ILIRIADA PORTAL

Berisha-Thaci: Ra "muri", u bashkuam

Shiko temėn e mėparshme Shiko temėn pasuese Shko poshtė

01062009

Mesazh 

Berisha-Thaci: Ra "muri", u bashkuam




Fatjona Mejdini
Me ne fund u shfaq drita ne fund te tunelit te rruges qe lidh dy anet e kombit shqiptar. Kryeministri Berisha dhe homologu i tij kosovar, Hashim Thaci "shemben" dje murin qe ndalte tunelin ne segmentin Rreshen-Kalimash, per te peruruar ne menyre simbolike rrugen qe lidh ultesiren Perendimore shqiptare me malet e larta te Kosoves. Kalimashi u be paraditen e djeshme me i zhurmshem se kurre, teksa disa ore me pare gazetare te dy vendeve dhe qytetare, nen dekorin e flamujve shqiptare, kosovare dhe te Bashkimit Evropian dhe ritmet e muzikes, prisnin shtrengimin e duarve te dy kryeministrave. Ceremonia e mireorganizuar mes qeverive te Shqiperise dhe Kosoves nisi ne oren 12.15 kur kryeministri Berisha nga ana e Thirres dhe kryeministri Thaci nga ana e Kalimashit te Kukesit, bashkuan duart ne mesin e tunelit, ne aksin rrugor Rreshen-Kalimash. Ne menyre simbolike kryeministri Berisha i hipur ne nje ekskavator, shembi murin e holle qe ndante tunelin, duke zbuluar driten mes dy aneve te ketij tuneli. Pas dy kryeministrave ne takimin e tyre simbolik ndodheshin edhe delegacionet e tyre te perbera nga ministra dhe deputetet te Kuvendit shqiptare dhe atij te Kosoves. Grupi prej 20 vetesh qe udhehiqej nga Berisha dhe ai prej 20 vetesh qe udhehiqej nga Thaci, ecen ne drejtim njeri tjetrit, deri sa takuan duart. Duke pershkruar ne kembe 100 metra ne tunel te dy kryeministrat u pozicionuan ne foltoret e vendosura ne anen e daljes per ne Kukes, per te ndare me te pranishmit dhe me te gjithe shqiptaret impresionet e tyre per inaugurimin e kesaj vepre te rendesishme. "Ky tunel para se gjithash eshte tuneli i bashkimit te kombit. Sot ne vendosem se nuk ka male, nuk ka pengesa, nuk ka asgje, qe mund ta ndaje, jo vetem shpirterisht por as fizikisht kete komb", deklaroi kryeministri Berisha ne fillim te fjales se tij. Sipas kreut te qeverise tuneli kishte pasur nje kosto te larte, por kjo kosto ishte e paperfillshme sepse ky tunel kushton shume me pak se sa koha e kalimtareve neper te, ne nje vit te vetem. "Tuneli ka qene i veshtire dhe i kushtueshem, por cmimi i tij eshte dhjetera e qindra here me i vogel, se vlera e tij e madhe morale, se sa bashkimi qe sjell midis njerezve, se sherbimi qe iu ben njerezve dhe qytetareve, si dhe dalja ne det qe i jep Kosoves, dhe jo vetem Kosoves, por dhe fqinjeve te saj", deklaroi kryeministri Berisha. Nga ana e tij kryeministri i Kosoves, Hashim Thaci theksoi se sot shqiptaret me kosovaret jane me afer se kurre me pare. "Si kryeminister i qeverise se Republikes se Kosoves, zotohem se per nje kohe shume te shkurter, kjo rruge do te vazhdoje tutje, Vermice, Prizren, dhe ne kryeqytetin e Kosoves, Prishtine", premtoi Thaci. Ne kete menyre rruga e cila nis nga Durresi dhe perfundon ne Kukes per palen shqiptare do te vazhdoj rrugetimin e saj deri ne kryeqytetin kosovar.

Padrejtesite

Kryeministri kosovar Thaci deklaroi se koha po korrigjon te gjitha padrejtesite qe jane bere ndaj kombit shqiptare ne shekuj. Sipas tij, bjeshket, malet dhe muret nuk mund ti ndajne me dy vendet sepse tashme jane ndertuar me dhjetera ura dhe tunele komunikimi.

"Rruga do te lidhe rajonin e Ballkanit me Adriatikun"

Kryeministri Berisha ne fjalen e tij perpara banoreve te Kalimashit dhe vizitoreve te shumte qe ndoqen ceremonine theksoi se rruga Durres-Kukes nuk lidhte vetem Shqiperine me Kosoven, por te gjithe rajonin e Ballkanit me bregdetin shqiptare.

"Ne inauguruam tunelin, qe bashkon jo vetem shqiptaret, por inauguruam tunelin qe me sherbimet qe ofron ne fushen e transportit dhe te qarkullimit, bashkon me shume shqiptaret me kombe te tjera te rajonit, maqedonasit, serbet, bullgaret dhe te gjitha kombet e ketij rajoni", deklaroi kryeministri Berisha, duke theksuar rendesine rajonale te kesaj rruge. Sipas tij, kjo rruge do te beje qe brigjet e Shqiperise, portet e saj, t'u sherbejne jo vetem shqiptareve ne Shqiperi dhe Kosove, por tu sherbeje te gjitha kombeve te rajonit. Nga ana e tij kryeministri i Kosoves, Hashim Thaci shprehu bindjen se edhe marredheniet e shtetit me te ri ne bote me Shqiperine, si pasoje e kesaj rruge, do te behein me intensive se me pare. "Pervec deshirave, endrres per integrim kombetar dhe euroatlantik, kjo rruge do te mbarte ide, mallra, rritje ekonomike per te dy vendet tona. Kjo rruge do t'i jape shtytje zhvillimeve te shumanshme te dy vendeve tona", deklaroi kreu i qeverise kosovare Thaci, duke shtuar se tashme asgje nuk mund ti ndante shqiptaret kudo ku ata jetonin ne rajon. Shume media prestigjioze nderkombetare duke cituar analiste kane parashikuar nje zhvillim te turizmit dhe ekonomise se gjithe rajonit si pasoje e ndertimit te kesaj rruge.

Premtimi

Kryeministri Berisha premtoi dje se qeveria qe ai drejton nuk do te lere male pa shembur dhe nuk do te lere gje pa bere, ne menyre qe shqiptaret te kene Shqiperine ne pellembe te dores dhe te jete e pershkuar nga te gjitha anet me rruge.

Opozita, asnje deputete dhe politikan ne Durres-Kalimash

Ne ceremonine e djeshme perurimit te tunelit ne Rreshen-Kalimash nuk merrte pjese asnje nga perfaqesuesit e Partise Socialiste dhe opozites ne vend. Ndonese se ceremonia me pranine e kryeministrit te Kosoves, Hashim Thaci mori permasa kombetare kjo nuk solli pranine e perfaqesuesve te opozites ne kete inaugurim te rendesishem. Ne Kalimash kryeministri Berisha u shoqerua nga nje delegacion prej 20 vetesh, ku te pranishem ishin kryetarja e Kuvendit Jozefina Topalli, Ministri i Jashtem Lulzim Basha, Ministri i Puneve Publike, Transporteve dhe telekomunikacionit Sokol Olldashi, Ministria e Integrimit Majlinda Bregu, si dhe anetare te tjere te kabinetit qeveritar dhe drejtues vendore. Edhe kryeministri i Kosoves, Hashim Thaci ishte i shoqeruar nga nje delegacion prej 20 personalitetesh ku spikasnin zevendeskryeministri kosovar, Hajredin Kuqi, Ministri i Jashtem Skender Hyseni, Ministri i Transporteve Fatmir Limaj, anetare te qeverise, e deputete te parlamentit te Kosoves. Po keshtu ceremonia u ndoq nga nje numer i madh gazetaresh dhe qytetaresh te zones por edhe te ardhur nga Kosova.
Koha Jone
avatar
ILIRI

Numri i postimeve : 4304
Reputation : 46
Points : 22553
Registration date : 06/12/2007

Shiko profilin e anėtarit http://www.iliriadaportal.com

Mbrapsht nė krye Shko poshtė

Share this post on: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

Berisha-Thaci: Ra "muri", u bashkuam :: Komentet

avatar

Mesazh prej Mon Jun 01, 2009 9:22 pm nga ILIRI

Partia Socialiste serish kunder rruges Durres – Kukes
Ndersa demokratet festuan diten e djeshme inaugurimin e tunelit te segmentit Rreshen-Kalmiash, socialistet kritikojne ashper investimin dhe shpenzimet e kryera per kete veper. Nepermjet nje deklarate per shtyp, kryetari i selise roze per degen e Tiranes, Besnik Baraj, sulmoi dje inaugurimin e nje segmenti te rruges nga Kryeministri i Shqiperise, Sali Berisha. "Nga nje investim i rendesishem qe duhet te kushtonte rreth 418 milion euro, sot shpenzimet jane shumefishuar dhe taksapaguesit shqiptar duhet te paguajne nje vlere ekstra prej 600 milion eurosh", u shpreh Baraj. Sipas tij, kjo vlere mbetet ende e pajustifikuar dhe e pa shpjegueshme, nderkohe qe kontrolli i larte i shtetit ka vleresuar nje abuzim prej 232 milion euro. Duke perllogaritur kete vlere, socialistet vleresojne se me keto para ekstra, mund te ishin ndertuar 1450 shkolla te reja si kjo, dhe 145 spitale moderne, per t'i sherbyer qytetareve te Shqiperise. "Por Berisha deshtoi dhe ne vend qe te perdorte parate e taksapaguesve shqiptar per te edukuar brezin e ri te femijeve tane, ai u kujdes edhe nje here tjeter per te pasuruar familjen dhe miqte e tij te aferm", sulmoi kryeministrin, zyrtari i larte socialist. Ai tha se Berisha deshtoi duke i kthyer shpinen shqiptareve dhe tani eshte momenti qe shqiptaret t'i kthejne shpinen Berishes dhe politikes se vjeter qe ai perfaqeson. "Ky eshte ndryshimi mes Sali Berishes dhe Edi Rames. Berisha vendos interesin e femijeve te tij perpara interesit te shqiptareve, ndersa Rama kujdeset qe Shqiperia te jete e gjithe shqiptareve", tha kandidati per deputetet ne qarkun e Tiranes. Ne fund te fjales se tij, Besnik Baraj, theksoi se me 28 qershor shqiptaret do te zgjedhin Edi ramin, per te sjelle ne Shqiperi ndryshimin dhe shpresen per nje te ardhme me te mire.
koha jone

Mbrapsht nė krye Shko poshtė

avatar

Mesazh prej Tue Jun 02, 2009 2:11 pm nga ILIRI

Mediat e huaja, jehone celjes se tunelit
Perurimi i tunelit te Kalimashit nga kryeministri i vendit Sali Berisha dhe ai i Kosoves, Hashim Thaci ka sjelle pasqyrimin e kesaj ngjarje ne agjencite e lajmeve me prestigjioze ne bote. Keshtu agjencia e lajmeve nderkombetare me qender ne SHBA, The Associated Press ka publikuar nje shkrim te gjate ne lidhje me ceremonine madheshtore te organizuar ne Kalimash. Sipas kesaj agjencie, kryeministri Berisha dhe homologu i tij kosovar, Hashim Thaci peruruan te paren autostrade e cila lidh dy vendet pas dy dekadash komunizmi. "Ky takim eshte pare si nje hap me para drejt forcimit te marredhenieve mes shqiptareve etnik ne te dy anet e kufirit"-theksohet ne shkrimin e AP. Me pas ne te pershkruhet atmosfera e Kalimashit gjate pritjes se dy kryeministrave, duke u ndalur ne dekorin e krijuar nga flamujt shqiptare dhe ata kosovar. Me pas agjencia prestigjioze e lajmeve citon kryeministrin Berisha gjate fjales se tij. Ne shkrim theksohet edhe fakti qe rruga kushton 391 milion Euro dhe po ndertohet nga nje firme Amerikano-Turke. "Kjo rruge pritet te forcoj marredheniet ekonomike mes dy vendeve", - konkludon agjencia ne shkrimin e saj. Ne shkrim theksohet fakti se kjo rruge pritet te fuqizoje ekonomikisht edhe veriun e Shqiperise, duke qene nje zone e cila per shkak te infrastruktures nuk ka pas zhvillim te madh. Nga ana tjeter The Associated Press nxjerr ne dukje faktin se gjate 50 viteve te komunizmit Kosova dhe Shqiperia kane pas kontakte te pakta me njera tjetren dhe kane vuajtur si pasoje e regjimeve te egra komuniste.

Agjencia e lajmeve AP qe eshte cituar deri ne Tajvan News online dhe e sheh hapjen e tunelit qe lejon ndertimin e nje rruge te shpejte qe do te shkoje ne Kosove, 20 vjet pas rrezimit te komunizmit, si nje hap qe do te afroje me shume shqiptaret ne te dy anet e kufirit.

Rrjeti i mirenjohur televiziv amerikan, CNBC, si dhe ai Euronews, do te citonin Kryeministrin Berisha kur i emocionuar tha se "sot ne kemi vendosur se nuk ka me male, nuk ka me pengesa, nuk ka me asgje qe shpirterisht ose fizikisht te ndaloje kete komb" duke u thelluar me pas ne analizen e perfitimeve qe do te sjelle kjo rruge si ne rritjen e madhe te fluksit te turizmit drejt brigjeve shqiptare qe do te arrihen ne vetem 4 ore.

Edhe agjencia prestigjioze e biznesit BusinessWeek do te shprehej duke vecuar fjalet e Kryeministrit te Kosoves, Thaci se me kete tunel Shqiperia dhe Kosova, Tirana dhe Prishtina jane me prane se kurre dhe do te qendrojne keshtu pergjithmone.

Agjencia IntelliNews me lajme nga 16 vende te Evropes Qendrore dhe Lindore, me 10 vjet eksperience, ka pasqyruar ngjarjen qe pritet te jape efekte ekonomike te fuqishme ne zhvillimin e rajonit.

Rrjetet televizive BBC, Deutsche Welle dhe Zeri i Amerikes i dhene gjithashtu peshen qendrore ne edicionet e tyre ngjarjes se Kalimashit.

Zeri i Amerikes e prezantoi ngjarjen me simboliken e takimit te dy kryeministrave ne mesin e tunelit te Kalimashit, pas rrezimit edhe te pengeses se fundit qe shenoi bashkimin e te dy aneve te tij. Kryeministri Sali Berisha hipi vete dhe drejtoi makinerine e rende qe cau murin ndares te mbetur. Delegacioni nga Kosova priste ne anen tjeter.

Mbi domethenien e perfundimit te punimeve ne njerin prej dy objekteve me te veshtire te autostrades qe do te lidhe Shqiperine me Kosoven, BBC ka vecuar deklarimin e kryeministrit Berisha qe tha se rruga qe permes tunelit te Kalimashit do te zgjatet me tej drejt Kosoves, 'bashkon kombin' dhe 'integron pervec shqiptareve dhe maqedonasit, serbet, bullgaret dhe gjithe rajonin e Ballkanit".

Kanali i lajmeve (Nachrichten CH.) ne Gjermani e ka komentuar festimin e "Republikes se Shqiperise" dhe te "Kosoves se qeverisur nga shqiptaret" per lidhjen e pare me autostrade si "nje hap tjeter drejt afrimit".

Agjencia "Rinashita Balkanica" ka njoftuar gjithashtu hapjen e tunelit pas nje sere njoftimesh ne radhe per ecurine e punimeve ne 800 metra thellesi te malit.

Lidhja me e shpejte mes Shqiperise dhe Kosoves eshte bere e ditur dhe ne citimin e Agjencise Gjermane te lajmeve SDA e cila ka vecuar deklarimin se "vendet jane ndare nga historia dhe padrejtesia".

Perurimi i kryeministrit Berisha dhe Thaci ka gjetur pasqyrim nga agjencia e lajmeve DPA te cilat komentojne se lidhjet politike dhe ekonomike mes dy vendeve pritet te intensifikohen tani.

Radio B92 e Beogradit me burime te agjencise se lajmeve Beta duke cituar dhe mediat shqiptare, e ka pasqyruar me vemendje takimin simbolik ne mes te tunelit qe shpreh lidhjen e kombit te ndare. Ngjarja e madhe per shqiptaret kudo qe jane sjell ne ato qe citon B92 shprese dhe integrim.

Gazetat shqiptare kane pasqyruar gjithashtu ne vend qendror perurimin e dites se diel, ku nje mur simbolik i shembur nga ekskavatori ne te cilin ishte kryeministri Berisha, celi nje nga galerite e tunelit me te gjate te rruges qe do te shkurtoje distancat me Kosoven.

Gjithashtu kjo ngjarje e madhe per kombin shqiptar eshte paraqitur gjeresisht edhe ne SHBA permes The Boston Globe, The Herald. Sun, Cleveland online, Sun Nees, etj., si dhe ne agjencine turke te lajmeve World Bulletin.
koha jone

Mbrapsht nė krye Shko poshtė

avatar

Mesazh prej Tue Jun 02, 2009 4:33 pm nga lidabica

Ju vret syte socialisteve kjo rruge ,domosdo,pasi eshte rruga e bashkimit te KOMBIT,rruga e perparimit te KOMBIT,rruga drejt EUROPES per KOMBIN tone cheers
Po prandaj nuk kemi ecur perpara ne,kemi mbajt gjarperin ne gji.Vetem helm dhe vetem helm nxjerrin nga goja....babababa...te tmerrshem Evil or Very Mad

Po mire le t'i bien qemanes sa te duan se nuk i degjon njeri me.
SHQIPERIA DREJT PERPARIMIT DHE ZHVILLIMIT TE MADH cheers cheers cheers

Mbrapsht nė krye Shko poshtė

avatar

Mesazh prej Tue Jun 02, 2009 4:58 pm nga ADMIN

I erdhi koha edhe popullit shqiptar qe te dalin drita edhe ne fund te tunelit ,gezuar o popull sovran gezuar bashkimin

Mbrapsht nė krye Shko poshtė

avatar

Mesazh prej Wed Jun 03, 2009 12:52 pm nga dini

More asnje socialist nė fest edhepse kishte nga Europa e Amerika!
Pak shqiptarizem ka te ata kame thene shumė here dhe kjo eshte leht
me dėshmuar.Me Braqe,Anastasa,Kristaqa,Haxhinasta,Marka,Xhinusha nuk bėhet shteti.

Mbrapsht nė krye Shko poshtė

avatar

Mesazh prej Wed Jun 03, 2009 3:49 pm nga lidabica

Me Braqe,Anastasa,Kristaqa,Haxhinasta,Marka,Xhinusha nuk bėhet shteti.
Shume e sakte kjo,dini.

Mbrapsht nė krye Shko poshtė

Mesazh  nga Sponsored content

Mbrapsht nė krye Shko poshtė

Shiko temėn e mėparshme Shiko temėn pasuese Mbrapsht nė krye


 
Drejtat e ktij Forumit:
Ju nuk mund ti pėrgjigjeni temave tė kėtij forumi