Korrupsioni në spitalin “Nënë Tereza”, pranga mjekut me llogari bankare 420 mijë $

Korrupsioni në spitalin “Nënë Tereza”, pranga mjekut me llogari bankare 420 mijë $

Nga Bledar Lumani

Korrupsioni në qendrat shëndetësore çon në prangat e policisë mjekun Kastriot Dautaj. Prangosja e tij është kryer gjatë mesditës së djeshme, teksa merrte ryshfet nga të afërmit e një pacienti që sapo kishte kuruar, në shumën e 50 mijë lekëve të reja. Ndërkohë, sipas burimeve të policisë, pas një kontrolli të ushtruar në llogarinë bankare të kirurgut Dautaj, i cili mban edhe titullin shkencor Profesor, rezulton se ai zotëron një shumë prej 420 mijë dollarësh, pjesën më të madhe të të cilëve dyshohet se e ka përfituar me anë të ryshfetit.

Prangosja


Ajo që flitet nëpër korridoret e qendrave spitalore nga pacientët, se mjekët iu marrin lekë për shërbimet, por që asnjëherë nuk e kanë denoncuar, është vërtetuar gjatë ditës së djeshme me prangosjen e mjekut urolog, Kastriot Dautaj. Ka qenë nja plan i detajuar nga ana e uniformave blu të policisë, në bashkëpunim me Drejtorinë Kundër Krimit Financiar, ajo që ka bërë të mundur prangosjen e 66-vjeçarit. Ky i fundit është prangosur, vetëm pak pasi kishte dalë nga salla e operacionit, ku kishte operuar një pacient nga veshka. Në këto momente, ai është kontaktuar nga familjarët e pacientit që sapo kishte kuruar, ku u ka kërkuar për operacionin shumën prej 50 mijë lekësh të reja. Pasi ka marrë paratë nga ana e familjarëve të pacientit, forcat e policisë i kanë vënë menjëherë prangat mjekut Dautaj, i cili mban edhe titullin Profesor. Ky i fundit punon prej vitesh si kirurg në spitalin nr. 2 në repartin e Urologjisë, pranë QSUT, ndërsa ushtronte edhe profesionin e pedagogut në Fakultetin e Mjekësisë. Sipas burimeve të policisë, prangosja e 66-vjeçarit u krye në kuadër të operacionit “Veshka e humbur”. Ndërkohë, mësohet se prangosja e tij u krye edhe falë bashkëpunimit të familjarëve të pacientit që u kurua nga ana e mjekut Dautaj. Ky i fundit tashmë gjendet pas hekurave të qelisë së burgut dhe do të procedohet penalisht për veprat penale të “Korrupsionit pasiv nga persona që ushtrojnë funksione publike” dhe “Shpërdorimit të detyrës”.




Hetimet


Hetimet për mjekun Kastriot Dautaj kishin nisur që prej disa muajsh, duke qenë se uniformat blu të policisë kishin kohë që dyshonin tek ai për marrje ryshfeti. Mësohet se përveç rastit të djeshëm, ku 66-vjeçari ka përfituar shumën prej 50 mijë lekësh nga një pacient, ai ka marrë pará edhe nga një numër i madh pacientësh të tjerë, të cilët shkonin në QSUT për t’u kuruar. Sipas hetimeve, shuma që mjeku Dautaj përfitonte për një operacion të kryer, ka qenë pikërisht 50 mijë lekë të reja. Përveç kësaj, sipas burimeve hetimore, shumë prej pacientëve që paraqiteshin në këtë spital, pasi kontaktonin me Dautajn, ai iu sugjeronte të paraqiteshin për kurim në dy klinika private, në të cilat ishte i punësuar si punë e dytë. Ndërkaq, pas një kontrolli të ushtruar në llogarinë bankare të mjekut Kastriot Dautaj, rezulton se ai zotëron një shumë prej 420 mijë $. Sipas burimeve hetimore, mësohet se pjesa më e madhe e kësaj shume është përfituar në mënyrë të paligjshme, si pasojë e ryshfeteve që Dautaj ka marrë përgjatë viteve që ka ushtruar profesionin e mjekut. Ndërkohë, duke qenë se policia dyshon edhe për mjekë të tjerë të korruptuar, ajo ka kërkuar edhe bashkëpunimin e qytetarëve, për të denoncuar çdo rast korrupsioni që atyre mund t’iu ketë ndodhur në qendrat spitalore.
Tema

Lajmin e mora vesh nga nje e afermja ime. Pastaj e lexova ne gazeta. Nder te tjera e afermja ime me tha; "Pa zoti ma ne fund drejtesi. Ky qen me ka lon me vdek kur u shtrova ne spital se kerkonte pare ose te shtrohesha ne kliniken private. 60 e sa vjeç burre na vite ne spital me nji kryq te modh ne qaf, me kufje ne vesh, e me çimçakiz ne goje si gangster per turp te zotit. Aty n'spital perfolej se i kishte vjedh veshken goces huj. E morte mortja si nuk e mer, ate ne ato qe na kan lon ne dor te qametit.I morte mortja o zot prej ke ma i modhi e deri ke ma i vogli majtas e djathtas qe e moren me qaf kte popull. Ai tjetri gja na ka rrit pencionet. Na dha 8 e na mori 15. Ku ti gjej paret me ble ilaçe ku? Jom me 100 smunje ntrup, me pencione qe sna dalin per buk sna dalin. Kte skarafyllin e gjat tbashkis veç kur ta shofesh se tka pru nmjes eskavatorin para dere me te shem shpin. Mjer ne, mjer. Doni me dite se ço qameti. Nshqipni e keni qametin. Rri atje ku je se je rehat. Ti falesh zotit 10 here ne dit qe nuk je ktu." -e mbylli ligjeraten e afermja ime.

Mafia e bluzave te bardha ne shqiperi po shkakton shume viktima

Ja lajmet ne Alsat e pohojne se ky zotnia i ke hequr veshken nje pacjenteje pa dijenine e saj dhe ajo qe eshte me qesharake eshte fakti se kjo justifikohet me faktin qe mungon komunikimi mjek-pacient. Nuk kam degjuar nje aresyetim me idjot dhe cinik per pacjentet se ky, nderkoh qe duhet te kete ligje dhe rregulla te qarta qe rregullojne kete proçedure. Ne vendet e tjera pa dijenine dhe firmen e pacientit mjeku nuk mund te kryej as nderhyrjen me te thjeshte kirrurgjikale.

mire i ka thene ajo zonja emigrantit;

E morte mortja si nuk e mer, ate ne ato qe na kan lon ne dor te qametit.I morte mortja o zot prej ke ma i modhi e deri ke ma i vogli majtas e djathtas qe e moren me qaf kte popull.

hajde shko ke doktorri profesori,
thiken kur e nxori jeten na e mori.

Skandal.

Shko ke doktorri se tmulo vorri
ene paret i merr horri

Lum si na per daktorrat

Operacioni i veshkave, përfundon në burg babai që i dha ryshfetin profesor, Dautajt
Menjëherë pas arrestimit të mjekut në spitalin më të madh të vendit QSUT, Kastriot Dautaj, është vënë në pranga edhe personi që i dha ryshfetin. Burime zyrtare pranë Drejtorisë së Policisë në Tiranë, bënë të ditur se është vënë në pranga, babai i vajzës që u operua nga veshkat. Sipas policisë vënia në pranga e babait të pacientes së fundit që operoi Dautaj, Ibrahim Hoxha, është kryer, pas firmosjes së urdhrit të Task-Force. Ibrahim Hoxha, 54-vjeç, babai i Luljetës, është filmuar duke i dhënë paratë profesorit. Tashmë, 54-vjeçari, Ibrahim Hoxha do të përballet me akuzën e korrupsionit aktiv ndaj personave që ushtrojnë funksione publike.Mjeku, Kastriot Dautaj, u kap në flagranë duke marrë shumën e parave prej 50 mijë lekëve. Burime zyrtare pranë prokurorisë bënë të ditur se pacientja e operuar ka qenë shtetasja Luljeta Hoxha dhe pas përfundimit të operacionit, i ati i saj Ibrahim Hoxha i ka dhënë mjekut Dautaj shumën e sipërpërmendur. Në momentin e kapjes në flagrance mjekut Dautaj i është sekuestruar edhe shuma prej 50.000 lekësh, të cilën sapo e kishte marrë. Burime zyrtare pranë Prokurorisë së Tiranës, pohuan se përveç rastit të kapjes në flagrancë, nga hetimi janë evidentuar dhe provuar edhe gjashtë raste të tjera, ku mjeku i dyshuar Kastriot Dautaj ka pranuar dhe marrë shumë të ndryshme parash nga të afërm të pacienteve që ndiqeshin prej tij. Mësohet, se grupi hetimor i ngritur për këtë çështje ka nisur hetimet për zbardhjen e plotë të kësaj ngjarje.
I hoqi veshkën pa e ditur, denoncoi mjekun Dautaj
Ndërkohë, mësohet se pas këtij lajmi për prangosjen e mjekut urolog, pranë policisë së Tiranës dhe Prokurorisë janë bërë disa denoncime të tjera të ish-pacientëve të tij, të cilët kanë kryer operacione të veshkave me të njëjtin doktor. Burime pohuan, se janë bërë katër denoncimi, ku mjeku, Kastriot Dautaj, u ka marrë para pas operacionit. Burime shtuan se denoncimi për profesorin, Kastriot Dautaj, nuk ka ardhur nga pacientja e fundit, Luljeta Hoxha, por nga hetimet dhe vëzhgimet që i ishte bërë Dautajt nga struktura Task-Force prej disa muajsh. Denoncimi është bërë nga një grua, prej së cilës, mjeku Dautja e ka operuar duke i hequr njërën veshke pa dijeninë e saj. Por, dyshimet për një përfshirje të profesorit në ndonjë rrjet të mundshëm trafiku organesh nuk u provua. Operacioni që u krye ditën e hënë për prangosjen e mjekut, ka ardhur pasi më parë ishin bërë 6 denoncime. Profesor, Doktor, Kastriot Dautaj, u kap në flagrancë me shumën prej 50 mije lekësh që ai kishte vendosur si çmim për çdo operacion. Arrestimi i mjekut të Qendrës Spitalore “Nënë Tereza”, është kryer të hënën në mbasdite nga Drejtoria Kundër Krimit Financiar në Drejtorinë e Përgjithshme të Policisë Shtetit, në bashkëpunim me Task-Forcën Kundër Krimit Financiar dhe Korrupsionit pranë Prokurorisë së Tiranës, duke finalizuar me sukses operacionin e koduar “Veshka e Humbur” për kapjen dhe ndalimin Profesor. Doktor Kastriot Dautaj, 66 vjeç, lindur në Vlorë dhe banues në Tiranë, me arsim të lartë, me detyrë kirurg në spitalin nr. 2 në repartin e Urologjisë pranë QSUT- Tiranë si dhe pedagog ne Fakultetin e Mjekësisë. Policia e Shtetit tha, se arrestimi i tij është kryer pasi është kapur në flagrancë për veprat penale të korrupsionit pasiv nga persona që ushtrojë funksione publike, e shpërdorim detyre dhe pastrimit të produkteve të veprës penale të parashikuara nga nenet 259 e 248 dhe 287 të Kodit Penal.
Hetimet
Nga hetimet paraprake të kryera me metoda speciale të hetimit ka rezultuar se shtetasi Kastriot Dautaj, me profesion kirurg ka marrë shumën e 500 mijë lekëve kundrejt një operacioni në spitalin nr. 2. Hetimi i kësaj çështje ka filluar disa muaj më parë dhe janë vërtetuar shumë raste ku kirurgu u merrte para pacientëve për çdo operacion që kryente. Shumë prej pacientëve që paraqiteshin në këtë spital, pasi kontaktonin këtë mjek, ai u sugjeronte të paraqiteshin në dy klinika private në të cilat ishte i punësuar në punë të dytë, kundrejt përfitimeve të paligjshme. Në momentin e arrestimi Dautajt iu sekuestruan 500 mijë lekë si dhe nga një llogari bankare në emër të tij u sekuestruan 420 mijë dollarë në një bakë të nivelit të dytë, të ardhura këto që dyshohen se kanë ardhur nga veprimet korruptive.
Sot