Rreth vipave shqiptar

Rreth vipave shqiptar

 nga ILIRI prej Thu Apr 10, 2008 9:30 am

Rreth vipave shqiptar

Këngëtarja joshëse, Rozana Radi, ka vendosur të qëndrojë paksa larg këngës por jo edhe larg muzikës. Në qetësi, ajo dëshiron t’i përkushtohet një tjetër pasioni të saj, aktrimit, por edhe krijimit të teksteve të këngëve.
“Jam shumë e lodhur nga muzika dhe më mirë të themi nuk kam nerva të merrem më, të paktën për momentin. Më kanë munduar shumë zhurmat, pjesëmarrjet në diskoteka, koncerte, kontakti me njerëzit, mënyra sesi duhet të sillesh me ta. Si duhet t’u flasësh, t’u qeshësh. Sinqerisht jam e lodhur. Për një farë kohe nuk dua t’i kthehem muzikës. Dua të bëj pak pushim”, ka thënë Radi, në një intervistë për Bluetooth.

Rozana sapo ka përfunduar filmin me metrazh të shkurtër i cili është një tjetër pasion për të. Filmi mban titullin “Mira” në të cilin Rozana interpreton rolin kryesor. Aktualisht filmi ndodhet në studiot e montimit në Amerikë dhe shumë shpejt do të vijë në Tiranë në festivalin e filmit me metrazh të shkurtër.

Ndërkaq sa i përket jetës së saj private ajo ka thënë: “Nuk ka asnjë ndryshim në jetën time. S’ka asgjë të re. Nuk jam e dashuruar, ndoshta kjo është periudha e reflektimit, pas një kohe të gjatë që ke kaluar me një njeri që ke dashur shumë. Nuk kam vendosur ende të jem me dikë tjetër. Është e vështirë. Fillon njeriu nga pretendimet”.
Padashur të mërzisim këngëtaren profesioniste, “Bluetooth” veçoi këtë thashethem për shkak të veçantisë së tij. Një video e xhiruar gjatë një evenimenti, koncerti të madh tregon këngëtaren "veterane" të skenave shqiptare duke kënduar. Papritur, në një moment që Irma po këndon dhe qindra spektatorë kërcejnë duke iu bashkuar ahengut në një pistë të madhe të improvizuar, ajo ka filluar të qeshë. Në fakt nga videoja nuk kuptohet se çfarë ka nxitur këngëtaren të qeshë, por ajo që mund të dallohet qartë është se pas pak sekondash Irma nuk arrin të pushojë së qeshuri, ndërkohë që përpiqej të këndonte dhe të fliste. Ashtu siç pritej, reagimi i publikut ka qënë aspak negativ, përkundrazi, ishte një reagim maft dashamirës ndaj njërës prej këngëtareve të tyre të zemrës. ‘Të ndezur’ nga efekti i muzikës dhe atmosferës, ata kanë vazhduar të kërcejnë në varg. Në fund të fundit, publiku nuk kishte pse të reagonte keq, pasi dhe këngëtarët qënie njerëzore janë, me ndjenja dhe përjetime.
Padyshim ka krijuar një emër në art jo vetëm falë zërit të saj, por edhe nga performancat shpesh sensuale. Nuk e ka pasur të vështirë startin dhe të bëjë të njohur emrin e saj, përderisa mbiemri ishte tashmë shumë i njohur. Vajza e regjisorit të njohur Ferdinand Radi dhe mbesa e kantautorit shumë të dashur për të gjithë, Françesk Radi, ajo ka mundur të bëjë për vete shumë fansa në këtë treg, akoma të etur për risi në muzikë. Në vite duket se ka preferuar më shumë të investojë për albumet sesa të jetë pjesë e kompeticioneve të ndryshme muzikore dhe në fakt albumet e saj nuk kanë kaluar asnjëherë në heshtje.

Paraqitja më e fundit e Rozana Radit këtë radhë ka qenë në një kompeticion, te festivali “Mikrofoni i Artë”. Fakti që ky është një festival i cili promovon kryesisht emra të rinj, por edhe rryma të ndryshme muzikore, duket se e ka bindur Rozanën të jetë pjesë e tij. Ka lënë mënjanë ritmet, si ato tek albumi i fundit “Rrotullo me gisht” dhe ka dalë para publikut me një baladë të titulluar “Unë, ti ajo”. Vargjet, të cilat i ka shkruar vetë ajo, rrëfejnë për një vajzë e cila i merr të dashurin shoqes së vet.

Madje kaq me shpirt e ka interpretuar këtë këngë Rozana sa shumë miq të saj e kanë pyetur nëse i ka ndodhur në jetë që shoqja t’i marrë të dashurin. Ajo me natyrën e saj çapkëne është përgjigjur: “Ku guxon femër të më marrë të dashurin mua!”. Një nga gjërat që kanë rënë në sy të kolegëve të saj dhe të organizatorëve të “Mikrofonit” është edhe fakti se në prapakuinta Rozana është shumë e qetë. Madje këtë radhë ajo është parë gjithë kohën duke bërë shaka me miqtë, si ka kthyer edhe ndonjë shishe birrë me mikun saj Kastron, të shoqëruar me ndonjë cigare. Ndërsa në skenë performanca ka qenë jashtë të gjitha parashikimeve. Me një fustan të shkurtër të kuq super mini dhe me rripa, Rozana krahas melodisë së bukur, iu ka dhuruar spektatorëve edhe një performancë fizike që i ka lënë ata pa frymë. Nuk ishte e vështirë të kuptoje që poshtë fustanit nuk kishte sutjena, ndërkohë që poshtë getave dukeshin fare qartë një palë mbathje me dizenjo si lëkurë leopardi. Dhe sapo ka mbaruar këngën, ka vijuar me çmenduritë e saj.

Eshtë afruar dhe e ka puthur Olti Currin në buzë. Një surprizë edhe për këtë të fundit, i cili padyshim duhet ta ketë shijuar shumë këtë moment. Pra gjithçka një surprizë e vërtetë dhe e mrekullueshme. E pyetur për këtë fakt Rozana ka thënë: “E çfarë kishte për tu çuditur? Mos harroni, unë jam edhe aktore dhe ajo që bëra ishte thjesht një puthje artistike, ashtu siç ka puthur Sabrina Ferrili Pipo Baudon në skenën e San Rremos. Por dua t’ju them se nuk ishte diçka e menduar, thjesht më erdhi ta bëja pikërisht në atë moment.” Thuhet se në fillim, meqë kënga ishte baladë, Rozana kishte menduar që të vishte një fustan të gjatë, por më vonë duke menduar se publiku që do ta ndiqte është relativisht i ri në moshë, ka ndërruar mendim. Dhe në fakt ka bërë mirë, po të kemi parasysh që linjat e Rozanës kohët e fundit janë bërë perfekte falë edhe një diete strikte që po mban këngëtarja. Në fakt kush e mban mend në daljet e saj të para, mund të kuptojë fare mirë që Rozana është transformuar tërësisht. Pamjen e saj të hijshme, ndër të tjera ia japin edhe rrobat, të cilat mesa tregojnë miqtë e saj janë që të gjitha firmato.

Dhe një përkujdesje që nuk shkon kot. Rozana i trullosi të gjithë me lookun dhe për këtë fakt mori çmimin “Best look”. Sa për jetën private, këngëtarja thotë se nuk ka asgjë të re. Kohët e fundit është përfolur shumë për mundësinë e një lidhjeje kur në një eveniment është parë e shoqëruar me një djalë, por Rozana thotë se të gjitha janë thashetheme pasi ai djalë është çuni i tezes së saj. Ndërkohë këngëtarja nuk ka lënë pas dore edhe karrierën e saj në teatër, ku së fundmi është paraqitur me rolin e Kristinës te “Bebet e Kazanovës”.

Këngëtarja Bleona Qerreti me çdo kusht dëshiron të jetë në një hap me yjet e arenës botërore. Duket se bën çmos vetëm e vetëm për t’u paraqitur moderne dhe sa më ekstravagante duke blerë veshje të firmave më të njohura. Por kjo gjë siç duket nuk e dëmton edhe aq buxhetin e Bleonës
pasi ajo ndjek edhe një hap tjetër të yjeve gati-gati deri në kopjim. Mësohet që një fustan të cilin
Bleona e ka veshur në vetëm një paraqitje të saj në skenë ia ka shitur për 250 euro një vajze nga Kosova. Ka qenë vajza e cila është tërhequr shumë nga veshja e Bleonës por edhe për faktin se ai është mbajtur në skenë nga këngëtarja e saj e preferuar. Në këtë rast Bleona nuk ka dalë e dëmtuar nga shpenzimi marramendës për lookun ndërsa vajza ka mbetur shumë e kënaqur. Në mbrëmjen e saj të maturës ajo ka mbajtur veshur fustanin e këngëtares bukuroshe.[img]http://www.zemershqiptare.com/mkportal/modules/reviews/images/a_892.bmp[/img]
Salla me mijëra qytetarë, simpatizantë të Behxhet Pacollit është ndezur kur në skenë ka dalë Çiljeta. Ka mjaftuar të këndojë vetëm një këngë për të ngritur në kulm atmosferën duke kënduar e kërcyer me një minifund para simpatizantëve të partisë AKR në Pejë. Duhet theksuar se biznesmeni i njohur Behxhet Pacolli në fushatën e tij elektorale po angazhon këngëtarët më të njohur shqiptarë për të argëtuar simpatizantët e tij. Himinin në Pejë, e ka kënduar këngëtari Kastriot Tusha, ndërsa ka vazhduar të argëtojë masën këngëtari kosovar Xeni. Ajo që do t’i interesonte mbarë opinionit publik në këtë rast është: Sa mund të paguhen këngëtarët nga pasaniku Pacolli? Por këtë të preferuarit e tij, e mbajnë me të vërtetë si një sekret. [img]http://www.zemershqiptare.com/mkportal/modules/reviews/images/a_873.bmp[/img]
Soni Malaj këtë herë do të vijë krejt ndryshe, më një veshje dhe pamje që kurrë më parë nuk është parë. Këto ofrohen në këngën e saj më të fundit, klipin e së cilës po e përfundon me merak regjisori i mirënjohur ku të gjithë mbështeten për të krijuar diçka vërtet cilësore, Alexandri. “Zik-Zak” është titulli i këngës e cila ka impenjuar me përkushtim në shërbim të dashurin e saj të zemrës Florin, si dhe Big Bastën e Ervin Gonxhin. Video e këngës do të publikohet së shpejti ekskluzivisht për Albaniac.com Foto që shihni i përket çasteve nga sheshi i xhirimit. Vetë Soni për këtë këngë është shprehur se është mjaft e rëndësishme dhe çdo gjë do të donte ta realizonte në perfeksion.
broon; Radio focus-tetove