Plane te artisteve shqiptar

anetaret me aktiv Anëtarësuar : 16 Dec 2007 Mesazhe : 197

Vesa Luma këndon në një festival në Novi Pazar

Këngëtarja Vesa Luma do të prezantohet në një festival muzikor në Novi Pazar. “

Atje do të interpretojë në shqip”, ka thënë Luma në një deklaratë nëpërmjet telefonit dhënë emisionit “Express Live”.

Përveç këtij prezantimi, Luma ka thënë se tashmë është duke u përgatitur edhe për disa koncerte që do t’i ketë në Shqipëri gjatë sezonit veror.

“Çdo të dytën javë do të jem në mbrëmje muzikore nëpër lokalet buzë bregdetit, ku adhuruesit do të mund të dëgjojnë edhe këngët e mia të reja”, ka thënë këngëtarja.

anetaret me aktiv Anëtarësuar : 16 Dec 2007 Mesazhe : 197

Elvana Gjata ka “sjellë” bregdetin e Vlorës në Prishtinë

Elvana Gjata ka “sjellë” bregdetin e Vlorës në Prishtinë me të promovuar video-klipin e radhës. Kaltrina Krasniqi, Blero, Albi Nako, Xeni etj ishin disa prej të famshmëve të pranishëm në këtë promovim. Kjo është hera e parë që këngëtarja promovon një punë të saj me një organizim të tillë ndryshe nga herë të tjera kur ajo këngët i ka promovuar nëpër emisione televizive apo festivale muzikore. Video-klipi më i ri i Elvanës është realizuar në Vlorë dhe vë në pah bukuritë e bregdetit Jon. Në të, përveç skenave të xhiruar nëpër plazh në disa skena Gjata paraqitet edhe nën det. E gjithë kjo është realizuar nga produksion kosovar “Pixels” me të cilin këngëtarja ka shënuar bashkëpunimin e tretë. “Ka ndodhur kështu sepse puna e tyre më pëlqen” ka thënë ajo. Ndryshe këngëtarja këngën e saj më të re e përshkruan si “ritmike, verore por në asnjë mënyrë komerciale” Muzika dhe orkestrimi i këngës është bërë nga kantautori shqiptar Florian Mumajesi – Flori ndërsa tekstin “Vetes” e ka shtuar vet këngëtarja. Befasitë për Elvanën nuk kanë munguar këtë mbrëmje. Derisa projektohej video-klipi “Vetes” nga prapa qielli ishte ndriçuar nga një numër i madh fishekzjarrësh. Në prag të stinës së verës përpara kamerës së KTV-së artistja ka thënë se i vjen keq që edhe këtë verë do ta kalojë nëpër mbrëmje të ndryshme muzikore duke mos pasur kohë për pushime.

anetaret me aktiv Anëtarësuar : 16 Dec 2007 Mesazhe : 197

Hekurani do të këndoj në dasma, gjatë verës

Gjatë sezonit veror Hekuran Krasniqi do t’i bashkohet këngëtares kosovare, Teuta Selimi, dhe bashkë do të përkujdesen për atmosferën në disa dasma shqiptare.

Disa prej çifteve që këtë vit martohen kanë zgjedhur Hekuranin dhe Teutën që të jenë pjesë e momenteve më të bukura të jetës së tyre.

Ata do të këndojnë muzikë popullore por edhe disa këngëve të tyre të zgjedhura. “Është kënaqësi të jesh pjesë e një atmosfere të një familje, me shumë miq” ka thënë këngëtari.

Përveç kësaj, për Hekuranin nuk do të mungojnë mbrëmjet e ndryshme rinore. Këtë të shtunë ai do të interpretoj në Pejë bashkë me këngëtaren shqiptare nga Maqedonia, Leonora Poloskën.

anetaret me aktiv Anëtarësuar : 16 Dec 2007 Mesazhe : 197

Kinemaja, sfida e Agnesa Vuthaj
Bukuroshja Agnesa Vuthaj, e cila mban kurorën e Miss Albania 2005, pritet që të shfaqet së afërmi edhe si aktore, pikërisht në filmin “Shkallët”.

Nëse deri dje Vuthaj është shfaqur vetëm si modele, tani ajo ka sprovuar edhe rolin e një aktoreje në një produksion shqiptar, i cili është një film me metrazh të shkurtër i Qendrës Kinematografike Shqiptare dhe u shfaq të premten premierë. Vuthaj ka interpretuar në filmin “Shkallët”, përkrah Margarita Xhepës, Gentian Zenelaj dhe Genc Fugës, një film me metrazh të shkurtër, që ka pasur në qendër një fabul nga jeta e përditshme shqiptare.

Agnesa prej kohësh nuk është shfaqur në asnjë eveniment, pasi ka qenë tejet e impenjuar me projektet jashtë Prishtinës, pikërisht me Miss Universe Kosova, duke qenë edhe organizatore e këtij evenimenti
së bashku me fotografin Fadil Berisha.Ndërkohë përpos fushës së artit prej pak kohësh Agnesa ka pohuar se i është futur edhe politikës, duke mbajtur pozicionin e këshilltares për Marrëdhëniet
me Publikun për ish-kryeministrin e Kosovës, Bajram Rexhepi, i cili aktualisht është në krye të komunës së Mitrovicës.

anetaret me aktiv Anëtarësuar : 16 Dec 2007 Mesazhe : 197

Nora Istrefi, pas fejesës me një klip të ri
Këngëtarja Nora Istrefi së shpejti do të paraqitet në treg me një këngë të re, madje edhe me një videoklip, i cili pritet që të jetë një kthim triumfues, vetëm pak ditë pas fejesës së saj zyrtare me Robertin, djaloshin me të cilin ishte lidhur prej më se dy vjetësh.

Miq të afërt të këngëtares pohojnë se Nora ndihet mjaft mirë për këtë rikthim, ndoshta për t’i thënë “stop”, fjalëve dhe komenteve për fejesën e saj. Kënga është tashmë gati dhe pritet që pas disa ditësh këngëtarja të udhëtojë drejt Maqedonisë, ku edhe është menduar të realizohet vidoeklipi, i cili i është besuar një regjisori të njohur. Nora nuk ka dhënë asnjë detaj për këngën e saj të re, duke deklaruar se ajo do të jetë një surprizë për fansat.

Ndërkohë që fejesa e saj, edhe pse është një fakt i pamohueshëm, nuk ka qenë asnjëherë pjesë e bisedave, qofshin edhe mes miqve të saj më të ngushtë, duke theksuar se nuk do që askush të merret me jetën e saj private.

anetaret me aktiv Anëtarësuar : 16 Dec 2007 Mesazhe : 197

Shpat Kasapi homoseksual vetem zoti e di se si jam

Vetëm 3 muaj më parë, fill pas prezantimit të videoklipit të tij më të fundit, në kryeqytetin tonë, filluan të gëlonin thashetheme të shumta që flisnin se Shpat Kasapi preferonte meshkujt. Por duket se pas një heshtje të gjatë, këngëtari i pëlqyer nga fanset e shumta shqiptare, rrëfen gjithë të vërtetën, duke mohuar lajmet dhe fotot e sajuara, të publikuara në media.
Nëse në fillim e konfirmoi se këtë gjë, duke shpalosur publikisht lidhjen e tij dashurore me modelen e njohur Afërdita Dreshaj, ai rrëfen për gazetën se gjithë kjo tymnajë përfoljesh të shumta, nuk është as më shumë as më pak, vetëm një sulm personal ndaj tij. “Ato që janë shkruar në media janë thjesht bindje e njerëzve, që i shkruajnë ato, mendime të dobëta që nëpërmjet këngëtarëve mundohen të përfitojnë, por kjo për mua nuk ka shumë rëndësi, mjafton që Zoti e di çfarë bindjesh kam unë”, rrëfen Shpati, duke mohuar të gjitha lajmet e publikuara prej më se tre muajsh në mediat e Tiranës.
Por duket se përpos faktit se, lajmet që vijnë nga Tirana nuk e shqetësojnë aq shumë djaloshin nga Shkupi, ai thekson se një pjesë e këtyre thashethemeve, përveçse janë të qëllimshme ka edhe shumë njerëz, mes tyre edhe kolegë që mund të jenë pjesë e kësaj farse mediatike. “Këto janë edhe pjesë e thashethemeve që dalin nga njerëz që nuk më simpatizojnë, sigurisht ka dhe duhet të ketë persona që nuk më duan”, sqaron Kasapi.
JETA PRIVATE
Edhe pse prej kohësh është deklaruar në media lidhja e këngëtarit me modelen e njohur, Afërdita Dreshaj, djaloshi nga Shkupi, nuk preferon që të japë shumë informacione për jetën private, por ama siç edhe tregon, nuk ka se çfarë të fshehë më, madje nuk ka asgjë sekrete tashmë në lidhjen e tij dashurore. “Nuk kam çfarë të fsheh, kur dikush kërkon informacione nga jeta ime private.
Është shumë në rregull dhe kam çka të tregoj”, pohon ai, duke theksuar se si një tip i sinqertë dhe shumë i hapur, pranon të flasë gjithmonë pa doreza, qoftë kjo edhe përpara medias, që kërkojnë informacione mbi jetën private. Ai rrëfen se prej kohësh tashmë ka një lidhje të bukur dashurore dhe nuk fsheh asnjë gjë, por duket se ajo që ndoshta e shqetëson më shumë, janë fansat, të cilët mund të zhgënjehen nga titujt abuzive të gazetave rozë. “U them fansave të mi, se i dua të gjithë, të vazhdojnë të dëgjojnë këngët e mia dhe të mos dëgjojnë çka flasin mediat. Ajo se kush jam në të vërtetë e di vetëm Zoti. Puna ime është të vazhdoj të punoj dhe të ec përpara, kjo është këshilla që u jap fansave të mi”, sqaron këngëtari shqiptar nga Maqedonia.
KARRIERA
Së fundmi ai ka qenë shumë i zënë jo vetëm me koncerte, por edhe me punë të tjera, pikërisht po punon për një këngë të re, e cila do ta sjellë Shpat Kasapin në tregun muzikor, krejt ndryshe nga sa e keni parë deri tani. Ai pritet që të kthehet me një këngë të re me ritme të ngjashme me rrymën latinooriental, por edhe RnB, që është gjithashtu, edhe muzika ku e gjen vetëm më mirë.
Ndërkohë, në këtë sezon Shpati ka në axhendën e tij një numër të madh koncertesh, shumica të planifikuar në Evropë, kryesisht në Gjermani, Zvicër, Suedi dhe Danimarkë, por siç edhe pranon, në asnjë vend nuk e presin më mirë se në Maqedoni dhe në Shqipëri, ku edhe ka numrin më të madh të fansave të tij. Por shumë shpejt surpriza e tij do të bëhet e dukshme, pra kënga e tij e re, e cila do ta sjellë jo vetëm me një këngë të re, por edhe me një look krejt ndryshe, fakt të cilin Shpati e ka konfirmuar së fundmi, duke pohuar se gjithmonë do të shfaqet ndryshe në skenë.

anetaret me aktiv Anëtarësuar : 16 Dec 2007 Mesazhe : 197

Elsa Lila, po e shijon dashurinë në ishujt amerikanë
Këngëtarja e mirënjohur shqiptare, Elsa Lila ka udhëtuar për në ishujt Karaibe me të dashurin e saj Arian Konomin.

Lajmin e ka transmetuar suplementi i “Gazetës shqiptare”, “Bluetooth”.
Këngëtarja ishte parë së pari në aeroport të Madridit, mirëpo në fillim nuk ishte ditur se cili ishte destinacioni final i këngëtares. Sipas gazetës, Elsa dhe Ariani së pari kanë shkuar në Kubë, ku kanë qëndruar një javë, më pas vizitën e tyre e kanë vazhduar edhe në ishujt “Paradise Island”, në arkipelagun e Bahameve.

Por, e tërë kjo do të vërtetohet pasi ata të jenë kthyer në Shqipëri apo Itali ku edhe do të shikohet ngjyra e tyre

anetaret me aktiv Anëtarësuar : 16 Dec 2007 Mesazhe : 197

Rozana Radi, si e prisha planin e martesës
Ka kaluar një vit nga ndarja e saj me të dashurin dhe plani që kishte për martesë. Tani ëshë e vetme në shtëpi, por fati i ka ecur me paratë. Imazhi i ri i orëve “Romanson”, kontrata 5-vjeçare me “Eurostar” dhe përfundon xhirimet e filmit “Mira”. Çka sa i takon jetës private? Kësaj here e bindur për fejesë.

Ai duhet të niset për punë në orën 08:00, dhe të kthehet në 16:00. Të jetë serioz, i pjekur, i matur. Lamtumirë djemve çapkënë, të afeksionuar pas kotorrave dhe garave të shpejtësisë. Është koha që Rozana Radi të nisë një jetë të rregullt familjare. Ndoshta është lodhur, mbase zhgënjyer.
“Babai më thoshte: Të dua aq shumë, sa nuk do të të lë kurrë vetëm. Dhe iku pikërisht ditën kur unë kisha më shumë nevojë. Ishte nisur të vinte tek unë, pasi jepja provim lëndën “Fjala Artisike” dhe nuk mbërriti dot”.
“Mami më thoshte: “Nuk iki nga kjo botë pa të parë ty nuse, veshur me të bardha. Iku nga kjo jetë, një ditë që unë isha veshur e gjitha në rozë”.

“Nuk kam ç’të pres më, tani jam e gatshme të fejohem. E vetmja gjë që pres është një dashuri e madhe. Nuk mërzitem, kur të vijë”, ka thënë Rozana për “Panorama Plus”. Ka kaluar një vit, që kur i dha fund një historie të përfolur shumë. Ishte një lidhje 4-vjeçare, e që do t’i çonte në martesë. “Nuk jam penduar, pasi ajo që e prishi atë plan, isha unë”, pohon Rozana. “Tani ka ardhur koha, për ta marrë jetën më seriozisht. Mezi pres të martohem me një djalë, me të cilin të takohem në shtëpi në drekë, të gatuajmë bashkë, ta organizojmë jetën të dy. Duhet të jetë bukur. Padyshim dhe unë do filloj ta bëj jetën ndryshe, pasi nuk do këndoj gjithë jetën. Një ditë besoj do të jem aktore në teatër, ose pedagoge në Akademinë e Arteve”, shprehet më tej. Bukur. Por do i duhet të ndryshojë tërësisht stilin e jetës që bën momentalisht, ndërsa e pohon vetë se në apartamentin e saj ku jeton e vetme pas humbjes së nënës, kthehet shumë vonë, ose nuk kthehet fare…
Dasmë me muzikë rok
Një dasmë moderne, vetëm me shoqërinë e saj. Kështu kishte planifikuar, dhe ndoshta do të ishte një festë e zhurmshme roku. Por plani dështoi. Kjo s’do të thotë se nuk do të ndodhë më.”E kam ëndërr të vishem me të bardha dhe dasmën do e realizoj patjetër”. Duhet të jem e bindur, për personin që do të lidh jetën. “Se prapë, unë kam për ta lënë. Ndoshta s’u besohet, por mua s’më kanë lënë asnjëherë meshkujt. Janë disa aspekte të tipit tim, në sajë të cilave jam gjithmonë shumë përpara tyre, dhe sepse jam tip shumë i besueshëm për ta”.
Rozana – në rolin e banakieres
Jemi në prezantimin e një filmi të shkurtër, por që pritet të bëjë rrugë shumë të gjatë. Merrni ca kokoshka, fikni celularët dhe kujtoni që Festivali i Filmit të Shkurtër në Amerikë (në të cilin do të prezantohet filmi ku luan Rozana Radi), mban emrin e Roberto De Niro-s. Shqiptarja që do njihet atje, quhet Mira (e luan Rozana), është afër 30 vjeçe dhe është një grua e përkushtuar. Është viti 2008, jeton në Shqipëri, dhe punon në banakun e një lokali të Tiranës, për të mbajtur fëmijët dhe familjen. Rozana është aktorja kryesore, dhe luan përkrah aktorëve Tinka Kurti, Neritan Liçaj, etj. Në vjeshtë, ajo do ta shohë filmin si spektatore në Festivalin e Filmit me Metrazh të Shkurtër, TIFF. Ka qenë një bashkëpunim i mirë me Dhimitër Ismajlin, artistin shqiptar, që jeton në Shtetet e Bashkuara të Amerikës. Ai do ta çojë në Festivalin e Filmit me Metrazh të Shkurtër “Roberto De Niro” në SHBA. “Kaq për momentin”, dhe ajo vetë nuk mund të flasë më shumë.
Tekste sa të duash
Në aparatin e celularit, i shkruan tekstet e këngëve si mesazhe. “Lexoj shumë, dhe natyrisht një njeri që lexon do të shpërthejë diku”. Për vete, tekstet duhet t’ia bëjë dikush tjetër, pasi nuk ia qëllon kurrë në shenjë. Miqtë e saj këngëtarë janë duke pritur në radhë. Sapo ka përfunduar një tekst kënge për Anjeza Shahinin, dhe po punon për Valbona Halilin, Ingrid Gjonin, Silva Gunbardhin, Soni Malaj, etj.
Kontratë 5-vjeçare me Eurostar
Çdo dy ditë, niset për koncerte. Por është e kënaqur me paratë, të cilat nuk i mungojnë. Një artist në Shqipëri, nuk mund të jetë i pasur, por një këngëtar mund të bëhet. Tani Rozana, ka një menaxher që planifikon gjithçka për koncertet dhe bën llogaritë e fitimit nga shitja e albumeve.
Fytyrë e firmës “Romanson”
Një shans i madh, një ofertë e kamur, pasi sapo ka përfunduar realizimin e një seti të veçantë fotosh për orët “Romanson”. Do të jetë imazhi i “Romanson”-it. “E konsideroj si rritje të imazhit tim, dhe besoj që është kështu”, tha ajo.
Panorama Plus

anetaret me aktiv Anëtarësuar : 16 Dec 2007 Mesazhe : 197

Rezarta Shkurta, stilistja e Orinda Hutes
Këngët nuk i lë asnjëherë pasi po përgatit disa klipe për verë. Por Rezarta Shkurta ka një pasion të veçantë që shumë pak miq të saj e dinë, atë të stilimit të veshjeve, konceptimit të fotografisë, modelimit të flokëve dhe make up-it të artistëve.

Të gjitha këto, i ka realizuar me Orinda Hutën, në paraqitjen skenike të saj një klipin e ri, fabula e të cilit ëshë një histori tradhtie. Rezarta ka ideuar kësaj here një Orindë ndryshe, në klipin e ri të ritmit R and B, që përfundoi xhirimet pak ditë më parë. Ajo është kujdesur për gjithçka, që nga stilimi i veshjeve, modelimi i flokëve, grimi, deri tek ideimi i fotografive gjatë xhirimeve. Por si do të jetë Orinda, sipas shijes dhe idesë së Rezartës? “Bjonde sërish, por e veshur kryesisht sportive, pasi ky stili të veshurit është në tipin e
saj, por që gjithmonë e ka fshehur në skenë”, tha Rezarta.

“Të punoj për paraqitjen skenike të këngëtarëve është pasion i imi, të cilin dua ta ushtroj, tha ajo për “Panorama Plus”. I pëlqen të zbulojë tipin e vërtetë të këngëtarit, dhe këtë gjë beson se e ka arritur fillimisht me Orindën. Mbetet vetëm ta shohim.
PanoramaPlus