Soni Malaj:Bosi amerikan në ndjekje të këngëtares

Bleonës i hiqet patenta

Eshtë ndaluar dy ditë më parë për mos zbatim të rregullave të qarkullimit rrugor dhe për pasojë asaj i është hequr patenta. Këngëtarja Bleona Qereti, e cila ndodhet këto ditë në Tiranë është ndaluar në unazë mbi kryqëzimin “Vasil Shanto” nga policia për thyerje të rregullave dhe më pas është ndëshkuar me heqje të patentës.
Këngëtares së suksesshme tashmë i duhet të dalë para komisionit për të rifituar sërish patentën. Për fatin e saj të mirë, ajo jeton më shumë jashtë Shqipërisë, dhe gëzon edhe një patentë amerikane.
Burimi: Gazeta Shqiptare

“Kledi ka qenë ai, që ka sulmuar italianët”

Ngjarja e disa ditëve më parë, ku balerini shqiptar Kledi Kadiu sulmohej nga disa djem italianë ka zënë dje sërish faqet e shtypit Italian. Tek Gazeta “Corriere” Luciano Regolo në rubrikën e tij “Novella” tregon se nuk ka qenë Kledi që është sulmuar nga italianët, por ka qenë ai që i ka sulmuar ata.
Regolo i bazon argumentet dhe faktet e tij në dëshminë e një personi të ndodhur aty. Sipas tij Kledi kishte një konflikt me një nga ortakët e shkollës ku po jepte mësim. Një prej djemve filmonte Kledin ndërsa jepte mësim, gjë që e ka irrituar shqiptarin. Dhe sipas tij ka qenë ky shkaku, që balerini shqiptar është nxehur dhe ka qenë ky që i ka provokuar të rinjtë.
Regolo kështu hedh një tezë që bie tërësisht ndesh me atë çfarë ka treguar balerini ynë. Se cili është versioni i saktë ende lihet të dyshohet…
Burimi: Gazeta Shqiptare

GENTA ISMAILI rikthehet me klipin “Intoxicated”

Në fund të vitit 2007, Genta ka publikuar një prej këngëve të saj më të reja, pikërisht atë me titull “Sa Ilaçe”, por duket se ajo vjen sërish me një surprizë tjetër, këtë herë me këngën “Intoxicated”, e cila vjen në dy versione, një në gjuhën shqip edhe një tjetër në atë angleze dhe pritet që shumë shpejt, ajo të shfaqet në ekran me një videoklip tejet dinamik.
Ndërkohë që përveç këngës “Intoxicated”, ajo është duke përgatitur edhe katër këngë të tjera, të cilat do të jenë totalisht në gjuhën angleze dhe i janë dedikuar tregut amerikan.
Pak kohë më parë u përfol për një kontratë të mundshme mes këngëtares dhe një shtëpie të njohur diskografike, por duket se Genta nuk ka dhënë asnjë detaj deri në publikimin e tyre, ndërkohë që kënga “Sa Ilaçe”, që edhe u kritikua si një vidoeklip i vjedhur po shfaqet me sukses në ekranin e “MTV Adria”.
Burimi: Gazeta Panorama

Banoret e mbyllin me kenge ne CHARDONNAY (9 Fotografi)


Ndoshta kjo do te jete dhe hera e fundit qe do ti shohim te gjithe bashke ish-banoret e shtepise se Big Bother! Ka qene pikerisht nata pas spektaklit permbylles qe i ka mbledhur edhe nje here protagonistet e ketij reallity-show ne Chardonnay karaoke.
Te gjithe se bashku jane defryer me kenge e valle deri ne oret e para te mengjesit te se shtunes! Per Polin dhe Arberin qe nuk kishin asistuar ndonjehere ne festen me muzike shqiptare menduan banoret e tjere te cilet i perfshine shume shpejt brenda atmosferes.
Te gjithe ish konkurrentet ruanin ende te fresket kujtimin e eksperiences qe fituan ne BB dhe here pas here e shprehnin gjate interpretimit te tyre me kenge.

Çiljeta dhe Ingridi, boks në Dhërmi

Më në fund kanë përfunduar xhirimet e klipit aq të përfolur “Puçi, puçi”, këngëtaret Ingrid Gjoni dhe Çiljeta Xhilaga. Sapo janë kthyer nga xhirimet në Dhërmi, të vieoklipit me regji të Inis Gjonit, dhe pas pak ditësh pritet ta lançojnë për publikun.
Një ring i improvizuar në bregdetin e Dhërmiut, ku dy vajzat zihen për një djalë, është menduar si gjetje nga vetë këngëtaret, të cilat për momentin janë mike shumë të ngushta. Sipas fabulës së këngës, ato dashurojnë të njëjtin djalë, por që ai njëherë përkëdhel njërën, e pastaj tjetrën.
Në fund ato i vënë shkelmin të dyja. Klipi me muzikë të Flori Mumajesit, ka shumë ritëm veror, me të cilin ato do kenë mundësi të prezantohen sërish bashkë në koncerte të ndryshme. Po përse kjo miqësi mes tyre? Mesa duket i lidhin bashkëpunimet, duetet në këngë, koncertet e përbashkëta. Daljen në skenë të dyja, ato e kanë parë të sukseshëm, gjë që ka bërë ta thellojnë miqësinë si shoqe për kokë.
Burimi: Gazeta Panorama

Arian Çani, pedagog “Talk show” në UET

Arian Çani, prezantuesi prej 5 vite i emisionit më të ndjekur “Zonë e lirë”, tani i ka hyrë dhe jetës akademike. Pak orë në javë, ai shkëputet nga ritmi i punës së përditshme për përgatitjen e emisionit të së Premtes në “Vizion Plus”, për t’u takuar me studentët e tij.
Arsyeja? Sepse i duhet të shkojë fiks në orar, në auditoret e Universitetit Europian të Tiranës, për të dhënë ca orë praktikë për studentët e vitit të parë Gazetari. Lënda emërtohet “Talk show”, një gjini për të cilën ai ka shumë për t’u thënë studentëve.
Për vetë faktin se me emisionin “Zonë e Lirë”, ai theu të gjitha rregullat e një “Talk show” të zakonshëm, sipas motos së tij “Gjithçka në ekran”.
Burimi: Gazeta Panorama

POLI: Ish e dashura më kërkon shpjegime pse e braktisa

Ka pak ditë që ka dalë nga shtëpia e “Big Brother” i klasifikuar i pesti sipas votave të publikut. Poli është një djalë që rrezaton paqe me veten dhe të tjerët, por i pëlqen të bëjë edhe shumë humor. Jashtë ai ka gjetur krahas miqve të vjetër edhe miqtë e tij të rinj, me të cilët u lidh në shtëpinë e “Big Brother”, si dhe është ndodhur përballë faktit se ish-banorët tashmë kanë krijuar grupet e tyre.
Tani Polin e gjen në shoqërinë e Çimit, Visit, Julindës dhe natyrisht të Inës, vajzës me të cilën tashmë është lidhur. Por duket se gjithë kjo atmosferë miqësore si dhe mrekullia e të qenit në qendër të vëmendjes edhe nga njerëzit e thjeshtë, është prishur paksa nga sms-të që i dërgon ish e dashura e saj, një vajzë e re, 17-vjeçare me të cilën kishte një vit lidhje. Ajo i kërkon shpjegime për faktin se pse ai e la në këtë formë. Le të mësojmë më shumë detaje nga biseda që bëmë me Polin.

Poli cili është lajmi i parë që të bëri përshtypje sapo dole nga shtëpia e “Big Brother”?
Padyshim që atmosfera që më priste jashtë ishte e gjitha mbresëlënëse. Çimi, Visi dhe Ina kishin organizuar festë për mua dhe ju e dini se ne e kemi gdhirë në atë festë. Ndërsa një lajm tjetër që më gëzoi shumë ishte fakti që unë kisha dalë i pari nga votimet në internet. Edhe pse ato nuk ishin rezultatet zyrtare, fakti që njerëzit më kanë votuar aq shumë tregon se ata më kanë pëlqyer dhe kjo është një gjë e madhe për mua dhe më gëzon.
Pol, në ndryshim nga çiftet e tjera ku hapin e parë në përgjithësi e merr mashkulli, kjo lidhje duket se është krijuar falë guximit që mori Ina, e cila të shprehu ndjenjën e saj publikisht apo jo?
Unë stepesha për dy arsye, e para sepse kisha lënë një të dashur jashtë dhe ndjeja një farë obligimi ndaj saj. Edhe pse unë atë lidhje e kisha mbajtur të fshehtë, e vërteta është se unë kisha një vit që rrija me atë vajzë. E dyta është fakti se unë me të vërtetë Inën e pëlqeja shumë, por nuk e dija nëse ajo ishte ndjenja e saj që sillej ashtu me mua, apo po bënte thjesht lojë. Brenda shtëpisë nuk arrin të jesh i kthjellët as për të menduar për sjelljet e tua, por as për ato që të tjerët kanë ndaj teje. Por ama kur Ina doli nga shtëpia, filloi të më mungojë shumë.
Le të kthehemi tek ish e dashura jote, sa e lehtë apo e vështirë ishte ndarja me të?
E lehtë nuk është fare sepse ne kemi pasur një lidhje të vërtetë bashkë. Unë kam kërkuar që ta takoj për ta sqaruar, por ajo nuk ka pranuar. Për momentin këmbejmë vetëm sms.
Çfarë të shkruan?
Pak a shumë mund ta merrni me mend se çfarë shkruan një vajzë, e cila ndjehet e braktisur nga i dashuri. Më thotë që ndjehet e zhgënjyer, që nuk e priste etj., etj. Por besoj ky është thjesht një moment kalimtar.Kjo ishte një nga arsyet që unë nuk u lidha që brenda me Inën, pasi doja një ballafaqim jashtë me të dashurën që kisha. Mirëpo gjërat erdhën kështu…
Megjithatë mbase po të kishte ndenjur Ina më shumë në atë shtëpi, nuk do kishe bërë kaq shumë arsyetime, por do të ishe lidhur me të?
Edhe unë e kam këtë bindje pasi sinqerisht në atë shtëpi kurri 24 orë me një femër që të pëlqen, nuk mund ta evitosh krijimin e një raporti që vjen si pasojë e ndjenjës të cilën nuk e frenon dhe as nuk e kamuflon dot.
Keni pasur kohë të mendoni se çfarë do bëni gjatë verës me Inën, por edhe me banorët e tjerë?
Po, kemi shumë plane për të bërë pushime, na kanë bërë ftesa në Kosovë, Maqedoni, oferta të ndryshme pune, por për momentin nuk mund të tregojmë detaje. Do kemi një verë impenjative, kjo është e sigurt.
Si janë ditët afër Inës, por pa kamera?
Shumë të bukura.
Keni bërë dashuri që atë natë që dole nga shtëpia apo pritët pak?
Mund ta merrni vetë me mend. (Qesh).
Burimi: Gazeta Panorama

ALTIN SHIRA ndahet nga gruaja

Këngëtari Altin Shira ndahet zyrtarisht nga bashkëshortja. Lajmi është konfirmuar pranë gjykatës, ku edhe është zhvilluar procesi i divorcit, por duket se pas kësaj fshihet një tjetër arsye e fortë që edhe ka shkaktuar ndarjen e çiftit.
Flitet se arsyeja e ndarjes së tyre është një njohje që këngëtari ka pasur me një vajzë greke, madje thuhet se kjo lidhje e re mund t’i garantojë Shirës edhe dokumente qëndrimi në tokën helene.
Duket se kriza mes çiftit ka filluar kohë më parë, pasi një vit më parë u përfol i njëjti lajm, por duket se çështja është zgjidhur mes këngëtarit dhe bashkëshortit, pa qenë e nevojshme që ata t’i drejtoheshin dyerve të gjykatës.
Burimi: Gazeta Panorama

ORINDA HUTA, gati videoklipi i ri

Këngëtarja Orinda Huta, pritet të debutojë gjatë verës me një album dhe videoklip të ri. Ajo është në përgatitje intensive për të punuar një videoklip shumë interesant, sekretet e të cilit nuk ka dashur t’i rrëfejë, por pritet që muzika të jetë shumë energjike, ndërkohë porsa i takon imazhit, do të vijë me një look tejet seksi.
Këngëtarja ka shprehur interesimin që pas kësaj të hedhë në treg albumin e saj të ri, i cili synon dukshëm edhe tregun në Kosovë, kjo pas suksesit që pati së fundmi gjatë një bashkëpunimi me grupin e njohur “NRG Band”.
Përsa i takon jetës private, edhe pse është shprehur e rezervuar, Orinda ka pohuar se ndihet e dashuruar më shumë se kurrë, pa dhënë detaje të tjera.
Burimi: Gazeta Panorama

Mbretëresha e silikonit

Tani edhe përdorueset e rregullta të silikonit kanë një mbretëreshë të tyren. Pasi kreu dhjetëra operacione në dekoltenë e saj, një striptiste me emrin e artit, “Maxi Mounds”, është në fakt gruaja me gjoksin fals më të madh në botë. Me këtë “meritë”, ku secili prej gjinjve të saj peshon 9 kg, ajo arriti të hyjë në librin e rekordeve botërore “Gines”. “Kontaktova me zyrtarët e “Gines”-it dhe u kërkova nëse ekzistonte një kategori e tillë.
Meqë nuk ekzistonte, vendosa që të isha e para pretendente për rekordin”, - tha striptistja. Përpara se të bëhej “Maxi Mounds”, Mbretëresha e Silikonit, ajo iu nënshtrua disa ndërhyrjeve me kirurgji plastike në gjoks. Fillimisht bëri një zmadhim të vogël, por nuk u kënaq me format e krijuara nga silikoni.
U deshën disa vjet, që ajo të arrinte në përmasat e sotme, duke përdorur edhe teknika që sot janë të ndaluara, për shkak të rrezikut që paraqesin. Për momentin është beqare, por natyrisht që pas këtij rekordi, zonjusha nuk do të rrijë pa rënë në sy. “Për një grua si unë, është shumë e vështirë të gjesh personin e duhur. Kur dal jashtë, reagimet e njerëzve janë shumë të çuditshme, kështu që mua më duhet një njeri i veçantë”, - shprehet ajo. Duke parë përmasat e reja që ka fituar, “Maxi Mounds” ka nisur kohët e fundit të marrë pjesë në disa filma pornografikë.
Burimi: Gazeta Korrieri

Olsi i “Big Brother”, një tregim për veten dhe Nadën

<BLOCKQUOTE>
Intervistë me Olsi Mingomataj, një nga lojtarët më të fortë </BLOCKQUOTE>
Jeta e Olsit tashmë ka ndryshuar. Pas daljes nga shtëpia e “Big Brother”, tashmë jeta e tij do të ketë një tjetër rrjedhë. 33- vjeçari nga Tirana, Olsi Mingomataj, do të kujtohet si lojtari më i fortë i edicionit të parë të “Big Brother Albania”, si personazhi më kreativ që diti t‘i japë aq shumë publikut.
“Big Brother” për të do të mbetet një përvojë e vyer, e cila i ndryshoi jetën sentimentale.
Në një intervistë më poshtë, Olsi tregon 100 ditët e tij brenda shtëpisë dhe gjithçka për lidhjen e tij me Noçen.

Le ta nisim këtë bisedë me orët e fundit brenda shtëpisë së “Big Brother”. Çfarë mendonit në ato çaste?
Me një kandidat të fortë si Arbri, edhe dyshime kisha që nuk mund të fitoja, por dëshirë kisha që të fitoja. Ishte një moment i përzierë me emocionet, ku ishte brenda dëshira për të qenë ti triumfuesi bashkë me frikën se kjo gjë nuk do të realizohej. Ndodhnin shumë gjëra brenda nesh dhe për faktin se duhet të përballonim emocionin që na priste jashtë. Ne nuk e dinim se si do të ishin ato. Një tjetër emocion ishte fakti se çfarë do të ndodhte nëse do të dëgjoja emrin si fitues. Kishim provuar emocionet e nominimeve që kemi qëndruar në shtëpi, por momentet e fundit brenda saj ishin krejt ndryshe si përvojë, të dëgjoje emrin tënd si fitues pas një periudhe 100-ditore brenda shtëpisë.
100 ditë brenda shtëpisë. Ju keni qenë një nga lojtarët më të fortë. Cilat ishin armët e Olsit në këtë lojë?
Qetësia. Përvoja në komunikimin me karaktere të ndryshme njerëzish dhe origjinaliteti.
Cilat do të jenë çastet që do të mbani mend më shumë nga muajt brenda “Big Brother”?
I pari do të jetë momenti i hyrjes. Momenti kur hyri babai në shtëpi, surpriza e ditëlindjes. Puthja e parë me Noçen. Surpriza e “Big”-ut. Darka e njëmujorit të lidhjes me Najadën, pasi doli vërtet një darkë romantike brenda mundësive që ishin në “Big Brother”. Ne të dy në tryezë dhe shiu që na shoqëronte nga jashtë… Muzika e këndshme në sfond. Gatimi im special posaçërisht për Noçen.
Janë dhe shumë momente të tjera të tilla, që lidhen me banorët që unë i kam ndjerë më afër aty brenda si Poli, Astriti, Romina, Jonida, Nardi dhe Arbri.
Por momentet që nuk do të donit t‘i kujtonit?
Çasti i lajmit të vdekjes së pronarit të “Top Channel”, z. Dritan Hoxha. Ishte një moment në të cilin mbetëm pa fjalë dhe nuk dinim si të ngushëlloheshim. Por e vetmja gjë që mund të bënim ishte ta çonim deri në fund këtë spektakël që ai e nisi me aq pasion. Ai ishte një nga spektaklet më të mëdha që ne kemi pasur ndonjëherë në Shqipëri, duke na futur në rangun evropian, dhe kjo ishte meritë e Tanit.
Si ishte të jetonit 100 ditë të monitoruar nga kamerat. Sa ju pengonte kjo gjë?
Nuk na pengonin kamerat. Ndoshta ditët e para mund të ndjenin një lloj varësie nga ato, më pas i harruam se ekzistonin.
Të gjithë janë kureshtarë të dinë diçka më shumë për lidhjen tuaj me Noçen. Si mund ta përshkruanit këtë histori?
Është një lidhje që lindi krejt natyrshëm. Dhe sa më shumë ditë kalonin, aq më shumë gjëra të veçanta shihja te Najada, që i pëlqeja. Në fillim kisha dhe një farë dyshimi në vetvete në do të më pëlqente Noçja mua si tip. Por e dija që kishim shumë gjëra të përbashkëta. Që ishim pa komplekse. Pëlqenim një lloj jetese të njëjtë dhe ishim të dy të njëjtë në mënyrën e komunikimit të drejtpërdrejtë me të tjerët. Flisnim të dy pa doreza, pa e menduar se si do të interpretohej jashtë shtëpisë kjo gjë. Kuptohet, secili në mënyrën e tij.
Pastaj isha unë ai që i kam bërë pyetjen i pari Noçes, duke i thënë “Po me ndonjë tip si puna jote, a je lidhur ti Noçe?”. Aty e kuptova se doja të lidhesha me të. Kuptova se kisha filluar ta dëshiroja një lidhje me të. Pastaj ngjarjet rrodhën gradualisht. Të dy kokëfortë nuk e jepnim veten. Ecnim në korridor dhe bënim sikur nuk kishim ndonjë simpati për njëri-tjetrin, ndërsa në mbrëmje ziheshim se në cilin krevat do të flinim. Pasi thellë brenda nesh secili donte të rrinte me njëri-tjetrin. Të gjitha këto veprime që na ndodhnin ne të dyve nuk kishin lidhje fare me një lojë aty brenda, apo me një lidhje sa për lojë apo shoë, sepse unë me aq sa e njihja nuk do t‘i vija kurrë në lojë ndjenjat e Noçes si person. Në qoftë se do të ishte ideja për lojë, kishte njerëz të tjerë me të cilët mund të bëja lojë aty brenda.
Ndërkohë që filluat të tërhiqeshit nga Noçja, jashtë shtëpisë ju ishit i lidhur me dikë tjetër…
E kisha harruar lidhjen tjetër në ato çaste. Gjë që më bëri të kuptoj se nuk kisha më ndjenja për personin që kisha pasur lidhje dhe nuk kisha qenë i dashuruar.
A keni pasur kontakte me ish të dashurën, tashmë që keni dalë nga shtëpia e “Big Brother”?
Jo, absolutisht. As nuk e kam ndërmend fare, sepse jam shumë i dhënë pas së dashurës sime që kam aktualisht dhe ndjehem i kompletuar në këtë aspekt. Dhe nuk do të kisha arsyen më të vogël që të më shtynte kurioziteti të takoja ish të dashurën time. Uroj që të jetë mirë dhe që të mbetemi shokë.
Çfarë do të kishte ndodhur nëse Noçja do të kishte lënë shtëpinë e “Big Brother” para teje?
Sigurisht që do të mërzitesha, por do të më mbante gjallë ideja se sa bukur do të jetë kur të dalë që ta takoj dhe të jemi bashkë sërish.
Olsi, Noçja jashtë shtëpisë ka bërë shumë fansa. Shumë njerëz që do të donin të njiheshin me të. Si ju bën të ndjeheni ky fakt?
Ndjehem i lumtur, që ashtu si unë e vlerësova Noçen për atë që është, ka dhe shumë njerëz që e vlerësojnë dhe e pëlqejnë për tipin, karakterin, origjinalitetin që atë e karakterizon.
Si kanë qenë ditët e para jashtë shtëpisë?
Së pari shuam kuriozitetin se si ishte të flinim në një krevat dopio unë dhe Noçja, dhe u kënaqëm shumë. Kanë qenë pak të lodhshme, për vetë faktin se ishim mësuar brenda shtëpisë së “Big Brother” me qetësinë që kishte aty dhe jashtë është një tjetër realitet. Megjithatë ndjehemi mirë kur lodhjen na e kompenson kënaqësia që ndjejmë rrugës kur na ndalin njerëz të moshave të ndryshme, të rretheve të ndryshme shoqërore dhe na përgëzojnë, duke na uruar si çift.
Si do të jetë jeta juaj pas “Big Brother”?
Sigurisht që do të jetë tërësisht ndryshe nga çfarë ka qenë përpara. Në aspektin e angazhimit me punë. Deri tani jam duke pritur oferta të ndryshme pune dhe më pas do të vendos se ku e shoh unë veten më të aftë.
Burimi: Gazeta Shqip