koalicioni “Për një Maqedoni më të mirë” do të ketë mbi 60 deputetë në parlamentin e Maqedonisë”, - tha z. Gruevski.
Ky rezultat i mundëson z. Gruevski shumicën në parlament. Blloku opozitar me në krye Lidhjen Social- Demokrate e pranoi humbjen.
Radmilla Shekerinsa është kryetare e opozitës: “I uroj koaliconit dhe VMRO-DPMNE-së për rezultatin zgjedhor”, - tha Radmilla Shekerinsa, drejtuese e opozitës.


BDI “në përparësi”


Në mesin e partive shqiptare, sipas KSHZ-së, nga votat e numëruara në 82 për qind të vendvotimeve, BDI e Ali Ahmetit është në përparësi me rreth 10 mijë vota ndaj PDSH-së. Por, z. Menduh Thaçi kryetar i PDSH-së, thotë se partia e tij ka fituar:
“Është fitorja më e rëndë, më e vështirë, por më e lezetshme për PDSH-në.”
Izet Mexhiti ndërkohë është kryetar i shtabit zgjedhor të BDI-së: “Në të gjitha zonat ku nuk ka pasur vrasje, mbushje të kutive dhunim të procesit zgjedhor BDI shënon fitore bindëse”, - tha ai.


Incidentet


Gjatë procesit të votimit pati shkelje serioze të ligjit, sidomos në zonat e banuara me shqiptarë. Një person u vra, kurse disa të tjerë u plagosën, ndërkohë shumë vendvotime ose u mbyllën, ose nuk funksionuan me kapacitet të plotë.
BDI, për këtë shkak ka kërkuar rivotim në zonën numër 6 dhe në një pjesë të zonës 1, në Saraj të Shkupit.
KSHZ konfirmoi një pjesë të madhe të parregullsive dhe pritet që të merret vendimi se në sa vendvotime do të ketë rivotim. Nga kjo do të varet edhe fituesi në bllokun shqiptar.


OSBE/ODIHR: Zgjedhjet nuk ishin brenda standardeve


Maqedonia në zgjedhjet e djeshme nuk ka përmbushur standardet ndërkombëtare për mbajtjen e zgjedhjeve, vlerësoi në konferencën e djeshme për mediat misioni ndërkombëtar për vëzhgimin e zgjedhjeve dhe misioni OSBE-ODIHR.
Misioni i kryesuar nga OSBE/ODIHR theksoi se kjo është pasojë e orvatjeve të organizuara për ndërprerje të dhunshme të procesit zgjedhor në pjesë ku jetojnë shqiptarët etnikë, ku votuesit u parandaluan lirshëm ta shprehin vullnetin e tyre në më shumë vende.
“Verdikti përfundimtar do të varet nga përsëritja e votimit në disa zona shqiptare. Pritjet për progres nuk janë përmbushur, për shkak të dështimit në parandalimin e akteve të dhunshme në zonat etnike shqiptare dhe zbatimit të kufizuar dhe selektiv të ligjeve”, - thanë vëzhguesit e Organizatës për Bashkëpunim dhe Siguri në Europë.

Incidentet mes shqiptareve gjate periudhes zgjedhore ne Maqedoni, mendoj se i kane shkaktuar nje dem shume te madh imazhit mbi shqiptaret ne komunitetin nderkombetar. Duam apo sduam ne, duhet pranuar se faji per kete situate te pakendshme i perket shqiptareve. Ne raste te tilla jemi mesuar te hedhim akuza dhe dyshime mbi fqinjet tane dhe rrolin e tyre antishqiptar, por edhe nese eshte keshtu, perseri i takon shqiptareve te mos lejojne te behen preh e aktiviteteve antishqiptare qe mund te vijne nga drejtime te ndryshme brenda dhe jashte komunitetit shqiptar. Besoj nuk eshte e rendesishme se kush nga grupimet politike shqiptare fitoi ne Maqedoni sepse ne keto zgjedhje shqiptaret me qendrimin e tyre kane shenuar humbjen me te madhe pas viteve 90.

Gruevski fiton mazhorancën absolute në Parlament

Maqedoni, Kryeministri nacionalist përfiton nga grindja mes shqiptarëve


Kreu i konservatorëve nacionalistë, Nikolla Gruevski, ka siguruar shumicën e deputetëve në Parlamentin e ardhshëm në Maqedoni, duke iu afruar mundësisë që mund të qeverisë edhe vetëm. Ndërkaq, përçarja dhe klima e tensionit mes shqiptarëve, përveçse ka favorizuar Kryeministrin maqedonas, i cili megjithatë përballet me një reagim të ashpër të komunitetit ndërkombëtar, që i kërkojnë të dënojnë personat që kanë shkaktuar dhunën dhe kanë vënë para një përgjegjësie të madhe vetë Gruevskin dhe qeverinë e tij.

Rezultatet

VMRO-DPMNE e Kryeministrit Gruevski ka fituar 48.33% të votave në zgjedhjet në Maqedoni. Në mesin e partive shqiptare kryeson BDI-ja e Ali Ahmetit me 11.09%. Rezultatet janë bërë të ditura nga Komisioni Shtetëror Zgjedhor. Në bazë të rezultateve paraprake nga 98% e vendvotimeve të numëruara, Komisioni Shtetëror Zgjedhor bën të ditur se VMRO-DPMNE-ja në nivel republikan ka arritur të fitojë gjithsej 479 219 vota, ose 48.33% të votave, ndërsa LSDM-ja vetëm 231 978, ose 23.39% të votave. Te blloku i partive shqiptare, sipas KSHZ-së, BDI-ja ka fituar numrin më të madh të votave. Për këtë parti, në zgjedhjet e së dielës kanë votuar gjithsej 109 940 votues, ose 11.09% e elektoratit. PDSH-ja, nga ana tjetër, ka marrë 101 123 vota, përkatësisht 10.20%.

Pas kësaj, kryetari i VMRO-DPMNE-së dhe Kryeministri Nikolla Gruevski, tha se fitorja e subjektit që ai drejton është historike, duke siguruar shumicën parlamentare. "VMRO-DPMNE dhe koalicioni për një Maqedoni më të mirë, do të ketë mbi 60 deputetë në Parlamentin e Maqedonisë", ka theksuar Nikolla Gruevski, duke premtuar se do të angazhohet për realizimin e axhendës së platformës politike të koalicionit të VMRO-DPMNE-së, që do të mundësojë, siç ka theksuar ai, një jetë më të mirë për të gjithë qytetarët e Maqedonisë. Menjëherë pas kësaj, blloku opozitar, i kryesuar nga Lidhja Social-Demokrate e Maqedonisë, e ka pranuar humbjen. "Uroj koalicionin dhe VMRO-DPMNE-në për rezultatet zgjedhore", tha Radmilla Shekerinska, drejtuese e opozitës maqedonase, duke shtuar se çmimi që paguan Maqedonia për këtë fitore të Gruevskit është largimi shumë hapa prapa i integrimit në Bashkimin Evropian dhe në NATO. Në mesin e partive shqiptare, sipas Komisionit Shtetëror të Zgjedhjeve, nga votat e numëruara në 82 për qind të vendvotimeve, Bashkimi Demokratik për Integrim i Ali Ahmetit është në përparësi prej 10 mijë votash ndaj Partisë Demokratike Shqiptare. Por, Menduh Thaçi, kryetar i PDSH-së, thotë se partia e tij ka fituar me 19 deputetë kundrejt 10 deputetëve të BDI-së. Gjate procesit të djeshëm zgjedhor ka pasur shkelje serioze të ligjit, sidomos në zonat e banuara me shqiptarë. Një person është vrarë, kurse disa të tjerë janë plagosur, ndërkohë që në shumë vendvotime, në njësinë zgjedhore 2 dhe 6, vise këto të banuara kryesisht me shqiptarë, kutitë e votimit ose janë mbyllur tërësisht, ose nuk kanë funksionuar me kapacitet të plotë gjatë ditës së djeshme.

BDI

Kryetari i BDI-së, Ali Ahmeti, deklaroi se është i dëshpëruar nga incidentet që ndodhën gjatë ditës së zgjedhjeve dhe kërkon rivotime në Saraj dhe zonën e gjashtë. "Prisnim të jetë ditë gëzimi, pa dhunë, terror e plagosje, mirëpo nuk ndodhi kështu. Kjo ditë u shndërrua në ditë të përgjakshme. Sipas tij, për BDI-në rezultatet në njësinë zgjedhore numër 6 dhe Komunën e Sarajit janë të papranueshme. "Kërkojmë përsëritjen e votimeve dhe këto rezultate janë të papranueshme, sepse pas orës 14.00 të gjithë vëzhguesit, anëtarët e komisioneve kanë qenë nën kërcënimin e armëve. Ndaj, në të gjitha ato vende ku është shkelur vullneti i popullit, kërkojmë që votimet të përsëriten", deklaroi kryetari i BDI-së, Ali Ahmeti.

PDSH + PPD

Partia për Prosperitet Demokratik (PPD) deklaroi bashkimin e saj me Partinë Demokratike Shqiptare (PDSH), që bashkërisht konsiderojnë fitore bindëse në zgjedhje. Kryetari i PPD-së, Abdulhadi Vejseli, deklaroi se lideri i PDSH-së, Menduh Thaçi, në bisedimet me mandatarin e ri mund të shfrytëzojë votat e PPD-së.

"Apeloj tek opinioni ndërkombëtar që të mos u besojë raporteve të disa mediave, të cilat bëjnë të ditur se ka fituar tabori tjetër. PPD-ja ka fituar 13 mijë vota dhe bashkë me 106 mijë votat e PDSH-së, bashkërisht janë afërsisht 120 mijë vota, përkundër BDI-së që ka fituar 106 mijë vota. Kryetari i PDSH-së, Menduh Thaçi, uroi Vejselin për fitoren e një mandati dhe deklaroi se koalicioni i tyre ka fituar 120 mijë vota për dallim nga BDI-ja që ka fituar 106 mijë vota. Ai theksoi se në këtë mandat do të realizojnë të drejtat e shqiptarëve. Thaçi shtoi se pas mbylljes së zgjedhjeve, me liderin e VMRO-DPMNE, Nikolla Gruevski, ka pasur një bisede joformale.

Ngritja e toneve, akuzat e ndërsjella, atentati ndaj liderit të BDI-së, z.Ali Ahmeti, mesazhet ogurzeza të politikës shqiptare (në relacionet PDSH-BDI), në Maqedoni, më në fund patën epilogun e vet. Sipas versionit zyrtarë, së paku një 1 i vdekur dhe 9 të plagosur nga incidenti i ndodhur. Zgjedhjet u përgjakën. U shkaktuan viktima të panevojshme për hir të një grimë pushteti. Epilogu i kësaj ngjarje të hidhur pothuaj ka qenë i ditur. Simptomat e përfundimit të tillë janë shfaqur qysh gjatë fushatës elektorale, por edhe më herët. Dy partitë rivale kryesore, BDI-PDSH, për të arritur ngjitjen në pushtet, i ngjanin çdo strukture tjetër, sigurisht në kënde të ndryshme, por assesi partive të mirëfillta demokratike. Assesi partive të dala nga gjiri i popullit nga i cili kanë lindur, dhe për të cilin do të duhej të angazhoheshin. Si soditës i rrjedhave, personalisht asnjëherë nuk kam mundur ta kuptoj rolin e njëmendët të Menduh Thaçit. Kujt i shërben vërtetë ky njeri. Për kë punon. Për atë person janë thënë një mori tregimesh: njeri mafioz, biznesmen, i korruptuar, kleptoman etj. Njeri që favorizon klanet e tija, krijues i grupimeve në gjirin e partisë së tij, përçarës i shqiptarëve, e çka nuk është thënë tjetër.

Kam arritur të kuptoj vetëm se është politikan i nivelit të ulët intelektual, arrogant, egoist, përçarës, demagog e primitiv. Formate të këtij lloji politikanësh sigurisht më tepër janë të dëmshëm, aspak të dobishëm. Pa dashur të hyj në aspekte të tjera se çfarë bëri apo nuk bëri për shqiptarët prej se Menduhi është në skenë, ngase këtë e dinë më së miri ata vet. Do të doja që shqiptarët ta vlerësojnë ashtu siç e meriton me votën e tyre. Një gjë desha të them. Menduh Thaçi, kryetari i PDSH e cila është në qeveri, për asnjë çast të vetëm nuk dha mesazhe të paqes ndër shqiptare, tolerancës ndërpartiake, unitetit kombëtar - jo asnjëherë. Ai me paraqitjet e tija herë pas here nëpër media të linte përshtypjen e dëshirës për tu marrë me njerëz të “mëdhenj”qoftë edhe kur nuk thoshte asgjë. Për Menduhin me rëndësi është kacafytja, ngritja e tensioneve politike për arsye që vetëm ai i di. Tensionet u ngritën deri në atë shkallë sa që gjatë zgjedhjeve atje u shkaktuan konflikte të armatosura. Njësitë policore të shtetit maqedonas ndërhynë në procesin zgjedhor duke vrarë e plagosur shqiptarë, përkatësisht aktivist të BDI-së. PDSH-ja e Menduh Thaçit është parti në pushtet dhe dyshimet për implikime janë më se evidente.

Kulmi i perverzitetit politik i Menduh Thaçit arriti me festimin e tij dhe partisë së tij për fitore fill pas zgjedhjeve. Akoma pa u ditur saktësisht rezultati i zgjedhjeve, ende pa u tharë gjaku i derdhur i shkaktuar për tekat e politikës intolerante, hala pa u qetësuar gjakrat, ky njeri pa pikë turpi denjoj të festonte fitoren. Ndonëse për fitore të tij e partisë së tij nuk bëhej fjalë. Rezultatet e dhëna treguan se partia e Menduh Thaçit nuk ishte fituese. Por nuk ka rëndësi kjo. Çështja konsiston se ky njeri, ky individ, ky politikan nuk i duhet shqiptarëve. Shqiptarët janë ngopur me luftëra, konflikte e gjakderdhje. Kohërat e luftërave kanë pasur bartësit e vetë, kanë qenë të tjerë njerëz ata që bënë luftërat. Në kohën kur zhvilloheshin ato, menduhthaçët e mjaft të tjerë si ai sodisnin kafeneve, sabotonin e s’linin gjë pa bërë për të penguar. Nuk e kam të qartë se pas asaj që ndodhi, a do të ketë fytyrë ky njeri për tu takuar me elektoratin shqiptar. Por momentet tregojnë se ky njeri nuk ka cipë, nuk ka as vizion, nuk e din se çfarë kërkon e çfarë dëshiron. Ruana zot prej të tillëve.

DEKLARATË PUBLIKE NR. 15 E ZËDHËNSIT PUBLIK TË FBKSH:


GJAKDERDHJA NDËRSHQIPTARE NË „MAQEDONI“ DËSHMOI DEVIZËN ARMIKE „ PËRÇAJ E SUNDO“!

Fronti për Bashkim Kombëtar Shqiptar (FBKSH) dhe të gjitha strukturat e tij, shumë ashpër e dënon gjakderdhjen ndërshqiptare, të cilën e kanë nxitur segmentet antishiptare sllavo-maqedonase, që iu ka interesuar dhe iu intereson që kombësisë shqiptare nën „Maqedoni“, para opinionit ndërkombëtar ta paraqesin si „dele e zezë“ e Ballkanit.

Fronti për Bashkim Kombëtar Shqiptar (FBKSH) apeloi që shqiptaret të mos vriteshin për pushtet pa shtet, kur këtë pushtet dhe shtet (arrën dhe çekanin) e kanë pushtuesit e kolonizatorët sllavo-maqedonas, por për fatin tonë të keq, ky apel ra nën veshë të shurdhët, sepse dy forcave kryesore politike: PDSH ( Partia Demoktratike Shqiptare) e kryesuar nga Z. Menduh THAÇI, dhe BDI (Bashkimi Demokratik për Integrim) e kryesuar nga Z. Ali AHMETI, të cilëve iu janë terruar sytë nga etja për „ pushtet“ dhe kolaborim me pushtuesit sllavo-maqedonas të trojeve shqiptare, për të cilat synime bëhen masha, PDSH e VMRO-DPMN dhe BDI e LSDM-së.

Turp dhe haram iu qoftë djersa dhe gjaku i popullit !

Fronti për Bashkim Kombëtar Shqiptar (FBKSH) kërkon që pupulli shqiptar nën “ Maqedoni” (ILIRIDË) t’i bojkotojë zgjedhjet e radhës, të cilat pushtuesi sllavo-maqedonas do t’i përserisi në zonat shqiptare të ILIRIDËS.


Zëdhënësi Politik i FBKSH,
Gafurr ADILI.

Tiranë, 01.06.2008.

Besoj se shqiptaret duhet ta shohin te verteten ne sy. Duhet ta kerkojne tek vetja piken e dobet qe i çoi deri ne kete situate.Dhe une mendoj se pika e dobet eshte etja per pushtet. Me eshte dukur jashte çdo lloj logjike qe shqiptaret e Maqedonise jane te ndare ne disa grupime politike. Por edhe nese pikpamjet dhe idete politike ua detyrojne kete "ndarje", interesat kombetare dhe interesat e tjera duhet ti mbajne te bashkuar rreth nje boshti dhe qellimi kombetar te perbashket. Shqiptaret e Maqedonise jetojne e punojne ne trojet e tyre, dhe ato vetem te bashkuar mund te arrijne te behen faktor vendimtar ne politikat e shtetit maqedonas kundrejt tyre, madje te bashkuar ata mund te behen diktues te kesaj politike. Thirrjet per abandonim te zgjedhjeve jane nje kurth tjeter per ti perçare shqiptaret. Perkundrazi ata duhet te paraqiten masivisht ne zgjedhje, ne menyre te qete dhe te kulturuar dhe ti deshmojne botes qytetarine e tyre. Kjo deklarate duhet hedhur ne kosh te plehrave. Nuk jane Maqedonasit ata qe do te humbin ne rast se shqiptaret nuk do ta ushtrojne te drejten e tyre per te zgjedhur, perkundrazi jane shqiptaret ato qe do te humbin ne çdo drejtim.
E para; do te humbin shancin per tu shprehur me vote,
E dyta; do te perciellin nje mesazh shume negativ ne arenen nderkombetare,
E treta, do ti sherbejne perçarjes ndermjet tyre
E katerta, do te humbin shancin per te qene faktor ne qeverisje duke bere qe Gruevski tua marre dhe ato te drejta qe u kane mbetur.

Kushdo parti politike Shqiptare ne Maqedoni eshte e detyruar te bashkepunoje me njerin ose tjetrin kualicion. Shqiptaret duhet te kene te drejten te marrin persiper pergjegjesite e bashkeqeverisjes ne Maqedoni. Per mua kjo deklarata eshte pak e tepruar, se ose Maqedonia duhet te kthehet ne nje shtet federativ me tre qeveri, nje te maqedonsve, nje te shqiptareve dhe ate federative. Perderisa Maqedonia nuk eshte federate shqiptaret jane te detyruar te marrin pjese ne qeverisje me partite e tjera maqedonse. U takon shqiptareve te zgjedhin se ke do te zgjedhin ne qeveri.

Une nuk e di se si e vlereson vf sepse ajo banon atje, por personalisht duke u bazuar ne qendrimin e Groevskit ndaj shqiptareve, nuk doja qe te fitonte ai.