Xhenifer Lopez, në pushime edhe me miqtë

Xhenifer Lopez, në pushime edhe me miqtë
Edhe pse një person publik ku jeta e saj artistike është tej mase e pasur dhe e larmishme, ajo ka gjetur kohën për t’u relaksuar dhe për të pushuar buzë bregdetit. Për të kaluar disa ditë të qeta larg impenjimeve profesionale këngëtarja dhe aktorja Xhenifer Lopez ka zgjedhur kësaj here që disa ditë nga pushimet verore t’i konsumojë në një prej shteteve të kontinentit "plak”, Evropa, në Itali. Ajo është fotografuar nga paparacët duke kaluar disa momente të këndshme nën shoqërinë e jo vetëm të bashkëshortit të saj Mark Antoni, por edhe të të miqve të saj. Janë stilistët më të njohur jo vetëm në Itali, por edhe në shumë shtet të ndryshme botërore. D & G, apo siç njihen ndryshe me emrin Dolce & Gabana. Janë pikërisht stilistët Domeniko Dolçe dhe Stefano Gabana miqtë që kanë shoqëruar bashkëshortët më të famshëm të Hollivudit gjatë një ditë në plazh. Ata janë parë në bregdetin e Portofinos duke biseduar me njëri tjetrin përgjatë gjithë ditës.

Lily Allen ribashkohet me të dashurin
“Pas shiut, gjithnjë lind dielli”. Kjo është një shprehje e cila ka zënë vend edhe në rastin e këngëtares problematike Lily Allen. Para pak kohësh ajo pësoi dy disfata në të njëjtën kohë, dhe si rrjedhim edhe jeta e saj mori një tjetër ritëm. Në të njëjtën kohë ajo humbi fëmijën e saj të parë, si dhe babain e po këtij fëmije, i cili ishte i dashuri i saj i zemrës. Por, humbjen me sa duket nuk e ka ndier për një kohë të gjatë sepse kohët e fundit rrjedha e jetës po merr një tjetër drejtim si shkak i disa ndryshimeve. Këngëtarja britanike pop, Lily Allen, sipas shumë thashethemeve dhe burimeve të afërta është ribashkuar me ish-të dashurin e saj, Ed Simons. 23-vjeçarja ishte ndarë me anëtarin e grupit “Chemical Brothers” në fillim të vitit, vetëm disa javë pasi ata kishin abortuar foshnjën e tyre. Megjithatë, këngëtarja e hiteve, siç mund të jetë kënga “Smile”, dhe Simons kohëve të fundit janë parë shpesh së bashku nëpër darka, ndërsa ata janë paraqitur së bashku edhe në festivalin “Glastonbury”. “Ed ka qenë aty kur Lily ka pasur nevojë për të dhe kjo i ka ribashkuar ata. Për këtë arsye ata kanë vendosur që t’i japin edhe një mundësi njëri-tjetrit”, - ka thënë një burim. Me pak fjalë, në jetë mund të pësojmë shumë humbje dhe beteja të dështuara, por e rëndësishme është të fitojmë luftën.