Edukimi seksual

na eksitove

Ku qendron ndryshimi midis dshurise dhe seksit?

Ke bo noiher seks vllai? Po tkesh bo nuk e ke problem ta dish nryshimin.
Dashuria osht poezi.
Seksi osht shkarkim hormonesh.

Mos deshe te thuash qe, dashuria eshte prekje me zemer, seksi eshte prekje me dore.......

Dashuria pa seks, seksi pa dashuri, jan si shpia pa çati!

Kshtu i bie tjemi tgjith t'pastreh!

E ke per beqaret apo per ato qe jan te martu?

Te martumit jon te merdhif fare.

Jo te "pastreh", te merdhif.

Tironc gjetja jote eshte shume e sakte, pa ate poezine.

Ja eksperiencat që duhet të kalosh para martesës
Nëse një ditë vendos të martohesh, konsultohu atëherë me këtë listë gjërash argëtuese, të çmendura dhe absurde që duhet të provosh përpara se të marrësh rrugën për në altar.
1- Dil vetëm nga dëshira për t'u argëtuar
Duhet ta pranosh se je tashmë e ndërgjegjshme se një burrë nuk paraqet gjithmonë cilësitë e duhura për t'u bërë i fejuari yt, nuk të telefonon kur thotë se do ta bëjë këtë vetëm se ai interesohet vetëm për veten e tij dhe nuk të kushton vëmendjen që ti meriton. Por megjithatë ky është një tip që të kënaq herë pas here sepse është tepër i shkathët kështu që mundohu ta shfrytëzosh duke mbajtur parasysh faktorin kënaqësi personale.
2- Jeto vetëm
Nëse nuk do që trajektorja e jetës tënde të jetë vetëm ajo që shkon nga shtëpia e prindërve të tu tek shtëpia e të fejuarit apo bashkëshortit tënd me një ndalesë në konviktet e kolegjit apo universitetit, mundohu të jetosh një eksperiencë të të jetuarit tërësisht e pavarur. Autonomia totale do të thotë të shijosh tërësisht jetën në shoqërinë tënde, aftësia për të kryer dhe përmbushur të gjitha detyrat vetjake. "Më pëlqente tej mase të jetoja vetëm, kujton Suzana, një gazetare 34- vjeçare, mund t'i kushtosh një mbasdite të tërë ritualeve të bukurisë ose të gatuash tërë kohës. Të jetosh vetëm do të thotë të piqesh sa më shumë, nëse dikush tjetër paguan faturat për ty ose kryen punët e shtëpisë për ty, kjo nuk të mëson kurrë të marrësh përgjegjësitë e jetës tënde".
3- Kapërce frikën e të rënit në dashuri kokë e këmbë
Të gjitha kemi frikë kur bëhet fjalë për të krijuar marrëdhënie sentimentale. "I fejuari im më mashtronte dhe që nga ky rast e kam të vështirë të krijoj besim tek burrat", kujton Laura 32- vjeçare. Nga kjo të duket se pas unazës së martesës, vellos dhe gjithë ceremonisë edhe ty mund të të ndodhë e njëjta gjë. Pavarësisht nga kjo çlirohu nga frika jote dhe mbështetu në arsye më të forta për t'u lidhur me një burrë.
4- Besoji xhepave të tu
Do të jetë fëmijërore të mendosh se kur të martohesh do të jetosh në kurriz të burrit tënd apo se prindërit e tu do të vazhdojnë të të ndihmojnë ekonomikisht. As mos e ço nëpër mend që të shmangësh përgjegjësitë e tua ekonomike. E mira do të jetë të kursesh dhe një pjesë të detyrimeve mujore t'i përmbushësh vetë. Një marrëdhënie nuk duhet të ketë asnjë kufizim apo kusht të çfarëdo lloji, bile as edhe ekonomik. A nuk është e rëndë ta pyesësh bashkëshortin tënd se si shkoni nga ana financiare.
5- Ji spontane
Mos ki frikë të jesh e ndryshme nga dita në ditë, merr pjesë në konkurse që mendon se do t'ia dalësh mbanë, shijoje lirinë që ke për momentin dhe mos ia vër veshin shpesh mikeshave të tua. Nëse jeta jote paramartesore është një rutinë e vërtetë, kështu ka rrezik të vazhdojë edhe në bashkëjetesë dhe më pastaj. Nuk rrezikon asgjë të provosh diçka që s'e ke provuar, si mund të thuash për japrakët me gjethe rrushi që nuk të pëlqejnë nëse nuk i ke provuar kurrë.
6- Hiq dorë nga një punë që nuk të pëlqen
"Ndihesh në siklet në punën tënde? Nëse nuk beson në të, është e pamundur që t'i dedikohesh asaj me entuziazëm. Por mos shpreso që të largohesh nga puna jote, siç bëjnë shumë vajza të tjera duke shpresuar se do të takosh një djalë dhe pastaj do të japësh dorëheqje. "Unë kisha dy preokupacione: nuk më pëlqente puna ime (isha shitëse) dhe nuk kisha të fejuar"- shpjegon Alma, 29 vjeç.
Por nuk e kuptoja pse më ishte krijuar ideja se po të ndërroja punë do të gjeja edhe të fejuar. Mendoja se puna që nuk më pëlqente më pengonte të gjeja edhe lumturinë në dashuri." Krejt e gabuar. Në vend që të ndërrosh punën për të gjetur një të fejuar, më mirë gjej një punë që e ke pasion. Dashuria nuk duhet të shndërrohet as në një barrierë mbrojtëse as një arenë ku ty të të jepet mundësia të luftosh.
7- Gjej miq të rinj
Por ama të mos jenë brenda rrethit tënd shoqëror të zakonshëm, si për shembull miq të shkollës, të punës apo të rrethit familjar… Fito më shumë liri, dil zbulo eksperienca të reja dhe njihu me njerëz të rinj. Kështu dil me mikeshën tënde që njohe në supermarket apo me djaloshin simpatik dhe interesant që njohe në një ekspozitë apo panair. Nëse e kalon tërë kohën me të njëjtët njerëz dhe në të njëjtat vende, asnjëherë nuk do të zbulosh aftësitë dhe kufizimet e tua.
8- Bëhu mikja më e mirë e vetvetes
Mendon se je robinë e klishesë "arri idealen" dhe se kjo nuk të jep mundësi të shfrytëzosh jetën tënde deri në fund? Mendohu mirë. Sillu në mënyrën më të mirë që e mendon dhe që të pëlqen për të gjetur burrin e ëndrrave të tua.
Dërgo lule dhe ha darkë nën dritën e qiriut ose lejoi vetes një seancë çlodhëse në një institut bukurie. Përdore këtë etapë të jetës tënde për të zbuluar se çfarë të argëton, shijo veten me dhurata që i ke merituar plotësisht dhe para së gjithash mëso të marrësh dhe të dhurosh sa më shumë dashuri. Ç'të kushton të pranosh një tufë me lule kur mendon se pas kësaj do të kesh përkrah për gjithë jetën një burrë të mrekullueshëm.
9- Bëj blerje të rëndësishme
Një kolltuk të rehatshëm, një pardesy praktike, një udhëtim. Nëse zotëron mjetet e duhura, bëj blerjet e duhura, mendohu se gratë e martuara nuk mund t'i lejojnë vetes gjithçka edhe pse mund të fitojnë para në mënyrë të mjaftueshme. "Im shoq administron paratë tona, - tregon Aida 33- vjeçare, dhe kur guxoj t'i kërkoj ndonjë gjë duhet ta bisedoj me të paraprakisht dhe t'i marr atij aprovimin. Kur më shkrepte përpara diçka në kokë për ta blerë e blija dhe kaq, kjo nuk ndodh më tani".
10- Mëso për jetën në çift që të pret
"Unë u martova me të parin dhe të vetmin djalë që njoha, tregon Ilva 27-vjeçare, dhe nuk kisha asnjë ide për jetën seksuale, sepse nuk kisha pasur marrëdhënie me askënd përpara"Prandaj në situata të tilla shija që provon kur zbulon këtë veprim si dhe veprimi vetë shpesh janë zhgënjyes. Jo vetëm sepse zbulimi mund të duket më joshës se sa rezultatet e veprimit që mundtë zhgënjejnë në një masë tepër të madhe.
11- Mbrohu nga padrejtësitë
Të mos kesh një burrë në jetën tënde nuk do të thotë të mos kërkosh dhe të mbrosh të drejtat e tua dhe të lejosh që padrejtësi të caktuara të bëhen në kurrizin tënd, si për shembull të mos kesh të drejtë të kërkosh një tavolinë të mirë në restorant ose të kërkosh të zësh një vend të privilegjuar social. "Më përpara me shumë vështirësi e kuptoja përse duhet të këmbëngulja në kërkimin e një të drejte, thotë Meri 27-vjeçare, stiliste, por tani jam tepër e vetëdijshme sepse nuk mund të lesh askënd të të marrë nëpër këmbë dhe se duhet të mësosh të mbrosh të drejtat e tua etëm, me hir ose pahir".
12- Mëso të gatuash
Po pate këtë aftësi do të dish si tua fitosh zemrën miqve të tu. Kjo është tepër pozitive edhe në marrëdhëniet me burrin tënd të ardhshëm. Kjo nën kupton që duhet ta kalosh nivelin e omëletës dhe makaronave dhe të kalosh në gjëra më të komplikuara si të tavat me te mbushura dhe mishrat me garniturë. Mund të konsultohesh me një libër kuzhine se si të përgatisësh gjellërat për të përmirësuar teknikën tënde të gatimit. Kënaqësia jote kur të të vlerësojnë se je as në kuzhinë do të jetë tepër më e madhe se kënaqësia që vetë pjatat ofrojnë.
13- Mëso të duash trupin tënd
"Nuk e keni idenë se sa kohë kaloja me fiksimin se kisha shtuar në peshë, thotë Irisi 28-vjeçare, përpara se të martohesha. Pas kësaj fillova të pranoja ndryshimet ne bustin tim dhe rëndësi kishte që ky i pëlqente burrit tim". Duhet të të mbushet mendja se bukuria e vërtetë qëndron brenda teje dhe tek fakti se sa e dashuron një burrë dhe që pamja e jashtme mbase të kalojë edhe në plan të dytë. Por është më e vështirë kur je vetëm dhe I vetmi burim informimi në këtë fushë mbetet pasqyra. E vetmja zgjidhje është të mësosh të duash trupin tënd dhe kur ke mundësi të punosh ta ndryshosh atë pa kaluar në teprime që shpesh çojnë në degradim.
14- Shko me pushime me mikeshat e tua
Telefono mikeshat e tua më të mira, mbush makinën me karburant ose prenoto biletën e avionit, vër disa bluza pambuku, jeans dhe disa të brendshme në një çante dhe nisu " Një nga gjërat e lezetshme të të qenit beqare është liria për të shkuar ku të teket pa u preokupuar për asgjë, thotë Mimoza 29-vjeçare, Motra ime më e madhe është e martuar dhe shoh se i kushton qimet e kokës që të udhëtojë. Ndërsa unë mund të kaloj gjithë Evropën sepse nuk kam preokupime familjare dhe as një burrë me të cilin duhet të më përputhen shijet.
15- Por ata çfarë mendojnë?
Për pjesën më të madhe të burrave mosha ideale për t'u martuar është 32 vjeç. 72 për qind janë për klasiken dhe preferojnë të bëjnë propozimin për martesë duke i rënë në gjunjë të dashurës së tyre. 85 për qind e të martuarve mendojnë dhe shpresojnë ta kalojnë jetën së bashku me bashkëshorten e tyre deri në vdekje.
[/size]

Vallai bilai fort i mençem. Po si tja bojm se nuk shkojn pun si i dum ne, se do ishte kallaj fort.

Bisedojmë për seksin...
Kur vjen puna për të folur, të gjithë, dinë gjithçka për seksin. Dhe janë ta paduruar për të treguart eksperienca, për të ndarë një “normalitet”, në të gjithë kemi lindur nga seksi, me ose pa dashurib dhe kështu që jemi energji, pulsim dhe vitalitet.

Shekulli
Kur vjen puna për të folur, të gjithë, dinë gjithçka për seksin. Dhe janë ta paduruar për të treguart eksperienca, për të ndarë një “normalitet”, në të gjithë kemi lindur nga seksi, me ose pa dashurib dhe kështu që jemi energji, pulsim dhe vitalitet.
Por mbi seksin flitet shumë sot dhe praktikohet rrallë e më rrallë si dashuri, energji e pastër e afrisë mes dy trupave: çiftet në krizë largohen seksualisht, burrat dhe gratë tradhëtojnë me histori, që ata thonë se janë thjesht seks, por a ja vlen të quhen histori vetëm për seks? Nuk e kam kuptuar kurrë, u pyes juve, ndoshta mund të ekzistojë mes dy qenieve aq shumë pasion, për të cilin jemi të sigurt që është vetëm seks?
Dhe nuk flasim për ndjenja...ato janë të vështira për tu gjetur, pasi çdokush është i përhumbur në kënaqësi personale dhe kjo na ndodh shpesh dhe kur jemi në krevat.
Kështu përhapen mite false, të cilat duke bërë xhiron e botës. Bëhen në këtë mënyrë të vërteta absolute. Kështu, në shkrimin që vijon do të tregojmë disa mite të gabuara, të përhapura shpesh nga meshkujt, për shkak të ndryshimit të tyre biologjik, i njohin shumë pak gratë dhe mendojnë se ato funksionojnë ekzaktësisht si ata. Këto bindje të rrënjosura në tru, mund të sjellin konfuzion tek partnerja, duke e bërë të ndihet e papërshtatshme. Dhe për shkak të ndryshimeve anatomike, meshkujt dhe femrat eksperimentojnë seksin në mënyra të ndryshme dhe për arsye psikologjike i japin seksit një vlerë krejt të ndrshme nga njëri- tjetri.
Gruaja, sipas miteve që kanë krijuar meshujt është ajo që “pret”, mashkulli jep, pra pse meshkujt mendojnë se dy individë kaq të ndryshëm mund të jetojnë të njëjtat gjëra, me të njëjtat ndjenja?
Disa mite false:
Seksi i mirë është vetëm për njerëzit nën 30 vjeç: Në realitet limiti është shumë i konsiderueshëm mbi këtë moshë. Dhe persona 80 vjeçarëkanë pulsione seksuale, dhe pse, siç mund të kuptohet, mund të kenë probleme fiziologjike, të cilat nuk u lejojnë të kenë një raport komplet. Të ndihesh shumë i plakur në seks, është një justifikim për të mbuluar probleme të tjera. Kështuqë me apo pa “viagër” provoni, seksi është një lojë, dhe ju duhet të luani, apo mendoni se kënaqësia e seksit nuk mund të jetë e plotë nëse nuk arrihet në ejakulim?
Gratë normale arrijnë një orgazëm çdo herë që kryejnë marrëdhënie seksuale: vetëm tre në dhjetë gra mund të arrijnë orgazmën me lëvizjet e klitorit, për të tjerat është i paevitueshëm stimulimi klitoridial. Gratë në fakt nuk e dinë shum ë mirë se çfarë është ajo që u jep atyre kënaqësi, pasi shumë nga ato nuk e eksplorojnë trupin e tyre, masturbimi është më shumë i praktikuar nga burrat. Gratë shpesh e jetojnë ende si një tabu.
Shtatzania dhe lindja ulin kërkesën seksuale: kërkesa seksuale qëndron e pandryshuar. Kjo është një nga gënjshtrat e bukura e përdorura nga gratë, të cilat dëshironin nga burri vetëm kënaqësinë të bëheshin prindër, donin të ngeleshin shtatzëna nga akti seksual, sepse nëse nuk ke një shtatzani me rrezik dhe me komplikime, nuk është e vërtetë që gjatë shtatzanisë nuk mund të bëhet seks.
Gratë “për së mbari”nuk eksitohen me materiale erotike: materiali erotik nuk është eksitues nëse gruaja është e mësuar me këto lloj materialesh, për këtë fakt, ai merr një rëndësi funksionale në terapinë seksuale. Materilate erotike nuk i blejnë vetëm burrat, por gruaja ama di të dallojë mirë fantazitë erotike nga realiteti, burri kur eksitohet ka tendencën ti ngatërrojë dhe ndonjëherë pretendon gjëra absurde nga shoqja e tij, pra kërkon që ajo të sillet si në një film erotik.
Nëse një grua nuk arrin shpejt të ketë një orgazëm nuk është normale: gratë, ndryshe nga burrat, duan më shumë kohë për të arritur orgazëm. Për ato, veç faktorët fizikë, janë shumë të rëndësishëm dhe faktorët e afrimitetit, përfshirja emotive në një lidhje. Prandaj mos harroni meshkuj të dashur, të jeni xhentilë, të dini të mbani gjallë pasionin e gruas, sepse vetëm kështu në të vëretë ajo do të vazhdojë të jetë e dëshirueshme dhe të ndihet e dëshiruar.
Nuk duhet të jetë gruaja ajo që duhet të marrë iniciativën seksuale: iniciativa seksuale mund të merret si nga gruaja, ashtu dhe nga burri. Ky është një iluzion klasik i mashkullit, që të paktën në shtrat do të komandojë gjithnjë ai, po ku është shkruar kjo? Mjaft me hipokrizi, iniciativa seksuale mund të jetë dhe nga një palë të brendshme seksi, pra mund të jenë dhe ato që krijojnë atmosferë.
Kontraceptivët janë një përgjegjësi e gruas: të dy partnerët duhet të shqetësohen për kontraceprivët. Sot, e vetmja mënyrë për të mos marrë sëmundje seksualisht të trasmetueshme është të përdorësh prezervatit (pra është detyrë e mashkullit). Nuk mjafton ti besojmë një pilule për tu mbrojtur nga sëmundjet duhet më shumë.
Pra, dashuroni, por pa rreziqe... dhe mjaft me gënjeshtra.
Jemi lindur nga një akt seksual, me apo pa dashuri, jemi energji, jo vetëm shpirtërisht, por edhe fizikisht...

Shkruan: Muhamed Jusufi - Kajolli


Seksualiteti nëpër gjenerata

Njeriu, nëse nuk është mirë informuar, ai do të vazhdojë të hulumtojë deri në gjetjen e kënaqësive. Sipas myslimanëve ato nuk mund të arrihen në këtë botë, ngase jeta është e shkurtër. Ato do t’i arrijnë në jetën e përjetshme. Sipas krishterëve ato kënaqësi nuk ekzistojnë fare në amshim, ndërsa laikët perëndimorë duke mos e njohur të vërtetën e jetës tjetër, ndjenjat dhe kënaqësitë e tyre i shfaqën në pikturua, skulpturua e romane. Me këto vepra vetëkënaqeshin ose vetëkënaqen edhe sot me “përjetësinë” e tyre.

Përdorimi i termit seks, ndër shqiptarë konsiderohej turp i madh. Kush pretendonte të mësonte dikë, quhej i pa cipë. Gjenerata e vjetër nuk ia përcillte përvojën gjeneratës së re në mënyrë profesionale, dhe kështu mungonte një edukatë e mirëfilltë për shoqërinë tonë. S’do mend se mungesa e kësaj edukate është përcjellë me shumë pasoja dhe probleme. Mendoj se një ndër problemet më madhore që kemi trashëguar ose po përjeton gjenerata tanishme është hipokrizia. Më herët, derisa jetoja në vendin tonë nuk e kisha të qartë shkaktarin e kësaj hipokrizie. Kisha menduar se kështu duhet të edukohet i ri-u-ja shqiptar/e. Ndërsa kur shkova në studime në Egjipt, kuptova se rinia e tyre ishte shumë më e avancuar se ne, në këtë fushë. Ata, kishin dituri të trashëguar dhe ishin shumë transparent.

Lumturia dhe kënaqësia

E shoh të udhës para se të futem të shpjegoj shkakun dhe shkaktarët e temës së sipër shënuar do të duhet të shpjegoj kuptimin e dy termeve: lumturi dhe kënaqësi.

Lumturia vjen si pasojë e kënaqësisë shpirtërore. Këtë kënaqësi ose lumturi njeriu e përjeton me anë të shikimit të ndonjë peizazhi, atmosfere në shtëpi etj. Kënaqësia shpirtërore mund të përjetohet edhe me anë të dëgjuarit të ndonjë zëri muzikal ose vetë instrumentet muzikore me ëmbëlsi të veçantë etj. Sipas islamit, njeriu, pos kënaqësive të lejuara që i përjeton në këtë botë ai kënaqësinë shpirtërore absolute, do ta arrijë në Xhenet, atëherë kur do të dëgjojë dhe të shohë duke interpretuar psalmet e Dautit a.s., Inxhilin e Isaut, Kur’anin e Muhamedit s.a.v.s. dhe krejt në fund kur do të dëgjojë dhe shohim All-llahun e Lartëmadhëruar duke na cituar suren al-Rahman. Kjo kënaqësi ose lumturi është e rezervuar për meritorët.

Ndërsa termi kënaqësi, dallon nga lumturia sepse kjo është e prekshme. Ajo vjen si pasojë e ndjenjës së shijimit të ndonjë elementi ose qenie tjetër. Njeriu ndien kënaqësinë kur shijon pemë, gjellë të mirë etj. Gjithashtu kur ndien kënaqësinë edhe gjatë seksit veçanërisht kur përjeton orgazmën etj.


Vetëm islami na mëson saktë, se këto përjetime meritorët do t’i përjetojnë në xhenet. Shpallja hyjnore e fundit (Kur’ani) ia dha një peizazh të qartë njerëzimit, mënyrën se si duhet të veprojë në këtë botë, pastaj ç’do të bëhet me të, në jetën e varrit dhe së fundi jetën e amshimit[1]. Njeriu, vetëm këtu do t’i zgjidh të gjitha dilemat që i ka. Ne myslimanët e Ballkanit para se ta pranonim islamin ishim të krishter. Secili popull kur pranon idetë, bashkë me to i ndërron edhe praktikat. Ndërrimi i praktikave është një proces shumë më i ngadalshëm se sa ndërrimi i ideve. Popujt kthesat i marrin shumë ngadalë, prandaj ne shqiptarëve mysliman na kanë ngelur shumë praktika nga e kaluara jonë krishtere. Duke mos dashur të thellohem në praktikat që na kanë ngelur ndër ne, do të ndalem tek edukata seksuale.

Edukata seksuale

Fillimisht do të filloj me krishtenizmin, ngase ishim të tillë dhe e braktisëm. Kalimi masiv i etërve tanë në islam ishte rezultat i ardhjes së turqve në Ballkan. Të parët tanë e pranuan islamin, jo se dinin shumë për të, por për faktin se feja krishtere ishte tepër e dogmatizuar. Në këtë kohë, pikërisht kur turqit po përhapnin fenë e tyre, në brendi të Evropës filloi me të madhe ideja e humanizmit dhe renesancës. Assesi nuk është e pranueshme të thuhet se shqiptarët islamin e pranuan me dhunë.

Meqë jemi tek tema për seksualitetin themi se edukata krishtere ishte shumë e cekët në këtë fushë. Për të vërtetuar këtë sjellim si shembull shumë të thjeshtë. Asnjë libër krishter këtë shqetësim njerëzor nuk e shtjellon, thjesht nuk ekziston ndër krishterë këso libri. Ndërsa islami libra të tillë autoriale në gjuhën arabe dhe perse ka me dhjetëra[2]. Fatkeqësisht që shqiptarët në një far mënyre kanë qenë të privuar të shkruajnë rreth fesë prej kohës kur është themeluar alfabeti i gjuhës shqipe. Së pari ishim të sulmuar në shfarosje kombëtare, pastaj me komunizmin e shqiptarëve është tentuar ç’islamizimi jonë. Tani së fundi kur shqiptarët filluan të frymojnë pak më lirshëm, për një pesëmbëdhjetëvjeçar janë botuar me qindra tituj fetarë, ndër këta libra kemi edhe një libër prej 300 faqesh që flet për seksualitetin në islam. Me siguri është vlerësuar se ky libër është i domosdoshëm dhe është përkthyes në vitet e “hershme” të publicistikës islame ndër ne. Do t’i sygjeroj të gjithë shqiptarët që këtë libër ta blejnë dhe ta mësojnë të tashmen e kësaj bote, dhe të ardhmen rreth kësaj teme.

Krishterët me theks të veçantë thërrasin vetëm në lumturinë. Ndërsa kënaqësitë sipas tyre të kësaj botë janë shkaktarët kryesor që njerëzimi do ta humbë botës tjetër. Ata nuk i njohin kënaqësitë e botës tjetër, sepse për ta, ato nuk ekzistojnë. Mosnjohja ose predikimet e gabuara të dërgojnë në dogamtizimin e shumë fushave të shoqërisë, prandaj tek ta dëgjojmë ftesat e parreshtura për lumturinë e amshueshme.

Në shkrimet biblike (hebraike) thuhet: “ Në jetën e ardhshme nuk do të ketë ushqim, pije, lindje, tregti, nuk do të ketë xhelozi, as urrejtje dhe gara, ndërsa të drejtët do të rijnë me diadema në kokë dhe do të kënaqen në dritën e pranisë së Zotit”. Diçka është premtuar, e ajo diçka, është fshehur prej nesh...

Vetëm Krishti posedon jetë pas vdekjes. Një nga fazat më të bukura që e njoh në Inxhil është kur Krishti, pas Darkës së fundit, i drejtohet apostujve të vet të cilët janë të pikëlluar, ngase e dinë se do të vdesë, dhe kur u thotë: “Po shkoj ta përgatis vendin për ju” dhe pastaj: “E pastaj do të vij sërish të jemi së bashku...” Të gjitha përgjigjet tona kur është fjala për jetën pas vdekjes janë këtu: Krishti posedon, ndërsa prej nesh e kërkon vetëm një gjë, t’i sjellim gjithçka që ka të bëjë me botën misterioze, e cila në realitet nuk
është më misterioze, ngase ajo botë është vetë Ai. Nuk ekziston asgjë tjetër që do të mund të thuhet mbi jetën pas varrit, pos se do të ngjajë më ringjalljen e Krishtit. Fjala e fundit në krishtenizëm, nëse fare mund të thuhet ashtu, fundi i fundit nuk është asgjë tjetër pos pikëpyetjeve.[3],[4]

Me sa kuptojmë nga pikëpamja krishtere, p.sh. nuk mund të merret me mend që produkti i trupit i cili është burim i mëkatit origjinal, mund t’ia servojë vendin vetes në jetën pas varrit. Shpëtimi njeriut arrihet me heqje dorë nga seksualiteti, roli i të cilit është tepër tokësor.

Nga ana tjetër, në islam ekziston diçka esenciale tek Erosi. Ademi dhe Hava kanë bërë mëkat, mirëpo, pasi kërkuan falje dhe u penduan për mëkatin e tyre, ata e kanë paguar, që prej momentit kur janë larguar nga xhenneti. Të jetuarit, jetën e sprovave në rruzullin tokësor, është rezultat i atij mëkati. Mbase dikush mund ta quajë edhe poshtërim për qenien njerëzore sepse nuk e mbajti premtimin e dhënë. Ekzistenca tokësore, me të gjitha sprovat dhe vuajtjet, është tepër e mjaftueshme të thuhet se ishte poshtëruar. Megjithatë i Lartësuari nuk e braktisi njeriun, por i ndihmoi që ta gjejë lumturinë e vetë. Atij i dërgoi të dërguar e Libra të Shenjtë. Prandaj kjo ndjenjë e përgjegjësisë të cilën e ndien njeriu, duhet ta dëshmojë. Veprat e tij gjatë jetës së ndershme dëshmojnë se në esencë është njeri i mirë, dhe kështu e fiton amshimin ose Xhenetin .

Besëlidhja e Re- ja se si i drejtohet shën Pali Koronitianëve: “ Nuk është për njeriun ta prekë femrën. Mirëpo për shkak të sprovës kundër lapërdharisë, çdo njeri do të duhej të ketë gruan e vet dhe çdo grua burrin e vet”.
Ndërsa galantanëve ju thotë: “ Ju them, jetoni sipas Shpirtit, dhe me siguri nuk do t’u dorëzoheni nevojave të trupit. Ngase trupi jeton kundër Shpirtit, ndërsa Shpirti jeton kundër trupit, këto të dyja kundërshtohen ndërmjet tyre, kështu që mos bëni çka do të dëshironi... Janë të njohura veprat e trupit: lapërdharia, papastërtia, zvetënimi, idhujtaria, magjia, armiqësia, grindja, xhelozia, zemërimi, përçarja, egoizmi, zilia, dehja, shfrenimi, dhe vepra të ngjashme për të cilat po u paralajmëroj, siç u kam paralajmëruar më herët, ndërsa ata që kryejnë vepra të tilla do të janë banorë të Mbretërisë Hyjnore... Ata i përkasin Jezu Krishtit në kryq i ngulitën trupat e tyre me pasione dhe epshe. Nëse kemi jetë sipas Shpirtit, e ndjekim Shpirtin.[5]

Tridhjetë vitet e fundit jemi dëshmitar të shqyrtimeve të gjëra lidhur me këto qëndrime brenda kishave krishtere... Otto Piper sygjeron revizionin e egzegezave biblike në drejtim të afrimit të tyre të dukshëm kah qëndrimet Kur’anore.[6]

Krishterët mendojnë se jeta në botën tjetër është vetëm lumturi shpirtërore dhe janë të përjashtuar nga seksi dhe shumë kënaqësi të tjera, ndërsa informacionet që i janë dhënë myslimanëve, bota tjetër është vendi ku meritorët do të përjetojnë orgazmën të pafund, lumturinë dhe kënaqësitë e pafundme.[7]

Seksi është adhurim

Prindërit të cilët kanë edukatë fetare islame, nuk janë të qetë deri atëherë kur biri ose bija e tyre ta ketë zgjedhur pjesën tjetër të trupit të tyre. Ata e dinë fare mirë se seksi i kësaj bote është vetëm parashija e kënaqësive me përmasa shumë më të mëdha që do t’i përjetojë njeriu në Xhenet. Prandaj ruajtja e moralit dhe privimi i vazhdueshëm ndaj shfrenimeve është kusht i përfitimit të atyre kënaqësive në amshim. Përderisa poligamia në Islam është e lejuar, myslimani e ka shumë më të lehtë të mos mëkatojë seksualisht.

Sipas islamit, secili mysliman dhe myslimane është përgjegjës për trupin e vet. Mashkulli pa femrën është hiç gjë, po ashtu vlen edhe për femrën. Mashkulli nuk mund të riprodhojë trashëgimtar pa femrën, dhe anasjelltas. Seksi ligjor është akt fetar, ai barazohet me namazin, zekatin, agjërimin sepse është vepër e pëlqyer nga All-llahu. Nga të dy gjinitë kërkohet që ky akt të fillohet me Bismilah (Emër të Zotit) dhe secila punë e cila fillohet me bismilah ka shpërblimin e vet.

Një herë e kanë pyetur Muhamedin s.a.v.s. si është e mundur që marrëdhënia seksuale të konsiderohet lutje? Ai u përgjigj (sipas kuptimit të hadithit): a nuk dënohet njeriu sikur të bëjë marrëdhënie të jashtëligjshme (Kurvëri), i thanë: po. Iu tha: atëherë e kundërta e saj është shpërblim. Kurorizimi (niqahi), aktit seksual ia jep formën e ligjshme dhe e fisnikëron atë duke e qetësuar personin dhe familjen psiqikisht.

Kur’ani dhe hadithet e Muhammedit s.a.v.s.na tregojnë se edhe në Xhenet njerëzimi do të jetojë sikur edhe në këtë botë, por atje nuk do të ketë lodhje. Ai do të ushqehet atë që ia ka ëndja, por nuk do të ketë nxjerrje të tepricës (pra nuk do të ketë prapanicë). Ai do të ketë atje gruan e vet të kësaj bote nëse edhe ajo e ka merituar xhenetin. Atje ka edhe Hyri (bukuroshe të cilat gjithmonë janë të virgjëra). Këto dhe shumë gjëra të tjera që na tregohen për botën tjetër na lë të kuptojmë se njeriu është krijuar për të shijuar lumturinë dhe kënaqësitë, e jo vetëm lumturitë pa kënaqësitë.

Seksi në perendim

Propaganda krishtere morri jehonë dhe u përhap atëherë kur perandoria romake e njohu si fe zyrtare, këtë e pranoi vetëm atëherë kur bëri zëvendësime drastike në të. Por me kalimin e kohës po këta popuj filluan ta braktisin këtë ideologji fetare për shkak të mos funksionimit të shumë praktikave dhe përshtatjeve njerëzore. Një prej faktorëve shumë të mëdhenj të braktisjes së kësaj ideologjie ishte mos shpjegimi i plotë dhe i saktë për seksologjinë. Përderisa seksi është tokësorë, atëherë si mundet që njeriu të privohet prej tij, ose si mund të konsiderohet akt i ndyrë. Ky lloj shpjegimi pati jehonë vetëm për aq shekuj sa perandoria bizantine ishte e fuqishme. Kur myslimanët u shfaqën me civilizimin e tyre, me një shpejtësi marramendëse ngadhënjyen në art, dhe shkencë. Shumë popuj përqafuan atë. Ndërsa mbi dy superfuqitë e kohës ndodhi dekadenca. Kultura perse kapitulloi përfundimisht, ndërsa të krishterët u spostuan në brendi të Evropës. Pastaj si rezultat i shumë pyetjeve që lindën në ato kohëra, kisha e dogmatizuar shpalli gjendjen e jashtëzakonshme duke gjykuar sipas parimeve kishtare (inkuizicioni).

Popujt evropian nuk vonuan shumë dhe ngadhënjyen me idetë e tyre të reja kundër bashkombëtarëve të tyre të krishterë. Alternativa tyre ishte më e pranueshme, dhe rrugëtimi tyre ishte i shpejtë dhe i sigurt. Vetë evropianët, e kanë pranuar, se humanizmin dhe renesancën e ngritëm mbi themelet shkencore të myslimanëve, por pa e futur fenë si domosdoshmëri njerëzore. Arti dhe kultura u zhvesh plotësisht sepse laicizmi ishte mbrojtja kryesore e tyre. Në kohën kur në Ballkan islami i mbështetur nga turqit ishte në ngritje, në perëndim ngriteshin gjithashtu veprat e Davinçit, Mikelanxhelos dhe të tjerëve. Piktura, skulptura dhe zbulimet tjera shkencore s’kishin të ndalur.

Popujt evropian nuk ishin aspak në kundërshtim me myslimanët. Anglezët dhe francezët marrëdhëniet më të mira i kishin me turqit. Zemërimi tyre i thellë ishte në kishën e “tyre”, kështu edhe herezive më të mëdha, kisha katolike, më nuk kishte mundësi t’ju kundërvinte. Meqë jemi tek seksualiteti vërejmë se atristët evropian ishin në kërkim të kënaqësive të pafundme.
Seksualiteti ishte dhe mbetet preokupim i të gjithëve, por perëndimorët këtë e prezantuan në veprat e tyre me anë të artit. Meqenëse ata Zotin e kishin zbritur në tokë, ata filluan t’i “zbukuronin” sheshet e qyteteve të tyre me figura lakuriqe. Skulptura shfaqte ndjenjat e “kënaqësive”, ndërsa ata po hulumtonin për përjetësinë.

Për ta bota tjetër nuk ekzistonte, prandaj nuk dinin se ç’është frikërespekti ndaj Krijuesit.
Njeriu, nëse nuk është mirë informuar, ai do të vazhdojë të hulumtojë deri në gjetjen e kënaqësive. Sipas myslimanëve ato nuk mund të arrihen në këtë botë, ngase jeta është e shkurtër. Ato do t’i arrijnë në jetën e përjetshme. Sipas krishterëve ato kënaqësi nuk ekzistojnë fare në amshim, ndërsa laikët perëndimorë duke mos e njohur të vërtetën e jetës tjetër, ndjenjat dhe kënaqësitë e tyre i shfaqën në pikturua, skulpturua e romane. Me këto vepra vetëkënaqeshin ose vetëkënaqen edhe sot me “përjetësinë” e tyre.

Tani në kohën tonë në formë është kinematografia, ajo është mjeti më hulumtues i këtyre pasioneve. Jemi të mbuluar me seriale filmike, filma erotike dhe pornografike. Jemi dëshmitarë të kohës, se ky hulumtim i pa kontrolluar, tani i ka stërkaluar të gjitha kufijtë. Shoqëritë në Evropë kanë arritur në atë shkallë, sa, disa prej shteteve në perëndim me ligj e lejuan seksin dhe martesën midis dy gjinive të njëjta.

Historia na ka treguar përfundimin e civilizimeve të më hershme. Kemi mësuar se edhe ata para nesh i kanë përjetuar këto kriza. Kur njeriu, ose popujt i tejkalojnë kufijtë të parapara sipas Krijuesit, fillon degradimi atij njeriu (populli) ose shkatërrimi tij i shpejtë. Zhdukja e atyre popujve ishte dhe mbeten të pa shpjegueshme për logjikën njerëzore, por për besimtarët që ndjekin të vërtetën janë më se të qarta. Kur’ani na ka treguar shumë qartë, pse, dhe si u zhdukën disa popuj, ndërsa sa i përket popullit të Sodonit (ose populli Lutit a.s.) shkaktari i zhdukjes totale ishte marrëdhënia masive midis homoseksualeve. Po për këtë të njëjtin shkak, ishte zhdukur edhe Pompei.

Koha ideale per seksin


Ai e ka majen e erotizmit eshte kur eshte ftohte, me mire ne oret e para te pasdrekes. Kurse ajo kur eshte ngrohte, e preferueshme eshte mbremja. Ceshtje te psikikes? Jo, te motit

Muzgu eshte ora seksualisht me stimuluese per gruan, mengjesi dhe oret e para te pasdites per burrin. Por eshte edhe koha e duhur per te tradhtuar: ai pelqen temperaturat e ulta dimerore, ajo, ato te ngrohta verore.

Kete thote meteo-biologjia, qe guxon te studioje raportin mes fenomeneve atmosferike dhe qenieve te gjalla. E kishte ditur me intuite edhe Hipokrati ne shekullin IV perpara Krishtit, qe dielli, shiu, lageshtira dhe era kane ndikim mbi dhimbjen e kokes, dhimbjet reumatizmale, infarketet dhe humorin; por kurre nuk mund ta kishte imagjinuar se mund te ndikonin edhe mbi parashikimet erotike, deshiren, memesine. Madje edhe mbi seksin e atyre qe do te lindin. Sic e shpjegojne ata qe merren me parashikimin e motit: vapa duket se demton spermatozoidet qe permbajne kromozonin femeror Y. Pra ne baze te meteo-biologjise, ata qe duan te kene nje femije mashkull, duhet te presin pranveren, me mire akoma veren. Por per ata qe jane ne nxitim te arrijne objektivin e shtatezanise me sa me pak tentativa dhe qe nuk e kane problem seksin e atij qe do te linde, muajt me te mire (sic e deshmojne disa studime) jane shkurti dhe nentori, ku temperatura nuk i kalon 15 gradet, temperature kjo ne te cilen spermatozoidet jane me te gjalle dhe aktive, dhe e fekondojne vezen me me shume lehtesi.

Po per grate, sa duhet te shenoje termometri? Per to nuk ekziston nje temperature ideale, si per burrat. Megjithate disa eksperimente te bera ne laborator mbi kavie te vogla kane treguar se jane ulje - zbritjet e shpeshta te temperatures ato qe demtojne pjellshmerine femerore. Por jo epshin: ishin pikerisht kafshet e ekspozuara ndaj ndryshimeve te temperatures ato me qejfliet.

Klima e deshirave

Seksologet jane te mendimit se nese i ftohti ndihmon per t'u bere prinder, krijon edhe ndonje problem ne epshin femeror. Diskutimi lidhet me hormonet e seksualitetit, qe ne periudhen dimerore tek grate duket sikur jane ne letargji, duke e ngadalesuar deshiren. Zgjimi behet ne pranvere, kohe kur lulezojne tradhtite. Eshte pikerisht kjo periudha kur femrat rigjejne deshiren. Pikerisht kur natyra lulezon, gruaja hapet drejt mjedisit, rikuperon raportin me kenaqesine dhe ndjen deshirat erotike. Deri kur mberrin i ftohti i pare dhe letargjia e re e deshires seksuale. Nje cikel qe perseritet ne te njejten forme si dhe stinet.

Nate e dite

Po pse faktoret atmosferike ndikojne kaq shume ne jeten tone intime? Duke e thjeshtezuar, mund te themi qe organizmi yne eshte i mbuluar me mbaresa nervore qe sherbejne pikerisht per te kapur cdo ndryshim te vogel, edhe atmosferik, qe e percojne ne tru, ne menyre te vecante ne hipotalamus. Eshte ai qe pastaj reagon duke i dhene urdhra te gjithe trupit. Dhe perderisa burrat dhe grate kane hormone te ndryshme, edhe reagimet seksuale jane te ndryshme. Keshtu te besh bashke meshkujt dhe femrat ne te kete fushe duket e veshtire: cdokush ka stinen e tij te preferuar. Edhe tek oraret nuk ka sintoni. Tek mashkulli eksitimi e regjistron pikun ne oret e para te pasdites dhe menjehere pasi zgjohet. Eshte normale qe ne keto ore te kete nje ereksion spontan, per shkak te prodhimit me tepri te hormoneve. Ndersa tek femrat ndodh e kunderta, deshira eshte ne piken e saj me te larte kur drita e diellit fillon te bjere. Por mund te thuhet qe kjo ka te beje edhe me nje aspekt psikologjik: nata sjell misterin, shtratin e ngrohte. Ndoshta edhe Henen.

Muaji me fat

Hena, ylli femeror ka nje ndikim te forte ne trupin e grave. Eshte i habitshem perkimi mes kohezgjatjes se ciklit menstrual (28 dite) dhe levizjes periodike te Henes rreth Tokes (28 dite). Nje studim gjerman ka vene re se menstruacionet e nje perqindjeje te madhe grash korespondojne me Henen e plote ose te re.

Dakort me keto, por si t'ia bejme me mungesen e sintonise stinore mes meshkujve dhe femrave: a ka nje kohe te kenaqesise? Sipas meteobiologjise eshte pikerisht ky muaj, marsi: temperaturat jane ende te pelqyeshme per shijet mashkullore. Ndersa grate po fillojne te dalin nga letargjia.