Bridgend, qyteti i misterit, ku të rinjtë vdesin duke u vetëvrarë

Admin Anëtarësuar : 06 Dec 2007 Mesazhe : 1793

Bridgend, qyteti i misterit, ku të rinjtë vdesin duke u vetëvrarë
Policia mohon një lidhje të mundshme mes episodeve të ndryshme. Ata pohojnë se është një mekanizëm

Bridgend, qyteti me 40 mijë banorë, nuk ndryshon shumë nga vendet e tjera të Uellsit. Pak diell, shumë shi, duket sikur koha nuk kalon kurrë. Emri i tij nuk përmendej edhe aq deri ditën e tmerrshme të 27 janarit 2007. Që nga ajo kohë, kur në këtë qytet vdiq djali i parë, emri Bridgend simbolizon një të keqe të madhe, madje dikush e pagëzoi me emrin "Death Town", qyteti i të vdekurve.

Në 18 muaj, 22 djem e vajza, me moshë përkatësisht nga 15 deri në 27 vjeç, kanë vdekur njëri pas tjetrit të varur me një litar të zi, çështje kjo e prekur vetëm nga mediat dhe jo nga familjarët e viktimave. Sipas hetimeve të bëra, autoritetet vendase kanë zbuluar se shumë prej viktimave njiheshin me njëri-tjetrin. Ata kishin në kontakt përmes internetit, si Bebo apo Facebook. Ndaj, në momentin e parë, shumë persona, përfshi edhe policinë, besuan se pas gjithë kësaj fshihet diçka.

"Thuhet se të gjithë ata që kanë vdekur kishin lënë takim me njëri-tjetrin. Të gjithë së bashku kishin bërë një pakt sekret përmes internetit", ndoshta në kërkim të një masakre të famshme. Por kur u bënë krahasimet, njerëzit filluan t‘u drejtoheshin gazetave, pasi mund të ishte sajuar gjithçka dhe të kishin krijuar një fenomen emulacioni. Ngjarja shokuese, titulluar "vrasjet e Bridgend", është publikuar edhe në internet. Sot, autoritetet vendase dhe familjet e viktimave kërkojnë që të mos flitet më për këtë histori. "Nuk fshihet asgjë pas kësaj. Na lini të qetë në dhimbjen dhe komunitetin tonë".

Numri i djemve dhe vajzave që kanë vdekur është aq i madh, saqë edhe gazetat nuk dinë më ta përcaktojnë. Disa thonë 21, disa të tjerë 22. Shifrat janë falsifikuar nga rindërtimi i fenomenit. Për shembull, shumë njerëz nuk e kanë llogaritur djaloshin Anthony Martin, 19 vjeç, i vetmi që nuk ishte as shok e as i afërm me viktimat e tjera. Anthony vdiq duke u vetëvarur në dhomën e tij të gjumit, në prill të 2007-ës. Totali mund të nxirret duke llogaritur gjithë banorët e komunës.

Një tjetër viktimë që i është shtuar listës së gjatë është edhe Carwyn Jones, baristi 28-vjeçar, i cili jetonte në Bettws. 28-vjeçarin e gjetën të varur në një pemë, të hënën e kaluar. E njëjta gjë i kishte ndodhur edhe shokut të tij, Neil Owen, 26 vjeç, i cili kishte pasur të njëjtin fund para pak ditësh. Djemtë ishin rritur së bashku në të njëjtën lagje me Sean Rees, 19 vjeç, i cili vdiq tetë javë më parë.

Për çështjen në fjalë u ngrit edhe një komision, i cili u përpoq të vërtetonte nëse mediat kishin abuzuar, por përfundimi ishte negativ, madje shokues. Kërkohej patjetër të mësohej se duke ndjekur një lajm që nuk ekzistonte, mos ndoshta ishte krijuar një fenomen, që deri në fund të shekullit XIX është njohur si "Efect Werther", duke iu referuar romanit të Gëtes, që është shoqëruar me një numër shumë të madh vetëvrasjesh të të rinjve në Evropë.

Më 1844-ën, Amariah Brigham, themeluesi i rivistës "American Journal of Insanity", shkruante: "Që vetëvrasjet po e rrisin numrin e viktimave çdo ditë, kjo është evidente. Si masë parandalimi, u sugjerojmë mediave të mos i publikojnë detajet e këtyre ndodhive. Është vërtetuar edhe shkencërisht, që shpesh vetëvrasja kryhet edhe për efekt imitimi. Një paragraf i shkurtër në gazetë mund t‘ua sugjerojë gjestin në fjalë miliona personave".

Duket se gjithë gazetarëve që u ka rastisur të kalojnë nga ato anë u bëhet e njëjta pyetje: Ç‘kërkoni ende këtu?

Dihet se në qytetet e vogla njerëzit e njohin njëri-tjetrin. Të paktën pjesa më e madhe e të rinjve frekuenton internetin. Përqindja e vrasjeve të të rinjve të Uellsit është shumë më e lartë se mesatarja e Mbretërisë së Bashkuar. Ndërsa në Bridgend, një komunë e vogël, që si gjithë të tjerat e përjetoi mbylljen e minierave në vitet ‘80 si një dramë kolektive, numri vdekjeve është edhe më i lartë se mesatarja e Uellsit: 43 në 100 mijë çdo vit.

Gjithsesi, përgjigjja e kësaj tragjedie është e frikshme. Ja ç‘pëshpërit një 17-vjeçare, e cila nuk duket shumë e trazuar nga fjalët e saj: "Sipas meje, të gjithë djemtë e vajzat që kanë vrarë veten, kanë bërë mirë, sepse në këtë vend nuk ke çfarë të bësh".
Shqip

anetaret me aktiv Anëtarësuar : 28 Dec 2007 Mesazhe : 58

Po ne Shqiperi qe akoma nuk ka hy interneti ne menyre masive, pse po e varin veten çdo dite. Shocked