Ilda e “Big Brother” në internet me foto lesbike

anetaret me aktiv Anëtarësuar : 13 Dec 2007 Mesazhe : 156

Ilda e “Big Brother” në internet me foto lesbike

Ka hyrë në lojën e “Big Brother”, si një personazh anonim. Megjithatë duke hyrë aty e dinte, që nuk mund të mbetej gjatë e tillë. Ilda, një prej dy vajzave që javën e kaluar iu shtuan banorëve të shtëpisë së “Big brother” duket, se ka tërhequr menjëherë vëmendjen e forumeve të ndryshme në internet, e vetvetiu edhe të mediave. Vajza nga Tropoja, e cila ka jetuar për shumë vite në Shtetet e Bashkuara të Amerikës, natyrisht, që ka të shkuarën e saj. Një të shkuar pak të njohur dhe që ndoshta pakujt i kishte interesuar deri në këto momente. Por tashmë, që Ilda ka hyrë në shtëpinë e “Big brother”, duket se gjithçka që lidhej me jetën e saj të dikurshme, ka nisur të shfaqë interes. Dhe jo vetëm kaq. Të gjithë ata, që më parë e kanë njohur bukuroshen tropojane, nuk kanë ngurruar të postojnë në internet foto apo informacione të ndryshme rreth saj. U ndalëm tek Ilda, sepse ajo shfaqet momentalisht, si një personazh interesant dhe me të shkuar po kaq interesante. Duke iu referuar faqes së saj personale në www.myspace.com, tashmë në adresa të ndryshme në internet qarkullojnë disa foto të nxehta të Ildës, që në fakt më shumë se sa për natyrën dhe karakterin e saj flasin për shijet e saj seksuale. Në njërën prej fotove ajo shfaqet në shtrat me dy vajza të tjera, ndërsa janë duke tymosur nga një cigare, ndërsa një imazh tjetër e ka fokusuar atë, ndërsa puth në buzë një vajzë tjetër. Dhe natyrisht kaq ka mjaftuar, që të njohurit, fansat dhe ata që e ndjekin përmes ekranit në shtëpinë e “Big brother” të diskutojnë rreth këtij argumenti. A mund të jetë Ilda lesbike? Duket se për këtë pikë organizatorët e “Big brother” nuk janë aspak të interesuar. Përpara se ta pranonin vajzën si banore të shtëpisë ata janë njohur edhe me profilin e saj në myspace e natyrisht edhe me fotot në fjalë. Megjithatë burime brenda tyre shprehen, se nuk kanë dijeni për preferencat e saj seksuale. Sa për foton e krevatit, aty thuhet se Ilda është me një shoqen e saj. Nga ana tjetër në internet qarkullojnë foto të Ildës edhe me djem. Madje në njërën prej tyre gjendet një diçiturë interesante, e shkruar nga vetë ajo në gjuhën angleze. “My eyes were his and his mine, but now that’s all left behind”. (Sytë e mi ishin të tijët dhe sytë e tij ishin të mitë, por tashmë gjithçka e kemi lënë pas). Mjaftojnë këto fjalë për të kuptuar se mes Ildës dhe djalit të fotografisë ka pasur diçka më tepër, se sa një lidhje e thjeshtë miqësie, por që me sa duket ka marrë fund. Nga ana tjetër në këtë javë të parë brenda shtëpisë, Ilda nuk ka pasur më imazhin e vajzës së ndrojtur me të cilin u prezantua në fillim. Përkundrazi këtë radhë ka marrë rolin e femrës koketë, që përpiqet të joshë gjithë meshkujt e shtëpisë. Mos ndoshta është kjo një strategji e saj për të arritur deri tek çmimi?! Nuk i dihet. Vetë organizatorët e programit, të pyetur rreth kësaj ideje nuk e pohojnë, por as nuk e mohojnë atë, gjë që në të vërtetë nuk iu përket atyre. “Nuk i dimë strategjitë që përdorin konkurrentët. Ndoshta Ilda është koshiente për bukurinë, që ka dhe kërkon ta përdorë”, shprehet njëri prej tyre. Nuk dimë nëse vërtet Ilda ka zgjedhur një strategji të tillë dhe për më tepër të shohim nëse ajo do të funksionojë.

<BLOCKQUOTE>A mund të jetë Ilda lesbike? Duket se për këtë pikë organizatorët e “Big brother” nuk janë aspak të interesuar. Përpara se ta pranonin vajzën si banore të shtëpisë ata janë njohur edhe me profilin e saj në myspace e natyrisht edhe me fotot në fjalë. Megjithatë burime brenda tyre shprehen, se nuk kanë dijeni për preferencat e saj seksuale.</BLOCKQUOTE>

Admin Anëtarësuar : 06 Dec 2007 Mesazhe : 1804

Shqiperia eshte shum e vogel per te jetuar me stilin amerikan.

Anëtarësuar : 18 Jan 2008 Mesazhe : 36

"Kur katunari bohet qytetar, behet qytetar me shum se vet qytetari".

anetaret me aktiv Anëtarësuar : 12 Dec 2007 Mesazhe : 93

Ilda: E vërteta e fotove lesbike
Panorama PLUS

“Aha, ju jeni të Panoramës, ju që më nxorët në foto sikur jam lesbike”, - na drejtohet Ilda sapo ne i telefonojmë dhe i kërkojmë disa prononcime për gazetën. Dhe atëherë kur ne mendojmë se ajo do hezitojë të përgjigjet, në fakt gabohemi pasi Ilda me shumë thjeshtësi dhe dashamirësi i përgjigjet pyetjeve tona për të cilat padyshim ka kuriozitet lexuesi, sidomos ata fansa të spektaklit të famshëm “Big Brother”. Kujtojmë që Ilda edhe pse ndenji shumë pak në shtëpi, arriti të tërheqë vëmendjen me pamjen dhe performacën e saj. Grindja me Mardiolën i kushtoi humbjen e lojës. Por padyshim Ilda nuk është nga ato tipa që mund të kalojë në harresë. Madje për të ka gjithmonë kuriozitet.
Përshëndetje Ilda, si po e kalon tani që u bënë gati dy javë jashtë shtëpisë së “Big Brother”?
Shumë mirë. Tani po jetoj në Tiranë dhe kam mundësi të rri me miqtë që kam këtu.
Atëherë ke vendosur të jetosh këtu dhe të mos largohesh më për në Amerikë?
Nuk e kam vendosur akoma por mendoj se më duhet të shkoj. Nëse vendos që të mos rri për të jetuar, më duhet të paktën të mbaroj shkollën. Unë kam ndërruar disa herë degë dhe tani e kam vendosur përfundimisht që të vazhdoj për shkenca politike mirëpo mendoj se është mirë që atë shkollë ta bëj andej pasi shkollat në Amerikë janë tjetër nivel.
Pra mund të bëhesh politikane nesër?
Unë di që kurrë nuk duhet thënë kurrë, por nuk e besoj sepse nuk më pëlqen. Më shumë më tërheq diplomacia dhe mendoj se nesër do bëhem diplomate.
Tani kalojmë tek pyetja që i kuriozon të gjithë, ç’ne ti me ato foto duke u puthur në buzë me vajza?
Në fakt ato foto janë pjesë e albumit tim të cilat unë vetë i kam hedhur në internet. Edhe pse në Shqipëri ka mentalitet shumë paragjykues, mund t’ju them se nuk jam lesbike. Ato janë foto artistike. Në foton që unë jam duke puthur në buzë një vajzë, ajo është një modele por shqiptare, ndërsa të tjerat janë shoqet e mia. Për pak kohë unë kam studiuar për gazetari dhe fotografi dhe në atë kohë unë eksperimentoja shumë me fotot. Por iu siguroj se vetëm këtu ato foto mund të komentohen si lesbike pasi jashtë shihen si diçka shumë normale.
Ti u mërzite kur dole nga shtëpia e “Big Brother” dhe more vesh për publikimin e këtyre fotove?
Jo, pasi unë nuk i marr asnjëherë seriozisht këto gjëra duke patur parasysh mentalitetin këtu. Thjesht mendova për prindërit dhe njerëzit e mi, doja që ata të mos mërziteshin.
Në fakt si kanë reaguar njerëzit për këto foto?
Ç’të të them, shumë veta e kanë marrë seriozisht dhe në fakt nga njëra anë më keni prishur punë, pasi tani kanë filluar të më ngacmojnë edhe femrat. Por unë jam e vendosur në shijet dhe preferencat e mia drejt meshkujve.
Prandaj puthe gjithë ata djem në pub të shtunën e kaluar (përfshirë edhe Visin) që të na bindje që nuk je lesbike?
Jo, jo, puthjet me djemtë në pub ishin thjesht për gallatë. Visin e kam shumë shok asgjë më shumë.
Armand Peza një nga regjisorët e njohur dhe i ftuar fiks tek spektakli “Big Brother” të ka komentuar si “Olsi versioni femër” ku nënkuptohet se ti kishe hyrë aty për të gjuajtur meshkujt. Në fakt ashtu dukej, ishte një strategji e jotja apo thjesht ajo është një sjellje normale për ty?
Mandi ka mendimin e vet dhe kjo pak më intereson, por e vërteta është se unë nuk e konsideroj veten si Olsi femër në atë shtëpi, as ndonjë strategji nuk kam përdorur. Unë jam natyrë e dashur dhe përderisa kisha hyrë aty për të jetuar me ata njerëz, normalisht që do afrohesha me ta. Pastaj duke qenë e re në atë shtëpi, mua mu sulën çunat.
Një nga banorët e “Big Brother” që ka dalë jashtë tregon se ti ke tentuar t’i futesh Polit në dush, por ai nuk ka dashur. A është e vërtetë?
Nuk e mbaj mend ta kem bërë por di të them se në atë shtëpi ka shumë dyshe që kanë bërë dush bashkë.
Mendon se do të kesh një karrierë në televizion, mbas kësaj eksperience?
Unë ua kam shprehur dëshirën drejtuesve të “Top Channel” që do të më pëlqente të bëja karrierë në televizion, mbase si prezantuese. Nuk di të them diçka konkrete tani. Do presim.

Ina: “Nëse do rrija në shtëpi do isha lidhur me Polin”

U bënë dy javë, që ajo ka dalë nga shtëpia e “Big brother” megjithatë vazhdon të jetë po aq interesante për mediat. Jo vetëm për marrëdhëniet, që ka ndërtuar me banorët që tashmë janë shtëpisë, por veçanërisht edhe për lidhjen e saj me Polin, banorin, që vazhdon të mbetet në shtëpi. E kemi fjalën për Inën, që tani ka hequr bishtalecat dhe në kokë mban një kapele sportive. E gjejmë zakonisht tek “La voglia”, ku mblidhet shpesh me mikeshat e saj, një prej të cilave është edhe Lusi, ish e dashura e Olsit. Ndërsa ende nuk është kthyer në punë, duket se Ina ka rigjetur normalitetin e jetës, që kishte përpara se të hynte në shtëpi. Me ndryshimin, që tashmë njerëzit kthejnë kokën dhe reagojnë kur e shohin në rrugë.
Sa je rikthyer në normalitetin e jetës, pas daljes nga shtëpia?
Vështirësia e vetme ka qenë në rregullimin e orareve të gjumit. Nga ana tjetër për ditët e mia brenda shtëpisë kam marrë kompensimin më të mirë, që ishte reagimi pozitiv dhe vlerësues i njerëzve kur më shohin në rrugë.
Si mbeten marrëdhëniet me banorët e tjerë, tashmë pas daljes nga shtëpia?
Kam marrëdhënie shumë të mira me Visin dhe Junën me të cilët dalim çdo fundjavë. E sigurisht miqtë e mi mbeten Poli dhe Visi.
Po me Ildën?
Debatet me Ildën i lashë brenda në shtëpi. Ne nuk kemi asgjë të përbashkët për të qenë shoqe ose mikesha jashtë shtëpisë.
Tani, që jeni të dyja jashtë, keni folur rreth Polit?
Kemi qenë në një drekë të organizuar nga “Big brother” para disa ditësh të gjithë banorët, që kemi dalë nga shtëpia. Ildës i thashë se gjithçka mbeti atje dhe nuk do t’i kthehem sërish.
Të merr malli për Polin?
E thashë edhe atë ditë, që do të më marrë malli. E ndiej mungesën e tij. Mes meje dhe Polit kishte një feeling, që nëse do të rrija më gjatë në shtëpi do të kalonte në dashuri.
A ndikoi Ilda në largimin mes teje dhe Polit?
Ilda kishte hyrë aty me një strategji për të më zënë vendin tek Poli dhe Visi, por ishte shumë e vogël për të goditur diçka të madhe. Jashtë Ilda është askushi, ndërsa sjellja e saj në shtëpi ndikoi negativisht tek të gjithë banorët.
Po në marrëdhënien tënde me Visin, ka pasur diçka më shumë se sa shokë?
Visi është një mik shumë i mirë, të cilin e dua shumë, por vetëm kaq.
Po nëse të themi, që Visi ka një foto në të cilën është duke u puthur në buzë me Ildën, do të vinte keq?
Jo, secili ka jetën e vet.
Për Inën mësojmë, që momentalisht nuk ka lidhje, por ka pasur një lidhje me një person publik. Mund ta dimë emrin e tij?
Është i parëndësishëm për mua. Kur diçka mbaron nuk ka asnjë vlerë të përmendet.
Familja jote e ka miratuar qëndrimin tënd në shtëpi?
Ata janë krenarë për sjelljen time, vetëm se janë ndjerë keq kur më shihnin të qaja.