Mariah Carey mund të ndahet pas gjashtë muajsh

Piratët e muzikës, moda e fundit në Britaninë e Madhe

Ndonëse në vendin tonë mund të jetë diçka normale dhe e adaptuar tashmë nga të gjithë, për britanikët cilësohet si një problem më vete muzika e “vjedhur” nga interneti. Hulumtimet kanë treguar se 96% e të rinjve britanikë të moshës nga 14 deri në 24 vjeç shkarkojnë muzikë nga interneti, nga të cilët 63% në mënyrë ilegale, dhe nuk përben aspak një problem morali apo dyshimi. Sipas hulumtimit të Universitetit “Hertfordshire”, ajo çfarë është pozitive, është se të rinjtë e duan muzikën më shumë se gjeneratat e vjetra, pa llogaritur problemin që kanë ngritur. Muzika që preferojnë është e marrë me anë të huazimit ose kopjimit. Rreth 90% e të anketuarve kanë pasur MP3-player të tyre, në të cilin kanë pasur mesatarisht 1770 këngë, prej të cilave gjysma janë marrë në mënyrë ilegale. 58% e tyre e kanë kopjuar muzikën nga disqet e miqve të tyre, ndërsa 95% e tyre e kanë pasuruar arkivin muzikor nga burime të paemërtuara. Për sa i takon download-it, 63% e shfrytëzojnë internetin për të marrë muzikë nga ndonjë rrjet P2P. Madje, 80% e shfrytëzuesve të P2P-së, janë të interesuar për shkëmbim ilegal të këngëve dhe janë të gatshëm të paguajnë për ta. Por, CD-të nga ana tjetër nuk kanë “vdekur”. Ata sërish ruajnë rëndësinë e tyre dhe një vlerë të pazëvendësueshme. Megjithëse vazhdimisht po rritet mundësia e parapëlqimit të muzikës pa pagesë, sërish rreth 60% e të rinjve britanikë vazhdojnë të blejnë CD. Të anketuarit mesatarisht shkarkojnë rreth 53 këngë në muaj, por ka edhe prej tyre që dinë të shkarkojnë deri në 5 mijë këngë.