Soni Malaj:Bosi amerikan në ndjekje të këngëtares

anetare te shquar Anëtarësuar : 08 Dec 2007 Mesazhe : 993

Interneti sot është më shumë se një urë komunikimi. Kështu ka rezultuar të paktën për Soni Malaj. Në një anketim në Internet për femrat beqare më të bukura, këngëtarja Malaj është klasifikuar e para. Titulli i madh ka tërhequr jo pak meshkuj. Kaq ka mjaftuar që në fotot e këngëtares të klikojnë pa fund.
E mes tyre edhe një biznesmen amerikan, i cili është tronditur nga bukuria e Sonit. Ai është marrosur kaq shumë sa pasi pa fotot e saj, shkarkoi këngët e saj dhe nuk e bëri të gjatë por u nis nga Shtetet e Bashkuara të Amerikës, për në Shqipëri në kërkim të ëndrrës. E ka ndjekur nëpër koncerte dhe konkluzioni ishte “Soni është e mrekullueshme”. Jo vetëm e bukur por edhe profesioniste në muzikë.
Amerikani i dashuruar
Është kthyer në një obsesion për të dhe ka gjetur të gjitha mundësitë që të lidhet me këngëtaren. Deri më tani kjo është bërë përmes telefonit thonë miqtë e këngëtares. Amerikani është çmendur totalisht pas Sonit. Nga ajo çfarë tregojnë miqtë e saj, amerikani të cilit nuk i bëhet i ditur emri është pronar në Amerikë i një kompanie hekuri. “E ka parë për herë të parë në internet, ka shfaqur interes të madh për të dhe ka ardhur e ka parë në koncert. E di që është beqare dhe Soni është e njoftuar për këtë gjë”, tregojnë miq konfidencial të Sonit, të cilëve artistja u ka mirëbesuar këtë komunikim me fansin e saj.
Pas kësaj kemi komunikuar me këngëtaren, e cila nuk e ka mohuar një fakt të tillë, por edhe është përpjekur të mos e bëjë të madh, pasi për të është thjesht një fans. “Pas daljes së klasifikimit në internet si “Beqarja më e bukur” kanë qenë të shumtë njerëzit që marrin në telefon, që kërkojnë të kenë një pikë kontakti por mendoj se kjo është normale. Nuk është më shumë se një fans për mua, pavarësisht se çfarë mund të ëndërrojë çdokush”.

Sukses dhe bukuri
Në fakt këngëtarja Malaj përveç se është e suksesshme në muzikë është edhe një vajzë mjaft bukuroshe. Madje ajo është ndër ata persona që e vlerëson kujdesin për veten dhe e shpenzon kohën për të. Nuk abuzon asnjëherë me veten, qëndron larg alkoolit apo cigareve, ndjek palestrën rregullisht… Përfundimi, një fizik dhe bukuri që u ka marrë mendjen jo pakëve. Mes tyre edhe amerikanit, që nëse vazhdon me këtë ritëm shumë shpejt ka për t’u bërë pre e gazetave rozë në Shqipëri.

Lidhja me Florin
Prej pak muajsh këngëtarja ka dalë nga një lidhje dashurore me kantautorin Florian Mumajesi. Askush prej tyre nuk e tha shkakun e vërtetë të ndarjes dhe miqtë e tyre u treguan mëse besnik duke mos thënë asgjë për këtë histori. Gjithsesi aktualisht të dy ish të dashuruarit janë beqarë dhe po i përkushtohen krijimtarisë së tyre. Madje shumë shpejt Soni do të na servirë një surprizë të re për të gjithë. Në kohën e duhur “Bluetooth” do t’ua rrëfejë atë.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Alban Skënderaj sërish jo i mirëpritur në Kosovë

Është e vërtetë që Alban Skënderaj sapo ka përfunduar me sukses turneun në Amerikë por një sukses i tillë nuk e ka ndjekur sërish në Kosovë. Që prej Dhjetorit e deri tani aty ka humbur shumë fansa.
Nuk iu besua askujt që do të vazhdonin të ishin keq deri sa mësuam se në Kosovë video e re e këngëtarit u votua e fundit nga shikuesit duke marrë vetëm 20 vota, një numër shumë i ulët krahasuar me vlerësimin e vendit të parë i cili mori mbi 140 vota.
Pavarësisht se është një ndër këngët më të preferuara të momentit, në Kosovë Albani është po aq i largët sa edhe i afërt.Pavarësisht se është një ndër këngët më të preferuara të momentit, në Kosovë Albani është po aq i largët sa edhe i afërt.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Xhemi Shehu master në Londër

Sa vjen dhe shtohen enigmat se ç’farë do të ndodhë me Xhemi Shehun gjatë sezonit të ri televiziv. Hamendësitë janë të shumta për rishfaqjen e ish-velinës së ‘Fixit’ në ekranin e ndonjë televizioni shqiptar.
Një mike e Shehut ka pohuar për “Bluetooth” planin sekret të së bukurës Xhemi.Disa ditë më parë ajo është parë në një nga baret e Tiranës nën shoqërinë e mikes së saj të vjetër Julinda Sharra e cila jeton në Londër.
Pasi ka prekur televizionin italian Shehu ëndërron të jetë vajza “Hot” e ekraneve të ftohta e konservatore britanike pse jo me bukurinë që i ka falur zoti ti futet modelimit për kopertinat e revistave për meshkurj si “For Him Magazine”, “Playboy”, “GQ” apo “Loaded”. Nuk ka dyshim që nëse ndodh kështu djemtë anglezë të rrjeshtohen në radhë për shqiptaren e bukur në kërkim të sfidave të reja.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Djali i Jim Belushit, një yll i ardhshëm kinemaje

<BLOCKQUOTE>
“Unë gjithmonë i them atij se ai duhet të më japë një nxitje”. Ndërsa ai më përgjigjet “Dëgjo, ti je tashmë një Belushi i zgjuar. Ti që tashmë dukesh një Belushi. Madje ti je më sharamanti se gjithë Belushët. Nëse ti merr një rol ti duhet ta kesh atë të gjithin”</BLOCKQUOTE>
Dinastia Belushi vazhdon. Robert Belushi, djali i aktorit të famshëm me origjinë shqiptare Jim Belushi po ndjek rrugën e të atit dhe është një aktor gjithashtu premtues. Rob Belushi, që do të interpretojë në skenën prestigjioze të Illinois është shprehur se “është nder për mia të ndjek rrugën e famshme të tim eti dhe xhajës së tij”. “Për mua është më shumë se nder. Unë jam djali i Jim Belushi dhe nip i John Belushi.
Ata kanë punuar fort për këtë,” është shprehur ai për “Chicago Tribune”. “Përveç kësaj është krenari, që të mbaj të njëjtin nivel me ta. Ata të dy janë njerëz të mrekullueshëm për mua. Dhe këtë unë e ndjej çdo ditë e më shumë që rritem”. 27 vjeçari do të interpretojë karakterin e tij në “The Lion in Winter” në “Writers’ Theatre” në Glencoe.
Sigurisht që Belushi i ri e ka një terren gati në kinematografinë amerikane. ai në intervistën e tij ka thënë gjithashtu se “Unë gjithmonë i them atij se ai duhet të më japë një nxitje”. Ndërsa ai më përgjigjet “Dëgjo, ti je tashmë një Belushi i zgjuar. Ti që tashmë dukesh një Belushi. Madje ti je më sharamanti se gjithë Belushët. Nëse ti merr një rol ti duhet ta kesh atë të gjithin”.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Elvana, Këngëtarja bën promovimin e klipit në Prishtinë

Ndryshe nga klipi, ku Elvana nxjerr në pah pjesët e saj më të “nxehta”, mbi gurët e bardhë të plazhit të Vlorës, ajo në promovim paraqitet tejet e thjeshtë. Me flokët e mbërthyera pas kokës, dhe një bluzë pambuku, Elvana ka pritur dhe ka gostitur miqtë e saj në Kosovë, të cilët ishin mbledhur për të parë produktin e fundit që Elvana nxjerr në treg, singëllin dhe video-klipin të quajtur “Vetes”.
Si edhe herët e tjera, edhe kësaj radhe ajo ka vendosur që klipin ta promovojë në Prishtinë. Gjithnjë e qeshur Elvana, ka folur me të gjithë, por më tepër ka qëndruar pranë Florit, i cili ka bërë muzikën dhe orkestrimin e këngës së saj të re. Ajo ka deklaruar se do të vazhdojë të bashkëpunojë me Florin, derisa këngët që i bën ai po i bëhen hite. Ndërsa është deklaruar tejet e kënaqur edhe me punën që kanë bërë produksioni kosovar “Pixels” me të cilin këngëtarja ka shënuar bashkëpunimin e tretë. “Skuadra që del, nuk ndërrohet”, ka pohuar Elvana duke shtuar se i pëlqen puna profesionale e këtij produksioni.
Por për Elvanën është hera e parë që promovon punën në këtë mënyrë, e rrethuar nga shumë njerëz të estradës. Video-klipi më i ri i Elvanës është realizuar në brigjet e detit Jon. Ndërsa Flori, i cili ka bërë një punë mjaft të madhe, ka deklaruar se është kënaqësi të punosh me Elvanën. “Kemi krijuar një raport shumë të mirë edhe jasht punës profesionale. Kështu që me Elvanën kemi tre vjet bashkëpunimi, por mund të punoj me të edhe 300 të tjera”, është shprehur Flori. Ndërsa tekstin e këngës këngëtarja e ka shkruar vetë. Sa i përket planeve të afërta, Elvana do të jetë gjatë tërë verës e zënë me mbrëmjet e ndryshme muzikore. Madje ka shprehur frikën se nuk do të ketë asnjë minutë kohë për pushime.

anetare te shquar Anëtarësuar : 08 Dec 2007 Mesazhe : 993

Supriza me e fundit e Vasa Lumes

Këngëtarja kosovare Vesa Luma, ka filluar ta zgjerojë aktivitetin e saj muzikor, duke konkurruar edhe në festivale të rajonit. Përveç trojeve shqiptare ku Vesa është bërë mjaft e famshme pas pjesëmarrjes në spektaklin “Ethet e së Premtes mbrëma”, ajo tashmë ka filluar të jetë e kërkuar edhe jashtë vendit. Së fundi, Vesa ka marrë një ftesë nga organizatorët e festivalit të Novi Pazarit në Bosnjë, një nga festivalet më të suksesshme që mbahet në rajon.
Në një bisedë për “Bluetooth”, Vesa ka deklaruar se është shumë e lumtur që ka marrë ftesë dhe me gjithë qejf do të prezantohet në këtë festival, në të cilin marrin pjesë këngëtarë nga gjithë Ballkani. Festivali do të mbahet në fund të korrikut, ndërsa Vesa nuk ka vendosur ende se me cilën nga këngët e saj do të paraqitet. “Gjithsesi, kënga me të cilën do të prezantohem do të jetë në gjuhën shqipe”, - thotë ajo.
Këtë pjesëmarrje ajo e konsideron si më të suksesshmen ende pa marrë pjesë, pasi është hera e parë që paraqitet jashtë vendit. Sa i përket punëve të tjera në këtë fazë, Vesa ka treguar se këtë të shtunë, hap sezonin e saj veror me një mbrëmje në Durrës. “Nga e shtuna, kur edhe hap sezonin e ngarkuar të verës, çdo të dytën javë do të jem në mbrëmje nëpër lokalet buzë bregdetit, ku adhuruesit mund të dëgjojnë përveç të tjerash edhe një këngë të re”, - tregon Vesa.
Që nga kjo e hënë, në tregun muzikor është shfaqur kënga më e fundit e saj, shoqëruar me klipin përkatës të quajtur “Ik, veç kur të lë unë”. Kënga me tekst të shkruar nga vet këngëtarja dhe e kompozuar nga Florent Boshjaku, shoqërohet me një klip të punuar në Kosovë. Vesa ka thënë se ka vendosur që tekstet e këngëve të saj të vazhdojë t’i shkruajë vetë, meqë duket se po i ecën mirë për dore kjo punë. Ajo beson se kjo këngë do të jetë një hit i verës së sivjetshme, duke qenë se është shumë ritmike.

anetare te shquar Anëtarësuar : 08 Dec 2007 Mesazhe : 993

Bogdani, këtë vit pushime në Tajlandë

Vendet ekzotike duket se janë një pasion i tij. Një vit më parë, Erjon Bogdani ishte në Ishujt Maldive, në Oqeanin Indian, për të kaluar pushimet e verës me të dashurën e tij italiane.
Por, këtë herë sulmuesi i kombëtares duket se ka zgjedhur një destinacion tjetër, por jo më pak interesant. Bëhet fjalë për Tajlandën, një nga vendet më të vizituara prej turistëve europianë.
Një person i afërt me Bogdanin, thotë se këtë vit ai do të qëndrojë për 12 ditë aty, por nuk i ka thënë asnjërit nëse do të jetë me të dashurën italiane apo me ndonjë vajzë tjetër.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Rozana Radi, kamarierja që fiton bukën e gojës

Prej disa kohësh aktorja Rozana Radi është prezantuar në filmin e saj më metrazh të shkurtër “Mira”. Por edhe pse i shkurtër, rruga që ka bërë filmi duket se ka qenë e gjatë. Në këtë film Rozi luan rolin e një kamariereje. Merrni ca kokoshka, fikni celularët dhe kujtoni që Festivali i Filmit të Shkurtër në Amerikë (në të cilin do të prezantohet filmi ku luan Rozana Radi), mban emrin e Roberto De Niros.
Shqiptarja që do të njihet atje quhet Mira (e luan Rozana), është afër 30 vjeçe dhe është një grua e përkushtuar. Është viti 2008, jeton në Shqipëri dhe punon në banakun e një lokali të Tiranës, për të mbajtur fëmijët dhe familjen. Rozana është aktorja kryesore dhe luan përkrah aktorëve Tinka Kurti, Neritan Liçaj etj.
Në vjeshtë ajo do ta shohë filmin si spektatore në Festivalin e Filmit me Metrazh të Shkurtër, TIFF. Ka qenë një bashkëpunim i mirë me Dhimitër Ismajlin, artistin shqiptar që jeton në Shtetet e Bashkuara të Amerikës. Ai do ta çojë në Festivalin e Filmit me Metrazh të Shkurtër “Roberto De Niro” në SHBA.
Burimi: Gazeta Korrieri

anetare te shquar Anëtarësuar : 08 Dec 2007 Mesazhe : 993

Aurela rikthehet në Vlorë

Këngëtarja e mirënjohur shqiptare, Aurela Gaçe, ka vendosur që të kthehet në vendin ku e ka filluar karrierën e saj profesionale, në Vlorë, për të mbajtur një koncert.Këtë lajm ajo e ka bërë të ditur për “Gazetën Shqiptare”, dhe ka thënë se duartrokitjet e para i ka marrë pikërisht në këtë vend.
“Vlorën e dua dhe me duket se është normale të më bëhet e mundur që ta shpreh dashurinë me çfarë di të bëj më mirë, të këndoj për të”, ka thënë Gaçe.
Ajo po ashtu ka paralajmëruar se së shpejti në treg do të hedh një klip të ri dhe një album muzikor, përderisa në jetën e saj sentimentale vazhdon të qëndroj hermetike.“Mashkulli ideal? Duhet ta hapë veten, të mos ketë frikë të dashurojë një femër si unë!”, ka thënë këngëtarja.
Burimi: Telegrafi.com

anetare te shquar Anëtarësuar : 08 Dec 2007 Mesazhe : 993

GRETA KOÇI: Kam filluar të administroj vetë paratë mia

<BLOCKQUOTE>
Synimi im nuk është pjesëmarrja në Festivalin Europian, pasi kam vendosur të mos marr pjesë më në Festivalin e fundvitit, derisa të ketë një gjykim të drejtë.</BLOCKQUOTE>
Ende s’i ka mbushur 17 vjeçe, por është në gjendje të administrojë paratë që fiton nga albumet dhe koncertet. Tregon për “Panorama Plus” arsyen pse ka vendosur të heqë dorë nga festivali në RTSH, dhe startin e ri në karrierë. Tani një menaxher për Gretën.
Tani që je 17 vjeç të duket vetja e vogël apo e madhe?
Më duket vetja si 17- vjeçare.
Cili është look-u yt i momentit, stili i veshjes në jetën e përditshme?
Për momentin ngjyra e flokëve është kafe natyrale. Veshjet sportive, të lehta në përshtatje me stinën dhe moshën time.
Na fol pak për klipin te shkolla “Willson”. Çfarë është ky klip?
Ju e dini, që unë studioj në shkollën “Wilson”. Aty unë kaloj pjesën më të madhe të kohës sime. Këngën e kompozoi Gramoz Kozeli dhe tekstin Armand Trebicka, videoklipin e realizoi “Max Production”. Klipi përcjell një mesazh pozitiv për gjithë rininë.
Si e programon kohën?
Nuk janë standard të gjitha veprimet e ditës. Por mundohem ta programoj sa më mirë kohën time. Të komentojnë si një vajzë të re, të talentuar, që e menaxhojnë prindërit.
Mendon se një ditë do t’i “braktisësh” ata, në kuptimin që një shtëpi diskografike mund të të menaxhojë?
Na janë afruar shumë kompani për të marrë të drejtën e menaxhimit tim artistik. Jemi në përfundim të negociatave me produksionin “Max Production”. Pavarësisht nga sipërmarrja e një kompanie, prindërit janë të pandarë pasi janë pjesë e vendimmarrjes sime.
Ke të dashur dhe nëse po, mund të më thoni diçka më shumë?
Unë 17 vjeç, i mbush në shtator…
Ndërkohë nëpër forume të ndryshme, shpeshherë komentet e kalojnë cakun e etikës. Sa e përgatitur jeni për ta përballuar këtë fakt?
Jam jashtë informacioneve të tilla, por në qoftë se ekziston si fenomen të them të drejtën do të shqetësohesha për shpifjen apo ofendimin. Gjithsesi mendoj se artistët duhet të vlerësohen për kontributin e tyre. Njerëzit duhe të jenë sa më realistë në gjykimet dhe vlerësimet e tyre.
Dihet që këngëtarët krijojnë miqësitë por dhe armiqësitë e tyre. Ju si i keni marrëdhëniet me kolegët këngëtarë?
Unë kam marrëdhënie shumë të mira me të gjithë këngëtarët. Nuk mund të veçoj asnjë!
Çfarë të ka zhgënjyer më shumë gjatë rrugës së muzikës, që ti i ke hyrë shumë herët?
Rruga e artit është shumë e vështirë. Ka mjaft pengesa. Por e rëndësishme është t’i kalosh këto pengesa me kujdes dhe qetësi.
Beson të konkurrenca e ndershme në Shqipëri?
Konkurrenca në muzikë ka shumë kuptime. Në start, janë të gjithë. Me të mirin e vlerëson publiku. Në kuptimin profesional, do një gjykim më të hollësishëm kjo temë, por unë nuk e marr përsipër ta analizoj.
Festivali Europian, çfarë mund të më thoni për pjesëmarrjen e Shqipërisë në të?
Mendoj se Festivali Europian rrallë herë ka gjykim vlerash. Aty është një politikë e caktuar nga organizatorët dhe vendi ynë nuk e besoj që do të jetë ndonjëherë pjesë e kësaj politike, apo projekti, pavarësisht nga vlera e këngës apo këngëtarit. Gjithsesi ne duhet të angazhohemi vazhdimisht për të performuar vlera të artit dhe kulturës shqiptare në këtë kompeticion.
Do vazhdosh ta kesh synim pjesëmarrjen në këtë festival?
Jo, synimi im nuk ështëpjesëmarrja në Festivalin Europian, pasi kam vendosur të mos marr pjesë më në Festivalin e fundvitit, derisa të ketë një gjykim të drejtë.
Çfarë mendon se i bën të suksesshme vajzat e reja këngëtare sot?
Suksesi kërkon standarde. Secili suksesin e vlerëson në mënyrën e tij. Në gjykimin tim suksesi vjen duke pasur cilësi të mira vokale dhe teknike, përzgjedhje të muzikës dhe tekstit, ndërtimi i një imazhi të shkëlqyer moral e shoqëror.
Si e sheh veten në të ardhmen?
Sigurisht që unë kam shumë plane dhe projekte, por e rëndësishme është të jemi mirë me shëndet(qesh).
Po në shkollimin e mëtejshëm, c’drejtim do marrësh?
Më pëlqejnë lëndët shoqërore. Sapo përfundova vitin e tretë, ka mbetur edhe një vit. Brenda këtij viti do të gjykoj drejtimin që do të marr.
Si është marrëdhënia jote me paranë?
Shpenzoj aq sa kam nevojë. Aktualisht jam në fazën që i vetadministroj paratë e mia.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Çiljeta ditëlindjen e njëjtë me Ronaldon

Bukuroshja dhe seks-simboli i shqiptarëve, Çiljeta Xhilaga, ka thënë se nuk i ka ardhur mirë humbja e Portugalisë nga Gjermania, pasi që ajo është një adhuruese e futbollistit portugez Cristiano Ronaldo.
“Kur i shtohet kësaj edhe fakti që ne kemi lindur në të njëjtën datë, pra me pesë shkurt, atëherë normalisht se jam zhgënjyer nga kjo humbje”, ka thënë këngëtarja gjatë emisionit “Top Show Euro 2008”, të programit televiziv, “Top Channel”, të enjten në mbrëmje.
Kjo ka ngjallur edhe debat me prezantuesin dhe gazetarin Alban Dedushaj, i cili ishte një adhurues i flaktë i përfaqësueses së Gjermanisë, dhe insistimit të tij se ai shumë me herët kishte prognozuar se Gjermania do të fitonte kundër Portugalisë.
Burimi: Telegrafi.com

anetare te shquar Anëtarësuar : 08 Dec 2007 Mesazhe : 993

Anjeza Shahini, i beson tekstin e këngës Rozanës

Anjeza Shahini, përgatitet të dalë para publikut me një këngë të re, detajet e së cilës janë ende herët për t’u thënë. Por një gjë është e sigurt, që teksin e këngës kësaj here ia ka besuar Rozana Radit. Nga ana tjetër, Rozana pohon se, “e ka shumë pasion për të shkruar tekste këngësh, dhe lista e këngëtarëve për të cilat ajo shkruan sa vjen dhe shtohet”.
Tekti që sapo ka përfunduar është ai për këngën e Anjezës, për të cilin ka dashur të punojë me seriozitet pasi Anjeza, shquhet për sqimën. Anjeza, tashmë 20 vjeçe, bëri një ndërprerje të shkurtër në skenat shqiptare, pasi vazhdonte studimet në Austri.
Ajo u rikthye sërish, si pjesëmarrëse në spektaklin e TV Klan me “100 këngët e shekullit”. Por dhe te Kënga Magjike 2007, ajo u prezantua me këngën “Nxënësja më e mirë”, një këngë të Arment Rexhepagiq. Deri në prezantimin e këngës së re, le të presim.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Gerta Heta në kërkim të një miku special

Ajo është shumë miqësore, zëri zyrtar i një kompanie prestigjoze celulare, (për më tepër është vlerësuar zëri më seksi radiofonik) ka një shtëpi krejt të sajën në kodrat e liqenit. E megjithatë asgjë nga këto, nuk e kanë ndihmuar të gjejë princin e saj të kaltër. Gerta Heta vazhdon të mbetet singëll.
Një prej arsyeve kryesorë, që e rikthyen Gertën në Shqipëri, ishte mungesa e një jete sociale në Amerikë. Fatmirësisht Gertës, jeta sociale në Shqipëri nuk i mungon. Ajo shihet shpesh në shoqërinë e miqve duke rrëkëllyer gotat një nga një me alkool në klube nate.
Por kohët e fundit, nuk është parë ende me ndonjë “mik special”. Siç mësohet nga miq të afërt të Gertës, duket se ish-prezantuesja e “Kafazit të artë” prej një kohe të gjatë ka mbetur singëll. Miqtë e saj, shtojnë se nëse Gerta do të rikthehet sërish në Amerikë, e vetmja arsye ka për të qenë: se shtëpia e saj e madhe duket shumë bosh pa një mik të zemrës.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

JONIDA: “Pas Big Brother, nuk kam patur fat në dashuri”

ÇMENDURIA “KREHA FLOKËT ME HEKURIN E RROBAVE” Tani që aventura brenda katër mureve ka mbaruar, ajo është më e vëmendshme për të kujtuar momentet më pikante brenda “Big Brother”.
Duke qenë se është shumë e fiksuar pas pamjes së saj të jashtme, ajo kujton se një nga çmenduritë më të mëdha që ka bërë, ka qenë kur një pasdite, para se të fillonte nata finale, krehu flokët me hekurin e rrobave, pasi i mungonte piastra për të shtrirë flokët. “Për ironi të fatit, pas asaj që bëra në darkë erdhi një parukiere brenda “Big Brother”, por mua kjo çmenduri më kushtoi djegien e flokëve, të cilat i kam prerë, pasi kam dalë nga shtëpi”, rrëfen Jonida.
Nëse “Big Brother”, ishte një biletë e sigurt për karrierën, pasi pikërisht dje ka filluar punë si gazetare në “Top Albania Radio”, duket se nuk ka asgjë të re nga fronti i dashurisë për Jonidën, një nga protagonistet me karizmatik të realit show-t më të njohur në Shqipëri.
Gazetarja që provoi emocionet e “Big Brother” nuk e fsheh se kjo ka qenë eksperienca më e bukur e jetës së saj, madje ajo po përpiqet që ta jetojë atë në maksimum, pothuajse çdo ditë, duke
udhëtuar çdo fundjavë me grupin e banorëve të tjerë. Ajo rrëfen për “Gossip”, se vijon të ketë miqësi të reja me të gjithë banorët e tjerë, të ndihet shumë e përkëdhelur nga fansat, por përsa i takon pushimeve, ato do t’i shpenzojë me mikrofon në dorë, teksa drejton “Summer Time”, emisionin që startoi dje në “Top Albania Radio”, madje ka edhe shumë projekte të tjera…!
Si ishte dita e parë e punës?
Dita e parë në punën time të re në “Top Albania Radio” ishte vërtet shumë e bukur dhe shkoi mjaft mirë, kjo edhe falë pritjes që më bënë kolegët e tjerë, Eno, Ledio, Xhoi dhe Flori (polici i “Portokalli”), me të cilët do të punoj së bashku për emisionin “Summer Time”. U ndjeva shumë mirë, shumë komode, sidomos nga prezantimi që më bëri Flori Binaj, duke më quajtur “mikesha speciale”. Besoj do të jetë një eksperiencë e bukur, pasi gjithë verën do të jem në lëvizje.
Cili do të jetë roli yt në këtë emision?
Do të jem disa herë në studio, ndërsa herët e tjera direkt në terren, duke intervistuar dëgjuesit për temën e ditës. Sot tema e ditës ishin pushimet e verës dhe u ndjeva shumë komode, qoftë me intervistuesit, por edhe në lidhjet direkte. Do të jetë një punë që do ta bëj 5 herë në javë.
Kjo do të thotë lamtumirë pushime…?
Në fakt do të jetë punë e harmonizuar me disa ditë pushimesh. Më parë kisha planifikuar të shkoja për pushime në Turqi, ndërsa tani do të jem në punë, por kjo nuk do të thotë se nuk do të pushoj, pasi do të udhëtoj në qytetet bregdetare, ku përveçse do të punoj do të kem mundësi edhe të marr rreze dielli. Por primare për mua në këto momente është puna dhe dua që të impenjohem më shumë aty, ndërsa pushimet mbeten në plan të dytë.
Po dashuria? Ka ndonjë të re nga lidhja që ke pasur, para se të hyje në “Big Brother”?
Nuk ka pasur asgjë të re përsa i takon lidhjes që kam pasur. Personi që duhet të më bëjë për vete duhet të lodhet shumë për të më arritur…(qesh). Edhe pse e kam pasur mendjen tek ai, nuk mund të them se ka pasur ndonjë tjetër që të ketë tentuar të hyjë në jetën time deri tani.
Besoj se je në pritje të një lidhje të re apo…?
Nuk kam pse e fsheh. Pas “Big Brother”, ka pasur shumë njerëz që më kanë përgëzuar për lojën time dhe kjo ka qenë dhurata më e bukur që ata më kanë bërë, përpos numrit të madh të mesazheve dhe urimeve. Megjithatë jam në pritje të një lidhjeje nëse ajo do të trokasë dhe do të më përshtatet.
Si shkojnë marrëdhëniet me miqtë e tjerë të “Big Brother”?
Gjithçka shumë mirë, vazhdojmë të frekuentojmë rregullisht njëri-tjetrin, festat apo baret e ndryshme të Tiranës dhe jashtë saj. Së fundmi isha në festën e Arbrit, ku u kënaqëm shumë, ndërsa para një jave ishim të gjithë në Vlorë ku ja kaluam shumë mirë, pas një ftese që na u bë nga pronari i një lokali.
Merrni shpesh ftesa të tilla udhëtimesh?
Po ka shumë ftesa për të udhëtuar jashtë Tiranës, kryesisht në bregdet do të udhëtojmë gjatë gjithë verës. Këtë javë duhet të isha në Sarandë, por duhet që të filloja punë, kështu që nuk iu bashkova dot grupit të miqve të mi të “Big Brother”. Por një gjë është e sigurt që gjatë verës do të jemi në lëvizje nëpër plazhet dhe lokalet e bregdetit për të festuar, si mysafirë nderi dhe kjo na bën të ndihemi të privilegjuar.
Vazhdon të jesh ende një frekuentuese e rregullt e jetës së natës?
Sigurisht, madje mund të them edhe më shumë, pasi përveç miqve të mi të ngushtë, tani dal nëpër pub-e edhe me miqtë e rinj të “Big Brother”. Në shoqërinë time nuk ka ndryshuar asgjë, vijoj të frekuentoj kryesisht lokalet e natës që kanë muzikë karaoke, ku edhe shpesh sprovoj të këndoj. Më kanë thënë që kam edhe talent kur këndoj, prandaj e provoj shpesh…(qesh).
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Kinemaja, sfida e Agnesa Vuthaj

Bukuroshja kosovare Agnesa Vuthaj, e cila mban kurorën e Miss Albania 2005, pritet që të shfaqet së afërmi edhe si aktore, pikërisht në filmin “Shkallët”. Nëse deri dje Vuthaj është shfaqur vetëm si modele, tani ajo ka sprovuar edhe rolin e një aktoreje në një produksion shqiptar, i cili është një film me metrazh të shkurtër i Qendrës Kinematografike Shqiptare dhe u shfaq të premten premierë.
Vuthaj ka interpretuar në filmin “Shkallët”, përkrah Margarita Xhepës, Gentian Zenelaj dhe Genc Fugës, një film me metrazh të shkurtër, që ka pasur në qendër një fabul nga jeta e përditshme shqiptare. Agnesa prej kohësh nuk është shfaqur në asnjë eveniment, pasi ka qenë tejet e impenjuar me projektet jashtë Prishtinës, pikërisht me Miss Universe Kosova, duke qenë edhe organizatore e këtij evenimenti së bashku me fotografin Fadil Berisha.
Ndërkohë përpos fushës së artit prej pak kohësh Agnesa ka pohuar se i është futur edhe politikës, duke mbajtur pozicionin e këshilltares për Marrëdhëniet me Publikun për ish-kryeministrin e Kosovës, Bajram Rexhepi, i cili aktualisht është në krye të komunës së Mitrovicës.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

EDONA LLALLOSHI, 60 ditë në Durrës

Këngëtarja kosovare Edona Llalloshi së shpejti pritet që të udhëtojë drejt Shqipërisë, ku nga data 1 korrik e këtij vitit do të zhvillojë koncerte tek një lokal afër rrotës së kuqe në qytetin e Durrësit.
Llalloshi kishte kënduar edhe më parë në këtë lokal, por me një sezon më të g jatë pasi koncertet i kishte filluar gjatë muajit qershor. Mësohet se këto shtyrje janë bërë për shkak se këngëtarja është e zënë edhe me studime, por pritet që ajo të shfaqet në skenë, gjatë gjithë verës, pas nënshkrimit të një kontrate që ajo ka bërë me pronarët e këtij lokali.
Edona është një ndër të paktat këngëtare nga Kosova që vjen për të kënduar rregullisht në Shqipëri gjatë verës, ndryshe nga artistët e tjerë që preferojnë të këndojnë kryesisht në Mal të Zi.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

NORA, pas fejesës me një klip të ri

Këngëtarja Nora Istrefi së shpejti do të paraqitet në treg me një këngë të re, madje edhe me një videoklip, i cili pritet që të jetë një kthim triumfues, vetëm pak ditë pas fejesës së saj zyrtare me Robertin, djaloshin me të cilin ishte lidhur prej më se dy vjetësh.
Miq të afërt të këngëtares pohojnë se Nora ndihet mjaft mirë për këtë rikthim, ndoshta për t’i thënë “stop”, fjalëve dhe komenteve për fejesën e saj. Kënga është tashmë gati dhe pritet që pas disa ditësh këngëtarja të udhëtojë drejt Maqedonisë, ku edhe është menduar të realizohet vidoeklipi, i cili i është besuar një regjisori të njohur.
Nora nuk ka dhënë asnjë detaj për këngën e saj të re, duke deklaruar se ajo do të jetë një surprizë për fansat, ndërkohë që fejesa e saj, edhe pse është një fakt i pamohueshëm, nuk ka qenë asnjëherë pjesë e bisedave, qofshin edhe mes miqve të saj më të ngushtë, duke theksuar se nuk do që askush të merret me jetën e saj private.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

ROVENA triumfon në “Polifest 2008”

Këngëtarja Rovena Stefa ka fituar vendin e tretë në edicionin e radhës së “Polifest”, festivali muzikor që zhvillohet në Kosovë, nga kompozitori i njohur Naim Krasniqi.
Ajo ka fituar vendin e tretë me një baladë të bukur dashurie, duke konfirmuar edhe një herë se sërish mbetet në listën e artistëve më të pëlqyera të votuara nga publiku. Ndërkohë që për këtë sezon Stefa pritet të rikthehet në tregun muzikor me një këngë dhe vidoeklip të ri, që do të realizohen në Maqedoni dhe pritet që ta rikthejnë atë sërish në ekran, por këtë herë me një imazh krejt ndryshe.
Ndërkohë flitet që një tjetër projekt i Rovenës do të jetë edhe një bashkëpunim me Shpat Kasapin, një këngë e cila nuk është realizuar ende, por bën pjesë në planet e tyre të afërta
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Madonna: Seksi më i fortë, me një shqiptar

Madonna në një intervistë në MTV, ka deklaruar se në jetën e saj ka provuar shumë burra, por ai që ka qenë më i çuditshmi dhe më i forti në seks ka qenë një shqiptar.
Ajo që nuk dihet është se kush ka qenë ai fatlumi që ka pasur një marrëdhënie kaq të afërt me divën e muzikës. Gjithsesi, na vjen mirë që krahas namit të keq me të cilin shpesh nga kanë prezantuar ne shqiptarët, të mund të na cilësojnë dhe paksa si dashnorë të mirë.
Gjithsesi sipas saj, kjo marrëdhënie e shkurtër ka përfunduar, sepse djali në fjalë nuk ka qenë shumë shakaxhi dhe se nuk e bënte shumë të qeshte, megjithatë diçka e paska pasur të mirë.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Fadil Berisha, së shpejti në Tiranë për edicionin e “Supermodel..”

Do të kthehet së shpjeti në Tiranë, fotografi me famë botërore Fadil Berisha. Rrikthimi i tij ka një qëllim të përcaktuar, pikërisht atë të nisjes sëfazë seleksionuese të edicionit të ardhshëm të spektakëlit të bukurisë, “Super Model of dhe Word”.
Ky konkurs, i cili ka rezultuar shumë i sukseshëm në Shqipëri, por dhe në Kosovë, do t’u japë mundësi shumë vajzave të bukuroshe të konkurojë për të realizuar ëndrrën për tu bërë modele të famshme dhe pse jo të shkelin nëpër pasarelat më të njohura botërore.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Big Mama, dyqan veshjesh indiane në Tetovë

Të shumtë janë VIP-at që krahas aktivitetit të tyre në muzikë e në art kanë dhe prije për biznes. Rasti i fundit është pikërisht këngëtarja energjike nga Maqedonia, Big Mama.
Përpara një muaji, ajo ka hapur një dyqan veshjesh në qytetin e Tetovës dhe duket se ka zgjedhur diçka shumë origjinale për t’u ofruar blerëseve. Bëhet fjalë për fustane solemne indiane. Thuhet se veshjet që tregtohen dhe shumë të bukura, janë paksa të shtrenjta.
Normalisht, Big-u ka ecur me filozofinë që “të jesh e bukur, kushton”. Dyqani ndodhet në qendër të Tetovës, karshi Xhamisë së Pashës, që është dhe monument kulturor. I urojmë këngëtares që të ketë me fustanet, suksesin që ajo ka pasur deri tani dhe në këngë.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Bleona: Video me majmunin, nuk është e vërtetë

Ka qenë e ftuar në emisionin televiziv “Valamala Show”- ”Përrallë me Tupan” në KTV me datën 30 maj 2008 këngëtarja e njohur shqiptare Bleona Qereti.
Në këtë emision ajo ka sqaruar dhe pozitën e saj mbi një video të fundit që qarkullon tashmë në internet. Ajo e ka cilësuar këtë të fundit, si një video të modifikuar dhe që gjithccka është vetmë një shpifje e radhës.
Bleona i referohet pikërisht disa imazheve që së fundmi kanë dalë në internet nga adresa qeveria.eu dhe që e paraqisin atë duke i kërkuar një mjamuni të bëjë seks me të.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Ardit Gjebrea në Komisariatin numër 2

Ka çuditur të gjithë kalimtarët e rastësishëm, e jo vetëm ata, dalja nga mjediset e Komisariatit numër 2 në qytetin e Tiranës, e kantautorit shqiptar Ardit Gjebrea.
Ditën e mërkurë, sipas burimeve të Gazetës, ai i është drejtuar këtij komisariati për t’u interesuar për shkak të një incidenti që ka pasur disa kohë më parë shoferi i tij me patrullat e përgjithshme, të cilat janë nën varësinë e Komisariatit Nr.2.
Të njëjtat burime thanë se takimi ishte thjesht informues dhe Ardit Gjebrea nuk ka pasur pretendime apo ankesa në drejtim të veprimeve të policisë.
Burimi: Gazeta Shqiptare

anetare te shquar Anëtarësuar : 08 Dec 2007 Mesazhe : 993

Vila 1 Vlore: Harbohen djemtë e “Big Brother” me balerinat seksi

Të gjithë ata djem e vajza që u bënë të njohur falë programit “Big Brother”, tani po jetojnë ditët e tyre si njerëz të famshëm. Të gjithë kanë dëshirë t’i takojnë dhe t’u flasin. Ish banorët e shtëpisë më të famshme në Shqipëri, ndjejnë se falë atij programi janë bërë miqtë e të gjithëve. Dhe duket se vera e tyre do të jetë e pasur me aktivitete dhe zbavitje.
Të shtunën e kaluar, disa prej banorëve u ftuan në “Vila 1” në Vlorë, ku patën mundësi të kalojnë një fundjavë të këndshme në një nga qytetet më të bukura të vendit. Por të qenit afër detit nuk ishte e vetmja kënaqësi që ata morën. Pasi shijuan darkën e këndshme tek ky lokal i njohur, të gjithë filluan të kërcenin nën tingujt e muzikës së zgjedhur.
Por pas pak, në skenë u shfaqën dy balerina shumë seksi të cilat padyshim e ngrohën shumë ambientin dhe si gjithmonë djemtë nuk arrijnë t’i rezis-tojnë një atmosfere të tillë. Kështu Visi, Çimi dhe Poli filluan të kërcejnë së bashku me balerinat. Gjithçka që ka ndodhur atë natë mund të kuptohet fare mirë edhe nga këto foto që paparaci ynë i cili i ndjek këmba- këmbës, ka sjellë për “Panorama plus”.
Kërcimi ka qenë tejet sensual dhe balerinat duket se kanë qenë të predispozuara që t’i kënaqnin deri në fund ata. Këtë moment e ka shijuar shumë edhe Çimi, babai i dy fëmijëve i cili si gjithë banorët e tjerë, tani është bërë i famshëm. Ai nuk ka ngurruar të kërcejë me balerinat në mënyrë shumë sensuale dhe intime edhe pse Rudina e ndiqte e ulur në një nga tavolinat. Ajo jo vetëm që nuk shfaqte shenja xhelozie, por përkundrazi po e shijonte shumë këtë moment sensual që balerinat po i dhuronin bashkëshortit të saj.
Miqtë e çiftit tregojnë se Çimi dhe Rudina janë një çift perfekt, prandaj dhe qejfmbetejet mes tyre, mesa duket, duhet të ndodhin për arsye shumë të forta e kurrsesi nga një kërcim me balerina. Por balerinat seksi duket se kanë zbavitur pa fund edhe Polin i cili sapo ka filluar një histori dashurie me Inën, njërën nga banoret e shtëpisë së “Big Brother” e cila pati guximin t’i shprehte dashurinë atij vetëm kur doli nga ajo shtëpi.

Poli ka kërcyer me dy balerinat dhe i elektrizuar nga ai moment, ka hequr edhe bluzën duke zbuluar gjysmën e trupit të tij. Nata është mbyllur diku në orët e para të mëngjesit ku ishbanorët e “Big Brother” kanë shkuar për të fjetur në një nga hotelet e Vlorës që gjendet shumë afër detit.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Për Polin dhe Inën “festa” vazhdon edhe në hotel

Ashtu si të gjithë mund ta imagjinoni, Poli dhe Ina kanë kaluar ato pak orë të natës së bashku në njërën nga dhomat e hotelit. Sipas informacioneve që ne kemi marrë, duket se Ina dhe Poli nuk janë çmallur akoma si duhet, prandaj dhe momentet e tyre intime me siguri janë shumë më të zjarrta nga ç’mund ta imagjinoni.
Ata që kanë patur dhomat afër dhomës së Inës dhe Polit, nuk kanë patur mundësi të flenë gjumë pasi për dreq dëgjohej gjithçka që ndodhte nga ana tjetër e murit. Kështu informatorët tanë tregojnë se Ina dhe Poli nuk kanë fjetur asnjë minut, vetëm kanë bërë dashuri.

Ndërsa në mëngjes, miqtë e tyre nuk i kursyer shakatë dhe ngacmimet me dy të rinjtë e dashuruar, duke iu thënë se i kishin lënë pa gjumë pasi gjithçka çfarë ndodhte tek dhoma e tyre, ata patën mundësi ta dëgjonin. Siç e shihni edhe nga fotoja Ina dha Poli kanë mundur të flenë vetëm në autobus, teksa ktheheshin për në Tiranë.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

“Akademia e yjeve” në prag finale, zbulohen surprizat

Korridoret e “Televizionit Klan”, studiot dhe palestrat e qendrës kulturore “Robert Radoja” gjallojnë nga zhurmat. Ritmet e muzikës dance, tingujt e këngëve të reja dhe zërat gazmorë që duket sikur vijnë ngado, dëgjohen nga mëngjesi në mbrëmje vonë. Edhe pse këto janë ditët e fundit, sfidantët e “Akademisë së Yjeve”, të djersitur nga provat e gjata e po aq të mbytur nga emocionet enden orë e pa orë nëpër auditorët e saj.
Nata finale është vetëm pak ditë larg, fundi është afër dhe kjo duket sikur e ka elektrizuar më shumë ambientin. Disa syresh përsërisin ushtrimet e baletit, të tjerë në një kënd kontrollojnë tonalitetin e zërit, ndërsa romuzet që i hedhin njëri-tjetrit të thonë se më shumë se një shkollë arti, “Akademia” është kthyer në një vend miqësor ku ia vlen të kalosh orët e gjata të mbasdites.
Atmosferën familjare nuk e prish as rivaliteti që endet padukshëm mes tyre. Nga ata të nëntë, vetëm dy do të shpallen si më të mirët, por as kjo nuk të bën të dallosh diku frikën e humbjes. Mbase sepse misioni për t’u bërë i famshëm, duket se është kryer tashmë. Nëse në ato netët e para kur shfaqeshin në skenë nën tingujt e këngës që u bë himni i akademisë, “Push it”, e këndonin disi të ndrojtur, javë pas jave, zëri i tyre do të bëhej edhe më i fuqishëm e performanca edhe më e bukur. Ditë pas dite ata do ta bënin të tyren atë skenë.
Këmbët që u dridheshin, ankthi i fortë dhe frika e përballjes me publikun ishte vetëm në fillim. Bashkë me sfidën e fortë të çdo jave rritej edhe siguria e tyre. Dhe tani ja ku janë. Nëntë më të mirët e “Akademisë së yjeve” përgatiten për natën finale, të patrazuar nga ideja që vetëm dy do të shpallen fitues, njëri në balet dhe tjetri në këngë. Flasin e qeshin sikur asgjë nuk do të ndodhë. Arsyeja? “Të gjithë jemi fitues. Kemi arritur deri në natën finale…”, të thonë pothuaj njëherësh. Dhe në fakt të gjithë ata janë dëshmitarët e rritjes së një artisti në skenë.
Gjatë këtyre tre muajve ata i janë nënshtruar një programi të fortë mësimor: më shumë se 80 këngë të realizuara me sukses. Dhe tani janë gati për më tepër. Prova e parafundit ishte të mërkurën kur nën euforinë e nxënësve të shkollave të mesme të kryeqytetit, si publiku më i mirë i këtij formati, Irisi, Nidora, Syarta, Uendi, Graciano, Kristi, Ana, Rina, Andi dhe Anxhi ofruan spektakël. Atmosfera ishte e elektrizuar, ethet e garës dhe lufta për të mbërritur në majë, kishte arritur kulmin. Për nxënësit e “Akademisë së Yjeve” kjo ishte “beteja” e parafundit, e konceptuar si nata amerikane. Ndaj asnjëri prej tyre nuk ngurroi të merrte mbi vete prova të vështira edhe për më profesionistët. “Simply the best “ e kënduar nga Irisi, “No one” nga Nidora, “Oh mother” nga Jurgena dhe Syarta, “Bring me to life” nga Anxhelika, “One day in your life” nga Uendi dhe numrat e baletit nga çiftet Kristi-Rina; Ana-Andi; Kristi–Graciano e Ana– Rina s’mund të quhen ndryshe veçse “provat e zjarrit”.
Ndërsa qershia mbi tortë, muzikali “High School Musical” përcolli një atmosferë të zjarrtë që ndezi publikun. E të gjitha e kaluan provën me shumë sukses. Aq sa ishte e vështirë të parashikoje se cili prej atyre të rinjve do të eliminohej për atë mbrëmje. Ankthi ka qenë i pranishëm në atë sallë deri ne sekondat e fundit. Megjithatë, askush nuk e shfaqi. Ndryshe nga çdo natë tjetër, në këtë gjysmëfinale ata ishin të bindur për të ofruar spektakël. Dhe ia dolën. Në fund, siç e parashikon edhe formula e “Akademisë së Yjeve” u larguan dy nxënësit më pak të votuar për këtë javë: Andi dhe Anxhi. Ata janë larguar të bindur se tanimë e kanë arritur qëllimin për të cilën hynë në akademi: të bëhen të famshëm.
Finalistët e këtij edicioni kanë mbetur nëntë. Që prej së enjtes ata kanë filluar mësimin normal, çdo mbasdite në qendrën kulturore “Robert Radoja” në pritjet të finales së madhe. E cila padyshim do të jetë shumë e fortë. Të mërkurën e 18 qershorit, gjithçka pritet të jetë speciale. Sepse në fund, nën dritën e fishekzjarrëve, festës dhe brohoritjeve pritet të shpallen më të mirët e të mirëve. Talentet që do t’i shtohen skenës shqiptare, e cila ka vërtet nevojë për ta.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Ola dhe Ezdalini, tani darkat i kalojnë në shtëpi

Janë kapur (si gjithmonë bashkë) në një nga diskot e Tiranës, duke…Epo ndodh edhe duke qëndruar si mumje. Duket se çiftit të njohur të balerinëve u ka ardhur në majë të hundës, diskot e pub-et dhe preferojnë të bëjnë një jetë të qetë familjare larg zhurmës, alkolit dhe rrëmujës.
Në fakt Ezdalini dhe Ola, kanë kohë që nuk janë parë të frekuentojnë rregullisht ndonjë disko apo klub nate. Ndërsa vetë Ezdalini është shprehur se, “tani që kemi blerë shtëpinë tonë, preferojmë mbrëmjet e qeta, kur mblidhemi të dy në familje. Na del e na tepron që jemi gjithë ditën në punë duke kërcyer, prandaj mbrëmjet jashtë janë të rralla në jetën tonë”.
Jo më kot, çifti i njohur i balerinëve të Portokallisë, nuk kanë qëndruar më shumë se një orë dhe ia kanë mbathur nga sytë këmbët: larg rrëmujës dhe zhurmës së diskove, për në shtëpizën e tyre të qetë.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

Xhemi Shehu: Në shtator jo në “Top Channel”

Ish-velina më e njohur dhe e dashur, dalë nga “Fiks fare”, e cila premton se do t’i rikthehet televizionit me një program të ri televiziv, ka pohuar se stacioni ku do ndalojë nuk do të jetë “Top Channel”.
Programi televiziv, që do të drejtohet prej saj pritet të startojë në shtator, në një nga stacionet televizive kombëtare shqiptare. “Bëhet fjalë për një stacion mjaft prestigjoz, por nuk do të rikthehem te Top Channel” është shprehur Xhemi, në lidhje me këtë program televiziv.
Por, ajo nuk nxitoi për të marrë përsipër frerët e këtij programi që në muajt e nxehtë të verës. Sigurisht ajo nuk mund të prishë rehatinë e pushimeve verore. Ndaj, për ta parë Xhemin si drejtuese duhet të presim edhe ca muaj, të paktën nuk do ta shohim më shpejt se në shtator.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

“Akademia e yjeve”, nje yll po lind

Ajo qe u paralajmerua per gjysemfinalen “Akademise se Yjeve” ndodhi me te vertete. Ne ekranin e televizionit “Klan”, me shume se nje gare mes talentesh te rinj, mbremja e se merkures ishte nje spektakel i vertete. Sepse kjo ishte nata e fundit e konkursit te zakonshem, i cili na ka shoqeruar per nente jave me radhe. Pas saj vjen mbremja e fundit gala, prej nga do te dale talenti me i ri ne kenge dhe balet ne Shqiperi.
Keshtu pame te parakalonin ne skenen e “Klanit”, nen euforine e nxenesve te shkollave te mesme te kryeqytetit, si publiku me i mire i ketij formati, Irisin, Nidoren, Syarten, Uendin, Gracianon, Kristin, Anen, Rinen, Andin dhe Anxhin. Atmosfera ishte e elektrizuar, ethet e gares dhe lufta per te mberritur ne maje, kishte arritur kulmin. Per nxenesit e “Akademise se Yjeve” kjo ishte “beteja” e parafundit, e konceptuar si nata amerikane.
Ndaj asnjeri prej tyre nuk ngurroi te merrte mbi vete prova “te rrezikshme”. “Sipmly the best ” e kenduar nga Iris Hoxha, “No one” nga Nidora, “Oh mother” nga Jurgena dhe Syarta, “Bring me to life” nga Anxhelika, “One day in your life” nga Uendi dhe numrat e baletit nga ciftet Kristi-Rina; Ana-Andi; Kristi-Graciano e Ana-Rina s’mund te quhen ndryshe vecse “provat e zjarrit”. Ndersa qershia mbi torte, muzikali “High School Musical” percolli nje atmosfere te zjarrte qe ndezi publikun. E te gjitha e kaluan proven me shume sukses. Aq sa ishte e veshtire te parashikoje se cili prej atyre te rinjve do te eliminohej per ate mbremje.
Ankthi ka qene i pranishem ne ate salle deri ne sekondat e fundit. Megjithate, askush nuk e shfaqi. Ndryshe nga cdo nate tjeter, ne kete gjysmefinale ata ishin te bindur per te ofruar spektakel. Dhe ia dolen. Ne fund, sic e parashikon edhe formula e “Akademise se Yjeve”, u larguan dy nxenesit me pak te votuar per kete jave: Andi dhe Anxhi. Ata jane larguar te bindur se tanime e kane arritur qellimin per te cilen hyne ne akademi: te behen te famshem. Finalistet e ketij edicioni kane mbetur nente. Qe prej se enjtes, ata kane filluar mesimin normal, cdo pasdite ne qendren kulturore “Robert Radoja” ne pritjet te finales se madhe. E cila padyshim do te jete shume e forte. Te merkuren e 18 qershorit, gjithcka pritet te jete speciale. Sepse ne fund, nene driten e fishekzjarreve, festes dhe brohoritjeve pritet te shpallen me te miret e te mireve. Talentet qe do t’i shtohen skenes shqiptare, e cila ka vertet nevoje per ta.
Konkurrentet
Pame te parakalonin ne skenen e “Klanit”, nen euforine e nxenesve te shkollave te mesme te kryeqytetit, si publiku me i mire i ketij formati, Irisin, Nidoren, Syarten, Uendin, Gracianon, Kristin, Anen, Rinen, Andin dhe Anxhin. Atmosfera ishte e elektrizuar, ethet e gares dhe lufta per te mberritur ne maje, kishte arritur kulmin.
Provat
Asnjeri s’ngurroi per prova “te rrezikshme”. “Sipmly the best ” e kenduar nga Iris Hoxha, “No one” nga Nidora, “Oh mother” nga Jurgena dhe Syarta, “Bring me to life” nga Anxhelika, “One day in your life” nga Uendi dhe numrat e baletit nga ciftet Kristi-Rina; Ana-Andi; Kristi-Graciano e Ana-Rina s’mund te quhen ndryshe vecse “provat e zjarrit”.
Burimi: Gazeta Koha Jone

anetare te shquar Anëtarësuar : 08 Dec 2007 Mesazhe : 993

Vietnami i jep vizë KRASNIQIT, pjesëmarrja, e diskutueshme

Bukuroshja kosovare, Zana Krasniqi ka fituar vizën për në Vietnam, por mbetet e diskutueshme pjesëmarrja e saj në “Miss Univers 2008”, që mbahet më 14 Korrik. Fotografi Fadil Berisha, i cili deklaroi vetëm dy ditë më parë se do të bënte çmos që Zana të udhëtonte drejt Vietnamit me një vizë, por si shqiptare, ia ka arritur qëllimit. “Do Zoti nuk do të kemi probleme të tjera gjatë Miss Univers”, ka thënë për mediat fotografi i njohur.
Bukuroshes kosovare iu refuzua viza nga autoritetet e Vietnamit me pasaportë të UNMIK-ut, çështje kjo e cila u zgjidh, falë ndërhyrjes së Ambasadës se Shqipërisë në Shtetet e Bashkuara të Amerikës, ku edhe modelja e njohur ka marrë vizën me pasaportë shqiptare. Ndërkohë, zyra e shtypit e presidentit, ka konfirmuar për gazetën se modelja e njohur Zana Krasniqi ka prej dy vjetësh pasaportë shqiptare, pra ajo ka nënshtetësi shqiptare, status të cilin e ka fituar në periudhën kur ajo ka konkurruar në Super Model, ku edhe përfaqësoi vendin tonë në këtë eveniment të njohur të modelimit.
Rreziku
Nga ana tjetër, autoritetet e Vietnamit kontestojnë pavarësinë e Kosovës, duke bërë të qartë se nuk do të lejojnë pjesëmarrjen e Krasniqit në këtë eveniment. Por duket se përveç Vietnamit, që ka kërcënuar se do të tërhiqet nga gara, tërheqjen e ka paralajmëruar, Serbia, Kroacia dhe Bosnja Hercegovina, të cilat kanë deklaruar se nuk e njohin shtetin e ri të Kosovës.Por duket se fakti që Vietnami është vendi pritës i Miss Univers, nuk mund të lejojë organizatorët të përjashtojnë Zana Krasniqin nga gara.
Por duket se përpos kërcënimeve që ka bërë Vietnami dhe tre vende të tjera për të bojkotuar Miss Univers, presidentja e këtij evenimenti, Paula Shugart hodhi poshtë deklaratat, duke sqaruar se “Miss Universe Organization” ka marrë vendim që, pas shpalljes së pavarësisë të Kosovës dhe njohjes së saj politikisht, nga shumë shtete të botës, përfshirë edhe SHBA-në, Kosova do të prezantohet zyrtarisht në këtë spektakël bukurie, madje ka të drejtë të përfaqësohet me flamurin, himnin dhe të gjitha simbolet e saj, në çdo aktivitet që organizohet nga “Miss Universe Organization”. Zana Krasniqi dhe Matilda Meçini, do të jenë përfaqësueset e Kosovës dhe Shqipërisë në “Miss Univers 2008?, që organizohet në kryeqytetin e Vietnamit më 14 korrik.
Burimi: Gazeta Panorama

anetare te shquar Anëtarësuar : 08 Dec 2007 Mesazhe : 993

SHPAT KASAPI: Homoseksual? Vetëm Zoti e di se si jam

Vetëm 3 muaj më parë, fill pas prezantimit të videoklipit të tij më të fundit, në kryeqytetin tonë, filluan të gëlonin thashetheme të shumta që flisnin se Shpat Kasapi preferonte meshkujt. Por duket se pas një heshtje të gjatë, këngëtari i pëlqyer nga fanset e shumta shqiptare, rrëfen gjithë të vërtetën, duke m