“Vullkani” Qato shperthen ne Tirane

“Vullkani” Qato shperthen ne Tirane


E Shtune, 05 Prill 2008

Kampioni shqiptar i boksit boteror Kreshnik Qato nuk ka dhuruar vetem fitore mbreme ne Tirane por dhe nje spektakel te mrekullueshem per qindra mije spektatore dhe telespektatore. Ne ndeshjen me portugezin Vitors Sa, ne Pallatin e Sportit “Asllan Rusi” ne Tirane, Qato ka fituar pas 12 raundeve, duke marre pike ne avantazh nga te tre gjyqtaret qe drejtuan ndeshjen. Ndeshja ishte e vlefshme per titullin e Kampionit te Botes ne versionin EBF, por edhe ate mesdhetar per nje tjeter federate prestigjioze, sic eshte EBC.

EBC renditet si federata me e mire ne sportin e boksit dhe qendren e ka ne Meksike. Kohet e fundit, ajo ka themeluar edhe nje titull te ri, te quajtur "EBC Mesdhetar", qe perfaqeson rreth 22 shtete, nder te cilet edhe Shqiperia.

Pak para ndeshjes, 30 vjecari kishte deklaruar se kishte shtate jave qe pergatitej per kete ndeshje. “Shtate jave larg familjes time ka qene te veshtira, por nje pergatitje e denje per nje ndeshje te tille. Nuk mund t'ia lejoj vetes euforine, por ju siguroj se jam ne nje forme te shkelqyer, si fizike, ashtu edhe psikologjike, dhe mezi po e pres ndeshjen”, ishte deklarata e Qatos.

Ndersa kundershtari i Qatos, kishte deklaruar pak para ndeshjes se nuk i trembej aspak faktit se ajo zhvillohej ne vendin e rivalit te tij, dhe se kjo e favorizonte Qaton. Vitor Sa vleresoi se “pikerisht per kete shkak, presioni mbi Qaton eshte shume me i madh sesa mbi vete ate pasi nuk ka asgje per te humbur. Boksieri portugez i lindur ne kryeqytetin e vendit Lisbone, me 13 mars 1973, numeron ne karrieren e tij mbi 50 ndeshje. Por vetem 16 prej tyre ai i ka zhvilluar si boksier profesionist.

Ndeshja nisi me nje nokaut ne raundin e pare qe megjithate nuk ia zbehu fitoren kampionit te botes. Ne kete raund ai arriti te jete vazhdimisht ne sulm, ndersa kundershtari i tij synonte mbrojtjen. Thuajse e njejta skeme eshte ruajtur dhe ne te 11 raundet e tjera: Qato dominoi sulmin, kurse rivali i tij Sa, ndoqi taktiken e mbrojtjes pasive. Kjo u be kaq e dukshme sa gjyqtari qendror, here pas here u detyrua t’i terhiqte vemendjen portugezit per shmangie ne dyluftim.

Gjate 36 minutave te ndeshjes, Kreshnik Qato arriti te godiste me sukses portugezin 34 vjecar, duke perfituar dhe nga dominanca e tij ne lartesi. Disa goditje qe Sa arriti te hedhe ndaj Qatos, nuk e demtuan duke mos i ulur ne asnje cast rendimentin dhe duke mos i demtuar aspak gjendjen funksionale. Tre minutat e fundit qe i perkisnin raundit te 12-te, sollen permbylljen e ndeshjes dhe pak caste me vone, treshja gjykuese shpalli kampion, durrsakun 30 vjecar. Mes brohorimave te nje spektakli te mireorganizuar, Qato u shpreh i gezuar per fitoren dhe mirenjohes ndaj boksdashesve te pranishem. Ed.Ku



Box-e



Pasioni, i Qatos, trashegimi

Boksieri i lindur dhe rritur ne Durres, prej vitesh jeton ne Angli. Pasionin per sportet e renda e ka trashegimi nga i ati, te cilin e ka humbur prej tre vjetesh. I ati, per 12 vjet rresht ka qene Kampion Republike ne peshengritje. Ne vitin 2000 ishte kandidat per Lojerat Olimpike Sidney, ku iu dha mundesia te shkonte ne Itali ku njihet me nje trajner italian, qe jetonte ne Angli i cili dhe e aktivizoi ne boksin profesionist. Titullin e pare e ka marre ne vitin 2004.



Ky eshte nje titull qe do t'i jape Shqiperise shansin e madh per te qene realisht pjese e familjes se madhe te boksit, ne federaten EBC.



Curriculum Vitae

Emri: Kreshnik Qato

Kategoria: E mesme

Renditja evropiane: 97 / 759

Datelindja: 13-08-1978

Kombesia: Shqiptar

Vendlindja: Durres

Vendbanimi: Uembli, Londer - Britani e Madhe

Gjatesia: 180 cm

Bilanci deri dje: 22 ndeshje

16 fitore (2 me KO)

6 humbje (2 me KO)

0 barazime



Ndeshja tjeter e Qatos, nje tjeter sukses

Boksieri shqiptar, Kreshnik Qato, u rikthye serish triumfator ne ring te 14 nentor 2007, duke mundur ne duelin e zhvilluar ne "Jork Holl Bethnal Grin" te Londres britanikun 29-vjecar, Erni Smith. Ne fakt, fillimisht ishte deklaruar se Qato do te ndeshej me britanikun 24-vjecar, Tjan Buth, por ky i fundit eshte semure ne ditet qe i paraprine ketij dueli, duke u zevendesuar nga Smith. Qato, i cili ka konkurruar deri me tani ne peshen super te mesme, eshte ndeshur me keshtu me Smithin, nje boksier 29-vjecar nga Britania e Madhe, ne duelin e vlefshem per nje peshe tjeter, ate te mesmen. Ndeshja ka qene e dominuar plotesisht nga boksieri shqiptar, i cili ka fituar me rezultatin e pergjithshem 60-54. Ne fakt, Qato eshte mbeshtetur gjate gjithe kohes nga tifozet shqiptare, te pranishem ne numra te konsiderueshem ne "Jork Holl Bethnal Grin" te Londres.

Neshja e Qatos ishte estrada ma e keqe qe mund te kem pa ne jeten time.
Ai portugezi i futi i grusht n'fillim me i tregu miletit se ç'jom i zoti me bo, ene masanej i tha Qatos, hajde Qato fito se per kte pune jemi ktu.
E po boksier qe tu shkojn ne shumicen e gjujtjeve grushtat bosh vetem kte neshje kom pa. Hyn boksieret si molla e dulen si molla pa te nximen ma te vogel. Si me qen tu i ra njoni tjetrit me pamuk jo me grushte. N'fakt me pamuk po gjujshn njoni tjetrin.

Heeemm, ne fakt te gjitheve na beri pershtypje diçka qe dukej se ishte jo e vertete ne kete ndeshje. Megjithate kjo pak rendesi ka, po te llogarisesh qe kjo fitore do te numerohet si fitorja e 12 rradhazi ne jeten sportive te Qatos, dhe se i jep shance te reja Qatos.

E rendesishme eshte qe nxorrem nje kampion bote me flamurin shqiptar, sepse kampionet e tjere te bote (ato te peshngritjes), dhe nenkampionet (ne atletike) e mbajne titullin nen flamujt e tjere.

Portugezi ishte nje lojtar mjaft inteligjent dhe kishte grusht te fuqishem e kemb te forta. Nuk tundej lehte.

Qato, ja dyshimet për një kampion falso


Nëse përpara datës 4 prill, edhe Shqipëria krenohej me një boksier profesionist që ishte duke ecur drejt majave të sportit të dorezave botërore, tashmë shumë sportdashës që kanë ndjekur sfidën midis Kreshnik Qatos dhe portugezit Vitor Sa, kanë hedhur dyshimet e tyre. Hijet e para të dyshimeve lindin që në momentin që në një ndeshje luhet për dy tituj, ku njëri prej tyre është ai i kampionit të botës për peshën e mesme në WBF. Fondacioni Botëror i Boksit është krijuar vetëm në 2004, pra 4 vjet më parë dhe një sfidë e rëndësishme sipas kësaj federate zhvillohet në vendin tonë,i cili duhet thënë se nuk ka organizuar asnjë sfidë të tillë duke i’u besuar menjëherë një gjë e tillë. Realiteti është fakti se nuk ka federatë në botë që të organizojë kaq lehtë një ndeshje për titullin kampion bote. Dueli i madh për titull bote vjen pas zhvillimit zinxhir të disa dueleve, gjë që nuk ka ndodhur me Qaton, i cili deri më sot nuk kishte zhvilluar asnjëherë një takim për këtë titull. Nuk është e lehtë të ngjitesh në krye dhe të sfidosh rripin e kampionit të botës me vetëm një sfidë. Të paktën federatat serioze kështu funksionojnë. Dhe kur nuk ka diçka serioze në këtë mes, sigurisht që lindin dyshime se kjo ndeshje mund të ishte e paracaktuar. Këto dyshime përforcohen më tej kur shikon boksimin që u zhvillua gjatë 12 raundeve nga të dy boksierët. Konkretisht, boksieri portugez Vitor Sa e goditi vetëm një herë Qaton dhe ai ra në tokë. Pra, boksieri durrsak pësoi nokdaun. Kaq mjafton për të kuptuar se gjërat mund të ishin të paracaktuara, sepse menjëherë pas këtij “gabimi”, ndeshja ndryshoi fytyrë. Është Qato ai që merr inisiativën dhe portugezi që tërhiqet menjëherë duke zbatuar një taktikë mbrojtëse. Nëse vërtet do të ishte një ndeshje me grintë, duhej që Sa të sulmonte pasi e kishte tronditur që në fillim kundërshtarin e tij dhe jo të tqrhiqej duke u mbrojtur dhe duke lënë terren për boksierin shqiptar. Një gjë tjetër që la shumë dyshime ka të bëjë me faktin se në boksin e vërtetë profesionist, dy kundërshtarët takojnë dorezat në shenjë respekti një herë në fillim të ndeshjes dhe një herë pas raundit të fundit. Kurse, në këtë ndeshje, dy boksierët mbetën duke u përqafuar dhe në momentet e përfundimit të takimit, të dy ngritën duart lart dhe portugezi tregonte me gisht nga Qato se do të ishte pikërisht ai fituesi në një kohë që pikët ende nuk ishin shpallur nga ana e gjyqtarëve. Në boksin e vërtetë profesionist apo amator qoftë, kjo nuk ndodh kurrë. Dyshimi tjetër ka të bëjë me faktin se si është e mundur që Qato arrin të shpallet kampion bote duke mos zhvilluar asnjë ndeshje për këtë titull, në një kohë që ka zhvilluar vetëm takime për kampion Evrope të vendeve ekstrakomunitare si edhe sfida për Kupën e Anglisë? Ndërkaq, boksieri portugez numëron vetëm 16 ndeshje si boksier profesionist. Në këto 16 ndeshje, ai ka korrur 13 fitore dhe është mundur në 3 të tjerat. 34-vjeçari është shpallur kampion i Portugalisë për 7 vite radhazi, nga viti 1998, deri më 2004-n, vit kur ka fituar gjithashtu edhe Kupën e Portugalisë në boks. Një tjetër sukses i tij, ishte ai i kampionit iberik, i arritur më 2005-n, përpara se të shndërrohej në boksier profesionist. Vitor Sa renditet i 135-ti në botë, midis 955 boksierëve të peshës së mesme. Ishte publiciteti i madh i bërë për këtë sfidë ai që mbuloi mjegullën e një dyshimi shumë të madh rreth “kampionit të botës Qato” që tashmë shihet si një kampion falso. Absurditeti shtohet edhe më shumë kur sheh se ky boksier merret si shembull nga Ministri i Arsimit, Genc Pollo, i cili shëtit me Qaton nëpër shkolla duke u thënë nxënësve se duhen të bëhen si boksieri kampion, në një kohë që durrsaku tashmë shihet si një kampion falso.
Sot